𑀤𑀺𑀝𑁆𑀞𑀺𑀲𑀁𑀬𑀼𑀢𑁆𑀢

𑀲𑁄𑀅𑀢𑁆𑀢𑀸𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀤𑀺𑀝𑁆𑀞𑀺𑀲𑀁𑀬𑀼𑀢𑁆𑀢𑁂 𑀧𑀦𑀸𑀯𑀼𑀲𑁄 𑀢𑀢𑀺𑀬𑀁 𑀲𑀁𑀕𑀻𑀢𑀁 𑀲𑁄𑀅𑀢𑁆𑀢𑀸 𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀲𑀸𑀯𑀢𑁆𑀣𑀺𑀬𑀁 𑀪𑀦𑁆𑀢𑁂 𑀲𑀫𑁆𑀩𑀳𑀼𑀮𑁂 𑀪𑀺𑀓𑁆𑀔𑀽 𑀆𑀭𑀩𑁆𑀪 ‘‘𑀓𑀺𑀲𑁆𑀫𑀺𑀁 𑀦𑀼 𑀔𑁄 𑀪𑀺𑀓𑁆𑀔𑀯𑁂 𑀲𑀢𑀺 𑀓𑀺𑀁 𑀉𑀧𑀸𑀤𑀸𑀬 𑀓𑀺𑀁 𑀅𑀪𑀺𑀦𑀺𑀯𑀺𑀲𑁆𑀲 𑀏𑀯𑀁 𑀤𑀺𑀝𑁆𑀞𑀺 𑀉𑀧𑁆𑀧𑀚𑁆𑀚𑀢𑀺 𑀲𑁄 𑀅𑀢𑁆𑀢𑀸 𑀲𑁄 𑀮𑁄𑀓𑁄 𑀲𑁄 𑀧𑁂𑀘𑁆𑀘 𑀪𑀯𑀺𑀲𑁆𑀲𑀸𑀫𑀺 𑀦𑀺𑀘𑁆𑀘𑁄 𑀥𑀼𑀯𑁄 𑀲𑀲𑁆𑀲𑀢𑁄 𑀅𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑁄’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀦𑀢𑁆𑀣𑀺𑀤𑀺𑀦𑁆𑀦𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀧𑀜𑁆𑀘𑀫𑀁 𑀦𑀢𑁆𑀣𑀺𑀤𑀺𑀦𑁆𑀦𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀲𑀸𑀯𑀢𑁆𑀣𑀺𑀬𑀁𑀬𑁂𑀯 𑀪𑀦𑁆𑀢𑁂 𑀲𑀫𑁆𑀩𑀳𑀼𑀮𑁂 𑀪𑀺𑀓𑁆𑀔𑀽 𑀆𑀭𑀩𑁆𑀪 ‘‘𑀓𑀺𑀲𑁆𑀫𑀺𑀁 𑀦𑀼 𑀔𑁄 𑀪𑀺𑀓𑁆𑀔𑀯𑁂 𑀲𑀢𑀺 𑀓𑀺𑀁 𑀉𑀧𑀸𑀤𑀸𑀬 𑀓𑀺𑀁 𑀅𑀪𑀺𑀦𑀺𑀯𑀺𑀲𑁆𑀲 𑀏𑀯𑀁 𑀤𑀺𑀝𑁆𑀞𑀺 𑀉𑀧𑁆𑀧𑀚𑁆𑀚𑀢𑀺 𑀦𑀢𑁆𑀣𑀺 𑀤𑀺𑀦𑁆𑀦𑀁, 𑀦𑀢𑁆𑀣𑀺 𑀬𑀺𑀝𑁆𑀞𑀁, 𑀦𑀢𑁆𑀣𑀺 𑀳𑀼𑀢𑀁, 𑀦𑀢𑁆𑀣𑀺 𑀲𑀼𑀓𑀢𑀤𑀼𑀓𑁆𑀓𑀝𑀸𑀦𑀁 𑀓𑀫𑁆𑀫𑀸𑀦𑀁 𑀨𑀮𑀁 𑀯𑀺𑀧𑀸𑀓𑁄’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.