𑁧. 𑀢𑀺𑀓𑀁

𑁩𑁬𑁯. 𑀓𑀼𑀲𑀮𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸… 𑀅𑀓𑀼𑀲𑀮𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸, 𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸… 𑀢𑁂 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀯𑀺𑀧𑁆𑀧𑀬𑀼𑀢𑁆𑀢𑀸; 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀓𑁂𑀳𑀺𑀘𑀺 𑀯𑀺𑀧𑁆𑀧𑀬𑀼𑀢𑁆𑀢𑀸.

𑁩𑁭𑁦. 𑀲𑀼𑀔𑀸𑀬 𑀯𑁂𑀤𑀦𑀸𑀬 𑀲𑀫𑁆𑀧𑀬𑀼𑀢𑁆𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸… 𑀤𑀼𑀓𑁆𑀔𑀸𑀬 𑀯𑁂𑀤𑀦𑀸𑀬 𑀲𑀫𑁆𑀧𑀬𑀼𑀢𑁆𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸, 𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸… 𑀢𑁂 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀧𑀦𑁆𑀦𑀭𑀲𑀳𑀺 𑀥𑀸𑀢𑀽𑀳𑀺 𑀯𑀺𑀧𑁆𑀧𑀬𑀼𑀢𑁆𑀢𑀸; 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀓𑁂𑀳𑀺𑀘𑀺 𑀯𑀺𑀧𑁆𑀧𑀬𑀼𑀢𑁆𑀢𑀸.

𑁩𑁭𑁧. 𑀅𑀤𑀼𑀓𑁆𑀔𑀫𑀲𑀼𑀔𑀸𑀬 𑀯𑁂𑀤𑀦𑀸𑀬 𑀲𑀫𑁆𑀧𑀬𑀼𑀢𑁆𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸, 𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸… 𑀢𑁂 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀏𑀓𑀸𑀤𑀲𑀳𑀺 𑀥𑀸𑀢𑀽𑀳𑀺 𑀯𑀺𑀧𑁆𑀧𑀬𑀼𑀢𑁆𑀢𑀸; 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀓𑁂𑀳𑀺𑀘𑀺 𑀯𑀺𑀧𑁆𑀧𑀬𑀼𑀢𑁆𑀢𑀸.

𑁩𑁭𑁨. 𑀯𑀺𑀧𑀸𑀓𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸, 𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸… 𑀢𑁂 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀤𑀲𑀳𑀺 𑀥𑀸𑀢𑀽𑀳𑀺 𑀯𑀺𑀧𑁆𑀧𑀬𑀼𑀢𑁆𑀢𑀸; 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀓𑁂𑀳𑀺𑀘𑀺 𑀯𑀺𑀧𑁆𑀧𑀬𑀼𑀢𑁆𑀢𑀸.

𑁩𑁭𑁩. 𑀯𑀺𑀧𑀸𑀓𑀥𑀫𑁆𑀫𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸… 𑀲𑀁𑀓𑀺𑀮𑀺𑀝𑁆𑀞𑀲𑀁𑀓𑀺𑀮𑁂𑀲𑀺𑀓𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸, 𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸… 𑀢𑁂 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀯𑀺𑀧𑁆𑀧𑀬𑀼𑀢𑁆𑀢𑀸; 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀓𑁂𑀳𑀺𑀘𑀺 𑀯𑀺𑀧𑁆𑀧𑀬𑀼𑀢𑁆𑀢𑀸.

𑁩𑁭𑁪. 𑀦𑁂𑀯𑀯𑀺𑀧𑀸𑀓𑀦𑀯𑀺𑀧𑀸𑀓𑀥𑀫𑁆𑀫𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸… 𑀅𑀦𑀼𑀧𑀸𑀤𑀺𑀦𑁆𑀦𑀼𑀧𑀸𑀤𑀸𑀦𑀺𑀬𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸, 𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸… 𑀢𑁂 𑀥𑀫𑁆𑀫𑀸 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀧𑀜𑁆𑀘𑀳𑀺 𑀥𑀸𑀢𑀽𑀳𑀺 𑀯𑀺𑀧𑁆𑀧𑀬𑀼𑀢𑁆𑀢𑀸.

𑁩𑁭𑁫. 𑀅𑀦𑀼𑀧𑀸𑀤𑀺𑀦𑁆𑀦𑀅𑀦𑀼𑀧𑀸𑀤𑀸𑀦𑀺𑀬𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸… 𑀅𑀲𑀁𑀓𑀺𑀮𑀺𑀝𑁆𑀞𑀅𑀲𑀁𑀓𑀺𑀮𑁂𑀲𑀺𑀓𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸, 𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸… 𑀢𑁂 𑀥𑀫𑁆𑀫𑀸 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀙𑀳𑀺 𑀥𑀸𑀢𑀽𑀳𑀺 𑀯𑀺𑀧𑁆𑀧𑀬𑀼𑀢𑁆𑀢𑀸.

