𑁨𑁩𑁩. 𑀬𑁄𑀦𑀁

𑀳𑀺𑀕𑁆𑀕𑀳𑀡𑁂 𑀧𑀜𑁆𑀘𑀫𑀻𑀳𑀺𑀲𑁆𑀲𑀸𑀧𑀺 𑀕𑀳𑀡𑀫𑁆𑀪𑀯𑁂𑀬𑁆𑀬𑀸𑀢𑀺 𑀲𑀼𑀢𑁆𑀢𑁂 ‘𑀅𑀧𑀜𑁆𑀘𑀫𑁆𑀬𑀸’𑀢𑀺 𑀯𑀼𑀢𑁆𑀢𑀁, 𑀢𑀼𑀫𑁆𑀳𑁂𑀳𑀺 𑀧𑀼𑀜𑁆𑀜𑀁 𑀧𑀲𑀼𑀢𑀁 𑀅𑀦𑀧𑁆𑀧𑀓𑀦𑁆𑀢𑀺 𑀕𑀸𑀣𑀸𑀧𑀸𑀤𑁂 𑀢𑀼𑀫𑁆𑀳𑁂𑀳𑀺𑀢𑀺𑀆𑀤𑀺𑀲𑀽 𑀢𑀢𑁆𑀢𑀸 𑀦 𑀯𑁄𑀆𑀤𑁂𑀲𑁄, 𑀢𑀼𑀫𑁆𑀳𑁂 𑀢𑀺𑀝𑁆𑀞𑀣 𑀦𑀕𑀭𑁂𑀢𑀺 𑀧𑀼𑀩𑁆𑀩𑀯𑀸𑀓𑁆𑀬𑀢𑁄 𑀯𑀸𑀓𑁆𑀬𑀦𑁆𑀢𑀭𑀢𑁆𑀢𑀸 𑀏𑀓𑀯𑀸𑀓𑁆𑀬𑀢𑀸 𑀦𑀢𑁆𑀣𑀺, 𑀢𑀼𑀫𑁆𑀳𑁂 𑀯𑀺𑀬 𑀤𑀺𑀬 𑀤𑀺𑀲𑁆𑀲𑀦𑁆𑀢𑀺 𑀅𑀫𑁆𑀳𑁂 𑀯𑀺𑀬 𑀤𑀺𑀲𑁆𑀲𑀦𑁆𑀢𑀻𑀢𑀺 𑀯𑀺𑀕𑁆𑀕𑀬𑁆𑀳 ‘𑀤𑀺𑀲-𑀧𑁂𑀓𑁆𑀔𑀡𑁂’ 𑀇𑀘𑁆𑀘𑀲𑁆𑀫𑀸 ‘‘𑀲𑀫𑀸𑀦𑀜𑁆𑀜𑀪𑀯𑀦𑁆𑀢𑀬𑀸𑀤𑀺 𑀢𑀽𑀧𑀫𑀸𑀦𑀸 𑀤𑀺𑀲𑀸 𑀓𑀫𑁆𑀫𑁂 𑀭𑀻𑀭𑀺𑀓𑁆𑀔𑀓𑀸’’𑀢𑀺 (𑁫-𑁪𑁩) 𑀓𑀧𑁆𑀧𑀘𑁆𑀘𑀬𑁂 ‘‘𑀦𑀢𑁂 𑀓𑀸𑀦𑀼𑀩𑀦𑁆𑀥𑀦𑀸𑀕𑀫𑁂𑀲𑀽’’𑀢𑀺 (𑁫-𑁮𑁫) 𑀏𑀢𑁆𑀢𑀸𑀪𑀸𑀯𑁂 ‘‘𑀲𑁆𑀬𑀸𑀤𑀺𑀲𑁆𑀬𑀸𑀤𑀺𑀦𑁂𑀓𑀢𑁆𑀣’’𑀦𑁆𑀢𑀺 (𑁩-𑁧) 𑀲𑀫𑀸𑀲𑁂 𑀘 ‘𑀏𑀓𑀢𑁆𑀣𑀢𑀸𑀬𑀁’’𑀢𑀺 (𑁨-𑁧𑁧𑁯) 𑀯𑀺𑀪𑀢𑁆𑀢𑀺𑀮𑁄𑀧𑁂 𑀘 ‘‘𑀲𑀩𑁆𑀩𑀸𑀤𑀻𑀦𑀫𑀸’’𑀢𑀺 (𑁩-𑁮𑁬) 𑀆 ‘𑀢𑀼𑀫𑁆𑀳𑀸𑀤𑀺𑀲𑀸𑀦’𑀫𑀺𑀘𑁆𑀘𑀸𑀤𑀺.