𑀫𑀸𑀢𑀺𑀓𑀸

𑁧. 𑀢𑀺𑀓𑀫𑀸𑀢𑀺𑀓𑀸

𑁧. (𑀓) 𑀓𑀼𑀲𑀮𑀸 𑀥𑀫𑁆𑀫𑀸.

(𑀔) 𑀅𑀓𑀼𑀲𑀮𑀸 𑀥𑀫𑁆𑀫𑀸.

(𑀕) 𑀅𑀩𑁆𑀬𑀸𑀓𑀢𑀸 𑀥𑀫𑁆𑀫𑀸.

𑁨. (𑀓) 𑀲𑀼𑀔𑀸𑀬 𑀯𑁂𑀤𑀦𑀸𑀬 𑀲𑀫𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸.

(𑀔) 𑀤𑀼𑀓𑁆𑀔𑀸𑀬 𑀯𑁂𑀤𑀦𑀸𑀬 𑀲𑀫𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸.

(𑀕) 𑀅𑀤𑀼𑀓𑁆𑀔𑀫𑀲𑀼𑀔𑀸𑀬 𑀯𑁂𑀤𑀦𑀸𑀬 𑀲𑀫𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸.

𑁩. (𑀓) 𑀯𑀺𑀧𑀸𑀓𑀸 𑀥𑀫𑁆𑀫𑀸.

(𑀔) 𑀯𑀺𑀧𑀸𑀓𑀥𑀫𑁆𑀫𑀥𑀫𑁆𑀫𑀸.

(𑀕) 𑀦𑁂𑀯𑀯𑀺𑀧𑀸𑀓𑀦𑀯𑀺𑀧𑀸𑀓𑀥𑀫𑁆𑀫𑀥𑀫𑁆𑀫𑀸.

𑁪. (𑀓) 𑀉𑀧𑀸𑀤𑀺𑀡𑁆𑀡𑀼𑀧𑀸𑀤𑀸𑀦𑀺𑀬𑀸 [𑀉𑀧𑀸𑀤𑀺𑀦𑁆𑀦𑀼𑀧𑀸𑀤𑀸𑀦𑀺𑀬𑀸 (𑀲𑁆𑀬𑀸.)] 𑀥𑀫𑁆𑀫𑀸.

(𑀔) 𑀅𑀦𑀼𑀧𑀸𑀤𑀺𑀡𑁆𑀡𑀼𑀧𑀸𑀤𑀸𑀦𑀺𑀬𑀸 𑀥𑀫𑁆𑀫𑀸.

(𑀕) 𑀅𑀦𑀼𑀧𑀸𑀤𑀺𑀡𑁆𑀡𑀅𑀦𑀼𑀧𑀸𑀤𑀸𑀦𑀺𑀬𑀸 [𑀅𑀦𑀼𑀧𑀸𑀤𑀺𑀦𑁆𑀦𑀸𑀦𑀼𑀧𑀸𑀤𑀸𑀦𑀺𑀬𑀸 (𑀲𑁆𑀬𑀸.)] 𑀥𑀫𑁆𑀫𑀸.

𑁫. (𑀓) 𑀲𑀁𑀓𑀺𑀮𑀺𑀝𑁆𑀞𑀲𑀁𑀓𑀺𑀮𑁂𑀲𑀺𑀓𑀸 𑀥𑀫𑁆𑀫𑀸.

(𑀔) 𑀅𑀲𑀁𑀓𑀺𑀮𑀺𑀝𑁆𑀞𑀲𑀁𑀓𑀺𑀮𑁂𑀲𑀺𑀓𑀸 𑀥𑀫𑁆𑀫𑀸.

(𑀕) 𑀅𑀲𑀁𑀓𑀺𑀮𑀺𑀝𑁆𑀞𑀅𑀲𑀁𑀓𑀺𑀮𑁂𑀲𑀺𑀓𑀸 [𑀅𑀲𑀁𑀓𑀺𑀮𑀺𑀝𑁆𑀞𑀸𑀲𑀁𑀓𑀺𑀮𑁂𑀲𑀺𑀓𑀸 (𑀲𑁆𑀬𑀸.)] 𑀥𑀫𑁆𑀫𑀸.

