𑀫𑁄𑀕𑁆𑀕𑀮𑁆𑀮𑀸𑀦 |𑀑𑁦.𑁦𑁦𑁦𑁧| 𑀯𑀼𑀢𑁆𑀢𑀺𑀯𑀺𑀯𑀭𑀡𑀧𑀜𑁆𑀘𑀺𑀓𑀸.

𑀯𑀼𑀢𑁆𑀢𑀺𑀲𑀫𑁂𑀢𑀸.

𑀦𑀫𑁄 𑀢𑀲𑁆𑀲 𑀪𑀕𑀯𑀢𑁄 𑀅𑀭𑀳𑀢𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲

𑀲𑀤𑁆𑀥𑀫𑀺𑀤𑁆𑀥𑀕𑀼𑀡𑀁 𑀲𑀸𑀥𑀼 𑀦𑀫𑀲𑁆𑀲𑀺𑀢𑁆𑀯𑀸 𑀢𑀣𑀸𑀕𑀢𑀁,

𑀲𑀥𑀫𑁆𑀫𑀲𑀗𑁆𑀖𑀁 𑀪𑀸𑀲𑀺𑀲𑁆𑀲𑀁 𑀫𑀸𑀕𑀥𑀁 𑀲𑀤𑁆𑀤𑀮𑀓𑁆𑀔𑀡𑀁.

𑀅𑀓𑀸𑀭𑀸𑀤𑀬𑁄 |𑀑𑁦.𑁦𑁦𑁦𑁫| 𑀦𑀺𑀕𑁆𑀕𑀳𑀻𑀢𑀦𑁆𑀢𑀸 𑀢𑁂𑀘𑀢𑁆𑀢𑀸𑀮𑀻𑀲𑀓𑁆𑀔𑀭𑀸 𑀯𑀡𑁆𑀡𑀸 𑀦𑀸𑀫 𑀳𑁄𑀦𑁆𑀢𑀺, 𑀅 𑀆 𑀇 𑀈 𑀉 𑀊 𑀏 ऐ 𑀑 औ 𑀓 𑀔 𑀕 𑀖 𑀗 𑀘 𑀙 𑀚 𑀛 𑀜 𑀝 𑀞 𑀟 𑀠 𑀡 𑀢 𑀣 𑀤 𑀥 𑀦 𑀧 𑀨 𑀩 𑀪 𑀫 𑀬 𑀭 𑀮 𑀯 𑀲 𑀳 𑀴 𑀅𑀁; 𑀢𑁂𑀦 𑀓𑁆𑀯𑀢𑁆𑀣𑁄 ‘‘𑀜𑁄𑀦𑀫 𑀯𑀡𑁆𑀡𑁂‘‘. 𑀢𑀺𑀢𑀸𑀮𑀻𑀲𑀸𑀢𑀺 𑀯𑀘𑀦𑀁 𑀓𑀢𑁆𑀣𑀯𑀺 𑀯𑀡𑁆𑀡𑀮𑁄𑀧𑀁 𑀜𑀸𑀧𑁂𑀢𑀺; 𑀢𑁂𑀦-𑀧𑀝𑀺𑀲𑀗𑁆𑀔𑀸𑀬𑁄𑀦𑀺 𑀲𑁄𑀢𑀺-𑀆𑀤𑀺 𑀲𑀺𑀤𑁆𑀥𑀁.

𑀤𑀲𑀸𑀤𑁄 |𑀑𑁦.𑁦𑁦𑁦𑁭| 𑀲𑀭𑀸-.

𑀢𑀢𑁆𑀣𑀸𑀤𑀺𑀫𑁆𑀳𑀺 𑀤𑀲 𑀯𑀡𑁆𑀡𑀸 𑀲𑀭𑀸 𑀦𑀸𑀫 𑀳𑁄𑀦𑁆𑀢𑀺; 𑀢𑁂𑀦 𑀓𑁆𑀯𑀢𑁆𑀣𑁄 ‘‘𑀲𑀭𑁄 𑀮𑁄𑀧𑁄 𑀲𑀭𑁂‘‘. 𑀘𑁆𑀘𑀸𑀤𑀺.

𑀤𑁆𑀯𑁂𑀤𑁆𑀯𑁂 𑀲𑀯𑀡𑁆𑀡𑀸-.

𑀢𑁂𑀲𑀼 𑀤𑁆𑀯𑁂𑀤𑁆𑀯𑁂 𑀲𑀭𑀸 𑀲𑀯𑀡𑁆𑀡𑀸 𑀦𑀸𑀫 𑀳𑁄𑀦𑁆𑀢𑀺; 𑀢𑁂𑀦 𑀓𑁆𑀯𑀢𑁆𑀣𑁄 ‘‘𑀯𑀡𑁆𑀡𑀧𑀭𑁂𑀡 𑀲𑀯𑀡𑁆𑀡𑁄𑀧𑀺‘‘

𑁧. 𑁨.

𑀧𑀼𑀩𑁆𑀩𑁄 |𑀑𑁦.𑁦𑁦𑁦𑁮| 𑀭𑀲𑁆𑀲𑁄-.

𑀢𑁂𑀲𑀼 𑀤𑁆𑀯𑀻𑀲𑀼 𑀬𑁄 𑀬𑁄 𑀧𑀼𑀩𑁆𑀩𑁄 𑀲𑁄 𑀲𑁄 𑀭𑀲𑁆𑀲𑀲𑀜𑁆𑀜𑁄 𑀳𑁄𑀢𑀺; 𑀢𑁂𑀲𑀼 𑀏 𑀑 𑀲𑀁𑀬𑁄𑀕𑀢𑁄 𑀧𑀼𑀩𑁆𑀩𑀸𑀯 𑀤𑀺𑀲𑁆𑀲𑀦𑁆𑀢𑀺; 𑀢𑁂𑀦 𑀓𑁆𑀯𑀢𑁆𑀣𑁄 ‘‘𑀭𑀲𑁆𑀲𑁄 𑀯𑁂‘‘.𑀘𑁆𑀘𑀸𑀤𑀺.

𑀧𑀭𑁄 𑀤𑀻𑀖𑁄-.

𑀢𑁂𑀲𑁆𑀯𑁂𑀯 𑀤𑁆𑀯𑀻𑀲𑀼 𑀬𑁄 𑀬𑁄 𑀧𑀭𑁄 𑀲𑁄 𑀲𑁄 𑀤𑀻𑀖𑀲𑀜𑁆𑀜𑁄 𑀳𑁄𑀢𑀺; 𑀢𑁂𑀦 𑀓𑁆𑀯𑀢𑁆𑀣𑁄’𑀬𑁄𑀮𑁄𑀧𑀦𑀺𑀲𑀼 𑀤𑀻𑀖𑁄‘‘.𑀘𑁆𑀘𑀸𑀤𑀺.

𑀓𑀸𑀤𑀬𑁄 |𑀑𑁦.𑁦𑁦𑁦𑁯| 𑀩𑁆𑀬𑀚𑀦𑀸-.

𑀓𑀓𑀸𑀭𑀸𑀤𑀬𑁄 𑀯𑀡𑁆𑀡𑀸 𑀦𑀺𑀕𑁆𑀕𑀳𑀻𑀢𑀧𑀭𑀺𑀬𑀦𑁆𑀢𑀸 𑀩𑁆𑀬𑀚𑀦𑀲𑀜𑁆𑀜𑀸 𑀳𑁄𑀦𑁆𑀢𑀺; 𑀢𑁂𑀦 𑀓𑁆𑀯𑀢𑁆𑀣𑁄 ‘‘𑀩𑁆𑀬𑀚𑀦𑁂 𑀤𑀻𑀖𑀭𑀲𑁆𑀲𑀸‘‘.𑀘𑁆𑀘𑀸𑀤𑀺.

𑀧𑀜𑁆𑀘 𑀧𑀜𑁆𑀘𑀓𑀸 𑀯𑀕𑁆𑀕𑀸-.

𑀓𑀸𑀤𑀬𑁄 𑀧𑀜𑁆𑀘𑀓𑀸 𑀧𑀜𑁆𑀘 𑀯𑀕𑁆𑀕𑀸 𑀦𑀸𑀫 𑀳𑁄𑀦𑁆𑀢𑀻; 𑀢𑁂𑀦 𑀓𑁆𑀯𑀢𑁆𑀣𑁄 ‘‘𑀯𑀕𑁆𑀕𑁂 𑀯𑀕𑁆𑀕𑀦𑁆𑀢𑁄‘‘. 𑀘𑁆𑀘𑀸𑀤𑀺.

𑀩𑀺𑀦𑁆𑀤𑀼 𑀦𑀺𑀕𑁆𑀕𑀳𑀻𑀢𑀁-.

𑀬𑁆𑀯𑀸𑀬𑀁 𑀯𑀡𑁆𑀡𑁂 𑀩𑀺𑀦𑁆𑀤𑀼𑀫𑀢𑁆𑀢𑁄 𑀲𑁄 𑀦𑀺𑀕𑁆𑀕𑀳𑀻𑀢𑀲𑀜𑁆𑀜𑁄 𑀳𑁄𑀢𑀺; 𑀢𑁂𑀦 𑀓𑁆𑀯𑀢𑁆𑀣𑁄 ‘‘𑀦𑀺𑀕𑁆𑀕𑀳𑀻𑀢𑀫𑀺‘‘. 𑀘𑁆𑀘𑀸𑀤𑀺; 𑀕𑀭𑀼𑀲𑀜𑁆𑀜𑀸 𑀓𑀭𑀡𑀁 𑀅𑀦𑁆𑀯𑀢𑁆𑀣𑀲𑀜𑁆𑀜𑀢𑁆𑀣𑀁.

𑀇𑀬𑀼𑀯𑀡𑁆𑀡𑀸 𑀚𑁆𑀛𑀮𑀸 𑀦𑀸𑀫𑀲𑁆𑀲𑀦𑁆𑀢𑁂-.

