𑁫. 𑀯𑀺𑀲𑀫𑀯𑀼𑀢𑁆𑀢𑀺𑀦𑀺𑀤𑁆𑀤𑁂𑀲-𑀧𑀜𑁆𑀘𑀫𑀧𑀭𑀺𑀘𑁆𑀙𑁂𑀤

𑁧𑁧𑁮. 𑀦’𑀝𑁆𑀞𑀓𑁆𑀔𑀭𑁂𑀲𑀼 𑀧𑀸𑀤𑁂𑀲𑀼, 𑀲𑁆𑀦𑀸’𑀤𑀺𑀫𑁆𑀳𑀸 𑀬𑁄’𑀡𑁆𑀡𑀯𑀸 𑀯𑀢𑁆𑀢𑀁.

𑁧𑁧𑁯. 𑀲𑀫𑁂𑀲𑀼 𑀲𑀺𑀦𑁆𑀥𑀼𑀢𑁄 𑀚𑁂𑀦, 𑀧𑀣𑁆𑀬𑀸𑀯𑀢𑁆𑀢𑀁 𑀧𑀓𑀺𑀢𑁆𑀢𑀺𑀢𑀁.

𑁧𑁨𑁦. 𑀑𑀚𑁂𑀲𑀼 𑀚𑁂𑀦 𑀲𑀺𑀦𑁆𑀥𑀼𑀢𑁄, 𑀢’𑀫𑁂𑀯 𑀯𑀻𑀧𑀭𑀻𑀢𑀸’𑀤𑀺.

𑁧𑁨𑁧. 𑀦,𑀓𑀸𑀭𑁄 𑀘𑁂 𑀚𑀮𑀥𑀺𑀢𑁄, 𑀘𑀧𑀮𑀸𑀯𑀢𑁆𑀢’𑀫𑀺𑀘𑁆𑀘𑁂’𑀢𑀁.

𑁧𑁨𑁨. 𑀲𑀫𑁂 𑀮𑁄 𑀲𑀢𑁆𑀢𑀫𑁄 𑀬𑀲𑁆𑀲𑀸, 𑀯𑀺𑀧𑀼𑀮𑀸 𑀧𑀺𑀗𑁆𑀕𑀮𑀲𑁆𑀲 𑀲𑀸.

𑁧𑁨𑁩. 𑀲𑁂𑀢𑀯𑀲𑁆𑀲𑀸’𑀔𑀺𑀮𑁂𑀲𑀼𑀧𑀺.

𑁧𑁨𑁪. 𑀪𑁂𑀦’𑀡𑁆𑀡𑀯𑀸 𑀪’𑀩𑁆𑀩𑀺𑀧𑀼𑀮𑀸.

𑁧𑁨𑁫. 𑀏𑀯’𑀫𑀜𑁆𑀜𑀸 𑀭𑁄 𑀘𑀢𑀼𑀢𑁆𑀣𑀸.

𑁧𑁨𑁬. 𑀦𑁄’𑀡𑁆𑀡𑀯𑀸 𑀘𑁂 𑀦𑀯𑀺𑀧𑀼𑀮𑀸.

𑁧𑁨𑁭. 𑀢𑁄’𑀡𑁆𑀡𑀯𑀸 𑀢𑀣𑀸’𑀜𑁆𑀜𑀸 𑀲𑀺𑀬𑀸.

𑀯𑀢𑁆𑀢’𑀧𑁆𑀧𑀪𑁂𑀤𑁄.

𑁧𑁨𑁮. 𑀦𑀤𑀺𑀲𑁆𑀲𑀢𑁂’𑀢𑁆𑀣 𑀬𑀁 𑀙𑀦𑁆𑀤𑀁, 𑀧𑀬𑁄𑀕𑁂 𑀤𑀺𑀲𑁆𑀲𑀢𑁂 𑀬𑀤𑀺;

𑀯𑀺𑀲𑀫’𑀓𑁆𑀔𑀭𑀧𑀸𑀤𑀁 𑀢𑀁, 𑀕𑀸𑀣𑀸 𑀲𑀸𑀫𑀜𑁆𑀜𑀦𑀸𑀫𑀢𑁄.

𑀇𑀢𑀺 𑀯𑀼𑀢𑁆𑀢𑁄𑀤𑀬𑁂 𑀙𑀦𑁆𑀤𑀲𑀺 𑀯𑀺𑀲𑀫𑀯𑀼𑀢𑁆𑀢𑀺 𑀦𑀺𑀤𑁆𑀤𑁂𑀲𑁄 𑀦𑀸𑀫

𑀧𑀜𑁆𑀘𑀫𑁄 𑀧𑀭𑀺𑀘𑁆𑀙𑁂𑀤𑁄.