𑁨𑁨. 𑀙𑀝𑁆𑀞𑀻

𑀲𑀫𑁆𑀩𑀦𑁆𑀥𑀯𑀘𑀦𑀺𑀘𑁆𑀙𑀸𑀬𑁂𑀯𑁂𑀢𑁆𑀣 𑀙𑀝𑁆𑀞𑀻 𑀲𑀺𑀤𑁆𑀥𑀸𑀢𑀺 𑀆𑀲𑀗𑁆𑀓𑀺𑀬𑀸𑀳-‘𑀳𑁂𑀢𑀼𑀫𑁆𑀳𑀺’𑀘𑁆𑀘𑀸𑀤𑀺, 𑀳𑁂𑀢𑀼𑀫𑀸𑀳-‘𑀢𑀁 𑀬𑁄𑀕𑁆𑀕𑀢𑀸’ 𑀇𑀘𑁆𑀘𑀸𑀤𑀺, 𑀲𑀤𑁆𑀤𑀲𑀢𑁆𑀢𑀺𑀲𑀸𑀫𑀢𑁆𑀣𑀺𑀬𑀸𑀢𑀺 𑀲𑀤𑁆𑀤𑀲𑀢𑁆𑀢𑀺𑀲𑀗𑁆𑀔𑀸𑀢𑀸𑀬 𑀲𑀸𑀫𑀢𑁆𑀣𑀺𑀬𑀸, 𑀢𑀫𑁂𑀯 𑀨𑀼𑀝𑀬𑀢𑀺 ‘𑀬𑀢𑁆𑀣’𑀇𑀘𑁆𑀘𑀸𑀤𑀺𑀦𑀸, 𑀳𑁂𑀢𑁆𑀯𑀢𑁆𑀣𑀯𑀸𑀘𑀓𑁂𑀳𑀺 𑀅𑀦𑁆𑀢𑀭𑁂𑀦𑀸𑀢𑀺 𑀲𑀫𑁆𑀩𑀦𑁆𑀥𑁄, 𑀲𑀫𑀸𑀦𑀸𑀥𑀺𑀓𑀭𑀡𑁂𑀳𑀻𑀢𑀺 𑀳𑁂𑀢𑁆𑀯𑀢𑁆𑀣𑀲𑀫𑀸𑀦𑀸𑀥𑀺𑀓𑀭𑀡𑁂𑀳𑀺 𑀉𑀤𑀭𑀸𑀤𑀻𑀳𑀺, 𑀢𑀚𑁆𑀚𑁄𑀢𑀦𑀸𑀬𑀸𑀢𑀺 𑀳𑁂𑀢𑁆𑀯𑀢𑁆𑀣𑀚𑁄𑀢𑀦𑀸𑀬𑀸𑀮𑀦𑁆𑀢𑀺 𑀲𑀫𑁆𑀩𑀦𑁆𑀥𑁄, 𑀩𑁆𑀬𑀢𑀺𑀭𑁂𑀓𑁂𑀦 𑀢𑀼 𑀳𑁂𑀢𑁆𑀯𑀢𑁆𑀣𑀢𑁄 𑀢𑀧𑁆𑀧𑀯𑀢𑁆𑀢𑀺𑀫𑀸𑀳-‘𑀬𑀢𑁆𑀣 𑀧𑀦𑀺’𑀘𑁆𑀘𑀸𑀤𑀺, 𑀳𑁂𑀢𑁆𑀯𑀢𑁆𑀣𑁂𑀳𑀺𑀧𑀺𑀘𑁆𑀘𑀸𑀤𑀺𑀦𑀸 𑀲𑀸𑀫𑀢𑁆𑀣𑀺𑀬𑀫𑀼𑀧𑀤𑀲𑁆𑀲𑀺𑀢𑀁 ‘𑀯𑀲𑁂 𑀥𑀫𑁆𑀫𑀲𑁆𑀲 𑀳𑁂𑀢𑀼𑀦𑁄’𑀢𑀺 𑀢𑀢𑁆𑀣𑁄𑀤𑀸𑀳𑀭𑀡𑀁.