𑀦𑀸𑀫𑀁 𑀧𑀸𑀝𑀺𑀧𑀤𑀺𑀓𑀁 𑀢𑀲𑁆𑀲 𑀅𑀦𑁆𑀢𑁂 𑀯𑀢𑁆𑀢𑀫𑀸𑀦𑀸 𑀇𑀯𑀡𑁆𑀡𑀼𑀯𑀡𑁆𑀡𑀸 𑀛𑀮𑀲𑀜𑁆𑀜𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁; 𑀢𑁂𑀦 𑀓𑁆𑀯𑀢𑁆𑀣𑁄‘‘𑀛𑀮𑀸 𑀯𑁂‘‘. 𑀘𑁆𑀘𑀸𑀤𑀺.

𑀧𑀺𑀢𑁆𑀣𑀺𑀬𑀁-. |𑀑𑁦.𑁦𑁦𑁧𑁦|

𑀇𑀢𑁆𑀣𑀺𑀬𑀁 𑀯𑀢𑁆𑀢𑀫𑀸𑀦𑀲𑁆𑀲 𑀦𑀸𑀫𑀲𑁆𑀲𑀦𑁆𑀢𑁂 𑀯𑀢𑁆𑀢𑀫𑀸𑀦𑀸 𑀇𑀯𑀡𑁆𑀡𑀼 𑀯𑀡𑁆𑀡𑀸 𑀧𑀲𑀜𑁆𑀜𑀸 𑀳𑁄𑀦𑁆𑀢𑀺; 𑀢𑁂𑀦 𑀓𑁆𑀯𑀢𑁆𑀣𑀸 ‘‘𑀬𑁂 𑀧𑀲𑁆𑀲𑀺𑀯𑀡𑁆𑀡𑀲𑁆𑀲‘‘. 𑀇𑀘𑁆𑀘𑀸𑀤𑀺.

𑀖𑀸-. |𑀑𑁦.𑁦𑁦𑁧𑁧|

𑀇𑀢𑁆𑀣𑀺𑀬𑀁 𑀯𑀢𑁆𑀢𑀫𑀸𑀦𑀲𑁆𑀲 𑀦𑀸𑀫𑀲𑁆𑀲𑀦𑁆𑀢𑁂 𑀯𑀢𑁆𑀢𑀫𑀸𑀦𑁄 𑀆𑀓𑀸𑀭𑁄 𑀖𑀲𑀜𑁂𑀜𑁆𑀜𑀸 𑀳𑁄𑀢𑀺; 𑀢𑁂𑀦 𑀓𑁆𑀯𑀢𑁆𑀣𑁄 ‘‘𑀖𑀩𑁆𑀭𑀳𑁆𑀫𑀸𑀤𑀺𑀢𑁂‘‘.𑀘𑁆𑀘𑀸𑀤𑀺.

𑀕𑁄𑀲𑁆𑀬𑀸𑀮𑀧𑀦𑁂-.

𑀆𑀮𑀧𑀦𑁂 𑀲𑀺 𑀕𑀲𑀜𑁆𑀜𑁄 𑀳𑁄𑀢𑀺; 𑀢𑁂𑀦 𑀓𑁆𑀯𑀢𑁆𑀣𑁄 ‘‘𑀕𑁂 𑀯𑁂‘‘.𑀘𑁆𑀘𑀸𑀤𑀺.

𑀲𑀜𑁆𑀜𑀸𑀥𑀺𑀓𑀸𑀭𑁄.

𑀯𑀺𑀥𑀺𑀩𑁆𑀩𑀺𑀲𑁂𑀲𑀦𑀦𑁆𑀢𑀲𑁆𑀲-.

𑀬𑀁 𑀯𑀺𑀲𑁂𑀲𑀦𑀁 𑀢𑀤𑀦𑁆𑀢𑀲𑁆𑀲 𑀯𑀺𑀥𑀺 𑀜𑀸𑀢𑀩𑁆𑀩𑁄; ‘‘𑀅𑀢𑁄 𑀬𑁄𑀦𑀁 𑀝𑀸𑀝𑁂‘‘. 𑀦𑀭𑀸 𑀦𑀭𑁂.

𑀲𑀢𑁆𑀢𑀫𑀺𑀬𑀁 |𑀑𑁦.𑁦𑁦𑁧𑁨| 𑀧𑀼𑀩𑁆𑀩𑀲𑁆𑀲-.

𑀲𑀢𑁆𑀢𑀫𑀻𑀦𑀺𑀤𑁆𑀤𑁂𑀲𑁂 𑀧𑀼𑀩𑁆𑀩𑀲𑁆𑀲𑁂𑀯 𑀓𑀸𑀭𑀺𑀬𑀁 𑀜𑀢𑀩𑁆𑀩𑀁; ‘‘𑀲𑀭𑁄 𑀮𑁄𑀧𑁄 𑀲𑀭𑁂‘‘. 𑀯𑁂𑀴𑀕𑁆𑀕𑀁; 𑀢𑀫𑀳𑀦𑁆𑀢𑀻𑀥 𑀓𑀲𑁆𑀫𑀸 𑀦 𑀳𑁄𑀢𑀺; 𑀲𑀭𑁂𑀢𑁄𑀧𑀲𑀺𑀮𑁂𑀲𑀺𑀓𑀸𑀥𑀸𑀭𑁄 𑀢𑀢𑁆𑀣𑁂𑀢𑀸𑀯 𑀯𑀼𑀘𑁆𑀘𑀢𑁂 𑀧𑀼𑀩𑁆𑀩𑀲𑁆𑀲𑁂𑀯 𑀳𑁄𑀢𑀺 𑀦 𑀧𑀭𑀲𑁆𑀲𑀸𑀢𑀺.

𑀧𑀜𑁆𑀘𑀫𑀺𑀬𑀁 |𑀑𑁦.𑁦𑁦𑁧𑁩| 𑀧𑀭𑀲𑁆𑀲-.

𑀧𑀜𑁆𑀘𑀫𑀻𑀦𑀺𑀤𑁆𑀤𑁂𑀲𑁂 𑀧𑀭𑀲𑁆𑀲 𑀓𑀸𑀭𑀺𑀬𑀁 𑀜𑀢𑀩𑁆𑀩𑀁; ‘‘𑀅𑀢𑁄 𑀬𑁄𑀦𑀁 𑀝𑀸𑀝𑁂‘‘. 𑀦𑀭𑀸 𑀦𑀭𑁂; 𑀇𑀥 𑀦 𑀳𑁄𑀢𑀺 𑀚𑀦𑁆𑀢𑀼𑀬𑁄 𑀅𑀦𑀦𑁆𑀢𑀸; 𑀇𑀥 𑀓𑀲𑁆𑀫𑀸 𑀦 𑀳𑁄𑀢𑀺; 𑀑𑀲𑀥𑁆𑀬𑁄 𑀅𑀦𑀦𑁆𑀢𑀭𑁂 𑀓𑀢𑀢𑁆𑀣𑀢𑀸𑀬 𑀦 𑀯𑁆𑀬𑀯 𑀳𑀺𑀢𑀲𑁆𑀲 𑀓𑀸𑀭𑀺𑀬𑀁.

𑀆𑀤𑀺𑀲𑁆𑀲-. |𑀑𑁦.𑁦𑁦𑁧𑁪|

𑀧𑀭𑀲𑁆𑀲 𑀲𑀺𑀲𑁆𑀲𑀫𑀸𑀦𑀁 𑀓𑀸𑀭𑀺𑀬𑀫𑀸𑀤𑀺𑀯𑀡𑁆𑀡𑀲𑁆𑀲 𑀜𑀸𑀢𑀩𑁆𑀩𑀁; ‘‘𑀭 𑀲𑀗𑁆𑀔𑁆𑀬𑀸𑀢𑁄 𑀯𑀸‘‘. 𑀭𑀸𑀚𑀺𑀦𑀸.

𑀙𑀝𑁆𑀞𑀺𑀬𑀦𑁆𑀢𑀲𑁆𑀲-.

𑀙𑀝𑁆𑀞𑀺𑀦𑀺𑀤𑁆𑀤𑀺𑀝𑁆𑀞𑀲𑁆𑀲 𑀬𑀁 𑀓𑀸𑀭𑀺𑀬𑀁 𑀢𑀤𑀦𑁆𑀢𑀲𑁆𑀲 𑀯𑀡𑁆𑀡𑀲𑁆𑀲 𑀯𑀺𑀜𑁆𑀜𑁂𑀬𑁆𑀬𑀁 ‘‘𑀭𑀸𑀚𑀲𑁆𑀲𑀺 𑀦𑀸𑀫𑁆𑀳𑀺‘‘. 𑀭𑀸𑀚𑀺𑀦𑀸.

𑀗𑀦𑀼𑀩𑀦𑁆𑀥𑁄-.

𑀗𑀓𑀸𑀭𑁄’𑀦𑀼𑀩𑀦𑁆𑀥𑁄 𑀬𑀲𑁆𑀲 𑀲𑁄’𑀦𑁆𑀢𑀲𑁆𑀲 𑀳𑁄𑀢𑀺; ‘‘𑀕𑁄𑀲𑁆𑀲𑀸𑀯𑀗𑀺‘‘. 𑀕𑀯𑀸𑀲𑁆𑀲𑀁.

𑀝𑀦𑀼𑀩𑀦𑁆𑀥𑀸𑀦𑁂𑀓𑀯𑀡𑁆𑀡𑀸 𑀲𑀩𑁆𑀩𑀲𑁆𑀲-.

𑀝𑀓𑀸𑀭𑁄’𑀦𑀼𑀩𑀦𑁆𑀥𑁄 𑀬𑀲𑁆𑀲 𑀲𑁄’𑀦𑁂𑀓𑀓𑁆𑀔𑀭𑁄 𑀘𑀸𑀤𑁂𑀲𑁄 𑀲𑀩𑁆𑀩𑀲𑁆𑀲 𑀳𑁄𑀢𑀺; ‘‘𑀇𑀫𑀲𑁆𑀲𑀸𑀦𑀺𑀢𑁆𑀣𑀺𑀬𑀁 𑀝𑁂‘‘. 𑀏𑀲𑀼 ‘‘𑀦𑀸𑀫𑁆𑀳𑀦𑀺𑀫𑀺‘‘. 𑀅𑀦𑁂𑀦.

