𑁪𑁧. 𑀢𑀫𑀲𑁆𑀲

𑀤𑁄𑀡𑀸𑀤𑀻𑀢𑁆𑀬𑀸𑀤𑀺𑀲𑀤𑁆𑀤𑁂𑀦 𑀔𑀸𑀭𑀲𑀢𑀸𑀤𑀬𑁄𑀧𑀺 𑀧𑀭𑀺𑀫𑀸𑀡𑀯𑀺𑀲𑁂𑀲𑀸 𑀕𑀬𑁆𑀳𑀦𑁆𑀢𑀺. 𑀲𑀗𑁆𑀔𑁆𑀬𑀸 𑀅𑀲𑀻𑀢𑀺𑀧𑀜𑁆𑀘𑀸𑀤𑀬𑁄, 𑀅𑀜𑁆𑀜𑀁 𑀯𑀸 𑀬𑀁𑀓𑀺𑀜𑁆𑀘𑀻𑀢𑀺 𑀉𑀧𑀟𑁆𑀠𑀓𑀸𑀬𑀸𑀤𑀺, 𑀲𑁄𑀴𑀲 𑀤𑁄𑀡𑀸 𑀏𑀓𑀸 𑀔𑀸𑀭𑀻. 𑀦𑀦𑀼 𑀧𑀜𑁆𑀘𑀓𑀁 𑀕𑀦𑁆𑀣𑀚𑀸𑀢𑀦𑁆𑀢𑀺 𑀯𑀢𑁆𑀯𑀸 𑀅𑀜𑁆𑀜𑀁 𑀯𑀸 𑀲𑀗𑁆𑀖𑀸𑀤𑀺𑀓𑀦𑁆𑀢𑀺 𑀯𑀼𑀢𑁆𑀢𑀁 𑀢𑀁 𑀓𑀣𑀁 𑀧𑀸𑀡𑀺𑀦𑀺𑀬𑁂𑀳𑀺 𑀯𑀺𑀬 ‘‘𑀲𑀗𑁆𑀔𑁆𑀬𑀸𑀬 𑀲𑀜𑁆𑀜𑀸𑀲𑀗𑁆𑀖𑀲𑀼𑀢𑁆𑀢𑀸𑀚𑁆𑀛𑀬𑀦𑁂𑀲𑀽’’𑀢𑀺 (𑁫-𑁧-𑁫𑁮) 𑀲𑀼𑀢𑁆𑀢𑀺𑀢𑀢𑁆𑀢𑀸𑀪𑀸𑀯𑀸𑀢𑀺 𑀫𑀦𑀲𑀺 𑀦𑀺𑀥𑀸𑀬 ‘𑀲𑀗𑁆𑀔𑁆𑀬𑀸𑀯𑀸𑀘𑀻𑀳𑀺’𑀘𑁆𑀘𑀸𑀤𑀺 𑀯𑀼𑀢𑁆𑀢𑀁. ‘‘𑀆𑀤𑀲𑀳𑀺 𑀲𑀗𑁆𑀔𑁆𑀬𑁂𑀬𑁂 𑀯𑀢𑁆𑀢𑀦𑁆𑀢𑀻’’𑀢𑀺 𑀧𑀜𑁆𑀘𑀲𑀤𑁆𑀤𑀲𑁆𑀲 𑀲𑀗𑁆𑀔𑁆𑀬𑁂𑀬𑁂 𑀯𑀼𑀢𑁆𑀢𑀢𑁆𑀢𑀸 𑀆𑀳- ‘𑀧𑀜𑁆𑀘𑀸𑀯𑀬𑀯𑀸’𑀢𑀺. 𑀧𑀭𑀺𑀫𑀸𑀡𑀲𑀤𑁆𑀤𑀲𑀦𑁆𑀦𑀺𑀥𑀸𑀦𑁂 𑀲𑀗𑁆𑀔𑁆𑀬𑀸𑀦𑁂𑀧𑀺 𑀧𑀜𑁆𑀘𑀲𑀤𑁆𑀤𑁄𑀢𑀺 𑀫𑀜𑁆𑀜𑀫𑀸𑀦𑁄 𑀆𑀳- ‘𑀧𑀜𑁆𑀘𑀲𑀗𑁆𑀔𑁆𑀬𑀸𑀦𑀜𑁆𑀘𑁂’𑀢𑀺. 𑀧𑀜𑁆𑀘𑀸 𑀯𑀼𑀢𑁆𑀢𑀬𑁄𑀢𑀺 𑀧𑀜𑁆𑀘𑀯𑀸𑀭𑀸, 𑀭𑀽𑀧𑀸𑀦𑀻𑀢𑀺 𑀘 𑀧𑀭𑀺𑀬𑀸𑀬𑀦𑁆𑀢𑀭𑁂𑀦 𑀆𑀯𑀼𑀢𑁆𑀢𑀺𑀲𑀤𑁆𑀤𑀲𑁆𑀲𑁂 𑀯𑀸𑀢𑁆𑀣𑀁 𑀩𑁆𑀬𑀢𑁆𑀢𑀁 𑀓𑀭𑁄𑀢𑀺.