𑁬. (𑀓) 𑀲𑀯𑀺𑀢𑀓𑁆𑀓𑀲𑀯𑀺𑀘𑀸𑀭𑀸 𑀥𑀫𑁆𑀫𑀸.

(𑀔) 𑀅𑀯𑀺𑀢𑀓𑁆𑀓𑀯𑀺𑀘𑀸𑀭𑀫𑀢𑁆𑀢𑀸 𑀥𑀫𑁆𑀫𑀸.

(𑀕) 𑀅𑀯𑀺𑀢𑀓𑁆𑀓𑀅𑀯𑀺𑀘𑀸𑀭𑀸 [𑀅𑀯𑀺𑀢𑀓𑁆𑀓𑀸𑀯𑀺𑀘𑀸𑀭𑀸 (𑀲𑁆𑀬𑀸.)] 𑀥𑀫𑁆𑀫𑀸.

𑁭. (𑀓) 𑀧𑀻𑀢𑀺𑀲𑀳𑀕𑀢𑀸 𑀥𑀫𑁆𑀫𑀸.

(𑀔) 𑀲𑀼𑀔𑀲𑀳𑀕𑀢𑀸 𑀥𑀫𑁆𑀫𑀸.

(𑀕) 𑀉𑀧𑁂𑀓𑁆𑀔𑀸𑀲𑀳𑀕𑀢𑀸 𑀥𑀫𑁆𑀫𑀸.

𑁮. (𑀓) 𑀤𑀲𑁆𑀲𑀦𑁂𑀦 𑀧𑀳𑀸𑀢𑀩𑁆𑀩𑀸 𑀥𑀫𑁆𑀫𑀸.

(𑀔) 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑀸 𑀥𑀫𑁆𑀫𑀸.

(𑀕) 𑀦𑁂𑀯 𑀤𑀲𑁆𑀲𑀦𑁂𑀦 𑀦 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑀸 𑀥𑀫𑁆𑀫𑀸.

𑁯. (𑀓) 𑀤𑀲𑁆𑀲𑀦𑁂𑀦 𑀧𑀳𑀸𑀢𑀩𑁆𑀩𑀳𑁂𑀢𑀼𑀓𑀸 𑀥𑀫𑁆𑀫𑀸.

(𑀔) 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑀳𑁂𑀢𑀼𑀓𑀸 𑀥𑀫𑁆𑀫𑀸.

(𑀕) 𑀦𑁂𑀯 𑀤𑀲𑁆𑀲𑀦𑁂𑀦 𑀦 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑀳𑁂𑀢𑀼𑀓𑀸 𑀥𑀫𑁆𑀫𑀸.

𑁧𑁦. (𑀓) 𑀆𑀘𑀬𑀕𑀸𑀫𑀺𑀦𑁄 𑀥𑀫𑁆𑀫𑀸.

(𑀔) 𑀅𑀧𑀘𑀬𑀕𑀸𑀫𑀺𑀦𑁄 𑀥𑀫𑁆𑀫𑀸.

(𑀕) 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀦𑁄 [𑀦𑁂𑀯𑀸𑀘𑀬𑀕𑀸𑀫𑀺𑀦𑁄 𑀦𑀸𑀧𑀘𑀬𑀕𑀸𑀫𑀺𑀦𑁄 (𑀲𑁆𑀬𑀸.)] 𑀥𑀫𑁆𑀫𑀸.

𑁧𑁧. (𑀓) 𑀲𑁂𑀓𑁆𑀔𑀸 𑀥𑀫𑁆𑀫𑀸.

(𑀔) 𑀅𑀲𑁂𑀓𑁆𑀔𑀸 𑀥𑀫𑁆𑀫𑀸.

(𑀕) 𑀦𑁂𑀯𑀲𑁂𑀓𑁆𑀔𑀦𑀸𑀲𑁂𑀓𑁆𑀔𑀸 [𑀦𑁂𑀯𑀲𑁂𑀓𑁆𑀔𑀸𑀦𑀸𑀲𑁂𑀓𑁆𑀔𑀸 (𑀲𑀻. 𑀲𑁆𑀬𑀸.)] 𑀥𑀫𑁆𑀫𑀸.