𑀜𑀓𑀸𑀦𑀼𑀩𑀦𑁆𑀥𑀸𑀤𑁆𑀬𑀦𑁆𑀢𑀸-. |𑀑𑁦.𑁦𑁦𑁧𑁫|

𑀙𑀝𑁆𑀞𑀺𑀦𑀺𑀤𑁆𑀤𑀺𑀝𑁆𑀞𑀲𑁆𑀲 𑀜𑀸𑀦𑀼𑀩𑀦𑁆𑀥𑀓𑀸𑀦𑀼𑀩𑀦𑁆𑀥𑀸 𑀆𑀤𑁆𑀬𑀦𑁆𑀢𑀸 𑀳𑁄𑀦𑁆𑀢𑀺; ‘‘𑀩𑁆𑀭𑀼𑀢𑁄 𑀢𑀺𑀲𑁆𑀲𑀻𑀜‘‘. 𑀩𑁆𑀭𑀯𑀻𑀢𑀺, ‘‘𑀪𑀼𑀲𑁆𑀲 𑀯𑀼𑀓‘‘. 𑀩𑀪𑀼𑀯.

𑀫𑀦𑀼𑀩𑀦𑁆𑀥𑁄 𑀲𑀭𑀸𑀦𑀫𑀦𑁆𑀢𑀸 𑀧𑀭𑁄-.

𑀫𑀓𑀸𑀭𑁄’𑀦𑀼𑀩𑀦𑁆𑀥𑁄 𑀬𑀲𑁆𑀲 𑀲𑁄 𑀲𑀭𑀸𑀦𑀫𑀦𑁆𑀢𑀸 𑀲𑀭𑀸 𑀧𑀭𑁄 𑀳𑁄𑀢𑀻; ‘‘𑀫𑀜𑁆𑀘 𑀭𑀼𑀥𑀸𑀤𑀻𑀦𑀁‘‘. 𑀭𑀼𑀦𑁆𑀥𑀢𑀺.

𑀯𑀺𑀧𑁆𑀧𑀝𑀺𑀲𑁂𑀥𑁂-. |𑀑𑁦.𑁦𑁦𑁧𑁬|

𑀤𑁆𑀯𑀺𑀦𑁆𑀦𑀁 𑀢𑀺𑀡𑁆𑀡𑀁 𑀯𑀸 𑀧𑀼𑀭𑀺𑀲𑀸𑀦𑀁 𑀲𑀳𑀧𑁆𑀧𑀢𑁆𑀢𑀺𑀬𑀁 𑀧𑀭𑁄; 𑀲𑁄 𑀘 𑀕𑀘𑁆𑀙𑀢𑀺 𑀢𑁆𑀯𑀜𑁆𑀘 𑀕𑀘𑁆𑀙𑀲𑀺, 𑀢𑀼𑀫𑁆𑀳𑁂 𑀕𑀘𑁆𑀙𑀣; 𑀲𑁄 𑀘 𑀕𑀘𑁆𑀙𑀢𑀺 𑀢𑁆𑀯𑀜𑁆𑀘 𑀕𑀘𑁆𑀙𑀲𑀺 𑀅𑀳𑀜𑁆𑀘 𑀕𑀘𑁆𑀙𑀸𑀫𑀺, 𑀫𑀬𑀁 𑀕𑀘𑁆𑀙𑀸𑀫.

𑀲𑀗𑁆𑀓𑁂𑀢𑁄’𑀦𑀯𑀬𑀯𑁄’𑀦𑀼𑀩𑀦𑁆𑀥𑁄-. |𑀑𑁦.𑁦𑁦𑁧𑁭|

𑀬𑁄’𑀦𑀯𑀬𑀯𑀪𑀼𑀢𑁄 𑀲𑀗𑁆𑀓𑁂𑀢𑁄 𑀲𑁄’𑀦𑀼𑀩𑀦𑁆𑀥𑁄𑀢𑀺 𑀜𑀢𑀩𑁆𑀩𑁄;𑀮𑀢𑀼𑀧𑀺𑀢𑀸𑀤𑀻𑀦𑀫𑀸𑀲𑀺𑀫𑁆𑀳𑀺. 𑀓𑀢𑁆𑀢𑀸, 𑀲𑀗𑁆𑀓𑁂𑀢𑀕𑁆𑀕𑀳𑀡𑀁 𑀓𑀺𑀁? 𑀧𑀓𑀢𑀻𑀬𑀸𑀤𑀺𑀲𑀫𑀼𑀤𑀸𑀬𑀲𑁆𑀲𑀸𑀦𑀼𑀩𑀦𑁆𑀥𑀢𑀸 𑀫𑀸 𑀳𑁄𑀢𑀼𑀢𑀺; 𑀅𑀦𑀯𑀬𑀯𑁄 𑀳𑀺 𑀲𑀫𑀼𑀤𑀸𑀬𑁄 𑀲𑀫𑀼𑀤𑀸𑀬𑀭𑀽𑀧𑀢𑁆𑀢𑀸𑀬𑁂𑀯; 𑀅𑀦𑀯𑀬𑀯𑀕𑁆𑀕𑀳𑀡𑀁 𑀓𑀺𑀁?’𑀅𑀢𑁂𑀦’. 𑀚𑀦𑁂𑀦; 𑀇𑀫𑀺𑀦𑀸𑀯 𑀮𑁄𑀧𑀲𑁆𑀲𑀸𑀯𑀕𑀢𑀢𑁆𑀢𑀸 𑀦𑀸𑀦𑀼𑀩𑀦𑁆𑀥𑀮𑁄𑀧𑀸𑀬 𑀯𑀘𑀦𑀫𑀸𑀭𑀤𑁆𑀥𑀁.

𑀯𑀡𑁆𑀡𑀧𑀭𑁂𑀦 |𑀑𑁦.𑁦𑁦𑁧𑁮| 𑀲𑀯𑀡𑁆𑀡𑁄’𑀧𑀺-.

𑀯𑀡𑁆𑀡𑀲𑀤𑁆𑀤𑁄 𑀧𑀭𑁄 𑀬𑀲𑁆𑀫𑀸 𑀢𑁂𑀦 𑀲𑀯𑀡𑁆𑀡𑁄’𑀧𑀺 𑀕𑀬𑁆𑀳𑀢𑀺 𑀲𑀁𑀯 𑀭𑀽𑀧𑀁; 𑀬𑀼𑀯𑀡𑁆𑀡𑀸𑀦𑀫𑁆𑀜𑁄 𑀮𑀼𑀢𑁆𑀢𑀸‘‘. 𑀯𑀸𑀢𑁂𑀭𑀺𑀢𑀁, 𑀲𑀫𑁄𑀦𑀸.

𑀦𑁆𑀢𑀼 |𑀑𑁦.𑁦𑁦𑁧𑁯| 𑀯𑀦𑁆𑀢𑀼𑀫𑀦𑀢𑁆𑀯𑀸𑀯𑀦𑁆𑀢𑀼𑀢𑀯𑀦𑁆𑀢𑀼𑀲𑀫𑁆𑀩𑀦𑁆𑀥𑀺-.

𑀯𑀦𑁆𑀢𑁆𑀯𑀸𑀤𑀺𑀲𑀫𑁆𑀩𑀦𑁆𑀥𑀺𑀬𑁂𑀯 𑀦𑁆𑀢𑀼 𑀕𑀬𑁆𑀳𑀢𑀺, ‘‘𑀦𑁆𑀢𑀦𑁆𑀢𑀼𑀦𑀁 𑀦𑁆𑀢𑁄 𑀬𑁄𑀫𑁆𑀳𑀺 𑀧𑀞𑀫𑁂‘‘. 𑀕𑀼𑀡𑀯𑀦𑁆𑀢𑁄; 𑀯𑀦𑁆𑀢𑁆𑀯𑀸𑀤𑀺𑀲𑀫𑁆𑀩𑀦𑁆𑀥𑀻𑀢𑀺 𑀓𑀺𑀁; 𑀚𑀦𑁆𑀢𑀼 𑀢𑀦𑁆𑀢𑀼.

𑀧𑀭𑀺𑀪𑀸𑀲𑀸𑀬𑁄.

𑀲𑀭𑁄 𑀮𑁄𑀧𑁄 𑀲𑀭𑁂-.

𑀲𑀭𑁂 𑀲𑀭𑁄 𑀮𑁄𑀧𑀦𑀻𑀬𑁄 𑀳𑁄𑀢𑀺; 𑀢𑀢𑁆𑀭𑀺𑀫𑁂, 𑀲𑀤𑁆𑀥𑀺𑀦𑁆𑀤𑁆𑀭𑀺𑀬𑀁, 𑀦𑁄 𑀳𑁂𑀢𑀁, 𑀪𑀺𑀓𑁆𑀔𑀼𑀦𑁄𑀯𑀸𑀤𑁄, 𑀲𑀫𑁂𑀢𑀸𑀬𑀲𑁆𑀫𑀸, 𑀅𑀪𑀺𑀪𑀸𑀬𑀢𑀦𑀁, 𑀧𑀼𑀢𑁆𑀢𑀸 𑀫𑀢𑁆𑀣𑀺, 𑀅𑀲𑀦𑁆𑀢𑁂𑀢𑁆𑀣.

𑀧𑀭𑁄 |𑀑𑁦.𑁦𑁦𑁨𑁦| 𑀓𑁆𑀯𑀘𑀺 𑀮𑁄𑀧𑀦𑀻𑀬𑁄 𑀳𑁄𑀢𑀺; 𑀲𑁄’𑀧𑀺, 𑀲𑀸𑀯, 𑀬𑀢𑁄𑀤𑀓𑀁, 𑀢𑀢𑁄𑀯; 𑀓𑁆𑀯𑀯𑀻𑀢𑀺 𑀓𑀺𑀁? 𑀲𑀤𑁆𑀥𑀺𑀦𑁆𑀤𑀼𑀬𑀁 𑀅𑀬𑀫𑀥𑀺𑀓𑀸𑀭𑁄 𑀆𑀧𑀭𑀺𑀘𑁆𑀙𑁂𑀤𑀸𑀯𑀲𑀸𑀦𑀸 𑀢𑁂𑀦 𑀦𑀸𑀢𑀺𑀧𑁆𑀧𑀲𑀗𑁆𑀕𑁄.

