𑁮𑁫. 𑀦𑀢𑁂

𑀧𑀼𑀘𑁆𑀙𑀻𑀬𑀺𑀢𑁆𑀣𑀸𑀢𑀺 𑀯𑀺𑀕𑁆𑀕𑀬𑁆𑀳 𑀢𑁆𑀢𑁄, 𑀢𑀲𑁆𑀲 ‘‘𑀧𑀼𑀘𑁆𑀙𑀸𑀤𑀺𑀢𑁄’’𑀢𑀺 (𑁫-𑁧𑁪𑁩) 𑀞𑁄. 𑀲𑁂𑀲𑀁 𑀯𑀼𑀢𑁆𑀢𑀦𑀬𑀫𑁂𑀯. 𑀏 𑀑𑀦𑀫𑁆𑀧𑀝𑀺𑀲𑁂𑀥𑀫𑀼𑀔𑁂𑀦𑀸𑀢𑀺 𑀏𑀑𑀦𑀫𑁆𑀧𑀝𑀺𑀲𑁂𑀥𑀲𑁆𑀲 𑀧𑀓𑀢𑀢𑁆𑀢𑀸 𑀯𑀼𑀢𑁆𑀢𑀁. 𑀘𑀺𑀦𑀺𑀢𑀩𑁆𑀩𑀦𑁆𑀢𑀺𑀆𑀤𑀻𑀲𑀼 𑀘𑀻𑀬𑀺𑀢𑁆𑀣 𑀘𑀻𑀬𑀢𑀺 𑀯𑀸𑀢𑀺𑀆𑀤𑀺𑀦𑀸 𑀯𑀺𑀕𑁆𑀕𑀳𑁄. 𑀘𑀺𑀦𑀺𑀢𑀼𑀦𑁆𑀢𑀺𑀆𑀤𑀻𑀲𑀼 𑀘𑀺𑀦𑀦𑀸 𑀬𑀸𑀢𑀺(𑀆𑀤𑀺𑀦𑀸). 𑀦𑀦𑀼 𑀘 (𑀜𑀺𑀆𑀕)𑀫𑁄, 𑀦 𑀧𑀘𑁆𑀘𑀬𑁄𑀢𑀺 𑀓𑀣𑀫𑁆𑀧𑀘𑁆𑀘𑀬𑁂 ‘‘𑀮𑀳𑀼𑀲𑁆𑀲𑀼𑀧𑀦𑁆𑀢𑀲𑁆𑀲𑀸’’𑀢𑀺 (𑁫-𑁮𑁩) 𑀏𑀑 𑀧𑀧𑁆𑀧𑁄𑀦𑁆𑀢𑀺 𑀓𑀣𑀜𑁆𑀘𑁂 𑀲𑀫𑁆𑀧𑀝𑀺𑀲𑁂𑀥𑁄𑀘𑁆𑀘𑀸𑀲𑀗𑁆𑀓𑀺𑀬𑀸𑀳- ‘𑀜𑀺𑀲𑁆𑀲𑁂’𑀘𑁆𑀘𑀸𑀤𑀺. 𑀦𑀦𑀼𑀘𑀸𑀤𑀺𑀫𑁆𑀳𑀺 𑀦 𑀬𑀼𑀯𑀡𑁆𑀡𑀸𑀪𑀺 𑀓𑀣𑀫𑁂𑀢𑁆𑀣𑀧𑁆𑀧𑀲𑀗𑁆𑀕𑁄𑀢𑀺 𑀆𑀳- ‘𑀲𑀓𑀸𑀧𑀸𑀦𑀁 𑀓𑀼𑀓𑁆𑀓𑀽𑀡𑁂𑀢𑀺’𑀘𑁆𑀘𑀸𑀤𑀺.

𑀧𑀢𑁆𑀢𑁄𑀓𑀸𑀭𑀲𑁆𑀲𑀸𑀢𑀺 𑀥𑀼𑀲𑀤𑁆𑀤𑁂 𑀉𑀓𑀸𑀭𑀲𑁆𑀲 𑀧𑀢𑁆𑀢𑁄𑀓𑀸𑀭𑀲𑁆𑀲. 𑀬𑀼𑀯𑀡𑁆𑀡𑁂𑀘𑁆𑀘𑀸𑀤𑀺𑀦𑀸𑀧𑀢𑁆𑀢𑀲𑁆𑀲𑀸𑀢𑀺 (𑀢𑀩𑁆𑀩) 𑀢𑀼𑀁 𑀧𑀘𑁆𑀘𑀬𑁂𑀲𑀼 𑀘 𑀡𑀺𑀦𑁄 𑀧𑀢𑁆𑀢𑀲𑁆𑀲. 𑀯𑀸 𑀯𑀺𑀥𑀸𑀦𑀸 𑀦 𑀜𑀺. 𑀥𑀼𑀦𑀸𑀧𑁂𑀢𑀩𑁆𑀩𑀦𑁆𑀢𑀺𑀆𑀤𑀺𑀧𑀸𑀞𑁂 𑀜𑀺𑀫𑁆𑀳𑀺 𑀅𑀓𑀢𑁂 ‘‘𑀅𑀜𑁆𑀜𑀢𑁆𑀭𑀸𑀧𑀻’’𑀢𑀺 (𑁫-𑁮𑁭) 𑀧𑀝𑀺𑀲𑁂𑀥𑀸𑀪𑀸𑀯𑁄. 𑀥𑀼𑀦𑀸𑀧𑁂𑀢𑀻𑀢𑀺 𑀧𑀸𑀞𑁂𑀢𑀺𑀫𑁆𑀳𑀺 𑀮𑁂 𑀘 ‘‘𑀓𑁆𑀯𑀘𑀺 𑀯𑀺𑀓𑀭𑀡𑀸𑀦’’𑀦𑁆𑀢𑀺 (𑁫-𑁧𑁬𑁧) 𑀯𑀺𑀓𑀭𑀡𑀮𑁄𑀧𑁂 𑀘 𑀏𑀓𑀸𑀭𑁄. 𑀅𑀲𑀢𑀺 𑀦𑀸𑀕𑀫𑁂 ‘‘𑀬𑀼𑀯𑀡𑁆𑀡𑁂’’𑀘𑁆𑀘𑀸𑀤𑀺𑀦𑀸 𑀏𑀢𑁆𑀢𑀁 𑀲𑀺𑀬𑀸 𑀢𑀫𑁆𑀧𑀺𑀦𑀸𑀕𑀫𑁂 𑀉𑀧𑀦𑁆𑀢𑀢𑁆𑀢𑀸 𑀦𑁂𑀢𑁆𑀬𑀥𑀺𑀧𑁆𑀧𑀸𑀬𑁂𑀦𑀸𑀳- ‘𑀢𑀣𑀸𑀧𑀺’𑀘𑁆𑀘𑀸𑀤𑀺. 𑀧𑀓𑁆𑀔𑀦𑁆𑀢𑀭𑀫𑀸𑀳- ‘𑀦𑀸𑀕𑀫𑁂’𑀘𑁆𑀘𑀸𑀤𑀺.