𑁧𑁨. (𑀓) 𑀧𑀭𑀺𑀢𑁆𑀢𑀸 𑀥𑀫𑁆𑀫𑀸.

(𑀔) 𑀫𑀳𑀕𑁆𑀕𑀢𑀸 𑀥𑀫𑁆𑀫𑀸.

(𑀕) 𑀅𑀧𑁆𑀧𑀫𑀸𑀡𑀸 𑀥𑀫𑁆𑀫𑀸.

𑁧𑁩. (𑀓) 𑀧𑀭𑀺𑀢𑁆𑀢𑀸𑀭𑀫𑁆𑀫𑀡𑀸 𑀥𑀫𑁆𑀫𑀸.

(𑀔) 𑀫𑀳𑀕𑁆𑀕𑀢𑀸𑀭𑀫𑁆𑀫𑀡𑀸 𑀥𑀫𑁆𑀫𑀸.

(𑀕) 𑀅𑀧𑁆𑀧𑀫𑀸𑀡𑀸𑀭𑀫𑁆𑀫𑀡𑀸 𑀥𑀫𑁆𑀫𑀸.

𑁧𑁪. (𑀓) 𑀳𑀻𑀦𑀸 𑀥𑀫𑁆𑀫𑀸.

(𑀔) 𑀫𑀚𑁆𑀛𑀺𑀫𑀸 𑀥𑀫𑁆𑀫𑀸.

(𑀕) 𑀧𑀡𑀻𑀢𑀸 𑀥𑀫𑁆𑀫𑀸.

𑁧𑁫. (𑀓) 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀸 𑀥𑀫𑁆𑀫𑀸.

(𑀔) 𑀲𑀫𑁆𑀫𑀢𑁆𑀢𑀦𑀺𑀬𑀢𑀸 𑀥𑀫𑁆𑀫𑀸.

(𑀕) 𑀅𑀦𑀺𑀬𑀢𑀸 𑀥𑀫𑁆𑀫𑀸.

𑁧𑁬. (𑀓) 𑀫𑀕𑁆𑀕𑀸𑀭𑀫𑁆𑀫𑀡𑀸 𑀥𑀫𑁆𑀫𑀸.

(𑀔) 𑀫𑀕𑁆𑀕𑀳𑁂𑀢𑀼𑀓𑀸 𑀥𑀫𑁆𑀫𑀸.

(𑀕) 𑀫𑀕𑁆𑀕𑀸𑀥𑀺𑀧𑀢𑀺𑀦𑁄 𑀥𑀫𑁆𑀫𑀸.

𑁧𑁭. (𑀓) 𑀉𑀧𑁆𑀧𑀦𑁆𑀦𑀸 𑀥𑀫𑁆𑀫𑀸.

(𑀔) 𑀅𑀦𑀼𑀧𑁆𑀧𑀦𑁆𑀦𑀸 𑀥𑀫𑁆𑀫𑀸.

(𑀕) 𑀉𑀧𑁆𑀧𑀸𑀤𑀺𑀦𑁄 𑀥𑀫𑁆𑀫𑀸.

𑁧𑁮. (𑀓) 𑀅𑀢𑀻𑀢𑀸 𑀥𑀫𑁆𑀫𑀸.

(𑀔) 𑀅𑀦𑀸𑀕𑀢𑀸 𑀥𑀫𑁆𑀫𑀸.

(𑀕) 𑀧𑀘𑁆𑀘𑀼𑀧𑁆𑀧𑀦𑁆𑀦𑀸 𑀥𑀫𑁆𑀫𑀸.

𑁧𑁯. (𑀓) 𑀅𑀢𑀻𑀢𑀸𑀭𑀫𑁆𑀫𑀡𑀸 𑀥𑀫𑁆𑀫𑀸.

(𑀔) 𑀅𑀦𑀸𑀕𑀢𑀸𑀭𑀫𑁆𑀫𑀡𑀸 𑀥𑀫𑁆𑀫𑀸.