𑀦𑀤𑁆𑀯𑁂𑀯𑀸-. |𑀑𑁦.𑁦𑁦𑁨𑁧|

𑀧𑀼𑀩𑁆𑀩𑀧𑀭𑀲𑀭𑀸 𑀤𑁆𑀯𑁂’𑀧𑀺 𑀯𑀸 𑀓𑁆𑀯𑀘𑀺 𑀦 𑀮𑀼𑀧𑁆𑀬𑀦𑁆𑀢𑁂; 𑀮𑀢𑀸 𑀇𑀯 𑀮𑀢𑁂𑀯 𑀮𑀢𑀸𑀯.

𑀬𑀼𑀯𑀡𑁆𑀡𑀦𑀫𑁆𑀜𑁄 𑀮𑀼𑀢𑁆𑀢𑀸-.

𑀮𑀼𑀢𑁆𑀢𑀸 𑀲𑀭𑀸 𑀧𑀭𑁂𑀲𑀁 𑀇𑀯𑀡𑁆𑀡𑀼𑀯𑀡𑁆𑀡𑀸𑀦𑀁 𑀜𑁄 𑀳𑁄𑀦𑁆𑀢𑀺 𑀯𑀸 𑀬𑀣𑀸𑀓𑁆𑀓𑀫𑀁; 𑀢𑀲𑁆𑀲𑁂𑀤𑀁, 𑀯𑀸𑀢𑁂𑀭𑀺𑀢𑀁, 𑀦𑁄𑀧𑁂𑀢𑀺, 𑀯𑀸𑀫𑁄𑀭𑀼, 𑀅𑀢𑁂𑀯’𑀜𑁆𑀜𑁂, 𑀯𑁄𑀤𑀓𑀁; 𑀓𑀣𑀁 𑀧𑀘𑁆𑀘𑁄𑀭𑀲𑁆𑀫𑀦𑁆𑀢𑀺; 𑀬𑁄𑀕𑀯𑀺𑀪𑀕𑀸, 𑀯𑀸𑀢𑁆𑀯𑁂𑀯 𑀢𑀲𑁆𑀲𑀺𑀤𑀁; 𑀮𑀼𑀢𑁆𑀢𑁂𑀢𑀺 𑀓𑀺𑀁? 𑀮𑀢𑀸 𑀇𑀯.

𑀬𑀯𑀸 |𑀑𑁦.𑁦𑁦𑁨𑁨| 𑀲𑀭𑁂-.

𑀲𑀭𑁂 𑀧𑀭𑁂 𑀇𑀯𑀡𑁆𑀡𑀼𑀯𑀡𑁆𑀡𑀸𑀦𑀁 𑀬𑀓𑀸𑀭𑀯𑀓𑀸𑀭𑀸 𑀳𑁄𑀦𑁆𑀢𑀺𑀯 𑀬𑀣𑀸𑀓𑁆𑀓𑀫𑀁; 𑀯𑁆𑀬𑀸𑀓𑀢𑁄, 𑀇𑀘𑁆𑀘𑀲𑁆𑀲, 𑀅𑀚𑁆𑀛𑀺𑀡𑀫𑀼𑀢𑁆𑀢𑁄, 𑀲𑁆𑀯𑀸𑀕𑀢𑀁, 𑀪𑀯𑀸𑀧𑀦𑀮𑀸𑀦𑀻𑀮𑀁; 𑀯𑀸𑀢𑁆𑀣𑁂𑀯-𑀇𑀢𑀺𑀲𑁆𑀲; 𑀓𑁆𑀯𑀘𑀻𑀢𑁆𑀯𑁂𑀯-𑀬𑀸𑀦𑀻𑀥, 𑀲𑀽𑀧𑀝𑁆𑀞𑀺𑀢𑀁.

𑀜𑁄𑀦𑀁-.

𑀜𑁄𑀦𑀁 𑀬𑀯𑀸 𑀳𑁄𑀦𑁆𑀢𑀺 𑀯𑀸 𑀲𑀭𑁂 𑀬𑀣𑀸𑀓𑁆𑀓𑀫𑀁; 𑀢𑁆𑀬𑀚𑁆𑀚 𑀢𑁂’𑀚𑁆𑀚 𑀲𑁆𑀯𑀸𑀳𑀁 𑀲𑁄’𑀳𑀁,𑀓𑁆𑀯𑀘𑀺𑀢𑁆𑀯𑁂𑀯-𑀧𑀼𑀢𑁆𑀢𑀸𑀫𑀢𑁆𑀣𑀺 𑀅𑀲𑀦𑁆𑀢𑁂𑀢𑁆𑀣.

𑀕𑁄𑀲𑁆𑀲𑀸𑀯𑀗𑀺-.

𑀲𑀭𑁂 𑀕𑁄𑀲𑁆𑀲 𑀅𑀯𑀗𑀺 𑀳𑁄𑀢𑀺; 𑀕𑀯𑀸𑀲𑁆𑀲𑀁; 𑀬𑀣𑀭𑀺𑀯 𑀢𑀣𑀭𑀺𑀯𑁂𑀢𑀺𑀦𑀺𑀧𑀸𑀢𑀸𑀯; 𑀪𑀼𑀲𑀸𑀫𑀺𑀯𑁂𑀢𑀺 𑀇𑀯𑀲𑀤𑁆𑀤𑁄 𑀏𑀯𑀢𑁆𑀣𑁄.

𑀩𑁆𑀬𑀜𑁆𑀚𑀦𑁂 |𑀑𑁦.𑁦𑁦𑁨𑁩| 𑀤𑀻𑀖𑀭𑀲𑁆𑀲𑀸-.

𑀭𑀲𑁆𑀲𑀤𑀻𑀖𑀸𑀦𑀁 𑀓𑁆𑀯𑀘𑀺 𑀤𑀻𑀖𑀭𑀲𑁆𑀲𑀸 𑀳𑁄𑀦𑁆𑀢𑀺 𑀩𑁆𑀬𑀜𑁆𑀚𑀦𑁂; 𑀢𑀢𑁆𑀭𑀸𑀬𑀁, 𑀫𑀼𑀦𑀻𑀯𑀭𑁂, 𑀲𑀫𑁆𑀫𑀤𑁂𑀯, 𑀫𑀸𑀮𑀳𑀸𑀭𑀻.

𑀲𑀭𑀫𑁆𑀳𑀸 𑀤𑁆𑀯𑁂-

𑀲𑀭𑀫𑁆𑀳𑀸 𑀧𑀭𑀲𑁆𑀲 𑀩𑁆𑀬𑀜𑁆𑀚𑀦𑀲𑁆𑀲 𑀓𑁆𑀯𑀘𑀺 𑀤𑁆𑀯𑁂 𑀭𑀽𑀧𑀸 𑀳𑁄𑀦𑁆𑀢𑀺; 𑀧𑀕𑁆𑀕𑀳𑁄; 𑀲𑀭𑀫𑁆𑀳𑀸𑀢𑀺-𑀓𑀺𑀁? 𑀢𑀁𑀔𑀡𑀁.

𑀘𑀢𑀼𑀢𑁆𑀣𑀤𑀼𑀢𑀺𑀬𑁂𑀲𑁆𑀯𑁂𑀬𑀁 𑀢𑀢𑀺𑀬𑀧𑀞𑀸𑀫𑀸-.

𑀘𑀢𑀼𑀢𑁆𑀣𑀤𑀼𑀢𑀺𑀬𑁂𑀲𑀼 𑀧𑀭𑁂𑀲𑁆𑀯𑁂𑀲𑀁 𑀘𑀢𑀼𑀢𑁆𑀣𑀤𑀼𑀢𑀺𑀬𑀸𑀦𑀁 𑀢𑀩𑁆𑀩𑀕𑁆𑀕𑁂 𑀢𑀢𑀺𑀬𑀧𑀞𑀫𑀸 𑀳𑁄𑀦𑁆𑀢𑀺 𑀧𑀘𑁆𑀘𑀸𑀲𑀢𑁆𑀢𑁆𑀬; 𑀫𑀳𑀤𑁆𑀥𑀦𑁄, 𑀬𑀲 𑀢𑁆𑀣𑁂𑀭𑁄, 𑀅𑀧𑁆𑀨𑀼𑀝𑀁, 𑀅𑀩𑁆𑀪𑀼𑀕𑁆𑀕𑀢𑁄; 𑀏𑀲𑁆𑀯𑀺𑀢𑀺-𑀓𑀺𑀁? 𑀣𑁂𑀭𑁄; 𑀏𑀲𑀦𑁆𑀢𑀺𑀓𑀺𑀁?𑀧𑀢𑁆𑀣𑁄.

𑀯𑀺𑀢𑀺𑀲𑁆𑀲𑁂𑀯𑁂 |𑀑𑁦.𑁦𑁦𑁨𑁪| 𑀯𑀸-.

𑀏𑀯𑀲𑀤𑁆𑀤𑁂 𑀧𑀭𑁂 𑀇𑀢𑀺𑀲𑁆𑀲 𑀯𑁄 𑀳𑁄𑀢𑀺 𑀯𑀸; 𑀇𑀢𑁆𑀣𑁂𑀯 𑀇𑀘𑁆𑀘𑁂𑀯; 𑀏𑀯𑁂𑀢𑀺-𑀓𑀺𑀁,𑀇𑀘𑁆𑀘𑀸𑀳.

𑀜𑁄𑀦𑀫 𑀯𑀡𑁆𑀡𑁂-.

