𑁯𑁪. 𑀓𑁆𑀯𑀺𑀫𑁆𑀳𑀺

𑀦𑀦𑀼 𑀓𑀺𑀫𑀢𑁆𑀣𑀫𑀦𑁆𑀢𑀕𑁆𑀕𑀳𑀡𑀁 𑀬𑀢𑁄 ‘‘𑀓𑁆𑀯𑀺𑀫𑁆𑀳𑀺 𑀮𑁄𑀧𑁄-𑀦𑁆𑀢𑀩𑁆𑀬𑀜𑁆𑀚𑀦𑀲𑁆𑀲𑀸’’𑀢𑀺 𑀯𑀼𑀢𑁆𑀢𑀁, ‘‘𑀙𑀝𑁆𑀞𑀺𑀬𑀦𑁆𑀢𑀲𑁆𑀲𑀸’’𑀢𑀺 (𑁧-𑁧𑁭) 𑀅𑀦𑁆𑀢𑀲𑁆𑀲𑁂𑀯 𑀮𑁄𑀧𑁄 𑀲𑀺𑀬𑀸𑀢𑀺 𑀘𑁄𑀤𑀦𑀁 𑀫𑀦𑀲𑀺 𑀦𑀺𑀥𑀸𑀬 𑀢𑀕𑁆𑀕𑀳𑀡𑁂 𑀧𑀬𑁄𑀚𑀦𑀁 𑀤𑀲𑁆𑀲𑁂𑀦𑁆𑀢𑁄 𑀆𑀳- ‘𑀅𑀦𑁆𑀢𑀕𑁆𑀕𑀳𑀡’𑀫𑀺𑀘𑁆𑀘𑀸𑀤𑀺. 𑀮𑁄𑀧𑀯𑀺𑀥𑀻𑀲𑀽𑀢𑀺 (𑀯𑀻𑀆𑀤𑀺𑀮𑁄𑀧𑀯𑀺𑀥𑀻𑀲𑀼, 𑀙𑀝𑁆𑀞𑀻 𑀦𑀺𑀤𑁆𑀤𑀺𑀝𑁆𑀞𑀦𑁆𑀢𑀺) ‘‘𑀯𑀻𑀫𑀦𑁆𑀢𑀼 𑀯𑀦𑁆𑀢𑀽’’𑀦𑁆𑀢𑀺 (𑁪-𑁧𑁩𑁮) 𑀙𑀝𑁆𑀞𑀻𑀦𑀺𑀤𑁆𑀤𑀺𑀝𑁆𑀞𑀁. 𑀪𑀤𑀦𑁆𑀢𑀯𑀺𑀥𑀺𑀘𑀭𑀺𑀢𑀢𑁆𑀢𑀩𑁆𑀬𑀸𑀧𑀸𑀭𑀁 [𑀢𑀤𑀦𑁆𑀢𑀯𑀺𑀥𑀺𑀘𑀺𑀭𑀪𑁂𑀤𑀦𑀸𑀘𑁆𑀘𑀦𑀩𑁆𑀬𑀸𑀧𑀸𑀭𑀁 (𑀧𑁄𑀢𑁆𑀣𑀓𑁂)] 𑀦𑀺𑀲𑁆𑀲𑀸𑀬𑀸𑀳- ‘𑀙𑀝𑁆𑀞𑀺𑀬𑀦𑁆𑀢𑀲𑁆𑀲𑀸’’𑀢𑀻 𑀩𑁆𑀬𑀸𑀧𑀸𑀭𑀸’𑀢𑀺. 𑀅𑀦𑁆𑀢𑀲𑁆𑀲𑀸𑀢𑀺 𑀯𑀻𑀆𑀤𑀻𑀦𑀫𑀻𑀓𑀸𑀭𑀸𑀤𑀺𑀦𑁄. 𑀅𑀜𑁆𑀜𑀣𑀸𑀢𑀺 𑀲𑀩𑁆𑀩𑀸𑀧𑀳𑀸𑀭𑀺𑀮𑁄𑀧𑀜𑁆𑀜𑀸𑀧𑀦𑀸𑀪𑀸𑀯𑁂. 𑀅𑀦𑀢𑁆𑀣𑀓𑀁 𑀲𑀺𑀬𑀸 ‘‘𑀙𑀝𑁆𑀞𑀺𑀬𑀦𑁆𑀢𑀲𑁆𑀲𑀸’’𑀢𑀺𑀫𑀲𑁆𑀲 𑀩𑁆𑀬𑀸𑀧𑀸𑀭𑀲𑀫𑁆𑀪𑀸𑀯𑀸. 𑀇𑀤𑀸𑀦𑀺 𑀙𑀝𑁆𑀞𑀻𑀦𑀺𑀤𑁆𑀤𑀺𑀝𑁆𑀞𑀸𑀦𑀁 𑀯𑀺𑀲𑁂𑀲𑁂𑀦 𑀯𑀢𑁆𑀢𑀼𑀫𑀺𑀘𑁆𑀙𑀺𑀢𑁆𑀢𑀁 𑀅𑀦𑁆𑀢𑀲𑁆𑀲𑁂𑀯 𑀮𑁄𑀧𑀧𑀢𑁆𑀢𑀺𑀤𑁄𑀲𑀁 𑀤𑀲𑁆𑀲𑁂𑀢𑀼𑀫𑀸𑀳- ‘𑀢𑀤𑀦𑁆𑀢𑁂’𑀘𑁆𑀘𑀸𑀤𑀺.