𑁩𑁦. 𑀬𑀯𑀸

‘‘𑀲𑀢𑁆𑀢𑀫𑀺𑀬𑀁 𑀧𑀼𑀩𑁆𑀩𑀲𑁆𑀲𑁂’’𑀢𑀺 (𑁧-𑁧𑁪) 𑀧𑀼𑀩𑁆𑀩𑀲𑁆𑀲 𑀓𑀸𑀭𑀺𑀬𑀯𑀺𑀥𑀸𑀦𑀢𑁄 𑀲𑀢𑁆𑀢𑀫𑀻 𑀦𑀺𑀤𑁆𑀤𑀺𑀝𑁆𑀞𑀲𑁆𑀲 𑀧𑀭𑀢𑀸 𑀯𑀺𑀜𑁆𑀜𑀸𑀬𑀢𑀻𑀢𑀺 𑀯𑀼𑀢𑁆𑀢𑀺𑀬𑀁 ‘𑀧𑀭𑁂’𑀢𑀺 𑀯𑀼𑀢𑁆𑀢𑀁, 𑀏𑀯𑀫𑀼𑀧𑀭𑀺𑀧𑀺, 𑀧𑀭𑁂𑀳𑀺 𑀇𑀘𑁆𑀘𑀲𑁆𑀲 𑀅𑀚𑁆𑀛𑀺𑀡𑀫𑀼𑀢𑁆𑀢𑁄’𑀢𑀺 𑀲𑀸𑀥𑁂𑀢𑀼𑀁 ‘‘𑀲𑀩𑁆𑀩𑁄𑀘𑀦𑁆𑀢𑀺’’ ‘‘𑀅𑀚𑁆𑀛𑁄 𑀅𑀥𑀻’’𑀢𑀺 𑀘 𑀲𑀼𑀢𑁆𑀢𑀺𑀢𑀁, 𑀢𑁂𑀲𑀫𑀺𑀥 𑀧𑀘𑁆𑀘𑀓𑁆𑀔𑀸𑀢𑀪𑀸𑀯𑀤𑀲𑁆𑀲𑀦𑀢𑁆𑀣𑀫𑀸𑀳-‘𑀇𑀤’𑀫𑀺𑀘𑁆𑀘𑀸𑀤𑀺, 𑀅𑀩𑁆𑀪𑀓𑁆𑀔𑀸𑀦𑀦𑁆𑀢𑀺 [𑀅𑀩𑁆𑀪𑀼𑀕𑁆𑀕𑀪𑁄] 𑀇𑀫𑀺𑀦𑀸𑀯 𑀲𑀺𑀤𑁆𑀥𑀦𑁆𑀢𑀺 ‘‘𑀅𑀩𑁆𑀪𑁄 𑀅𑀪𑀻’’𑀢𑀺 𑀘 𑀦 𑀯𑀢𑁆𑀢𑀩𑁆𑀩𑀁, 𑀇𑀢𑀺+𑀅𑀲𑁆𑀲 𑀇𑀢𑀺 𑀞𑀺𑀢𑁂 𑀧𑀭𑀮𑁄𑀧𑁄𑀢𑀺 𑀤𑀲𑁆𑀲𑀦𑀢𑁆𑀣𑀁 ‘𑀇𑀢𑀺 𑀅𑀲𑁆𑀲 𑀧𑀭𑀮𑁄𑀧𑁄’𑀢𑀺 𑀆𑀳, 𑀅𑀦𑁆𑀯𑀕𑀫𑀸𑀢𑀺𑀆𑀤𑀻𑀲𑀼 𑀦𑀺𑀘𑁆𑀘𑀁.