𑀜𑁄𑀦𑀁 𑀯𑀡𑁆𑀡𑁂 𑀓𑁆𑀯𑀘𑀺 𑀅 𑀳𑁄𑀢𑀺 𑀯𑀸; 𑀤𑀺𑀲𑁆𑀯𑀸 𑀬𑀸𑀘𑀓𑀫𑀸𑀕𑀢𑁂, 𑀅𑀓𑀭𑀫𑁆𑀪𑀲𑀢𑁂,𑀏𑀲𑀅𑀢𑁆𑀣𑁄, 𑀏𑀲𑀥𑀫𑁆𑀫𑁄, 𑀫𑀕𑁆𑀕𑁄 𑀅𑀕𑁆𑀕𑀫𑀓𑁆𑀔𑀸𑀬𑀢𑀺, 𑀲𑁆𑀯𑀸𑀬𑀢𑀦𑀁, 𑀳𑀺𑀬𑁆𑀬𑀢𑁆𑀢𑀦𑀁, 𑀓𑀭𑀲𑁆𑀲𑀼; 𑀯𑀸𑀢𑁆𑀯𑁂𑀯-𑀬𑀸𑀘𑀓𑁂 𑀆𑀕𑀢𑁂, 𑀏𑀲𑁄 𑀥𑀫𑁆𑀫𑁄; 𑀯𑀡𑁆𑀡𑁂𑀢𑀺 𑀓𑀺𑀁?𑀲𑁄.

𑀦𑀺𑀕𑁆𑀕𑀳𑀻𑀢𑀁-. |𑀑𑁦.𑁦𑁦𑁨𑁫|

𑀦𑀺𑀕𑁆𑀕𑀪𑀻𑀢𑀫𑀸𑀕𑀫𑁄 𑀳𑁄𑀢𑀺 𑀯𑀸 𑀓𑁆𑀯𑀘𑀺; 𑀘𑀓𑁆𑀔𑀼𑀁 𑀉𑀤𑀧𑀸𑀤𑀺 𑀘𑀓𑁆𑀔𑀼 𑀉𑀤𑀧𑀸𑀤𑀺, 𑀧𑀼𑀭𑀺𑀫𑀁𑀚𑀸𑀢𑀺 𑀧𑀼𑀭𑀺𑀫𑀚𑀸𑀢𑀺, 𑀓𑀢𑁆𑀢𑀩𑁆𑀩𑀁 𑀓𑀼𑀲𑀮𑀁 𑀩𑀳𑀼𑀁. 𑀅𑀯𑀁 𑀲𑀺𑀭𑁄𑀢𑀺-𑀆𑀤𑀺𑀲𑀼 𑀦𑀺𑀘𑁆𑀘𑀁 𑀯𑀯𑀢𑁆𑀣𑀻𑀢𑀯𑀺𑀪𑀸𑀲𑀢𑁆𑀢𑀸 𑀯𑀸𑀥𑀺𑀓𑀸𑀭𑀲𑁆𑀲; 𑀲𑀸𑀫𑀢𑁆𑀣𑀻 𑀬𑁂𑀦𑀸𑀕𑀫𑁄𑀯 𑀲 𑀘 𑀭𑀲𑁆𑀲𑀲𑀭𑀲𑁆𑀲𑁂𑀯 𑀳𑁄𑀢𑀺 𑀢𑀲𑁆𑀲 𑀭𑀲𑁆𑀲𑀸𑀦𑀼𑀕𑀢𑀢𑁆𑀢𑀸.

𑀮𑁄𑀧𑁄-.

𑀦𑀺𑀕𑁆𑀕𑀳𑀻𑀢𑀲𑁆𑀲 𑀮𑁄𑀧𑁄 𑀳𑁄𑀢𑀺 𑀯𑀸 𑀓𑁆𑀯𑀘𑀺; 𑀓𑁆𑀬𑀸𑀳𑀁 𑀓𑀻𑀫𑀳𑀁, 𑀲𑀸 𑀭𑀢𑁆𑀢𑁄 𑀲𑀁𑀭𑀢𑁆𑀢𑁄; 𑀲𑀮𑁆𑀮𑁂𑀔𑁄-𑀕𑀢𑁆𑀢𑀼𑀓𑀸𑀫𑁄-𑀕𑀦𑁆𑀢𑀼𑀫𑀦𑁄𑀢𑀺𑀆𑀤𑀺𑀲𑀼 𑀦𑀺𑀘𑁆𑀘𑀁.

𑀧𑀭𑀲𑀭𑀲𑁆𑀲-

𑀦𑀺𑀕𑁆𑀕𑀳𑀻𑀢𑀫𑁆𑀳𑀸 𑀧𑀭𑀲𑁆𑀲 𑀲𑀭𑀲𑁆𑀲 𑀮𑁄𑀧𑁄 𑀳𑁄𑀢𑀺 𑀯𑀸 𑀓𑁆𑀯𑀘𑀺; 𑀢𑁆𑀯𑀁𑀲𑀺 𑀢𑁆𑀯𑀫𑀲𑀺.

𑀯𑀕𑁆𑀕𑁂 |𑀑𑁦.𑁦𑁦𑁨𑁬| 𑀯𑀕𑁆𑀕𑀦𑁆𑀢𑁄-

𑀦𑀺𑀕𑁆𑀕𑀳𑀻𑀢𑀲𑁆𑀲 𑀔𑁄 𑀯𑀕𑁆𑀕𑁂 𑀯𑀕𑁆𑀕𑀦𑁆𑀢𑁄 𑀯𑀸 𑀳𑁄𑀢𑀺 𑀧𑀘𑁆𑀘𑀸 𑀲𑀢𑁆𑀬𑀸; 𑀢𑀗𑁆𑀓𑀭𑁄𑀢𑀺 𑀢𑀁 𑀓𑀭𑁄𑀢𑀺, 𑀢𑀜𑁆𑀘𑀭𑀢𑀺 𑀢𑀁 𑀘𑀭𑀢𑀺, 𑀢𑀡𑁆𑀞𑀸𑀦𑀁 𑀢𑀁 𑀞𑀸𑀦𑀁, 𑀢𑀦𑁆𑀥𑀦𑀁 𑀢𑀁 𑀥𑀦𑀁, 𑀢𑀫𑁆𑀧𑀸𑀢𑀺 𑀢𑀁 𑀧𑀸𑀢𑀺; 𑀦𑀺𑀘𑁆𑀘𑀁 𑀧𑀤 𑀫𑀚𑁆𑀛𑁂, 𑀕𑀦𑁆𑀢𑁆𑀯𑀸; 𑀓𑁆𑀯𑀘𑀜𑁆𑀜𑀢𑁆𑀭𑀸𑀧𑀺, 𑀲𑀦𑁆𑀢𑀺𑀝𑁆𑀞𑀢𑀺.

𑀬𑁂𑀯𑀳𑀺𑀲𑀼𑀜𑁆𑀜𑁄-.

𑀬𑀏𑀯𑀳𑀺𑀲𑀤𑁆𑀤𑁂𑀲𑀼 𑀦𑀺𑀕𑁆𑀕𑀳𑀻𑀢𑀲𑁆𑀲 𑀯𑀸 𑀜𑁄 𑀳𑁄𑀢𑀺; 𑀬𑀬𑀜𑁆𑀜𑀤𑁂𑀯, 𑀢𑀜𑁆𑀜𑁂𑀯, 𑀢𑀜𑁆𑀪𑀺; 𑀯𑀸𑀢𑁆𑀯𑁂𑀯-𑀬𑀁𑀬𑀤𑁂𑀯.

𑀬𑁂 𑀲𑀁𑀲𑁆𑀲-

𑀲𑀁𑀲𑀤𑁆𑀤𑀲𑁆𑀲 𑀬𑀁 𑀦𑀺𑀕𑁆𑀕𑀳𑀻𑀢𑀁 𑀢𑀲𑁆𑀲 𑀯𑀸 𑀜𑁄 𑀳𑁄𑀢𑀺 𑀬𑀓𑀸𑀭𑁂; 𑀲𑀜𑁆𑀜𑀫𑁄 𑀲𑀁𑀬𑀫𑁄.

𑀫𑀬𑀤𑀸 𑀲𑀭𑁂-.

𑀦𑀺𑀕𑁆𑀕𑀳𑀻𑀢𑀲𑁆𑀲 𑀫𑀬𑀤𑀸 𑀳𑁄𑀦𑁆𑀢𑀺 𑀯𑀸 𑀲𑀭𑁂 𑀓𑁆𑀯𑀘𑀺; 𑀢𑀫𑀳𑀁, 𑀢𑀬𑀺𑀤𑀁, 𑀢𑀤𑀮𑀁; 𑀯𑀸𑀢𑁆𑀯𑁂𑀯-𑀢𑀁 𑀅𑀳𑀁.

𑀯𑀦𑀢𑀭𑀕𑀸 |𑀑𑁦.𑁦𑁦𑁨𑁭| 𑀘𑀸𑀕𑀫𑀸-.

𑀏𑀢𑁂 𑀫𑀬𑀤𑀸 𑀘𑀸𑀕𑀫𑀸 𑀳𑁄𑀦𑁆𑀢𑀺 𑀲𑀭𑁂 𑀯𑀸 𑀓𑁆𑀯𑀘𑀺; 𑀢𑀺𑀯𑀗𑁆𑀕𑀻𑀓𑀁, 𑀇𑀢𑁄 𑀦𑀸𑀬𑀢𑀺, 𑀘𑀺𑀦𑀺𑀢𑁆𑀯𑀸, 𑀢𑀲𑁆𑀫𑀸𑀢𑀺𑀳, 𑀦𑀺𑀭𑁄𑀚𑀁, 𑀧𑀼𑀣𑀕𑁂𑀯, 𑀇𑀥𑀫𑀸𑀳𑀼, 𑀬𑀣𑀬𑀺𑀤𑀁, 𑀅𑀢𑁆𑀢𑀤𑀢𑁆𑀣𑀁; 𑀯𑀸𑀢𑁆𑀯𑁂𑀯-𑀅𑀢𑁆𑀢𑀢𑁆𑀣𑀁; 𑀅𑀢𑀺𑀧𑁆𑀧𑀕𑁄 𑀔𑁄 𑀢𑀸𑀯𑀸𑀢𑀺-𑀧𑀞𑀫𑀦𑁆𑀢𑁄 𑀧𑀕𑀲𑀤𑁆𑀤𑁄𑀯.

