𑁨𑁭. 𑀅𑀧

𑀦𑀦𑀼 𑀨𑀼𑀝𑁄𑀯 𑀢𑁂𑀲𑀁 𑀲𑀸𑀮𑀸𑀤𑀻𑀦𑀁 𑀬𑁄𑀕𑁄𑀢𑀺 𑀓𑀺𑀫𑁂𑀢𑁆𑀣 𑀧𑀜𑁆𑀳𑁂𑀦 𑀓𑀲𑁆𑀲 𑀧𑀦𑁂𑀢𑁂𑀳𑀺 𑀬𑁄𑀕𑁄’𑀢𑁆𑀬𑀸𑀲𑀗𑁆𑀓𑀺𑀬𑀸𑀳-‘𑀯𑀚𑁆𑀚𑀦𑀁 𑀳𑀺𑀘𑁆𑀘𑀸𑀤𑀺, 𑀯𑀚𑁆𑀚𑀦𑀸𑀦𑀦𑁆𑀢𑀺 𑀓𑀢𑁆𑀢𑀭𑀺 𑀅𑀦𑁄, 𑀯𑀚𑁆𑀚𑀦𑁂 𑀲𑀫𑁆𑀩𑀦𑁆𑀥𑁂 𑀯𑀢𑁆𑀢𑀫𑀸𑀦𑁂𑀳𑀻𑀢𑀺 𑀯𑀚𑁆𑀚𑀦𑀲𑀗𑁆𑀔𑀸𑀢𑁂 𑀲𑀫𑁆𑀩𑀦𑁆𑀥𑁂 𑀯𑀢𑁆𑀢 𑀫𑀸𑀦𑁂𑀳𑀺 𑀅𑀧𑀧𑀭𑀻𑀳𑀺, 𑀬𑀼𑀢𑁆𑀢𑀲𑁆𑀫𑀸𑀢𑀺 𑀬𑀼𑀢𑁆𑀢𑀢𑁄𑀯 𑀏𑀓𑀲𑁆𑀫𑀸, 𑀦𑀸𑀜𑁆𑀜𑀢𑁄, 𑀓𑀺𑀫𑁂𑀢𑁆𑀣 𑀯𑀢𑁆𑀢𑀩𑁆𑀩𑀦𑁆𑀢𑀺 𑀇𑀫𑀺𑀦𑀸 𑀅𑀧𑀧𑀭𑀻𑀳𑀺 𑀬𑀼𑀢𑁆𑀢𑀲𑁆𑀫𑀸𑀯 𑀧𑀜𑁆𑀘𑀫𑀻𑀪𑀯𑀦𑁂 𑀧𑀲𑀺𑀤𑁆𑀥𑀢𑁆𑀢𑀫𑀸𑀳, 𑀧𑀲𑀺𑀤𑁆𑀥𑀫𑁆𑀧𑁂𑀢𑀫𑀸𑀳𑀭𑀺𑀢𑁆𑀯𑀸 𑀧𑀓𑀸𑀲𑁂𑀢𑀼𑀫𑀸𑀳-‘𑀓𑀢𑁆𑀢𑀼𑀦𑁄’𑀘𑁆𑀘𑀸𑀤𑀺, 𑀬𑀤𑀢𑁆𑀣𑁄𑀢𑀺 𑀬𑁄𑀲𑀸𑀮𑀸𑀤𑀺 𑀅𑀢𑁆𑀣𑁄 𑀧𑀬𑁄𑀚𑀦𑀁 𑀬𑀲𑁆𑀲 𑀯𑀚𑁆𑀚𑀦𑀓𑀺𑀭𑀺𑀬𑀸 𑀭𑀫𑁆𑀪𑀲𑁆𑀲 𑀲𑁄 𑀬𑀤𑀢𑁆𑀣𑁄. ‘‘𑀧𑀜𑁆𑀘𑀫𑁆𑀬𑀧𑀸𑀧𑀭𑀻𑀳𑀻’’𑀢𑀺 (𑁨-𑁩-𑁧𑁦) 𑀆𑀬𑀼𑀢𑁆𑀢𑁂𑀧𑀺 𑀧𑀜𑁆𑀘𑀫𑀻 𑀯𑀺𑀥𑀻𑀬𑀢𑁂 𑀧𑀭𑁂𑀳𑀺, 𑀢𑀤𑀸𑀳-‘𑀫𑀭𑀺𑀬𑀸𑀤𑀸𑀬’𑀫𑀺𑀘𑁆𑀘𑀸𑀤𑀺, 𑀅𑀯𑀥𑀺𑀫𑀸 𑀏𑀢𑁆𑀣 𑀯𑀲𑁆𑀲𑀦𑀁.