𑁨𑁩. 𑀲𑀗𑁆𑀓𑁂𑀢𑁄

𑀯𑀘𑀦𑀸𑀭𑀫𑁆𑀪𑀲𑁆𑀲 𑀨𑀮𑀫𑀸𑀳-‘𑀅𑀦𑀼𑀩𑀦𑁆𑀥𑁄𑀢𑀺 𑀬𑀁 𑀯𑀼𑀢𑁆𑀢𑀁’𑀢𑁆𑀬𑀸𑀤𑀺, 𑀯𑀼𑀢𑁆𑀢𑀺𑀬𑀁 ‘‘𑀬𑁄𑀦𑀯𑀬𑀯𑀪𑀽𑀢𑁄 𑀲𑀗𑁆𑀓𑁂𑀢𑁄’’𑀢𑀺 𑀲𑀸𑀫𑀜𑁆𑀜𑁂𑀦 𑀯𑀼𑀢𑁆𑀢𑁂𑀧𑀺 ‘‘𑀪𑀸𑀲𑀺𑀲𑁆𑀲𑀁 𑀫𑀸𑀕𑀥𑀁 𑀲𑀤𑁆𑀤𑀮𑀓𑁆𑀔𑀡’’𑀦𑁆𑀢𑀺 𑀲𑀤𑁆𑀤𑀮𑀓𑁆𑀔𑀡𑀸 𑀪𑀺𑀥𑀸𑀦𑀧𑁆𑀧𑀓𑀭𑀡𑀢𑁄 𑀲𑀤𑁆𑀤𑀲𑁆𑀲𑀸𑀦𑀯𑀬𑀯𑀪𑀽𑀢𑁄𑀢𑀺 𑀯𑀺𑀜𑁆𑀜𑀸𑀬𑀢𑁂𑀢𑀺 𑀤𑀲𑁆𑀲𑁂𑀢𑀼𑀫𑀸𑀳-‘𑀓𑀲𑁆𑀲’𑀢𑁆𑀬𑀸𑀤𑀺𑀮𑁆𑀢𑀼𑀧𑁆𑀧𑀘𑁆𑀘𑀬𑁂 𑀮𑀓𑀸𑀭𑁄 𑀉𑀤𑀸𑀳𑀭𑀡𑀁, 𑀧𑀓𑀢𑀺𑀬𑀸𑀤𑀺 𑀲𑀫𑀼𑀤𑀸𑀬𑀲𑁆𑀲𑀸𑀢𑀺𑀆𑀤𑀺𑀯𑀸𑀓𑁆𑀬𑀲𑁆𑀲 𑀲𑀸𑀧𑁆𑀧𑀸𑀬𑀫𑀢𑁆𑀣𑀁 𑀯𑀺𑀯𑀭𑀺𑀢𑀼𑀁 ‘𑀏𑀯𑀫𑀜𑁆𑀜𑀢𑁂’𑀘𑁆𑀘𑀸𑀤𑀺 𑀯𑀼𑀢𑁆𑀢𑀁, 𑀓𑁂𑀘𑀺 𑀲𑀤𑁆𑀤𑀲𑀢𑁆𑀣𑀓𑀸𑀭𑀸𑀢𑀺 𑀧𑀸𑀡𑀺𑀦𑀺𑀁 𑀲𑀦𑁆𑀥𑀸𑀬𑀸𑀳, 𑀯𑀘𑀦𑀦𑁆𑀢𑀺 ‘‘𑀢𑀲𑁆𑀲 𑀮𑁄𑀧𑁄’’𑀢𑀺 (𑁧-𑁩-𑁯) 𑀯𑀘𑀦𑀁, 𑀧𑀬𑁄𑀕𑀸𑀲𑀫𑀯𑀸𑀬𑀺𑀢𑀸𑀢𑀺 𑀓𑀢𑁆𑀢𑀸𑀇𑀘𑁆𑀘𑀸𑀤𑀺𑀧𑁆𑀧𑀬𑁄𑀕𑁂 𑀅𑀲𑀫𑀯𑀸𑀬𑀺𑀢𑀸 𑀅𑀧𑁆𑀧𑀬𑁄𑀕𑀺𑀢𑀸𑀢𑀺 𑀅𑀥𑀺𑀧𑁆𑀧𑀸𑀬𑁄, 𑀏𑀯𑀫𑁆𑀧𑀺𑀲𑁆𑀲 𑀮𑁄𑀧𑁄 𑀯𑀲𑁂𑀬𑁄… 𑀅𑀦𑀼𑀧𑀼𑀩𑁆𑀩𑁄 𑀩𑀦𑁆𑀥𑀺𑀯𑀺𑀦𑀸𑀲𑀢𑁆𑀣𑁄𑀢𑀺 𑀆𑀳𑀼 𑀉𑀘𑁆𑀘𑀸𑀭𑀺𑀢𑀧𑀥𑀁𑀲𑀺𑀢𑁆𑀢𑀸 𑀅𑀦𑀼𑀩𑀦𑁆𑀥𑁆𑀬𑀢𑁂 𑀯𑀺𑀦𑀲𑁆𑀲𑀢𑁂𑀢𑁆𑀬𑀦𑀼𑀩𑀦𑁆𑀥𑁄𑀢𑀺 𑀇𑀫𑀸𑀬 𑀲𑀤𑁆𑀤 𑀩𑁆𑀬𑀼𑀧𑁆𑀧𑀢𑁆𑀢𑀺𑀬𑀸𑀯𑀲𑁂𑀦.