𑁩𑁩. 𑀫𑀸𑀢𑀼

𑀪𑀭𑀺𑀬𑀸𑀬𑀦𑁆𑀢𑀺 𑀧𑀓𑀢𑀺𑀯𑀺𑀲𑁂𑀲𑀦𑀢𑁆𑀢𑀸 𑀫𑀸𑀳- ‘𑀪𑀭𑀺𑀬𑀸𑀬’𑀦𑁆𑀢𑀺𑀆𑀤𑀺. 𑀧𑀼𑀦𑁆𑀦𑀸𑀫𑀥𑁂𑀬𑁆𑀬𑀸𑀢𑀺 𑀧𑀼𑀭𑀺𑀲𑀲𑁆𑀲 𑀲𑀫𑀜𑁆𑀜𑀸𑀪𑀽𑀢𑀸, 𑀧𑀼𑀁𑀬𑁄𑀕𑁂𑀦𑀸𑀢𑀺 𑀧𑀼𑀭𑀺𑀲𑁂𑀦 𑀲𑀳 𑀲𑀫𑁆𑀩𑀦𑁆𑀥𑁂𑀦 𑀳𑁂𑀢𑀼𑀦𑀸. 𑀇𑀢𑁆𑀣𑀺𑀬𑀁 𑀯𑀢𑁆𑀢𑀦𑁆𑀢𑀻𑀢𑀺 𑀲𑁄𑀬𑀫𑀺𑀢𑁆𑀬𑀪𑁂𑀤𑀯𑀘𑀦𑀺𑀘𑁆𑀙𑀸𑀬𑀁 𑀬𑀤𑀸 𑀪𑀭𑀺𑀬𑀸𑀲𑀗𑁆𑀔𑀸𑀢𑀸𑀬𑀫𑀺𑀢𑁆𑀣𑀺𑀬𑀁 𑀯𑀢𑁆𑀢𑀦𑁆𑀢𑁂, 𑀦𑀤𑀸𑀤𑀺𑀧𑀸𑀞𑀸𑀢𑀺 𑀯𑀼𑀢𑁆𑀢𑁂 𑀯𑀺𑀜𑁆𑀜𑀸𑀬𑀢𑀺 ‘𑀆𑀓𑀢𑀺𑀕𑀡𑀢𑁆𑀢𑀸 𑀦𑀤𑀸𑀤𑀺𑀧𑀸𑀞𑁄 𑀳𑁄𑀦𑁆𑀢𑁄 𑀏𑀯𑀁 𑀳𑁄𑀢𑀻’𑀢𑀺 𑀤𑀲𑁆𑀲𑁂𑀢𑀺, 𑀧𑀼𑀦𑁆𑀦𑀸𑀫𑀲𑁆𑀫𑀸𑀬𑁄𑀕𑀸𑀅𑀧𑀸𑀮𑀓𑀦𑁆𑀢𑀸𑀢𑀺 𑀦𑀤𑀸𑀤𑀺𑀧𑀸𑀞𑀢𑁄𑀢𑀺 𑀅𑀢𑁆𑀣𑁄𑀢𑀺 𑀲𑁂𑀲𑁄. 𑀇𑀤𑀜𑁆𑀘 𑀦𑀤𑀸𑀤𑀻𑀲𑀼 𑀕𑀡𑀲𑀼𑀢𑁆𑀢𑀦𑁆𑀢𑀺 𑀯𑁂𑀤𑀺𑀢𑀩𑁆𑀩𑀁, 𑀢𑀲𑁆𑀲 𑀅𑀢𑁆𑀣𑀁 𑀯𑀤𑀢𑀺-‘𑀧𑀼𑀫𑀼𑀦𑁄’𑀇𑀘𑁆𑀘𑀸𑀤𑀺, 𑀅𑀧𑀸𑀮𑀓𑀦𑁆𑀢𑀸𑀢𑀺 𑀓𑀺𑀁𑀧𑀲𑀼𑀧𑀸𑀮𑀺𑀓𑀸 𑀔𑁂𑀢𑁆𑀢𑀧𑀸𑀮𑀺𑀓𑀸.