𑁭𑁬. 𑀦𑀔𑀸

𑀲𑀜𑁆𑀜𑀸𑀲𑀤𑁆𑀤𑁂𑀲𑀼𑀘𑀸𑀢𑀺𑀆𑀤𑀺𑀦𑀸 𑀅𑀯𑀬𑀯𑀢𑁆𑀣𑀦𑀺𑀭𑀧𑁂𑀓𑁆𑀔𑀸𑀦𑀫𑁆𑀧𑀺 𑀬𑀣𑀸𑀓𑀣𑀜𑁆𑀘𑀺 𑀦𑀺𑀧𑁆𑀨𑀢𑁆𑀢𑀺𑀁 𑀤𑀲𑁆𑀲𑁂𑀦𑁆𑀢𑁄 𑀲𑀩𑁆𑀩𑁂𑀲𑀫𑁂𑀯 𑀲𑀤𑁆𑀤𑀸𑀦𑀁 𑀦𑀺𑀧𑁆𑀨𑀦𑁆𑀦𑀯𑀸𑀘𑀺𑀢𑀜𑁆𑀘𑀸𑀢𑁆𑀢𑀦𑁄 𑀤𑀻𑀧𑁂𑀢𑀺, 𑀬𑀣𑀸𑀓𑀣𑀜𑁆𑀘𑀺 𑀦𑀺𑀧𑁆𑀨𑀢𑁆𑀢𑀺, 𑀭𑀼𑀴𑁆𑀳𑀺𑀬𑀸 𑀅𑀢𑁆𑀣𑀦𑀺𑀘𑁆𑀙𑀬𑁄, 𑀢𑁂𑀦 𑀲𑀜𑁆𑀜𑁂𑀘𑁆𑀘𑀸𑀤𑁄-𑀥𑀺𑀧𑁆𑀧𑀸𑀬𑀁 𑀯𑀺𑀯𑀭𑀢𑀺 ‘𑀬𑀁𑀓𑀺𑀜𑁆𑀘𑀺’𑀢𑁆𑀬𑀸𑀤𑀺𑀦𑀸, 𑀇𑀢𑁆𑀣𑀻 𑀘 𑀧𑀼𑀫𑀸 𑀘 𑀇𑀢𑁆𑀣𑀺𑀧𑀼𑀫𑀁, 𑀦 𑀇𑀢𑁆𑀣𑀺 𑀧𑀼𑀫𑀦𑁆𑀢𑀺 𑀲𑀫𑀸𑀲𑁂 𑀦𑀺𑀧𑀸𑀢𑀦𑁂𑀦𑀺𑀫𑀺𑀦𑀸 𑀦𑀧𑀼𑀁𑀲𑀓𑀸𑀤𑁂𑀲𑁄 [𑀦𑀧𑀼𑀁𑀲𑀓𑀦𑀺𑀤𑁆𑀤𑁂𑀲𑁄 (𑀧𑁄𑀢𑁆𑀣𑀓𑁂)] 𑀢𑀺 𑀤𑀲𑁆𑀲𑁂𑀢𑀺 ‘𑀦 𑀇𑀢𑁆𑀣𑀺’𑀘𑁆𑀘𑀸𑀤𑀺𑀦𑀸. 𑀔𑀻-𑀔𑀬𑁂, 𑀔𑀭-𑀯𑀺𑀦𑀸𑀲𑁂 𑀘𑀸𑀢𑀺 𑀳𑀺 𑀏𑀢𑁂𑀳𑀺 ‘𑀦 𑀔𑀻𑀬𑀢𑀺 𑀦 𑀔𑀭𑀢𑀻’𑀢𑀺 𑀅𑀢𑁆𑀣𑁂 ‘‘𑀪𑀸𑀯𑀓𑀸𑀭𑀓𑁂𑀲𑁆𑀯 𑀖𑀡 𑀖𑀓𑀸’’𑀢𑀺 (𑁫-𑁪𑁪) 𑀅𑀧𑁆𑀧𑀘𑁆𑀘𑀬𑁂’ 𑀦 𑀔𑀬 𑀦 𑀔𑀭’𑀇𑀢𑀺 𑀞𑀺𑀢𑁂 𑀔𑀢𑁆𑀢𑀸𑀤𑁂𑀲𑁄𑀢𑀺 𑀆𑀳- 𑀦 𑀔𑀻𑀬𑀢𑀺’𑀘𑁆𑀘𑀸𑀤𑀺.