𑀙𑀸 𑀴𑁄-.

𑀙𑀲𑀤𑁆𑀤𑀸 𑀧𑀭𑀲𑁆𑀲 𑀲𑀭𑀲𑁆𑀲 𑀴𑀓𑀸𑀭𑁄 𑀆𑀕𑀫𑁄 𑀳𑁄𑀢𑀺 𑀯𑀸; 𑀙𑀴𑀳𑀁, 𑀙𑀴𑀸𑀬𑀢𑀦𑀁; 𑀯𑀸𑀢𑁆𑀯𑁂𑀯-𑀙 𑀅𑀪𑀺𑀜𑁆𑀜𑀸.

𑀢𑀤𑀫𑀺𑀦𑀸𑀤𑀻𑀦𑀺- |𑀑𑁦.𑁦𑁦𑁨𑁮|

𑀢𑀤𑀫𑀺𑀦𑀸𑀤𑀻𑀦𑀺 𑀲𑀸𑀥𑀽𑀦𑀺 𑀪𑀯𑀦𑁆𑀢𑀺? 𑀢𑀁 𑀇𑀫𑀺𑀦𑀸 𑀢𑀤𑀫𑀺𑀦𑀸, 𑀲𑀓𑀺𑀁 𑀆𑀕𑀸𑀫𑀻 𑀲𑀓𑀤𑀸𑀕𑀸𑀫𑀻, 𑀏𑀓𑀁 𑀇𑀥 𑀅𑀳𑀁 𑀏𑀓𑀫𑀺𑀤𑀸𑀳𑀁, 𑀲𑀁𑀯𑀺𑀥𑀸𑀬 𑀅𑀯𑀳𑀸𑀭𑁄 𑀲𑀁𑀯𑀺𑀤𑀸𑀯𑀳𑀸𑀭𑁄, 𑀯𑀸𑀭𑀺𑀦𑁄 𑀯𑀸𑀳𑀓𑁄 𑀯𑀮𑀸𑀳𑀓𑁄, 𑀚𑀻𑀯𑀦𑀲𑁆𑀲 𑀫𑀽𑀢𑁄 𑀚𑀻𑀫𑀽𑀢𑁄, 𑀙𑀯𑀲𑁆𑀲 𑀲𑀬𑀦𑀁 𑀲𑀼𑀲𑀸𑀦𑀁, 𑀉𑀤𑁆𑀥𑀁 𑀔𑀫𑀲𑁆𑀲 𑀉𑀤𑀼𑀓𑁆𑀔𑀮𑀁, 𑀧𑀺𑀲𑀺 𑀢𑀸𑀲𑁄 𑀧𑀺𑀲𑀸𑀘𑁄, 𑀫𑀳𑀺𑀬𑀁 𑀭𑀯𑀢𑀻𑀢𑀺 𑀫𑀬𑀽𑀭𑁄; 𑀏𑀯𑀫𑀜𑁆𑀜𑁂𑀧𑀺 𑀧𑀬𑁄𑀕 𑀢𑁄’𑀦𑀼𑀕𑀦𑁆𑀢𑀩𑁆𑀩𑀸; 𑀧𑀭𑁂𑀲𑀁 𑀧𑀺𑀲𑁄𑀤𑀭𑀸𑀤𑀺𑀯𑁂𑀤𑀁 𑀤𑀝𑁆𑀞𑀩𑁆𑀩𑀁.

𑀢𑀯𑀕𑁆𑀕𑀯𑀭𑀡𑀸𑀦𑀁 |𑀑𑁦.𑁦𑁦𑁨𑁯| 𑀬𑁂 𑀘𑀯𑀕𑁆𑀕𑀩𑀬𑀜𑀸-.

𑀢𑀯𑀕𑁆𑀕𑀯𑀭𑀡𑀸𑀦𑀁 𑀘𑀯𑀕𑁆𑀕𑀩𑀬𑀜𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁 𑀬𑀓𑀸𑀭𑁂; 𑀅𑀧𑀽𑀘𑁆𑀘𑀡𑁆𑀟𑀓𑀸𑀬𑀁, 𑀢𑀘𑁆𑀙𑀁, 𑀬𑀚𑁆𑀚𑁂𑀯𑀁, 𑀅𑀚𑁆𑀛𑀢𑁆𑀢𑀁, 𑀣𑀜𑀜𑁆𑀜𑀁, 𑀤𑀺𑀩𑁆𑀩𑀁, 𑀧𑀬𑁆𑀬𑁂𑀲𑀦𑀸, 𑀧𑁄𑀓𑁆𑀔𑀭𑀜𑁆𑀜𑁄; 𑀓𑁆𑀯𑀘𑀻𑀢𑁆𑀯𑁂𑀯-𑀭𑀢𑁆𑀬𑀸.

𑀯𑀕𑁆𑀕𑀮𑀲𑁂𑀳𑀺 |𑀑𑁦.𑁦𑁦𑁩𑁦| 𑀢𑁂-

𑀯𑀕𑁆𑀕𑀮𑀲𑁂𑀳𑀺 𑀧𑀭𑀲𑁆𑀲 𑀬𑀓𑀸𑀭𑀲𑁆𑀲 𑀓𑁆𑀯𑀘𑀺 𑀢𑁂 𑀯𑀕𑁆𑀕𑀮𑀲𑀸 𑀳𑁄𑀦𑁆𑀢𑀺; 𑀲𑀓𑁆𑀓𑀢𑁂, 𑀧𑀘𑁆𑀘𑀢𑁂, 𑀅𑀝𑁆𑀝𑀢𑁂, 𑀓𑀼𑀧𑁆𑀧𑀢𑁂, 𑀨𑀮𑁆𑀮𑀢𑁂, 𑀅𑀲𑁆𑀲𑀢𑁂, 𑀓𑁆𑀯𑀘𑀻 𑀢𑁆𑀯𑁂𑀘-𑀓𑁆𑀬𑀸𑀳𑀁.

𑀳𑀲𑁆𑀲 𑀯𑀺𑀧𑀮𑁆𑀮𑀸𑀲𑁄-

𑀳𑀲𑁆𑀲 𑀯𑀺𑀧𑀮𑁆𑀮𑀸𑀲𑁄 𑀳𑁄𑀢𑀺 𑀬𑀓𑀸𑀭𑁂; 𑀕𑀼𑀬𑁆𑀳𑀁.

𑀯𑁂 𑀯𑀸-.

𑀳𑀲𑁆𑀲 𑀯𑀺𑀧𑀮𑁆𑀮𑀸𑀲𑁄 𑀳𑁄𑀢𑀺 𑀯𑀸 𑀯𑀓𑀸𑀭𑁂; 𑀩𑀯𑁆𑀳𑀸𑀩𑀸𑀥𑁄 𑀩𑀳𑁆𑀯𑀸 𑀩𑀸𑀥𑁄.

𑀢𑀣𑀦𑀭𑀸𑀦𑀁 |𑀑𑁦.𑁦𑁦𑁩𑁧| 𑀝𑀞𑀡𑀮𑀸-.

𑀢𑀣𑀦𑀭𑀸𑀦𑀁 𑀝𑀞𑀡𑀮𑀸 𑀳𑁄𑀦𑁆𑀢𑀻 𑀯𑀸; 𑀤𑀼𑀓𑁆𑀓𑀝𑀁, 𑀅𑀝𑁆𑀞𑀓𑀣𑀸, 𑀕𑀳𑀡𑀁, 𑀧𑀮𑀺𑀖𑁄, 𑀧𑀮𑀸𑀬𑀢𑀺, 𑀯𑀸𑀢𑁆𑀯𑁂𑀘-𑀤𑀼𑀓𑁆𑀓𑀢𑀁; 𑀓𑁆𑀯𑀘𑀻𑀢𑁆𑀯𑁂𑀯-𑀲𑀼𑀕𑀢𑁄.

𑀲𑀁𑀬𑁄𑀕𑀸𑀤𑀺𑀮𑁄𑀧𑁄-

𑀲𑀁𑀬𑁄𑀕𑀲𑁆𑀲 𑀬𑁄 𑀆𑀤𑀺𑀪𑀼𑀢𑁄’𑀯𑀬𑀯𑁄 𑀢𑀲𑁆𑀲 𑀯𑀸 𑀓𑁆𑀯𑀘𑀻 𑀮𑁄𑀧𑁄 𑀳𑁄𑀢𑀺; 𑀧𑀼𑀧𑁆𑀨𑀁𑀲𑀸, 𑀚𑀸𑀬𑀢𑁂’𑀕𑀺𑀦𑀺.

𑀯𑀺𑀘𑁆𑀙𑀸𑀪𑀺𑀓𑁆𑀔𑀜𑁆𑀜𑁂𑀲𑀼 𑀤𑁆𑀯𑁂-

𑀯𑀻𑀘𑁆𑀙𑀸𑀬𑀫𑀸𑀪𑀺𑀓𑁆𑀔𑀜𑁆𑀜𑁂 𑀘 𑀬𑀁 𑀯𑀢𑁆𑀢𑀢𑁂 𑀢𑀲𑁆𑀲 𑀤𑁆𑀯𑁂 𑀭𑀽𑀧𑀸𑀦𑀺 𑀳𑁄𑀦𑁆𑀢𑀺, 𑀓𑁆𑀭𑀺𑀬𑀸𑀬 𑀕𑀼𑀡𑁂𑀦 𑀤𑀩𑁆𑀩𑁂𑀦 𑀯𑀸 𑀪𑀺𑀦𑁆𑀦𑁂 𑀅𑀢𑁆𑀣𑁂 𑀯𑁆𑀬𑀸𑀧𑀺𑀢𑀼 𑀫𑀺𑀘𑁆𑀙𑀸 𑀯𑀻𑀘𑁆𑀙𑀸; 𑀭𑀼𑀓𑁆𑀔𑀁𑀭𑀼𑀓𑁆𑀔𑀁 𑀲𑀺𑀜𑁆𑀘𑀢𑀺, 𑀕𑀸𑀫𑁄𑀕𑀸𑀫𑁄 𑀭𑀫𑀡𑀻𑀬𑁄, 𑀕𑀸𑀫𑁂 𑀕𑀸𑀫𑁂 𑀧𑀸𑀦𑀻𑀬𑀁, 𑀕𑁂𑀳𑁂 𑀕𑁂𑀳𑁂 𑀇𑀲𑁆𑀲𑀭𑁄, 𑀭𑀲𑀁 𑀭𑀲𑀁 𑀪𑀓𑁆𑀔𑀬𑀢𑀻, 𑀓𑀺𑀭𑀺𑀬𑀁 𑀓𑀺𑀭𑀺𑀬𑀫𑀸𑀭𑀳𑀢𑁂.

