𑀫𑀸𑀭𑀲𑀁𑀬𑀼𑀢𑁆𑀢

𑀢𑀧𑁄𑀓𑀫𑁆𑀫𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀧𑁄𑀓𑀫𑁆𑀫𑀲𑀼𑀢𑁆𑀢𑀁 𑀧𑀦𑀸𑀯𑀼𑀲𑁄 𑀪𑀕𑀯𑀢𑀸 𑀚𑀺𑀦𑁂𑀦 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀺𑀲𑁆𑀫𑀺𑀁 𑀯𑀢𑁆𑀣𑀼𑀲𑁆𑀫𑀺𑀁 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀉𑀭𑀼𑀯𑁂𑀮𑀸𑀬𑀁 𑀪𑀦𑁆𑀢𑁂 𑀫𑀸𑀭𑀁 𑀧𑀸𑀧𑀺𑀫𑀦𑁆𑀢𑀁 𑀆𑀭𑀩𑁆𑀪 𑀪𑀸𑀲𑀺𑀢𑀁. 𑀫𑀸𑀭𑁄 𑀪𑀦𑁆𑀢𑁂 𑀧𑀸𑀧𑀺𑀫𑀸 𑀪𑀕𑀯𑀦𑁆𑀢𑀁 𑀉𑀧𑀲𑀗𑁆𑀓𑀫𑀺𑀢𑁆𑀯𑀸 𑀕𑀸𑀣𑀸𑀬 𑀅𑀚𑁆𑀛𑀪𑀸𑀲𑀺.

‘‘𑀢𑀧𑁄𑀓𑀫𑁆𑀫𑀸 𑀅𑀧𑀓𑁆𑀓𑀫𑁆𑀫, 𑀬𑁂𑀦 𑀲𑀼𑀚𑁆𑀛𑀦𑁆𑀢𑀺 𑀫𑀸𑀡𑀯𑀸;

𑀅𑀲𑀼𑀤𑁆𑀥𑁄 𑀫𑀜𑁆𑀜𑀲𑀺 𑀲𑀼𑀤𑁆𑀥𑁄, 𑀲𑀼𑀤𑁆𑀥𑀺𑀫𑀕𑁆𑀕𑀸 𑀅𑀧𑀭𑀤𑁆𑀥𑁄’’𑀢𑀺.

𑀢𑀲𑁆𑀫𑀺𑀁 𑀪𑀦𑁆𑀢𑁂 𑀯𑀢𑁆𑀣𑀼𑀲𑁆𑀫𑀺𑀁𑁋

‘‘𑀅𑀦𑀢𑁆𑀢𑀲𑀁𑀳𑀺𑀢𑀁 𑀜𑀢𑁆𑀯𑀸, 𑀬𑀁 𑀓𑀺𑀜𑁆𑀘𑀺 𑀅𑀫𑀭𑀁 𑀢𑀧𑀁;

𑀲𑀩𑁆𑀩𑀁 𑀦𑀢𑁆𑀣𑀸𑀯𑀳𑀁 𑀳𑁄𑀢𑀺, 𑀨𑀺𑀬𑀸𑀭𑀺𑀢𑁆𑀢𑀁𑀯 𑀥𑀫𑁆𑀫𑀦𑀺;

𑀲𑀻𑀮𑀁 𑀲𑀫𑀸𑀥𑀺 𑀧𑀜𑁆𑀜𑀜𑁆𑀘, 𑀫𑀕𑁆𑀕𑀁 𑀩𑁄𑀥𑀸𑀬 𑀪𑀸𑀯𑀬𑀁;

𑀧𑀢𑁆𑀢𑁄𑀲𑁆𑀫𑀺 𑀧𑀭𑀫𑀁 𑀲𑀼𑀤𑁆𑀥𑀺𑀁, 𑀦𑀺𑀳𑀢𑁄 𑀢𑁆𑀯𑀫𑀲𑀺 𑀅𑀦𑁆𑀢𑀓𑀸’’𑀢𑀺.

𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀚𑀺𑀦𑁂𑀦 𑀪𑀸𑀲𑀺𑀢𑀁.

