𑁨𑁧𑁯. 𑀬𑁄𑀫𑁆𑀳𑀺

𑀬𑁄𑀫𑁆𑀳𑀻𑀢𑀺 𑀲𑀢𑁆𑀢𑀫𑁆𑀬𑀦𑁆𑀢𑀚𑀸𑀢𑀺𑀦𑀺𑀤𑁆𑀤𑁂𑀲𑀸 𑀮𑀩𑁆𑀪𑀫𑀸𑀦𑀢𑁆𑀣𑀯𑀲𑁂𑀦 ‘𑀧𑀘𑁆𑀘𑁂𑀓’𑀦𑁆𑀢𑀺 𑀯𑀼𑀢𑁆𑀢𑀺𑀬𑀁 𑀯𑀼𑀢𑁆𑀢𑀁, 𑀢𑁂𑀦𑁂𑀯𑀸𑀳 𑀧𑀜𑁆𑀘𑀺𑀓𑀸𑀬𑀁- ‘𑀓𑀣𑀫𑀺𑀤𑀫𑀯𑀲𑀻𑀬𑀢𑁂 𑀬𑁄𑀫𑁆𑀳𑀻𑀢𑀺 𑀦𑀺𑀤𑁆𑀤𑁂𑀲𑀸’𑀢𑀺, 𑀢𑀲𑁆𑀲𑀤𑀸𑀦𑀺 𑀅𑀢𑁆𑀣𑀫𑁆𑀧𑀓𑀸𑀲𑁂𑀢𑀼𑀁 ‘𑀧𑀘𑁆𑀘𑁂𑀓𑀦𑁆𑀢𑀺 𑀏𑀓𑁂𑀓𑀲𑁆𑀫𑀺’𑀦𑁆𑀢𑀺𑀆𑀤𑀺 𑀯𑀼𑀢𑁆𑀢𑀁. 𑀏𑀓𑁂𑀓𑀲𑁆𑀫𑀺𑀁 𑀬𑁄𑀫𑁆𑀳𑀺 𑀤𑁆𑀯𑀺𑀦𑁆𑀦𑀁 𑀆𑀤𑁂𑀲𑀸𑀦𑀁 𑀲𑀫𑁆𑀪𑀯𑀸 𑀆𑀤𑁂𑀲𑀻𑀦𑀫𑁆𑀧𑀺 𑀩𑀳𑀼𑀢𑁆𑀢𑀲𑀫𑁆𑀪𑀯𑁄𑀢𑀺 𑀲𑀼𑀢𑁆𑀢𑁂 ‘𑀤𑁆𑀯𑀺𑀦𑁆𑀦’𑀦𑁆𑀢𑀺 𑀩𑀳𑀼𑀯𑀘𑀦𑀦𑀺𑀤𑁆𑀤𑁂𑀲𑁄, 𑀯𑀼𑀢𑁆𑀢𑀺𑀬𑀫𑁆𑀧𑀦 𑀧𑀘𑁆𑀘𑁂𑀓𑀁 𑀬𑁄𑀫𑁆𑀳𑀺 𑀧𑀘𑁆𑀘𑁂𑀓𑀁 𑀤𑁆𑀯𑀺𑀲𑀤𑁆𑀤𑀲𑀫𑁆𑀪𑀯𑀸 ‘𑀤𑁆𑀯𑀺𑀲𑁆𑀲𑀸’𑀢𑀺 𑀯𑀼𑀢𑁆𑀢𑀁, 𑀤𑀼𑀢𑀺𑀬𑀸𑀬𑀫𑁆𑀧𑀺 𑀤𑀼𑀯𑁂 𑀤𑁆𑀯𑁂.