𑁪. 𑀧𑀼𑀩𑁆𑀩𑁄

𑀯𑀢𑁆𑀢𑀢𑁂𑀢𑀺 𑀅𑀢𑁆𑀣𑀯𑀲𑀸 𑀯𑀺𑀪𑀢𑁆𑀢𑀺𑀯𑀺𑀧𑀭𑀺𑀡𑀸𑀫𑁂𑀦 𑀯𑀢𑁆𑀢𑀢𑁂, 𑀦𑀦𑀼 𑀘𑁂𑀢𑁆𑀬𑀸𑀤𑀺𑀘𑁄𑀤𑀦𑀸, 𑀦𑁂𑀲𑀤𑁄𑀲𑁄𑀘𑁆𑀘𑀸𑀤𑀺 𑀧𑀭𑀺𑀳𑀸𑀭𑁄, 𑀤𑁄𑀲𑀸𑀪𑀸𑀯𑁂 𑀓𑀸𑀭𑀡 𑀫𑀸𑀳-‘𑀬𑁄𑀬𑁄…𑀧𑁂… 𑀧𑀢𑀻𑀬𑀢𑁂’𑀢𑀺, 𑀯𑀼𑀢𑁆𑀢𑀁 𑀲𑀫𑀢𑁆𑀢𑁂𑀢𑀺-‘𑀦𑀳𑀺’𑀘𑁆𑀘𑀸𑀤𑀺𑀦𑀸, 𑀦𑀦𑀼 𑀘 𑀧𑀼𑀩𑁆𑀩𑀲𑀤𑁆𑀤𑁄 𑀬𑀫𑁂𑀓𑀢𑁆𑀢𑀸 𑀏𑀓𑀁 𑀧𑀼𑀩𑁆𑀩𑀫𑀸𑀘𑀺𑀓𑁆𑀔𑀢𑀺 𑀦 𑀲𑀓𑀮𑀦𑁆𑀢𑀺 𑀓𑀣𑀁 ‘‘𑀧𑀼𑀩𑁆𑀩𑁄’𑀢𑀺 𑀯𑀼𑀢𑁆𑀢𑁂 𑀬𑁄𑀬𑁄𑀢𑀺 𑀜𑀸𑀬𑀢𑀺 ‘𑀬𑁄𑀬𑁄 𑀧𑀼𑀩𑁆𑀩𑁄’𑀢𑀺 𑀘 𑀯𑀼𑀢𑁆𑀢𑁂 ‘𑀢𑁂𑀲𑀼 𑀤𑁆𑀯𑀻𑀲𑀼’𑀢𑀺 𑀏𑀢𑁆𑀣’𑀤𑁆𑀯𑀻𑀲𑀼 𑀤𑁆𑀯𑀻𑀲𑀼’𑀢𑀺 𑀇𑀤𑀁 𑀓𑀣𑀁 𑀲𑀼𑀔𑁂𑀦𑁂𑀯 𑀧𑀢𑀻𑀬𑀢𑁂 𑀢𑀤𑀺𑀤𑀫𑀲𑀺𑀤𑁆𑀥𑁂𑀦𑀸𑀲𑀺𑀤𑁆𑀥𑀲𑀸𑀥𑀦𑀦𑁆𑀢𑀺 𑀆𑀲𑀗𑁆𑀓𑀺𑀬 𑀢𑀤𑀪𑀸𑀯𑀫𑀼𑀩𑁆𑀪𑀸𑀯𑀻𑀬 𑀧𑀼𑀩𑁆𑀩 𑀲𑀤𑁆𑀤𑀲𑁆𑀲 𑀯𑀺𑀘𑁆𑀙𑀸𑀕𑀫𑀓𑀢𑁆𑀢𑀫𑀯𑀕𑀫𑀬𑀺𑀢𑀼𑀫𑀸𑀳-‘𑀦𑀘𑁂𑀤’𑀫𑀺𑀘𑁆𑀘𑀸𑀤𑀺. 𑀢𑀁𑀬𑁄𑀕𑀸𑀢𑀺 𑀉𑀧𑀘𑀸𑀭𑀯𑀲𑁂𑀦𑀸𑀳, 𑀢𑀩𑁆𑀩𑀦𑁆𑀢𑀢𑀸𑀬𑀯𑀸𑀢𑀺 𑀅𑀢𑁆𑀣𑀺𑀬𑀢𑁆𑀣𑁂 𑀅𑀧𑁆𑀧𑀘𑁆𑀘𑀬𑀯𑀲𑁂𑀦, 𑀏𑀯𑀫𑀼𑀧𑀭𑀺𑀧𑀺.