𑀅𑀢𑁆𑀣𑀺𑀬𑁂𑀯𑀸𑀦𑀼𑀧𑀼𑀩𑁆𑀩𑀺𑀬𑁂’𑀧𑀺 |𑀑𑁦.𑁦𑁦𑁩𑁨| 𑀯𑀻𑀘𑁆𑀙𑀸, 𑀫𑀽𑀮𑁂 𑀣𑀽𑀮𑀸, 𑀅𑀕𑁆𑀕𑁂 𑀅𑀕𑁆𑀕𑁂 𑀲𑀼𑀔𑀼𑀫𑀸; 𑀬𑀤𑀺 𑀳𑀺 𑀏𑀢𑁆𑀣 𑀫𑀽𑀮𑀕𑁆𑀕𑀪𑁂𑀤𑁄 𑀦 𑀲𑀺𑀬𑀸 𑀆𑀦𑀼𑀧𑀼𑀩𑁆𑀩𑀺𑀬𑀫𑁆𑀧𑀺 𑀦 𑀪𑀯𑁂𑀬𑁆𑀬, (𑀚𑁂𑀝𑁆𑀞𑀁 𑀚𑁂𑀝𑁆𑀞𑀫𑀦𑀼𑀧𑁆𑀧𑀯𑁂𑀲𑀬) 𑀫𑀸𑀲𑀓𑀁 𑀫𑀸𑀲𑀓𑀁 𑀇𑀫𑀫𑁆𑀳𑀸 𑀓𑀳𑀸𑀧𑀡𑀸 𑀪𑀯𑀦𑁆𑀢𑀸𑀦𑀁 𑀤𑁆𑀯𑀺𑀦𑁆𑀦𑀁 𑀤𑁂𑀳𑀻𑀢𑀺- 𑀫𑀸𑀲𑀓𑀁 𑀫𑀸𑀲𑀓𑀫𑀺𑀘𑁆𑀘𑁂𑀢𑀲𑁆𑀫𑀸 𑀯𑀻𑀘𑁆𑀙𑀸𑀯𑀕𑀫𑁆𑀬𑀢𑁂 𑀲𑀤𑁆𑀤𑀦𑁆𑀢𑀭𑀢𑁄 𑀧𑀦 𑀇𑀫𑀫𑁆𑀳𑀸 𑀓𑀳𑀸𑀧𑀡𑀸𑀢𑀺 𑀅𑀯𑀥𑀸𑀭𑀡𑀁; 𑀧𑀼𑀩𑁆𑀩𑀁 𑀧𑀼𑀩𑁆𑀩𑀁 𑀧𑀼𑀧𑁆𑀨𑀦𑁆𑀢𑀺, 𑀧𑀞𑀫𑀁 𑀧𑀞𑀫𑀁 𑀧𑀘𑁆𑀘𑀦𑁆𑀢𑀻𑀢𑀺 𑀯𑀻𑀘𑁆𑀙𑀸𑀯; 𑀇𑀫𑁂 𑀉𑀪𑁄 𑀅𑀟𑁆𑀠𑀸 𑀓𑀢𑀭𑀸 𑀓𑀢𑀭𑀸 𑀏𑀲𑀁 𑀤𑁆𑀯𑀺𑀦𑁆𑀦𑀫𑀟𑁆𑀠𑀢𑀸, 𑀲𑀩𑁆𑀩𑁂 𑀇𑀫𑁂 𑀅𑀟𑁆𑀠𑀸 𑀓𑀢𑀫𑀸 𑀓𑀢𑀫𑀸 𑀇𑀫𑁂𑀲𑀁 𑀅𑀟𑁆𑀠𑀢𑀸, 𑀇𑀳𑀸𑀧𑀺 𑀯𑀻𑀘𑁆𑀙𑀸𑀯; 𑀆𑀪𑀺𑀓𑁆𑀔𑀜𑁆𑀜𑀁-𑀧𑁄𑀦𑁄𑀧𑀼𑀜𑁆𑀜𑀁, 𑀧𑀘𑀢𑀺 𑀧𑀘𑀢𑀺 𑀧𑀧𑀘𑀢𑀺 𑀧𑀧𑀘𑀢𑀺, 𑀮𑀼𑀦𑀸𑀳𑀺 𑀮𑀼𑀦𑀸𑀳𑀺𑀢𑁆𑀯𑁂𑀯𑀸𑀬𑀁 𑀮𑀼𑀦𑀸𑀢𑀺, 𑀪𑀼𑀢𑁆𑀯𑀸 𑀪𑀼𑀢𑁆𑀯𑀸 𑀕𑀘𑁆𑀙𑀢𑀺, 𑀧𑀝𑀧𑀝𑀸 𑀓𑀭𑁄𑀢𑀺, 𑀧𑀝𑀧𑀝𑀸𑀬𑀢𑀺.

𑀲𑁆𑀬𑀸𑀤𑀺𑀮𑁄𑀧𑁄 |𑀑𑁦.𑁦𑁦𑁩𑁫| 𑀧𑀼𑀩𑁆𑀩𑀲𑁆𑀲𑁂𑀓𑀲𑁆𑀲-.

𑀯𑀻𑀘𑁆𑀙𑀸𑀫𑁂𑀓𑀲𑁆𑀲 𑀤𑁆𑀯𑀺𑀢𑁆𑀢𑁂 𑀧𑀼𑀩𑁆𑀩𑀲𑁆𑀲 𑀲𑁆𑀬𑀸𑀤𑀺𑀮𑁄𑀧𑁄 𑀳𑁄𑀢𑀺, 𑀏𑀓𑁂𑀓𑀲𑁆𑀲, 𑀓𑀣𑀁 𑀫𑀢𑁆𑀣𑀓𑀫𑀢𑁆𑀣𑀓𑁂𑀦𑀸𑀢𑀺? 𑀲𑁆𑀬𑀸𑀤𑀺𑀮𑁄𑀧𑁄 𑀧𑀼𑀩𑁆𑀩𑀲𑁆𑀲𑀸𑀢𑀺 𑀬𑁄𑀕𑀯𑀺𑀪𑀸𑀕𑀸; 𑀦 𑀘𑀸𑀢𑀺𑀧𑁆𑀧𑀗𑁆𑀕𑁄 𑀬𑁄𑀕𑀯𑀺𑀪𑀸𑀕𑀸 𑀇𑀝𑁆𑀞𑀧𑁆𑀧𑀲𑀺𑀤𑁆𑀥𑀻𑀢𑀺.

𑀲𑀩𑁆𑀩𑀸𑀤𑀻𑀦𑀁 𑀯𑀻𑀢𑀺𑀳𑀸𑀭𑁂-.

𑀲𑀩𑁆𑀩𑀸𑀤𑀻𑀦𑀁 𑀯𑀻𑀢𑀺𑀳𑀸𑀭𑁂 𑀤𑁆𑀯𑁂 𑀪𑀯𑀦𑁆𑀢𑀺 𑀧𑀼𑀩𑁆𑀩𑀲𑁆𑀲 𑀲𑁆𑀬𑀸𑀤𑀺𑀮𑁄𑀧𑁄 𑀘; 𑀅𑀜𑁆𑀜𑀫𑀜𑁆𑀜𑀲𑁆𑀲 𑀪𑁄𑀚𑀓𑀸, 𑀇𑀢𑀭𑀻𑀢𑀭𑀲𑁆𑀲 𑀪𑁄𑀚𑀓𑀸.

𑀬𑀸𑀯 𑀩𑁄𑀥𑀁 𑀲𑀫𑁆𑀪𑀫𑁂-.

𑀢𑀼𑀭𑀺𑀢𑁂𑀦𑀸𑀧𑀸𑀬𑀳𑁂𑀢𑀼𑀧𑀤𑀲𑁆𑀲𑀦𑀁 𑀲𑀫𑁆𑀪𑀫𑁄, 𑀢𑀲𑁆𑀫𑀺𑀁 𑀲𑀢𑀺 𑀯𑀢𑁆𑀢𑀼 𑀬𑀸𑀯𑀦𑁆𑀢𑁂𑀳 𑀲𑀤𑁆𑀤𑁂𑀳𑀺 𑀲𑁄’𑀢𑁆𑀣𑁄 𑀯𑀺𑀜𑁆𑀜𑀸𑀬𑀢𑁂 𑀢𑀸𑀯𑀦𑁆𑀢𑁄 𑀲𑀤𑁆𑀤𑀸 𑀧𑀬𑀼𑀚𑁆𑀚𑀦𑁆𑀢𑁂; 𑀲𑀧𑁆𑀧𑁄 𑀲𑀧𑁆𑀧𑁄 𑀲𑀧𑁆𑀧𑁄, 𑀩𑀼𑀚𑁆𑀛𑀲𑁆𑀲𑀼 𑀩𑀼𑀚𑁆𑀛𑀲𑁆𑀲𑀼 𑀩𑀼𑀚𑁆𑀛𑀲𑁆𑀲𑀼, 𑀪𑀺𑀦𑁆𑀦𑁄 𑀪𑀺𑀓𑁆𑀔𑀼𑀲𑀗𑁆𑀖𑁄 𑀪𑀺𑀦𑁆𑀦𑁄 𑀪𑀺𑀓𑁆𑀔𑀼𑀲𑀗𑁆𑀖𑁄.

