𑁧𑁬𑁨. 𑀮𑁆𑀢𑀼

𑀧𑀘𑁆𑀘𑀬𑀇𑀘𑁆𑀘𑀸𑀤𑀺𑀦𑀸 ‘‘𑀧𑀘𑁆𑀘𑀬𑀕𑁆𑀕𑀳𑀡𑁂 𑀬𑀲𑁆𑀫𑀸 𑀲𑁄 𑀯𑀺𑀳𑀺𑀢𑁄 𑀢𑀤𑀸𑀤𑀺𑀦𑁄 𑀢𑀤𑀦𑁆𑀢𑀲𑁆𑀲 𑀘 𑀕𑀳𑀡’’𑀦𑁆𑀢𑀺 𑀜𑀸𑀬𑀁 𑀤𑀲𑁆𑀲𑁂𑀢𑀺, 𑀢𑀢𑁆𑀣 𑀬𑀢𑁄 𑀯𑀺𑀳𑀺𑀢𑁄 𑀢𑀁 𑀯𑀺𑀦𑀸 𑀦 𑀪𑀯𑀢𑀺 𑀧𑀘𑁆𑀘𑀬𑁄𑀢𑁆𑀬𑀦𑁂𑀦 𑀜𑀸𑀬𑁂𑀦 𑀧𑀢𑁆𑀢𑁄𑀬𑁂𑀯𑀸𑀢𑁆𑀣𑁄 𑀆𑀔𑁆𑀬𑀸𑀬𑀢𑁂 ‘𑀧𑀘𑁆𑀘𑀬𑀕𑁆𑀕𑀳𑀡𑁂 𑀬𑀲𑁆𑀫𑀸 𑀲𑁄 𑀯𑀺𑀳𑀺𑀢𑁄, 𑀢𑀤𑀸𑀤𑀺𑀦𑁄 𑀕𑀳𑀡’𑀦𑁆𑀢𑀺, ‘‘𑀯𑀺𑀥𑀺𑀩𑁆𑀩𑀺𑀲𑁂𑀲𑀦𑀦𑁆𑀢𑀲𑁆𑀲𑁂’’𑀢𑀺 𑀢𑀤𑀦𑁆𑀢𑀕𑁆𑀕𑀳𑀡𑀁𑀢𑁆𑀬𑀸𑀔𑁆𑀬𑀸𑀬𑀢𑁂 ‘𑀢𑀤𑀦𑁆𑀢𑀲𑁆𑀲 𑀘 𑀕𑀳𑀡’𑀦𑁆𑀢𑀺, 𑀲𑁄 𑀧𑀓𑀢𑀺𑀯𑀺𑀲𑁂𑀲𑁄 𑀆𑀤𑀺 𑀬𑀲𑁆𑀲 𑀲𑀫𑀼𑀤𑀸𑀬𑀲𑁆𑀲 𑀲𑁄 𑀢𑀤𑀸𑀤𑀺, 𑀲𑁄 𑀧𑀘𑁆𑀘𑀬𑁄-𑀦𑁆𑀢𑁂 𑀬𑀲𑁆𑀲 𑀲𑀫𑀼𑀤𑀸𑀬𑀲𑁆𑀲 𑀲𑁄 𑀢𑀤𑀦𑁆𑀢𑁄, 𑀢𑀸𑀤𑀺𑀲𑀲𑁆𑀲 𑀢𑀤𑀸𑀤𑀺𑀢𑀤𑀦𑁆𑀢𑀲𑀫𑀼𑀤𑀸𑀬𑀯𑀺𑀲𑁂𑀲𑀲𑁆𑀲 𑀕𑀳𑀡𑀁, 𑀦 𑀢𑀼 𑀢𑀤𑀦𑁆𑀢𑀫𑀢𑁆𑀢𑀲𑁆𑀲𑁂𑀢𑁆𑀬𑀢𑁆𑀣𑁄, 𑀇𑀳 𑀢𑀼 𑀢𑀤𑀦𑁆𑀢𑀕𑁆𑀕𑀳𑀡𑀫𑁂𑀯𑀸𑀦𑀼𑀭𑀽𑀧𑀦𑁆𑀢𑀺’ 𑀤𑀲𑁆𑀲𑁂𑀢𑀼𑀫𑀸𑀳-‘‘𑀓𑀢𑁆𑀢𑀭𑀺 𑀮𑁆𑀢𑀼𑀡𑀓𑀸’’𑀢𑀺 𑀇𑀫𑀺𑀦𑀸 𑀢𑁆𑀬𑀸𑀤𑀺, 𑀢𑀤𑀸𑀤𑀺𑀢𑀤𑀦𑁆𑀢 𑀲𑀫𑀼𑀤𑀸𑀬𑀲𑁆𑀲 𑀢𑀼 𑀕𑀳𑀡𑁂 𑀨𑀮𑀁 ‘𑀩𑁆𑀬𑀚𑀺𑀕𑀺𑀲𑀻’𑀢𑀺𑀆𑀤𑀻𑀲𑀼 𑀤𑀝𑁆𑀞𑀩𑁆𑀩𑀁, 𑀢𑀜𑁆𑀘 ‘‘𑀢𑀼𑀁𑀲𑁆𑀫𑀸 𑀮𑁄𑀧𑁄𑀘𑀺𑀘𑁆𑀙𑀸𑀬𑀁 𑀢𑁂’’𑀢𑀺 (𑁫-𑁪) 𑀲𑀼𑀢𑁆𑀢𑁂 𑀲𑀬𑀫𑁂𑀯 𑀯𑀓𑁆𑀔𑀢𑀺.