𑁧𑁫. 𑀘𑀼𑀭𑀸

𑀅𑀲𑀢𑀺 𑀲𑀼𑀢𑁆𑀢𑁂 𑀲𑀓𑀢𑁆𑀣𑁂𑀢𑀺 𑀓𑀣𑀁 𑀮𑀩𑁆𑀪𑀢𑀻𑀢𑀺 𑀆𑀳- ‘𑀅𑀢𑁆𑀣𑀸𑀦𑀢𑀺 𑀤𑁂𑀲𑀸’𑀢𑀺. 𑀅𑀢𑁆𑀣𑀸-𑀦𑀢𑀺𑀤𑁂𑀲𑀸𑀢𑀺 𑀅𑀢𑁆𑀣𑀯𑀺𑀲𑁂𑀲𑀲𑁆𑀲 𑀓𑀲𑁆𑀲𑀘𑀺 𑀲𑀼𑀢𑁆𑀢𑁂 𑀅𑀦𑀺𑀤𑁆𑀤𑁂𑀲𑀸𑀢𑀺 𑀅𑀢𑁆𑀣𑁄. 𑀅𑀢𑁆𑀣𑀯𑀺𑀲𑁂𑀲𑀲𑁆𑀲𑀸-𑀦𑀢𑀺𑀤𑁂𑀲𑀫𑀢𑁆𑀢𑁂𑀦 𑀲𑀓𑀢𑁆𑀣𑁄𑀬𑁂𑀯 𑀡𑀺𑀦𑀸 𑀯𑀸𑀘𑁆𑀘𑁄𑀢𑀺 𑀓𑀣𑀁 𑀯𑀺𑀜𑁆𑀜𑀸𑀬𑀢𑁂𑀘𑁆𑀘𑀸𑀳- ‘𑀲𑀓𑀢𑁆𑀣𑀲𑁆𑀲 𑀘 𑀲𑀼𑀢𑀢𑁆𑀢𑀸’𑀢𑀺. 𑀘𑀼𑀭=𑀣𑁂𑀬𑁆𑀬𑁂 𑀇𑀘𑁆𑀘𑀸𑀤𑀻𑀲𑀼 𑀣𑁂𑀬𑁆𑀬𑀸𑀤𑀺𑀓𑀲𑁆𑀲 𑀲𑀓𑀢𑁆𑀣𑀲𑁆𑀲 𑀲𑀼𑀢𑀢𑁆𑀢𑀸𑀢𑀺 𑀅𑀢𑁆𑀣𑁄. 𑀬𑁄𑀕𑀯𑀺𑀪𑀸𑀕𑀢𑁄𑀢𑀺 ‘𑀡𑀻’𑀢𑀺𑀬𑁄𑀕𑀯𑀺𑀪𑀸𑀕𑀢𑁄, 𑀭𑀚𑁆𑀚𑀁 𑀓𑀸𑀭𑁂𑀢𑀻𑀢𑀺 𑀏𑀢𑁆𑀣 𑀲𑀸𑀫𑁆𑀬𑀫𑀘𑁆𑀘𑀸𑀤𑀺𑀓𑀁 𑀲𑀢𑁆𑀢𑀗𑁆𑀕𑀁 𑀭𑀚𑁆𑀚𑀁 𑀧𑀯𑀢𑁆𑀢𑁂𑀢𑀻𑀢𑀺 𑀯𑀸 𑀅𑀢𑁆𑀣𑁄, 𑀧𑀬𑁄𑀚𑀓𑀩𑁆𑀬𑀸𑀧𑀸𑀭𑁂 𑀡𑀺.