𑁯𑁭. 𑀅𑀪𑁆𑀬𑀸

𑀦𑀦𑀼 𑀘 𑀓𑀺𑀁 𑀇𑀫𑀺𑀦𑀸 𑀲𑀼𑀢𑁆𑀢𑁂𑀦, 𑀧𑀜𑁆𑀘𑀫𑁆𑀬𑀦𑁆𑀢𑀸 ‘‘𑀢𑁄 𑀧𑀜𑁆𑀘𑀫𑁆𑀬𑀸’’𑀢𑀺 (𑁪-𑁯𑁫) 𑀪𑀯𑀺𑀲𑁆𑀲𑀢𑀺, 𑀅𑀧𑀜𑁆𑀘𑀫𑁆𑀬𑀦𑁆𑀢𑀸𑀢𑀼 ‘‘𑀆𑀤𑁆𑀬𑀸𑀤𑀻𑀳𑀻’’𑀢𑀺 (𑁪-𑁯𑁮) 𑀦𑁂𑀢𑀤𑁂𑀯𑀁 𑀤𑀝𑁆𑀞𑀩𑁆𑀩𑀁. ‘‘𑀢𑁄 𑀧𑀜𑁆𑀘𑀫𑁆𑀬𑀸’’𑀢𑀺 (𑁪-𑁯𑁫) 𑀧𑀓𑀢𑀺𑀯𑀺𑀲𑁂𑀲𑀸𑀦𑀫𑀧𑀭𑀸𑀫𑀸𑀲𑀢𑁄 𑀓𑀼𑀢𑁄𑀘𑀺 𑀧𑀜𑁆𑀘𑀫𑁆𑀬𑀦𑁆𑀢𑀸 𑀳𑁄𑀢𑀼, 𑀅𑀧𑀜𑁆𑀘𑀫𑁆𑀬𑀦𑁆𑀢𑀸 𑀧𑀦 ‘‘𑀆𑀤𑁆𑀬𑀸𑀤𑀻𑀳𑀻’’𑀢𑀺 𑀲𑀼𑀢𑁆𑀢𑁂 𑀲𑀲𑀗𑁆𑀔𑁆𑀬𑀲𑁆𑀲𑀸𑀤𑀺𑀲𑀤𑁆𑀤𑀲𑁆𑀲 𑀕𑀳𑀡𑁂𑀦 𑀢𑀁𑀲𑀤𑀺𑀲𑀸 𑀲𑀲𑀗𑁆𑀔𑁆𑀬𑀸𑀏𑀯𑁄𑀧𑀮𑀓𑁆𑀔𑀻𑀬𑀦𑁆𑀢𑀻𑀢𑀺𑀧𑀺 𑀯𑀺𑀜𑁆𑀜𑀸𑀬𑁂𑀬𑁆𑀬 𑀢𑀢𑁄 𑀅𑀧𑀜𑁆𑀘𑀫𑁆𑀬𑀦𑁆𑀢𑁂𑀳𑀺 𑀅𑀪𑁆𑀬𑀸𑀤𑀻𑀳𑀺 𑀢𑁄 𑀦 𑀲𑀺𑀬𑀸𑀢𑀺 𑀅𑀪𑀺𑀢𑁄𑀘𑁆𑀘𑀸𑀤𑀺 𑀦 𑀲𑀺𑀚𑁆𑀛𑀢𑀻𑀢𑀺 ‘‘𑀅𑀪𑁆𑀬𑀸𑀤𑀻𑀳𑀻’’𑀢𑀺 𑀲𑀼𑀢𑁆𑀢𑀦𑁆𑀢𑀺 𑀤𑀝𑁆𑀞𑀩𑁆𑀩𑀁.