(𑀕) 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀭𑀫𑁆𑀫𑀡𑀸 𑀥𑀫𑁆𑀫𑀸.

𑁨𑁦. (𑀓) 𑀅𑀚𑁆𑀛𑀢𑁆𑀢𑀸 𑀥𑀫𑁆𑀫𑀸.

(𑀔) 𑀩𑀳𑀺𑀤𑁆𑀥𑀸 𑀥𑀫𑁆𑀫𑀸.

(𑀕) 𑀅𑀚𑁆𑀛𑀢𑁆𑀢𑀩𑀳𑀺𑀤𑁆𑀥𑀸 𑀥𑀫𑁆𑀫𑀸.

𑁨𑁧. (𑀓) 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀸 𑀥𑀫𑁆𑀫𑀸.

(𑀔) 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀸 𑀥𑀫𑁆𑀫𑀸.

(𑀕) 𑀅𑀚𑁆𑀛𑀢𑁆𑀢𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀸 𑀥𑀫𑁆𑀫𑀸.

𑁨𑁨. (𑀓) 𑀲𑀦𑀺𑀤𑀲𑁆𑀲𑀦𑀲𑀧𑁆𑀧𑀝𑀺𑀖𑀸 𑀥𑀫𑁆𑀫𑀸.

(𑀔) 𑀅𑀦𑀺𑀤𑀲𑁆𑀲𑀦𑀲𑀧𑁆𑀧𑀝𑀺𑀖𑀸 𑀥𑀫𑁆𑀫𑀸.

(𑀕) 𑀅𑀦𑀺𑀤𑀲𑁆𑀲𑀦𑀅𑀧𑁆𑀧𑀝𑀺𑀖𑀸 [𑀅𑀦𑀺𑀤𑀲𑁆𑀲𑀦𑀸𑀧𑁆𑀧𑀝𑀺𑀖𑀸 (𑀲𑁆𑀬𑀸.)] 𑀥𑀫𑁆𑀫𑀸.

𑀢𑀺𑀓𑀫𑀸𑀢𑀺𑀓𑀸.

𑁨. 𑀤𑀼𑀓𑀫𑀸𑀢𑀺𑀓𑀸

𑀳𑁂𑀢𑀼𑀕𑁄𑀘𑁆𑀙𑀓𑀁

𑁧. (𑀓) 𑀳𑁂𑀢𑀽 𑀥𑀫𑁆𑀫𑀸.

(𑀔) 𑀦 𑀳𑁂𑀢𑀽 𑀥𑀫𑁆𑀫𑀸.

𑁨. (𑀓) 𑀲𑀳𑁂𑀢𑀼𑀓𑀸 𑀥𑀫𑁆𑀫𑀸.

(𑀔) 𑀅𑀳𑁂𑀢𑀼𑀓𑀸 𑀥𑀫𑁆𑀫𑀸.

𑁩. (𑀓) 𑀳𑁂𑀢𑀼𑀲𑀫𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸.

(𑀔) 𑀳𑁂𑀢𑀼𑀯𑀺𑀧𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸.

𑁪. (𑀓) 𑀳𑁂𑀢𑀽 𑀘𑁂𑀯 𑀥𑀫𑁆𑀫𑀸 𑀲𑀳𑁂𑀢𑀼𑀓𑀸 𑀘.

(𑀔) 𑀲𑀳𑁂𑀢𑀼𑀓𑀸 𑀘𑁂𑀯 𑀥𑀫𑁆𑀫𑀸 𑀦 𑀘 𑀳𑁂𑀢𑀽.

𑁫. (𑀓) 𑀳𑁂𑀢𑀽 𑀘𑁂𑀯 𑀥𑀫𑁆𑀫𑀸 𑀳𑁂𑀢𑀼𑀲𑀫𑁆𑀧𑀬𑀼𑀢𑁆𑀢𑀸 𑀘.

(𑀔) 𑀳𑁂𑀢𑀼𑀲𑀫𑁆𑀧𑀬𑀼𑀢𑁆𑀢𑀸 𑀘𑁂𑀯 𑀥𑀫𑁆𑀫𑀸 𑀦 𑀘 𑀳𑁂𑀢𑀽.

