𑁭𑁦. 𑀧𑀭𑁄

𑀬𑁄𑀕𑀯𑀺𑀪𑀸𑀕𑀸 ‘𑀅 𑀜’𑀆𑀤𑀻𑀲𑀼 𑀕𑀫𑁆𑀬𑀢𑁂. 𑀬𑀤𑀺 𑀳𑁆𑀬𑀢𑁆𑀭𑀸𑀧𑀺 𑀙𑀝𑁆𑀞𑀻 𑀅𑀪𑀺𑀫𑀢𑀸 𑀲𑀺𑀬𑀸 𑀢𑀤𑀸 ‘‘𑀔 𑀙 𑀲 𑀧𑀭𑁄𑀓𑁆𑀔𑀸𑀦𑀫𑁂𑀓𑀲𑁆𑀲𑀭𑁄𑀤𑀺𑀤𑁆𑀯𑁂’’𑀢𑀺 𑀏𑀓𑀫𑁂𑀯 𑀬𑁄𑀕𑀁 𑀓𑀭𑁂𑀬𑁆𑀬. 𑀧𑀭𑁄𑀓𑁆𑀔𑁂 𑀯𑀺𑀳𑀺𑀢𑀸 𑀅𑀜𑀆𑀤𑀬𑁄 𑀥𑀸𑀢𑀼𑀢𑁄𑀯, 𑀦𑀸𑀜𑁆𑀜𑀢𑁄𑀢𑀺 𑀧𑀭𑁄𑀓𑁆𑀔𑀸𑀯𑀘𑀦𑀲𑀦𑁆𑀦𑀺𑀥𑀸𑀦𑀸 𑀘𑀲𑀤𑁆𑀤𑁂𑀦 𑀥𑀸𑀢𑀼𑀯𑀺𑀳𑀺𑀢𑀧𑁆𑀧𑀘𑁆𑀘𑀬𑀸𑀯 𑀕𑀬𑁆𑀳𑀦𑁆𑀢𑀻𑀢𑀺 𑀆𑀳- ‘𑀅𑀜𑁆𑀜𑀲𑁆𑀫𑀺𑀫𑁆𑀧𑀺 𑀥𑀸𑀢𑀼𑀯𑀺𑀳𑀺𑀢𑀧𑁆𑀧𑀘𑁆𑀘𑀬𑁂’𑀢𑀺. 𑀬𑀤𑀺 𑀧𑀦 𑀪𑀼𑀲𑀢𑁆𑀣𑁄 𑀆𑀪𑀺𑀓𑁆𑀔𑀜𑁆𑀜𑀢𑁆𑀣𑁄 𑀯𑀸 𑀯𑀢𑁆𑀢𑀼𑀫𑀺𑀝𑁆𑀞𑁄 𑀲𑀺𑀬𑀸, 𑀢𑀤𑀸 𑀪𑀽𑀲𑀢𑁆𑀣𑀸𑀤𑀻𑀲𑀼 𑀘 𑀤𑀤𑁆𑀤𑀮𑁆𑀮𑀢𑀺𑀘𑁆𑀘𑀸𑀤𑀺𑀓𑀁 𑀳𑁄𑀢𑀻𑀢𑀺 𑀯𑁂𑀤𑀺𑀢𑀩𑁆𑀩𑀁. 𑀘𑀗𑁆𑀓𑀫𑀢𑀺 𑀫𑁄𑀫𑀽𑀳𑀘𑀺𑀢𑁆𑀢𑀸𑀦𑀻𑀢𑀺 𑀪𑀼𑀲𑀢𑁆𑀣𑀲𑁆𑀲 𑀬𑀼𑀚𑁆𑀚𑀫𑀸𑀦𑀢𑁆𑀢𑀸 𑀢𑁆𑀬𑀸𑀤𑀬𑁄 𑀪𑀼𑀲𑀢𑁆𑀣𑁂 𑀪𑀯𑀦𑁆𑀢𑀺 𑀩𑀳𑀼𑀮𑀸𑀥𑀺𑀓𑀸𑀭𑀸𑀢𑀺 𑀯𑀢𑁆𑀢𑀼𑀁 𑀲𑀓𑁆𑀓𑀸𑀢𑀺.