𑁩𑁭𑁬. 𑀲𑀯𑀺𑀢𑀓𑁆𑀓𑀲𑀯𑀺𑀘𑀸𑀭𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸, 𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸… 𑀢𑁂 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀧𑀦𑁆𑀦𑀭𑀲𑀳𑀺 𑀥𑀸𑀢𑀽𑀳𑀺 𑀯𑀺𑀧𑁆𑀧𑀬𑀼𑀢𑁆𑀢𑀸; 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀓𑁂𑀳𑀺𑀘𑀺 𑀯𑀺𑀧𑁆𑀧𑀬𑀼𑀢𑁆𑀢𑀸.

𑁩𑁭𑁭. 𑀅𑀯𑀺𑀢𑀓𑁆𑀓𑀯𑀺𑀘𑀸𑀭𑀫𑀢𑁆𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸… 𑀧𑀻𑀢𑀺𑀲𑀳𑀕𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸, 𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸… 𑀢𑁂 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀯𑀺𑀧𑁆𑀧𑀬𑀼𑀢𑁆𑀢𑀸; 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀓𑁂𑀳𑀺𑀘𑀺 𑀯𑀺𑀧𑁆𑀧𑀬𑀼𑀢𑁆𑀢𑀸.

𑁩𑁭𑁮. 𑀅𑀯𑀺𑀢𑀓𑁆𑀓𑀅𑀯𑀺𑀘𑀸𑀭𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸, 𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸… 𑀢𑁂 𑀥𑀫𑁆𑀫𑀸 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀏𑀓𑀸𑀬 𑀥𑀸𑀢𑀼𑀬𑀸 𑀯𑀺𑀧𑁆𑀧𑀬𑀼𑀢𑁆𑀢𑀸.

𑁩𑁭𑁯. 𑀲𑀼𑀔𑀲𑀳𑀕𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸, 𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸… 𑀢𑁂 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀧𑀦𑁆𑀦𑀭𑀲𑀳𑀺 𑀥𑀸𑀢𑀽𑀳𑀺 𑀯𑀺𑀧𑁆𑀧𑀬𑀼𑀢𑁆𑀢𑀸; 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀓𑁂𑀳𑀺𑀘𑀺 𑀯𑀺𑀧𑁆𑀧𑀬𑀼𑀢𑁆𑀢𑀸.

𑁩𑁮𑁦. 𑀉𑀧𑁂𑀓𑁆𑀔𑀸𑀲𑀳𑀕𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸, 𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸… 𑀢𑁂 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀏𑀓𑀸𑀤𑀲𑀳𑀺 𑀥𑀸𑀢𑀽𑀳𑀺 𑀯𑀺𑀧𑁆𑀧𑀬𑀼𑀢𑁆𑀢𑀸; 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀓𑁂𑀳𑀺𑀘𑀺 𑀯𑀺𑀧𑁆𑀧𑀬𑀼𑀢𑁆𑀢𑀸.

𑁩𑁮𑁧. 𑀤𑀲𑁆𑀲𑀦𑁂𑀦 𑀧𑀳𑀸𑀢𑀩𑁆𑀩𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸… 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸… 𑀤𑀲𑁆𑀲𑀦𑁂𑀦 𑀧𑀳𑀸𑀢𑀩𑁆𑀩𑀳𑁂𑀢𑀼𑀓𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸… 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑀳𑁂𑀢𑀼𑀓𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸… 𑀆𑀘𑀬𑀕𑀸𑀫𑀻𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸… 𑀅𑀧𑀘𑀬𑀕𑀸𑀫𑀻𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸… 𑀲𑁂𑀓𑁆𑀔𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸… 𑀅𑀲𑁂𑀓𑁆𑀔𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸… 𑀫𑀳𑀕𑁆𑀕𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸, 𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸… 𑀢𑁂 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀯𑀺𑀧𑁆𑀧𑀬𑀼𑀢𑁆𑀢𑀸; 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀓𑁂𑀳𑀺𑀘𑀺 𑀯𑀺𑀧𑁆𑀧𑀬𑀼𑀢𑁆𑀢𑀸.

𑁩𑁮𑁨. 𑀅𑀧𑁆𑀧𑀫𑀸𑀡𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸… 𑀧𑀡𑀻𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸, 𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸… 𑀢𑁂 𑀥𑀫𑁆𑀫𑀸 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀙𑀳𑀺 𑀥𑀸𑀢𑀽𑀳𑀺 𑀯𑀺𑀧𑁆𑀧𑀬𑀼𑀢𑁆𑀢𑀸.

𑁩𑁮𑁩. 𑀧𑀭𑀺𑀢𑁆𑀢𑀸𑀭𑀫𑁆𑀫𑀡𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸, 𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸… 𑀢𑁂 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀤𑀲𑀳𑀺 𑀥𑀸𑀢𑀽𑀳𑀺 𑀯𑀺𑀧𑁆𑀧𑀬𑀼𑀢𑁆𑀢𑀸; 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀓𑁂𑀳𑀺𑀘𑀺 𑀯𑀺𑀧𑁆𑀧𑀬𑀼𑀢𑁆𑀢𑀸.