𑁬. (𑀓) 𑀦 𑀳𑁂𑀢𑀽 𑀔𑁄 𑀧𑀦 𑀥𑀫𑁆𑀫𑀸 𑀲𑀳𑁂𑀢𑀼𑀓𑀸𑀧𑀺.

(𑀔) 𑀅𑀳𑁂𑀢𑀼𑀓𑀸𑀧𑀺.

𑀳𑁂𑀢𑀼𑀕𑁄𑀘𑁆𑀙𑀓𑀁.

𑀘𑀽𑀴𑀦𑁆𑀢𑀭𑀤𑀼𑀓𑀁

𑁭. (𑀓) 𑀲𑀧𑁆𑀧𑀘𑁆𑀘𑀬𑀸 𑀥𑀫𑁆𑀫𑀸.

(𑀔) 𑀅𑀧𑁆𑀧𑀘𑁆𑀘𑀬𑀸 𑀥𑀫𑁆𑀫𑀸.

𑁮. (𑀓) 𑀲𑀗𑁆𑀔𑀢𑀸 𑀥𑀫𑁆𑀫𑀸.

(𑀔) 𑀅𑀲𑀗𑁆𑀔𑀢𑀸 𑀥𑀫𑁆𑀫𑀸.

𑁯. (𑀓) 𑀲𑀦𑀺𑀤𑀲𑁆𑀲𑀦𑀸 𑀥𑀫𑁆𑀫𑀸.

(𑀔) 𑀅𑀦𑀺𑀤𑀲𑁆𑀲𑀦𑀸 𑀥𑀫𑁆𑀫𑀸.

𑁧𑁦. (𑀓) 𑀲𑀧𑁆𑀧𑀝𑀺𑀖𑀸 𑀥𑀫𑁆𑀫𑀸.

(𑀔) 𑀅𑀧𑁆𑀧𑀝𑀺𑀖𑀸 𑀥𑀫𑁆𑀫𑀸.

𑁧𑁧. (𑀓) 𑀭𑀽𑀧𑀺𑀦𑁄 𑀥𑀫𑁆𑀫𑀸.

(𑀔) 𑀅𑀭𑀽𑀧𑀺𑀦𑁄 𑀥𑀫𑁆𑀫𑀸.

𑁧𑁨. (𑀓) 𑀮𑁄𑀓𑀺𑀬𑀸 𑀥𑀫𑁆𑀫𑀸.

(𑀔) 𑀮𑁄𑀓𑀼𑀢𑁆𑀢𑀭𑀸 𑀥𑀫𑁆𑀫𑀸.

𑁧𑁩. (𑀓) 𑀓𑁂𑀦𑀘𑀺 𑀯𑀺𑀜𑁆𑀜𑁂𑀬𑁆𑀬𑀸 𑀥𑀫𑁆𑀫𑀸.

(𑀔) 𑀓𑁂𑀦𑀘𑀺 𑀦 𑀯𑀺𑀜𑁆𑀜𑁂𑀬𑁆𑀬𑀸 𑀥𑀫𑁆𑀫𑀸.

𑀘𑀽𑀴𑀦𑁆𑀢𑀭𑀤𑀼𑀓𑀁.

𑀆𑀲𑀯𑀕𑁄𑀘𑁆𑀙𑀓𑀁

𑁧𑁪. (𑀓) 𑀆𑀲𑀯𑀸 𑀥𑀫𑁆𑀫𑀸.

(𑀔) 𑀦𑁄 𑀆𑀲𑀯𑀸 𑀥𑀫𑁆𑀫𑀸.

𑁧𑁫. (𑀓) 𑀲𑀸𑀲𑀯𑀸 𑀥𑀫𑁆𑀫𑀸.

(𑀔) 𑀅𑀦𑀸𑀲𑀯𑀸 𑀥𑀫𑁆𑀫𑀸.

𑁧𑁬. (𑀓) 𑀆𑀲𑀯𑀲𑀫𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸.

