𑁪𑁦. 𑀲𑀫𑀸

𑀧𑀭𑀸𑀥𑀺𑀓𑀸𑀭𑀢𑁄 𑀧𑀘𑁆𑀘𑀬𑀲𑁆𑀲 𑀧𑀭𑀯𑀺𑀥𑀺𑀦𑀸𑀯 𑀲𑀸𑀫𑀻𑀧𑁆𑀬𑀲𑁆𑀲 𑀲𑀺𑀤𑁆𑀥𑀢𑁆𑀢𑀸 𑀲𑀸𑀥𑀻𑀧𑁆𑀬𑀯𑀘𑀦𑀲𑁆𑀲𑀦𑁆𑀢𑀲𑀤𑁆𑀤𑀲𑁆𑀲 𑀕𑀳𑀡𑀫𑀦𑀢𑁆𑀣𑀓𑀁 𑀲𑀺𑀬𑀸𑀢𑀺 𑀫𑀦𑁆𑀢𑁆𑀯𑀸𑀯𑀬𑀯𑀯𑀘𑀦𑁄 𑀬𑀫𑀦𑁆𑀢𑀲𑀤𑁆𑀤𑁄 𑀕𑀬𑁆𑀳𑀢𑀻𑀢𑀺 𑀤𑀲𑁆𑀲𑁂𑀦𑁆𑀢𑁄 𑀆𑀳- ‘𑀢𑀲𑁆𑀲 𑀅𑀦𑁆𑀢𑁄’𑀇𑀘𑁆𑀘𑀸𑀤𑀺. 𑀅𑀯𑀲𑀸𑀦𑀯𑀢𑀺+𑀅𑀯𑀬𑀯𑁄𑀢𑀺 𑀧𑀤𑀘𑁆𑀙𑁂𑀤𑁄, 𑀲𑀫𑀸𑀲𑀕𑁆𑀕𑀳𑀡𑁂𑀦 𑀕𑀳𑀡𑁂 𑀓𑀸𑀭𑀡𑀫𑀸𑀳-‘𑀅𑀯𑀬𑀯𑀢𑁆𑀢𑀸’𑀢𑀺. 𑀬𑀣𑀸𑀯𑀼𑀢𑁆𑀢𑀘𑁄𑀤𑀦𑀸𑀬 𑀦𑀺𑀤𑁆𑀤𑁄𑀲𑀢𑁆𑀢𑀫𑀼𑀧𑀫𑀸𑀯𑀲𑁂𑀦 𑀤𑀲𑁆𑀲𑁂𑀢𑀼𑀫𑀸𑀳-‘𑀦𑀸𑀬𑀁 𑀤𑁄𑀲𑁄’𑀘𑁆𑀘𑀸𑀤𑀺. 𑀧𑀮𑁆𑀮𑀯𑀺𑀢𑀲𑁆𑀲 𑀭𑀼𑀓𑁆𑀔𑀲𑁆𑀲 𑀧𑀮𑁆𑀮𑀯𑀸𑀦𑀫𑀯𑀬𑀯𑀢𑁆𑀢𑀁 𑀯𑀺𑀬 𑀲𑀫𑀸𑀲𑀢𑁄 𑀉𑀢𑁆𑀢𑀭𑀓𑀸𑀮𑀁 𑀯𑀺𑀥𑀻𑀬 𑀫𑀸𑀦𑀲𑁆𑀲 𑀅𑀓𑀸𑀭𑀲𑁆𑀲 𑀲𑀫𑀸𑀲𑀸𑀯𑀬𑀯𑀢𑁆𑀢𑀁 𑀦 𑀯𑀺𑀭𑀼𑀚𑁆𑀛𑀢𑀻𑀢𑀺 𑀅𑀢𑁆𑀣𑁄.