𑀅𑀦𑀼𑀭𑀼𑀤𑁆𑀥𑀲𑀁𑀬𑀼𑀢𑁆𑀢

𑀩𑀸𑀴𑁆𑀳𑀕𑀺𑀮𑀸𑀦𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀅𑀦𑀼𑀭𑀼𑀤𑁆𑀥𑀲𑀁𑀬𑀼𑀢𑁆𑀢𑁂 𑀆𑀯𑀼𑀲𑁄 𑀧𑁄𑀭𑀸𑀡𑀓𑁂𑀳𑀺 𑀥𑀫𑁆𑀫𑀲𑀁𑀕𑀸𑀳𑀓𑀫𑀳𑀸𑀣𑁂𑀭𑁂𑀳𑀺 𑀤𑀲𑀫𑀁 𑀲𑀁𑀕𑀻𑀢𑀁 𑀩𑀸𑀴𑁆𑀳𑀕𑀺𑀦𑀸𑀦𑀲𑀼𑀢𑁆𑀢𑀁 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀺𑀲𑁆𑀫𑀺𑀁 𑀯𑀢𑁆𑀣𑀼𑀲𑁆𑀫𑀺𑀁 𑀓𑁂𑀦 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀲𑀸𑀯𑀢𑁆𑀣𑀺𑀬𑀁 𑀪𑀦𑁆𑀢𑁂 𑀲𑀫𑁆𑀩𑀳𑀼𑀮𑁂 𑀪𑀺𑀓𑁆𑀔𑀽 𑀆𑀭𑀩𑁆𑀪 𑀆𑀬𑀲𑁆𑀫𑀢𑀸 𑀅𑀦𑀼𑀭𑀼𑀤𑁆𑀥𑀢𑁆𑀣𑁂𑀭𑁂𑀦 𑀪𑀸𑀲𑀺𑀢𑀁. 𑀲𑀫𑁆𑀩𑀳𑀼𑀮𑀸 𑀪𑀦𑁆𑀢𑁂 𑀪𑀺𑀓𑁆𑀔𑀽 𑀆𑀬𑀲𑁆𑀫𑀦𑁆𑀢𑀁 𑀅𑀦𑀼𑀭𑀼𑀤𑁆𑀥𑀁 𑀆𑀩𑀸𑀥𑀺𑀓𑀁 𑀤𑀼𑀓𑁆𑀔𑀺𑀢𑀁 𑀩𑀸𑀴𑁆𑀳𑀕𑀺𑀮𑀸𑀦𑀁 𑀏𑀢𑀤𑀯𑁄𑀘𑀼𑀁 ‘‘𑀓𑀢𑀫𑁂𑀦𑀸𑀬𑀲𑁆𑀫𑀢𑁄 𑀅𑀦𑀼𑀭𑀼𑀤𑁆𑀥𑀲𑁆𑀲 𑀯𑀺𑀳𑀸𑀭𑁂𑀦 𑀯𑀺𑀳𑀭𑀢𑁄 𑀉𑀧𑁆𑀧𑀦𑁆𑀦𑀸 𑀲𑀸𑀭𑀻𑀭𑀺𑀓𑀸 𑀤𑀼𑀓𑁆𑀔𑀸 𑀯𑁂𑀤𑀦𑀸 𑀘𑀺𑀢𑁆𑀢𑀁 𑀦 𑀧𑀭𑀺𑀬𑀸𑀤𑀸𑀬 𑀢𑀺𑀝𑁆𑀞𑀦𑁆𑀢𑀻’’𑀢𑀺. 𑀢𑀲𑁆𑀫𑀺𑀁 𑀪𑀦𑁆𑀢𑁂 𑀯𑀢𑁆𑀣𑀼𑀲𑁆𑀫𑀺𑀁 ‘‘𑀘𑀢𑀽𑀲𑀼 𑀔𑁄 𑀫𑁂 𑀆𑀯𑀼𑀲𑁄 𑀲𑀢𑀺𑀧𑀝𑁆𑀞𑀸𑀦𑁂𑀲𑀼 𑀲𑀼𑀧𑁆𑀧𑀢𑀺𑀝𑁆𑀞𑀺𑀢𑀘𑀺𑀢𑁆𑀢𑀲𑁆𑀲 𑀯𑀺𑀳𑀭𑀢𑁄 𑀉𑀧𑁆𑀧𑀦𑁆𑀦𑀸 𑀲𑀸𑀭𑀻𑀭𑀺𑀓𑀸 𑀤𑀼𑀓𑁆𑀔𑀸 𑀯𑁂𑀤𑀦𑀸 𑀘𑀺𑀢𑁆𑀢𑀁 𑀦 𑀧𑀭𑀺𑀬𑀸𑀤𑀸𑀬 𑀢𑀺𑀝𑁆𑀞𑀦𑁆𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀆𑀬𑀲𑁆𑀫𑀢𑀸 𑀅𑀦𑀼𑀭𑀼𑀤𑁆𑀥𑀢𑁆𑀣𑁂𑀭𑁂𑀦 𑀪𑀸𑀲𑀺𑀢𑀁.