𑁩𑁭. 𑀏𑀑

𑀦𑀦𑀼 ‘‘𑀯𑀺𑀢𑀺𑀲𑁆𑀲𑁂𑀯𑁂 𑀯𑀸’’𑀢𑀺 (𑁧-𑁩𑁬) 𑀯𑁄𑀢𑁆𑀬𑀦𑀼𑀯𑀢𑁆𑀢𑀺𑀬 𑀅𑀯𑀡𑁆𑀡𑁂 𑀏𑀑𑀦𑀁 𑀯𑁄 𑀳𑁄𑀢𑀻𑀢𑀺 𑀘 𑀲𑀓𑁆𑀓𑀸 𑀯𑀺𑀜𑁆𑀜𑀸𑀢𑀼𑀁, 𑀢𑀣𑀸 𑀲𑀢𑀺 ‘𑀅𑀯𑀡𑁆𑀡𑁂 𑀓𑁆𑀯𑀘𑀺 𑀯𑁄 𑀳𑁄𑀢𑀻’’𑀢𑀺 𑀯𑀢𑁆𑀢𑀩𑁆𑀩𑀁 ‘𑀅𑀳𑁄𑀢𑀺 𑀯𑀸’𑀢𑀺 𑀓𑀲𑁆𑀫𑀸 𑀯𑀼𑀢𑁆𑀢𑀦𑁆𑀢𑀺 𑀘𑁄𑀤𑀦𑀫𑀸𑀲𑀗𑁆𑀓𑀺𑀬𑀸𑀳-‘𑀑𑀓𑀸𑀭𑀲𑁆𑀲𑀧𑀺’𑀘𑁆𑀘𑀸𑀤𑀺, 𑀞𑀸𑀦𑀺𑀪𑀸𑀯𑁂𑀦 𑀦𑀺𑀤𑁆𑀤𑀺𑀝𑁆𑀞𑀢𑁆𑀢𑀸𑀢𑀺 ‘‘𑀏𑀑𑀦’’𑀦𑁆𑀢𑀺 (𑁧-𑁩𑁧) 𑀯𑀓𑀸𑀭𑀸𑀤𑁂𑀲𑀲𑁆𑀲 𑀯𑀺𑀚𑁆𑀚𑀫𑀸𑀦𑀢𑁆𑀢𑀸 𑀯𑀓𑀸𑀭𑀸𑀤𑁂𑀲𑀫𑁆𑀧𑀢𑀺 𑀧𑀼𑀦 𑀑𑀓𑀸𑀭𑁄 𑀞𑀸𑀦𑀺𑀪𑀸𑀯𑁂𑀦 𑀦𑀺𑀤𑁆𑀤𑀺𑀲𑀺𑀢𑀩𑁆𑀩𑁄 𑀦 𑀲𑀺𑀬𑀸𑀢𑀺 𑀅𑀥𑀺𑀧𑁆𑀧𑀸𑀬𑁂𑀦𑀸𑀳, 𑀦 𑀦𑀺𑀫𑀺𑀢𑁆𑀢𑀦𑁆𑀢𑀺 𑀏𑀑𑀦𑀁 𑀯𑀓𑀸𑀭𑀸𑀤𑁂𑀲𑀢𑁆𑀣𑀁 𑀅𑀯𑀡𑁆𑀡𑁄 𑀓𑀸𑀭𑀡𑀁 𑀦 𑀳𑁄𑀢𑀻𑀢𑀺 𑀅𑀢𑁆𑀣𑁄, 𑀅𑀜𑁆𑀜𑀣𑀸𑀢𑀺 𑀅𑀯𑀡𑁆𑀡𑀲𑁆𑀲 𑀦𑀺𑀫𑀺𑀢𑁆𑀢𑀢𑁆𑀢𑁂, 𑀑𑀓𑀸𑀭𑀁 𑀦 𑀧𑀞𑁂𑀬𑁆𑀬𑀸𑀢𑀺 𑀲𑀫𑁆𑀩𑀦𑁆𑀥𑁄, 𑀫𑀓𑀸𑀭𑀸𑀕𑀫𑁂’𑀬𑀸𑀘 𑀓𑀫𑀸𑀕𑀢𑁂 𑀅𑀕𑁆𑀕𑀫𑀓𑁆𑀔𑀸𑀬𑀢𑀻’𑀢𑀺, 𑀲𑁆𑀯𑁂 𑀪𑀯𑀦𑁆𑀢𑀺 𑀯𑀺𑀕𑁆𑀕𑀬𑁆𑀳 𑀢𑀦𑀧𑁆𑀧𑀘𑁆𑀘𑀬𑁂 𑀢𑀤𑁆𑀥𑀺𑀢𑀯𑀼𑀢𑁆𑀢𑀺𑀬𑀁 𑀯𑀺𑀪𑀢𑁆𑀢𑀺𑀬𑀸 ‘‘𑀏𑀓𑀢𑁆𑀣𑀢𑀸𑀬𑀁’’𑀢𑀺 (𑁨-𑁧𑁧𑁯) 𑀮𑁄𑀧𑁂 𑀅𑀓𑀸𑀭𑀸𑀤𑁂𑀲𑁂 𑀤𑀻𑀖𑁂𑀘 𑀲𑁆𑀬𑀸𑀤𑀺𑀫𑁆𑀳𑀺 𑀲𑁆𑀯𑀸𑀢𑀦𑀁 𑀤𑁆𑀯𑀺𑀢𑁆𑀢𑁂 𑀳𑀺𑀬𑁆𑀬𑀢𑁆𑀢𑀦𑀁. 𑀲𑁆𑀯𑀸𑀢𑀦𑀦𑁆𑀢𑀺𑀆𑀤𑀻𑀲𑀼 𑀦𑀺𑀘𑁆𑀘𑀁, 𑀇𑀥 𑀦𑀳𑁄𑀢𑀺 𑀧𑀭𑁂𑀘 𑀦 𑀯𑀺𑀚𑀸𑀦𑀦𑁆𑀢𑀻𑀢𑀺.