(𑀔) 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸.

𑁧𑁭. (𑀓) 𑀆𑀲𑀯𑀸 𑀘𑁂𑀯 𑀥𑀫𑁆𑀫𑀸 𑀲𑀸𑀲𑀯𑀸 𑀘.

(𑀔) 𑀲𑀸𑀲𑀯𑀸 𑀘𑁂𑀯 𑀥𑀫𑁆𑀫𑀸 𑀦𑁄 𑀘 𑀆𑀲𑀯𑀸.

𑁧𑁮. (𑀓) 𑀆𑀲𑀯𑀸 𑀘𑁂𑀯 𑀥𑀫𑁆𑀫𑀸 𑀆𑀲𑀯𑀲𑀫𑁆𑀧𑀬𑀼𑀢𑁆𑀢𑀸 𑀘.

(𑀔) 𑀆𑀲𑀯𑀲𑀫𑁆𑀧𑀬𑀼𑀢𑁆𑀢𑀸 𑀘𑁂𑀯 𑀥𑀫𑁆𑀫𑀸 𑀦𑁄 𑀘 𑀆𑀲𑀯𑀸.

𑁧𑁯. (𑀓) 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑀸 𑀔𑁄 𑀧𑀦 𑀥𑀫𑁆𑀫𑀸 𑀲𑀸𑀲𑀯𑀸𑀧𑀺.

(𑀔) 𑀅𑀦𑀸𑀲𑀯𑀸𑀧𑀺.

𑀆𑀲𑀯𑀕𑁄𑀘𑁆𑀙𑀓𑀁.

𑀲𑀁𑀬𑁄𑀚𑀦𑀕𑁄𑀘𑁆𑀙𑀓𑀁

𑁨𑁦. (𑀓) 𑀲𑀁𑀬𑁄𑀚𑀦𑀸 𑀥𑀫𑁆𑀫𑀸.

(𑀔) 𑀦𑁄 𑀲𑀁𑀬𑁄𑀚𑀦𑀸 𑀥𑀫𑁆𑀫𑀸.

𑁨𑁧. (𑀓) 𑀲𑀁𑀬𑁄𑀚𑀦𑀺𑀬𑀸 𑀥𑀫𑁆𑀫𑀸.

(𑀔) 𑀅𑀲𑀁𑀬𑁄𑀚𑀦𑀺𑀬𑀸 𑀥𑀫𑁆𑀫𑀸.

𑁨𑁨. (𑀓) 𑀲𑀁𑀬𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸.

(𑀔) 𑀲𑀁𑀬𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸.

𑁨𑁩. (𑀓) 𑀲𑀁𑀬𑁄𑀚𑀦𑀸 𑀘𑁂𑀯 𑀥𑀫𑁆𑀫𑀸 𑀲𑀁𑀬𑁄𑀚𑀦𑀺𑀬𑀸 𑀘.

(𑀔) 𑀲𑀁𑀬𑁄𑀚𑀦𑀺𑀬𑀸 𑀘𑁂𑀯 𑀥𑀫𑁆𑀫𑀸 𑀦𑁄 𑀘 𑀲𑀁𑀬𑁄𑀚𑀦𑀸.

𑁨𑁪. (𑀓) 𑀲𑀁𑀬𑁄𑀚𑀦𑀸 𑀘𑁂𑀯 𑀥𑀫𑁆𑀫𑀸 𑀲𑀁𑀬𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑀸 𑀘.

(𑀔) 𑀲𑀁𑀬𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑀸 𑀘𑁂𑀯 𑀥𑀫𑁆𑀫𑀸 𑀦𑁄 𑀘 𑀲𑀁𑀬𑁄𑀚𑀦𑀸.

𑁨𑁫. (𑀓) 𑀲𑀁𑀬𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑀸 𑀔𑁄 𑀧𑀦 𑀥𑀫𑁆𑀫𑀸 𑀲𑀁𑀬𑁄𑀚𑀦𑀺𑀬𑀸𑀧𑀺.

(𑀔) 𑀅𑀲𑀁𑀬𑁄𑀚𑀦𑀺𑀬𑀸𑀧𑀺.

