𑁧𑁯. 𑀝𑀸𑀦𑀼

𑀙𑀝𑁆𑀞𑀻𑀦𑀺𑀤𑁆𑀤𑀺𑀝𑁆𑀞𑀲𑁆𑀲𑁂𑀘𑁆𑀘𑀸𑀤𑀺𑀦𑀸 𑀯𑀘𑀦𑀸𑀭𑀫𑁆𑀪𑀧𑁆𑀧𑀬𑁄𑀚𑀦𑀸𑀔𑁆𑀬𑀸𑀦𑁂𑀦𑀸𑀦𑁆𑀢𑀸𑀤𑁂𑀲𑀸𑀧𑀯𑀸𑀤𑁄 𑀬𑀁 𑀬𑁄𑀕𑁄𑀢𑀺 𑀩𑁆𑀭𑀯𑀻𑀢𑀺, 𑀧𑀘𑁆𑀘𑁂𑀓𑀫𑀪𑀺𑀲𑀫𑁆𑀩𑀦𑁆𑀥𑁄𑀢𑀺 𑀲𑁄 𑀝𑀓𑀸𑀭𑀸𑀦𑀼𑀩𑀦𑁆𑀥𑁄 𑀘𑀸𑀤𑁂𑀲𑁄𑀢𑀺𑀆𑀤𑀺𑀦𑀸, 𑀓𑀲𑁆𑀲 𑀲𑀩𑁆𑀩𑀲𑁆𑀲 𑀪𑀯𑀢𑀺𑀘𑁆𑀘𑀸𑀳-‘𑀙𑀝𑁆𑀞𑀻 𑀦𑀺𑀤𑁆𑀤𑀺𑀝𑁆𑀞𑀲𑁆𑀲𑁂’𑀘𑁆𑀘𑀸𑀤𑀺, 𑀦𑀦𑀼 𑀘 𑀝𑁂𑀆𑀤𑁂𑀲𑁄𑀧𑁆𑀬𑀦𑁂𑀓𑀯𑀡𑁆𑀡𑁄𑀏𑀯 𑀤𑁆𑀯𑀺𑀯𑀡𑁆𑀡𑀲𑀫𑀼𑀤𑀸𑀬𑀢𑁆𑀢𑀸𑀢𑁆𑀬𑀸𑀲𑀗𑁆𑀓𑀺𑀬𑀸𑀳-‘𑀉𑀧𑀮𑀓𑁆𑀔𑀺𑀬𑁂’𑀘𑁆𑀘𑀸𑀤𑀺, 𑀅𑀦𑀼𑀩𑀥𑁆𑀬𑀢𑁂 𑀧𑀬𑁄𑀕𑁂 𑀅𑀲𑀼𑀬𑁆𑀬𑀫𑀸𑀦𑁂𑀧𑀺 𑀧𑀬𑁄𑀚𑀦𑀯𑀲𑁂𑀦𑀸𑀦𑀼𑀲𑀭𑀻𑀬𑀢𑀻𑀢𑁆𑀬𑀦𑀼𑀩𑀦𑁆𑀥𑁄, 𑀉𑀧𑀤𑁂𑀲𑁂 𑀬𑁂𑀯𑁄𑀧𑀮𑀓𑁆𑀔𑀺𑀬 𑀦𑀺𑀯𑀢𑁆𑀢𑀢𑁂𑀢𑁆𑀬𑀦𑁂𑀦𑁂𑀢𑀁 𑀤𑀲𑁆𑀲𑁂𑀢𑀺 ‘𑀉𑀘𑁆𑀘𑀸𑀭𑀺𑀢𑀯𑀺𑀦𑀸𑀲𑀺𑀦𑁄𑀦𑀼𑀩𑀦𑁆𑀥𑀸’𑀢𑀺, 𑀉𑀧𑀤𑁂𑀲𑁂 𑀧𑀞𑀫𑀼𑀘𑁆𑀘𑀸𑀭𑀡𑁂.