𑁪𑁦. 𑀢𑀼𑀮𑁆𑀬

𑀅𑀦𑀪𑀺𑀫𑀢𑀸𑀢𑀺 ‘𑀢𑀼𑀮𑁆𑀬𑀢𑁆𑀣𑁂𑀳𑁆𑀬𑀢𑀼𑀮𑁄𑀧𑀫𑀸𑀳𑀺 𑀢𑀢𑀺𑀬𑀸𑀜𑁆𑀜𑀢𑀭𑀺𑀲𑁆𑀲’𑀦𑁆𑀢𑀺 (𑁨-𑁩-𑁭𑁨) 𑀲𑀼𑀢𑁆𑀢𑁂𑀦 𑀢𑀼𑀮𑁄𑀧𑀫𑀸𑀳𑀺 𑀅𑀜𑁆𑀜𑁂𑀳𑀺 𑀢𑀼𑀮𑁆𑀬𑀢𑁆𑀣𑁂𑀳𑀺 𑀬𑁄𑀕𑁂 𑀢𑀢𑀺𑀬𑀸𑀬 𑀯𑀺𑀥𑀻𑀬𑀫𑀸𑀦𑀢𑁆𑀢𑀸 𑀧𑀸𑀡𑀺𑀦𑀺𑀬𑀸𑀦𑀁 𑀅𑀦𑀪𑀺𑀫𑀢𑀸, 𑀬𑀲𑁆𑀫𑀸 𑀲𑀤𑀺𑀲𑀸 𑀪𑀸𑀯𑀸 𑀢𑁂𑀲𑀁 𑀦𑁄𑀧𑀫𑀸𑀢𑀺 ‘𑀅𑀚𑁆𑀚𑀼𑀦𑀲𑁆𑀲 𑀢𑀼𑀮𑀸 𑀦𑀢𑁆𑀣𑀻’𑀢𑁆𑀬𑀸𑀤𑀺𑀓𑀫𑀼𑀘𑁆𑀘𑀢𑁂, 𑀢𑀲𑁆𑀫𑀸 𑀏𑀯𑀁 𑀬𑀣𑀸𑀯𑀼𑀢𑁆𑀢𑀦𑀬𑁂𑀦𑀸𑀢𑀺 𑀢𑀤𑁂𑀯𑀦𑁆𑀢𑀻𑀫𑀲𑁆𑀲 𑀅𑀢𑁆𑀣𑁄 𑀯𑁂𑀤𑀺𑀢𑀩𑁆𑀩𑁄, 𑀢𑀤𑁂𑀯𑀦𑁆𑀢𑀺 𑀯𑀸 𑀦𑀺𑀧𑀸𑀢𑀲𑀫𑀼𑀤𑀸𑀬𑁄 𑀬𑀣𑀸𑀯𑀼𑀢𑁆𑀢𑀦𑀺𑀤𑀲𑁆𑀲𑀦𑀢𑁆𑀣𑁄, 𑀢𑀼𑀮𑁆𑀬𑁂𑀲𑀽𑀢𑀺 𑀲𑀤𑀺𑀲𑁂𑀲𑀼, 𑀢𑀣𑀸𑀯𑀼𑀢𑁆𑀢𑀸𑀢𑀺 𑀅𑀚𑁆𑀚𑀼𑀦𑀲𑁆𑀲𑀢𑀼𑀮𑀸𑀦𑀢𑁆𑀣𑀻𑀢𑁆𑀬𑀸𑀤𑀺𑀦𑀸 𑀢𑁂𑀦 𑀧𑀓𑀸𑀭𑁂𑀦 𑀯𑀼𑀢𑁆𑀢𑀸.