𑁩𑁫. 𑀆𑀲𑀺𑀁

𑀓𑀸𑀧𑀦𑀸𑀬𑀫𑀸𑀲𑀺𑀁𑀲𑀸 𑀦𑀸𑀫𑁂𑀘𑁆𑀘𑀸𑀳- ‘𑀅𑀧𑁆𑀧𑀢𑁆𑀢𑀲𑁆𑀲𑁂’𑀘𑁆𑀘𑀸𑀤𑀺. 𑀓𑀺𑀭𑀺𑀬𑀸 𑀯𑀺𑀲𑁂𑀲𑀓𑀢𑁆𑀢𑀼𑀯𑀺𑀲𑀬𑀸𑀢𑀺 𑀓𑀺𑀭𑀺𑀬𑀸𑀯𑀺𑀲𑁂𑀲𑀲𑁆𑀲 𑀬𑁄 𑀓𑀢𑁆𑀢𑀸 𑀲𑁄 𑀯𑀺𑀲𑀬𑁄 𑀬𑀲𑁆𑀲𑀸 𑀲𑀸 𑀢𑀣𑀸 𑀯𑀼𑀢𑁆𑀢𑀸. 𑀓𑀺𑀭𑀺𑀬𑀸𑀯𑀺𑀲𑁂𑀲𑀓𑀢𑁆𑀢𑀼𑀯𑀺𑀲𑀬𑀢𑁆𑀢𑀫𑁂𑀯 𑀨𑀼𑀝𑀻 𑀓𑀢𑁆𑀢𑀼𑀫𑀸𑀳- ‘𑀅𑀲𑁆𑀲𑀸’𑀇𑀘𑁆𑀘𑀸𑀤𑀺. 𑀅𑀲𑁆𑀲𑀸 𑀚𑀻𑀯𑀦𑀓𑀺𑀭𑀺𑀬𑀸𑀬 𑀦𑀦𑁆𑀤𑀦 𑀓𑀺𑀭𑀺𑀬𑀸𑀬 𑀪𑀯𑀦𑀓𑀺𑀭𑀺𑀬𑀸𑀬 𑀯𑀸 𑀓𑀢𑁆𑀢𑀸 𑀢𑀁𑀓𑀺𑀭𑀺𑀬𑀁 𑀲𑀫𑁆𑀧𑀸𑀤𑁂𑀦𑁆𑀢𑁄 𑀪𑀯𑁂𑀬𑁆𑀬 𑀪𑀯𑀢𑀽𑀢𑀺 𑀅𑀢𑁆𑀣𑁄. 𑀚𑀻𑀯𑀢𑀼 𑀦𑀦𑁆𑀤𑀢𑀼 𑀪𑀯𑀢𑀽𑀢𑀺 𑀆𑀲𑀺𑀁𑀲𑀸𑀬𑀁 𑀧𑀬𑁄𑀕𑁂𑀦 𑀚𑀻𑀯𑀓 𑀦𑀦𑁆𑀤𑀓 𑀪𑀯𑀓𑀲𑀤𑁆𑀤𑀸𑀦𑀁 𑀢𑀁𑀲𑀫𑀸𑀦𑀢𑁆𑀣𑀢𑀸 𑀤𑀲𑁆𑀲𑀺𑀢𑀸.

𑀅𑀓𑁂𑀦𑁂𑀯𑀸𑀲𑀺𑀁 𑀲𑀦𑀢𑁆𑀣𑀲𑁆𑀲 𑀕𑀫𑀺𑀢𑀢𑁆𑀢𑀸𑀢𑀺 𑀆𑀲𑀺𑀁𑀲𑀦𑀸 𑀏𑀯 𑀅𑀢𑁆𑀣𑁄, 𑀢𑀲𑁆𑀲 𑀅𑀓𑀧𑁆𑀧𑀘𑁆𑀘𑀬𑁂𑀦𑁂𑀯 𑀕𑀫𑀺𑀢𑀢𑁆𑀢𑀸 𑀅𑀯𑀩𑁄𑀥𑀺𑀢𑀢𑁆𑀢𑀸. 𑀦𑀸𑀲𑀺𑀁 𑀲𑀦𑀢𑁆𑀣𑀲𑁆𑀲 𑀧𑀬𑁄𑀕𑁄𑀢𑀺 𑀆𑀲𑀺𑀁𑀲𑀦𑀸 𑀅𑀢𑁆𑀣𑁄 𑀬𑀲𑁆𑀲 𑀚𑀻𑀯𑀢𑀼 𑀦𑀦𑁆𑀤𑀢𑀼 𑀪𑀯𑀢𑁆𑀯𑀺𑀘𑁆𑀘𑀸𑀤𑀺𑀦𑁄 𑀲𑀤𑁆𑀤𑀦𑁆𑀢𑀭𑀲𑁆𑀲, 𑀢𑀲𑁆𑀲 𑀦𑀧𑁆𑀧𑀬𑁄𑀕𑁄𑀢𑀺 𑀅𑀢𑁆𑀣𑁄.