𑀢𑀧𑁄𑀓𑀫𑁆𑀫𑀸 𑀅𑀧𑀓𑁆𑀓𑀫𑁆𑀫, 𑀬𑁂 𑀦 𑀲𑀼𑀚𑁆𑀛𑀦𑁆𑀢𑀺 𑀫𑀸𑀡𑀯𑀸;

𑀅𑀲𑀼𑀤𑁆𑀥𑁄 𑀫𑀜𑁆𑀜𑀲𑀺 𑀲𑀼𑀤𑁆𑀥𑁄, 𑀲𑀼𑀤𑁆𑀥𑀺𑀫𑀕𑁆𑀕𑀸 𑀅𑀧𑀭𑀤𑁆𑀥𑁄𑁋

𑀅𑀦𑀢𑁆𑀣𑀲𑀁𑀳𑀺𑀢𑀁 𑀉𑀢𑁆𑀯𑀸, 𑀬𑀁𑀓𑀺𑀜𑁆𑀘𑀺 𑀅𑀫𑀭𑀁 𑀢𑀧𑀁;

𑀲𑀩𑁆𑀩𑀁 𑀦𑀢𑁆𑀣𑀸𑀯𑀳𑀁 𑀳𑁄𑀢𑀺, 𑀨𑀺𑀬𑀸𑀭𑀺𑀢𑁆𑀢𑀁𑀯 𑀥𑀫𑁆𑀫𑀦𑀺;

𑀳𑀢𑁆𑀣𑀺𑀭𑀸𑀚𑀯𑀡𑁆𑀡𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀳𑀢𑁆𑀣𑀺𑀭𑀸𑀚𑀯𑀡𑁆𑀡𑀲𑀼𑀢𑁆𑀢𑀁 𑀧𑀦𑀸𑀯𑀼𑀲𑁄 𑀪𑀯𑀕𑀢𑀸 𑀚𑀺𑀦𑁂𑀦 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀺𑀲𑁆𑀫𑀺𑀁 𑀯𑀢𑁆𑀣𑀼𑀲𑁆𑀫𑀺𑀁 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀉𑀭𑀼𑀯𑁂𑀮𑀸𑀬𑀁 𑀪𑀦𑁆𑀢𑁂 𑀫𑀸𑀭𑀓𑀁𑀬𑁂𑀯 𑀧𑀸𑀧𑀺𑀫𑀦𑁆𑀢𑀁 𑀆𑀭𑀩𑁆𑀪 𑀪𑀸𑀲𑀺𑀢𑀁. 𑀫𑀸𑀭𑁄 𑀪𑀦𑁆𑀢𑁂 𑀧𑀸𑀧𑀺𑀫𑀸 𑀪𑀕𑀯𑀢𑁄 𑀪𑀬𑀁 𑀙𑀫𑁆𑀪𑀺𑀢𑀢𑁆𑀢𑀁 𑀮𑁄𑀫𑀳𑀁𑀲𑀁 𑀉𑀧𑁆𑀧𑀸𑀤𑁂𑀢𑀼𑀓𑀸𑀫𑁄 𑀫𑀳𑀦𑁆𑀢𑀁 𑀳𑀢𑁆𑀣𑀺𑀭𑀸𑀚𑀯𑀡𑁆𑀡𑀁 𑀅𑀪𑀺𑀦𑀺𑀫𑁆𑀫𑀺𑀦𑀺𑀢𑁆𑀯𑀸 𑀬𑁂𑀦 𑀪𑀕𑀯𑀸 𑀢𑁂𑀦𑀼𑀧𑀲𑀗𑁆𑀓𑀫𑀺.

𑀢𑀲𑁆𑀫𑀺𑀁 𑀪𑀦𑁆𑀢𑁂 𑀯𑀢𑁆𑀣𑀼𑀲𑁆𑀫𑀺𑀁𑁋

‘‘𑀲𑀁𑀲𑀭𑀁 𑀤𑀻𑀖𑀫𑀤𑁆𑀥𑀸𑀦𑀁, 𑀯𑀡𑁆𑀡𑀁 𑀓𑀢𑁆𑀯𑀸 𑀲𑀼𑀪𑀸𑀲𑀼𑀪𑀁;

𑀅𑀮𑀁 𑀢𑁂 𑀢𑁂𑀦 𑀧𑀸𑀧𑀺𑀫, 𑀦𑀺𑀳𑀢𑁄 𑀢𑁆𑀯𑀫𑀲𑀺 𑀅𑀦𑁆𑀢𑀓𑀸’’𑀢𑀺.

𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀚𑀺𑀦𑁂𑀦 𑀪𑀸𑀲𑀺𑀢𑀁.

𑀲𑀁𑀲𑀭𑀁 𑀤𑀻𑀖𑀫𑀤𑁆𑀥𑀸𑀦𑀁, 𑀯𑀡𑁆𑀡𑀁 𑀓𑀢𑁆𑀯𑀸 𑀲𑀼𑀪𑀸𑀲𑀼𑀪𑀁,

𑀅𑀮𑀁 𑀢𑁂 𑀢𑁂𑀦 𑀧𑀸𑀧𑀺𑀫, 𑀦𑀺𑀳𑀢𑁄 𑀢𑁆𑀯𑀫𑀲𑀺 𑀅𑀦𑁆𑀢𑀓 𑁋