𑁩𑁮𑁪. 𑀫𑀳𑀕𑁆𑀕𑀢𑀸𑀭𑀫𑁆𑀫𑀡𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸… 𑀅𑀧𑁆𑀧𑀫𑀸𑀡𑀸𑀭𑀫𑁆𑀫𑀡𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸… 𑀳𑀻𑀦𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸… 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸… 𑀲𑀫𑁆𑀫𑀢𑁆𑀢𑀦𑀺𑀬𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸… 𑀫𑀕𑁆𑀕𑀸𑀭𑀫𑁆𑀫𑀡𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸… 𑀫𑀕𑁆𑀕𑀳𑁂𑀢𑀼𑀓𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸… 𑀫𑀕𑁆𑀕𑀸𑀥𑀺𑀧𑀢𑀻𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸, 𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸… 𑀢𑁂 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀯𑀺𑀧𑁆𑀧𑀬𑀼𑀢𑁆𑀢𑀸; 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀓𑁂𑀳𑀺𑀘𑀺 𑀯𑀺𑀧𑁆𑀧𑀬𑀼𑀢𑁆𑀢𑀸.

𑁩𑁮𑁫. 𑀅𑀦𑀼𑀧𑁆𑀧𑀦𑁆𑀦𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸, 𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸… 𑀢𑁂 𑀥𑀫𑁆𑀫𑀸 𑀦 𑀓𑁂𑀳𑀺𑀘𑀺 𑀔𑀦𑁆𑀥𑁂𑀳𑀺 𑀦 𑀓𑁂𑀳𑀺𑀘𑀺 𑀆𑀬𑀢𑀦𑁂𑀳𑀺 𑀧𑀜𑁆𑀘𑀳𑀺 𑀥𑀸𑀢𑀽𑀳𑀺 𑀯𑀺𑀧𑁆𑀧𑀬𑀼𑀢𑁆𑀢𑀸.

𑁩𑁮𑁬. 𑀅𑀢𑀻𑀢𑀸𑀭𑀫𑁆𑀫𑀡𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸… 𑀅𑀦𑀸𑀕𑀢𑀸𑀭𑀫𑁆𑀫𑀡𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸, 𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸… 𑀢𑁂 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀲𑁄𑀴𑀲𑀳𑀺 𑀥𑀸𑀢𑀽𑀳𑀺 𑀯𑀺𑀧𑁆𑀧𑀬𑀼𑀢𑁆𑀢𑀸; 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀓𑁂𑀳𑀺𑀘𑀺 𑀯𑀺𑀧𑁆𑀧𑀬𑀼𑀢𑁆𑀢𑀸.

𑁩𑁮𑁭. 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀭𑀫𑁆𑀫𑀡𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸… 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸… 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸… 𑀅𑀚𑁆𑀛𑀢𑁆𑀢𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸, 𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸… 𑀢𑁂 𑀥𑀫𑁆𑀫𑀸 𑀏𑀓𑁂𑀦 𑀔𑀦𑁆𑀥𑁂𑀦 𑀤𑀲𑀳𑀸𑀬𑀢𑀦𑁂𑀳𑀺 𑀤𑀲𑀳𑀺 𑀥𑀸𑀢𑀽𑀳𑀺 𑀯𑀺𑀧𑁆𑀧𑀬𑀼𑀢𑁆𑀢𑀸; 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀓𑁂𑀳𑀺𑀘𑀺 𑀯𑀺𑀧𑁆𑀧𑀬𑀼𑀢𑁆𑀢𑀸.

𑁩𑁮𑁮. 𑀲𑀦𑀺𑀤𑀲𑁆𑀲𑀦𑀲𑀧𑁆𑀧𑀝𑀺𑀖𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸… 𑀅𑀦𑀺𑀤𑀲𑁆𑀲𑀦𑀲𑀧𑁆𑀧𑀝𑀺𑀖𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸, 𑀢𑁂𑀳𑀺 𑀥𑀫𑁆𑀫𑁂𑀳𑀺 𑀬𑁂 𑀥𑀫𑁆𑀫𑀸 𑀯𑀺𑀧𑁆𑀧𑀬𑀼𑀢𑁆𑀢𑀸… 𑀢𑁂 𑀥𑀫𑁆𑀫𑀸 𑀘𑀢𑀽𑀳𑀺 𑀔𑀦𑁆𑀥𑁂𑀳𑀺 𑀏𑀓𑁂𑀦𑀸𑀬𑀢𑀦𑁂𑀦 𑀲𑀢𑁆𑀢𑀳𑀺 𑀥𑀸𑀢𑀽𑀳𑀺 𑀯𑀺𑀧𑁆𑀧𑀬𑀼𑀢𑁆𑀢𑀸; 𑀏𑀓𑁂𑀦𑀸𑀬𑀢𑀦𑁂𑀦 𑀏𑀓𑀸𑀬 𑀥𑀸𑀢𑀼𑀬𑀸 𑀓𑁂𑀳𑀺𑀘𑀺 𑀯𑀺𑀧𑁆𑀧𑀬𑀼𑀢𑁆𑀢𑀸.