𑁨. 𑀦𑀻𑀯𑀭𑀡𑀧𑁆𑀧𑀳𑀸𑀦𑀯𑀕𑁆𑀕

𑀧𑀼𑀘𑁆𑀙𑀸 𑁋 𑀤𑀼𑀢𑀺𑀬𑁄 𑀧𑀦 𑀆𑀯𑀼𑀲𑁄 𑀦𑀻𑀯𑀭𑀡𑀧𑁆𑀧𑀳𑀸𑀦𑀯𑀕𑁆𑀕𑁄 𑀪𑀕𑀯𑀢𑀸 𑀓𑀢𑁆𑀣 𑀓𑀣𑀜𑁆𑀘 𑀪𑀸𑀲𑀺𑀢𑁄.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀲𑀸𑀯𑀢𑁆𑀣𑀺𑀬𑀁 𑀪𑀦𑁆𑀢𑁂 ‘‘𑀦𑀸𑀳𑀁 𑀪𑀺𑀓𑁆𑀔𑀯𑁂 𑀅𑀜𑁆𑀜𑀁 𑀏𑀓𑀥𑀫𑁆𑀫𑀫𑁆𑀧𑀺 𑀲𑀫𑀦𑀼𑀧𑀲𑁆𑀲𑀸𑀫𑀺, 𑀬𑁂𑀦 𑀅𑀦𑀼𑀧𑁆𑀧𑀦𑁆𑀦𑁄 𑀯𑀸 𑀓𑀸𑀫𑀘𑁆𑀙𑀦𑁆𑀤𑁄 𑀉𑀧𑁆𑀧𑀚𑁆𑀚𑀢𑀺, 𑀉𑀧𑁆𑀧𑀦𑁆𑀦𑁄 𑀯𑀸 𑀓𑀸𑀫𑀘𑁆𑀙𑀦𑁆𑀤𑁄 𑀪𑀺𑀬𑁆𑀬𑁄𑀪𑀸𑀯𑀸𑀬 𑀯𑁂𑀧𑀼𑀮𑁆𑀮𑀸𑀬 𑀲𑀁𑀯𑀢𑁆𑀢𑀢𑀺, 𑀬𑀣𑀬𑀺𑀤𑀁 𑀪𑀺𑀓𑁆𑀔𑀯𑁂 𑀲𑀼𑀪𑀦𑀺𑀫𑀺𑀢𑁆𑀢𑀁, 𑀲𑀼𑀪𑀦𑀺𑀫𑀺𑀢𑁆𑀢𑀁 𑀪𑀺𑀓𑁆𑀔𑀯𑁂 𑀅𑀬𑁄𑀦𑀺𑀲𑁄 𑀫𑀦𑀲𑀺𑀓𑀭𑁄𑀢𑁄 𑀅𑀦𑀼𑀧𑁆𑀧𑀦𑁆𑀦𑁄𑀘𑁂𑀯 𑀓𑀸𑀫𑀘𑁆𑀙𑀦𑁆𑀤𑁄 𑀉𑀧𑁆𑀧𑀚𑁆𑀚𑀢𑀺, 𑀉𑀧𑁆𑀧𑀦𑁆𑀦𑁄 𑀘 𑀓𑀸𑀫𑀘𑁆𑀙𑀦𑁆𑀤𑁄 𑀪𑀺𑀬𑁆𑀬𑁄𑀪𑀸𑀯𑀸𑀬 𑀯𑁂𑀧𑀼𑀮𑁆𑀮𑀸𑀬 𑀲𑀁𑀯𑀢𑁆𑀢𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑁄.

𑀧𑀼𑀘𑁆𑀙𑀸 𑁋 𑀇𑀫𑀲𑁆𑀫𑀺𑀁 𑀧𑀦 𑀆𑀯𑀼𑀲𑁄 𑀤𑀼𑀢𑀺𑀬𑁂 𑀦𑀻𑀯𑀭𑀡𑀧𑁆𑀧𑀳𑀸𑀦𑀯𑀕𑁆𑀕𑁂 𑀪𑀕𑀯𑀢𑀸 𑀓𑀺𑀁 𑀓𑀣𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀇𑀫𑀲𑁆𑀫𑀺𑀁 𑀧𑀦 𑀪𑀦𑁆𑀢𑁂 𑀤𑀼𑀢𑀺𑀬𑁂 𑀦𑀻𑀯𑀭𑀡𑀧𑁆𑀧𑀳𑀸𑀦𑀯𑀕𑁆𑀕𑁂 𑀪𑀕𑀯𑀢𑀸 𑀯𑀝𑁆𑀝𑀫𑁆𑀧𑀺 𑀯𑀺𑀯𑀝𑁆𑀝𑀫𑁆𑀧𑀺 𑀓𑀣𑀺𑀢𑀁.