𑁯𑁫. 𑀢𑁄𑀧

‘𑀑𑀳𑀸𑀓 𑀘𑀸𑀕𑁂’ 𑀇𑀢𑀺 𑀲𑀓𑀓𑀸𑀭𑀲𑁆𑀲 𑀳𑀸𑀥𑀸𑀢𑀼𑀦𑁄 𑀧𑀬𑁄𑀕𑁂 𑀢𑁄𑀧𑁆𑀧𑀘𑁆𑀘𑀬𑀁 𑀦𑀺𑀲𑁂𑀥𑁂𑀢𑁆𑀯𑀸‘𑀲𑀢𑁆𑀣𑀸 𑀳𑀻𑀬𑀢𑁂 𑀲𑀢𑁆𑀣𑀸 𑀳𑀻𑀦𑁄’𑀢𑀺 𑀉𑀤𑀸𑀳𑀭𑀡𑀁 𑀤𑀲𑁆𑀲𑀺𑀢𑀁. 𑀢𑁂𑀦𑀸𑀳- ‘𑀲𑀓𑁆𑀓𑀢𑁂𑀘𑁆𑀘𑀸𑀤𑀺. 𑀤𑀲𑁆𑀲𑁂𑀢𑀼𑀁 𑀢𑀢𑀺𑀬𑀫𑁆𑀧𑀦𑀼𑀤𑀸𑀳𑀭𑀡𑀦𑁆𑀢𑀺 𑀲𑀫𑁆𑀩𑀦𑁆𑀥𑁄. 𑀘𑀻𑀧𑁆𑀧𑀘𑁆𑀘𑀬𑀸𑀯𑀲𑀸𑀦𑀸𑀦𑀦𑁆𑀢𑀺 ‘‘𑀅𑀪𑀽𑀢𑀢𑀩𑁆𑀪𑀸𑀯𑁂 𑀓𑀭𑀸𑀲𑀪𑀽𑀬𑁄𑀕𑁂 𑀯𑀺𑀓𑀸𑀭𑀸𑀘𑀻’’𑀢𑀺 (𑁪-𑁧𑁧𑁯) 𑀯𑀼𑀢𑁆𑀢𑁄 𑀘𑀻𑀧𑁆𑀧𑀘𑁆𑀘𑀬𑁄 𑀅𑀯𑀲𑀸𑀦𑁂 𑀬𑁂 𑀲𑀦𑁆𑀢𑀺 𑀯𑀺𑀕𑁆𑀕𑀳𑁄. 𑀚𑀸𑀢𑀺𑀬𑀯𑀚𑁆𑀚𑀺𑀢𑀸𑀦𑀦𑁆𑀢𑀺 ‘‘𑀢𑀩𑁆𑀩𑀢𑀺 𑀚𑀸𑀢𑀺𑀬𑁄’’𑀢𑀺 (𑁪-𑁧𑁧𑁩) 𑀲𑀼𑀢𑁆𑀢𑁂𑀦 𑀚𑀸𑀢𑀺𑀬𑀧𑁆𑀧𑀘𑁆𑀘𑀬𑁂𑀦 𑀯𑀚𑁆𑀚𑀺𑀢𑀸𑀦𑀁. 𑀓𑀘𑁆𑀘𑀸𑀬𑀦𑁂 𑀢𑀼 𑀢𑁄𑀆𑀤𑀻𑀦𑀁 𑀯𑀺𑀪𑀢𑁆𑀢𑀺 𑀲𑀜𑁆𑀜𑀢𑁆𑀢𑀸 𑀦 𑀢𑀢𑁄 𑀧𑀼𑀦 𑀯𑀺𑀪𑀢𑁆𑀢𑀼𑀧𑁆𑀧𑀢𑁆𑀢𑀺.