𑀲𑀁𑀬𑁄𑀚𑀦𑀕𑁄𑀘𑁆𑀙𑀓𑀁.

𑀕𑀦𑁆𑀣𑀕𑁄𑀘𑁆𑀙𑀓𑀁

𑁨𑁬. (𑀓) 𑀕𑀦𑁆𑀣𑀸 𑀥𑀫𑁆𑀫𑀸.

(𑀔) 𑀦𑁄 𑀕𑀦𑁆𑀣𑀸 𑀥𑀫𑁆𑀫𑀸.

𑁨𑁭. (𑀓) 𑀕𑀦𑁆𑀣𑀦𑀺𑀬𑀸 𑀥𑀫𑁆𑀫𑀸.

(𑀔) 𑀅𑀕𑀦𑁆𑀣𑀦𑀺𑀬𑀸 𑀥𑀫𑁆𑀫𑀸.

𑁨𑁮. (𑀓) 𑀕𑀦𑁆𑀣𑀲𑀫𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸.

(𑀔) 𑀕𑀦𑁆𑀣𑀯𑀺𑀧𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸.

𑁨𑁯. (𑀓) 𑀕𑀦𑁆𑀣𑀸 𑀘𑁂𑀯 𑀥𑀫𑁆𑀫𑀸 𑀕𑀦𑁆𑀣𑀦𑀺𑀬𑀸 𑀘.

(𑀔) 𑀕𑀦𑁆𑀣𑀦𑀺𑀬𑀸 𑀘𑁂𑀯 𑀥𑀫𑁆𑀫𑀸 𑀦𑁄 𑀘 𑀕𑀦𑁆𑀣𑀸.

𑁩𑁦. (𑀓) 𑀕𑀦𑁆𑀣𑀸 𑀘𑁂𑀯 𑀥𑀫𑁆𑀫𑀸 𑀕𑀦𑁆𑀣𑀲𑀫𑁆𑀧𑀬𑀼𑀢𑁆𑀢𑀸 𑀘.

(𑀔) 𑀕𑀦𑁆𑀣𑀲𑀫𑁆𑀧𑀬𑀼𑀢𑁆𑀢𑀸 𑀘𑁂𑀯 𑀥𑀫𑁆𑀫𑀸 𑀦𑁄 𑀘 𑀕𑀦𑁆𑀣𑀸.

𑁩𑁧. (𑀓) 𑀕𑀦𑁆𑀣𑀯𑀺𑀧𑁆𑀧𑀬𑀼𑀢𑁆𑀢𑀸 𑀔𑁄 𑀧𑀦 𑀥𑀫𑁆𑀫𑀸 𑀕𑀦𑁆𑀣𑀦𑀺𑀬𑀸𑀧𑀺.

(𑀔) 𑀅𑀕𑀦𑁆𑀣𑀦𑀺𑀬𑀸𑀧𑀺.

𑀕𑀦𑁆𑀣𑀕𑁄𑀘𑁆𑀙𑀓𑀁.

𑀑𑀖𑀕𑁄𑀘𑁆𑀙𑀓𑀁

𑁩𑁨. (𑀓) 𑀑𑀖𑀸 𑀥𑀫𑁆𑀫𑀸.

(𑀔) 𑀦𑁄 𑀑𑀖𑀸 𑀥𑀫𑁆𑀫𑀸.

𑁩𑁩. (𑀓) 𑀑𑀖𑀦𑀺𑀬𑀸 𑀥𑀫𑁆𑀫𑀸.

(𑀔) 𑀅𑀦𑁄𑀖𑀦𑀺𑀬𑀸 𑀥𑀫𑁆𑀫𑀸.

𑁩𑁪. (𑀓) 𑀑𑀖𑀲𑀫𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸.

(𑀔) 𑀑𑀖𑀯𑀺𑀧𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸.

𑁩𑁫. (𑀓) 𑀑𑀖𑀸 𑀘𑁂𑀯 𑀥𑀫𑁆𑀫𑀸 𑀑𑀖𑀦𑀺𑀬𑀸 𑀘.