𑀩𑀳𑀼𑀮𑀁-.

𑀅𑀬𑀫𑀥𑀺𑀓𑀸𑀭𑁄 𑀆𑀲𑀢𑁆𑀣𑀧𑀭𑀺𑀲𑀫𑀢𑁆𑀢𑀺𑀬𑀸 𑀢𑁂𑀦 𑀦𑀸𑀢𑀺𑀧𑁆𑀧𑀲𑀗𑁆𑀕𑁄 𑀇𑀝𑁆𑀞𑀲𑀺𑀤𑁆𑀥𑀺 𑀘.

𑀇𑀢𑀺 𑀫𑁄𑀕𑁆𑀕𑀮𑁆𑀮𑀸𑀦𑀯𑁆𑀬𑀸𑀓𑀭𑀡𑁂 𑀯𑀼𑀢𑁆𑀢𑀻𑀬𑀁 𑀧𑀞𑀫𑁄 𑀓𑀡𑁆𑀟𑁄.

𑀤𑁆𑀯𑁂𑀤𑁆𑀯𑁂𑀓𑀸𑀦𑁂𑀓𑁂𑀲𑀼 |𑀑𑁦.𑁦𑁦𑁩𑁬| 𑀦𑀸𑀫𑀲𑁆𑀫𑀸 𑀲𑀺𑀬𑁄𑀅𑀁𑀬𑁄𑀦𑀸𑀪𑀺𑀲𑀦𑀁 𑀲𑁆𑀫𑀸𑀳𑀺𑀲𑀦𑀁𑀲𑁆𑀫𑀺𑀁𑀲𑀼-.

𑀏𑀢𑁂𑀲𑀁 𑀤𑁆𑀯𑁂 𑀤𑁆𑀯𑁂 𑀳𑁄𑀦𑁆𑀢𑀺 𑀏𑀓𑀸𑀦𑁂𑀓𑀢𑁆𑀣𑁂𑀲𑀼 𑀯𑀢𑁆𑀢𑀫𑀸𑀦𑀢𑁄 𑀦𑀸𑀫𑀲𑁆𑀫𑀸; 𑀫𑀼𑀦𑀺 𑀫𑀼𑀦𑀬𑁄, 𑀫𑀼𑀦𑀺𑀁 𑀫𑀼𑀦𑀬𑁄, 𑀫𑀼𑀦𑀺𑀦𑀸 𑀫𑀼𑀦𑀻𑀳𑀺, 𑀫𑀼𑀦𑀺𑀲𑁆𑀲 𑀫𑀼𑀦𑀻𑀦𑀁, 𑀫𑀼𑀦𑀺𑀲𑁆𑀫𑀸 𑀫𑀼𑀦𑀻𑀳𑀺, 𑀫𑀼𑀦𑀺𑀲𑁆𑀲 𑀫𑀼𑀦𑀻𑀦𑀁, 𑀫𑀼𑀦𑀺𑀲𑁆𑀫𑀺𑀁 𑀫𑀼𑀦𑀻𑀲𑀼, 𑀏𑀯𑀁 𑀓𑀼𑀫𑀸𑀭𑀻 𑀓𑀼𑀫𑀸𑀭𑀺𑀬𑁄, 𑀓𑀜𑁆𑀜𑀸 𑀓𑀜𑁆𑀜𑀸𑀬𑁄𑀢𑀺; 𑀏𑀢𑀸𑀦𑀺 𑀲𑀢𑁆𑀢 𑀤𑀼𑀓𑀸𑀦𑀺 𑀲𑀢𑁆𑀢𑀯𑀺𑀪𑀢𑁆𑀢𑀺𑀬𑁄; 𑀯𑀺𑀪𑀸𑀕𑁄 𑀯𑀺𑀪𑀢𑁆𑀢𑀻𑀢𑀺 𑀓𑀢𑁆𑀯𑀸-𑀏𑀢𑁆𑀣 𑀲𑀺𑀅𑀫𑀺𑀢𑀻𑀓𑀸𑀭𑀸 𑀓𑀸𑀭𑀸 ‘‘𑀓𑀺𑀫𑀁𑀲𑀺𑀲𑀽‘‘𑀢𑀺. 𑀲𑀁𑀓𑁂𑀢𑀢𑁆𑀣𑀸.

𑀓𑀫𑁆𑀫𑁂 |𑀑𑁦.𑁦𑁦𑁩𑁭| 𑀤𑀼𑀢𑀺𑀬𑀸-.

𑀓𑀭𑀻𑀬𑀢𑀺 𑀓𑀢𑁆𑀢𑀼𑀓𑁆𑀭𑀺𑀬𑀸𑀬𑀸𑀪𑀻𑀲𑀫𑁆𑀩𑀦𑁆𑀥𑀻𑀬𑀢𑀻𑀢𑀺 𑀓𑀫𑁆𑀫𑀁, 𑀢𑀲𑁆𑀫𑀺𑀁 𑀤𑀼𑀢𑀺𑀬𑀸 𑀯𑀺𑀪𑀢𑁆𑀢𑀺 𑀳𑁄𑀢𑀺; 𑀓𑀝𑀁 𑀓𑀭𑁄𑀢𑀺, 𑀑𑀤𑀦𑀁 𑀧𑀯𑀢𑀺, 𑀆𑀤𑀺𑀘𑁆𑀘𑀁 𑀧𑀲𑁆𑀲𑀢𑀺, 𑀑𑀤𑀦𑁄 𑀧𑀘𑁆𑀘𑀢𑀻𑀢𑀺-𑀑𑀤𑀦𑀲𑀤𑁆𑀤𑀢𑁄 𑀓𑀫𑁆𑀫𑀢𑀸 𑀦𑀧𑁆𑀧𑀢𑀻𑀬𑀢𑁂, 𑀓𑀺𑀁 𑀘𑀭𑀳𑀺? 𑀆𑀔𑁆𑀬𑀸𑀢𑀢𑁄; 𑀓𑀝𑀁 𑀓𑀭𑁄𑀢𑀺 𑀯𑀺𑀧𑀼𑀮𑀁 𑀤𑀲𑁆𑀲𑀦𑀻𑀬𑀦𑁆𑀢𑀺- 𑀅𑀢𑁆𑀣𑁂𑀯 𑀕𑀼𑀡 𑀬𑀼𑀢𑁆𑀢𑀲𑁆𑀲 𑀓𑀫𑁆𑀫𑀢𑀸; 𑀇𑀘𑁆𑀙𑀺𑀢𑁂’𑀧𑀺 𑀓𑀫𑁆𑀫𑀢𑁆𑀢𑀸𑀯 𑀤𑀼𑀢𑀺𑀬𑀸 𑀲𑀺𑀤𑁆𑀥; 𑀕𑀸𑀯𑀼𑀁 𑀧𑀬𑁄 𑀤𑁄𑀳𑀢𑀺, 𑀕𑁄𑀫𑀦𑁆𑀢𑀁 𑀕𑀸𑀯𑀁 𑀬𑀸𑀯𑀢𑀺, 𑀕𑀯𑀫𑀯𑀭𑀼𑀦𑁆𑀥𑀢𑀺 𑀯𑀚𑀁, 𑀫𑀸𑀡𑀯𑀓𑀁 𑀫𑀕𑁆𑀕𑀁 𑀧𑀼𑀘𑁆𑀙𑀢𑀺, 𑀕𑁄𑀫𑀦𑁆𑀢𑀁 𑀕𑀸𑀯𑀁 𑀪𑀺𑀓𑁆𑀔𑀢𑁂, 𑀭𑀼𑀓𑁆𑀔𑀫𑀯 𑀘𑀺𑀦𑀸𑀢𑀺 𑀨𑀮𑀸𑀦𑀺, 𑀲𑀺𑀲𑁆𑀲𑀁 𑀥𑀫𑁆𑀫𑀁 𑀩𑁆𑀭𑀽𑀢𑁂, 𑀲𑀺𑀲𑁆𑀲𑀁 𑀥𑀫𑁆𑀫𑀫𑀦𑀼𑀲𑀸𑀲𑀢𑀺.

𑀏𑀯𑀫𑀦𑀺𑀘𑀙𑀺𑀢𑁂’𑀧𑀺; |𑀑𑁦.𑁦𑁦𑁩𑁮| 𑀅𑀳𑀺𑀁 𑀮𑀗𑁆𑀖𑀬𑀢𑀺, 𑀯𑀻𑀲𑀁 𑀪𑀓𑁆𑀔𑁂𑀢𑀺; 𑀬𑀦𑁆𑀦𑁂 𑀯𑀺𑀘𑁆𑀙𑀺𑀢𑀁 𑀦𑀸𑀧𑀺 𑀅𑀦𑀺𑀘𑁆𑀙𑀺𑀢𑀁 𑀢𑀢𑁆𑀣𑀸𑀧𑀺 𑀤𑀼𑀢𑀻𑀬𑀸 𑀲𑀺𑀤𑁆𑀥𑀸; 𑀕𑀸𑀫𑀁 𑀕𑀘𑁆𑀙𑀦𑁆𑀢𑁄 𑀭𑀼𑀓𑁆𑀔𑀫𑀽𑀮𑀫𑀼𑀧𑀲𑀧𑁆𑀧𑀢𑀺, 𑀧𑀣𑀯𑀺𑀁 𑀅𑀥𑀺𑀲𑁂𑀲𑁆𑀲𑀢𑀺, 𑀕𑀸𑀫𑀫𑀥𑀺𑀢𑀺𑀝𑁆𑀞𑀢𑀺, 𑀭𑀼𑀓𑁆𑀔 𑀫𑀚𑁆𑀛𑀸𑀲𑀢𑁂𑀢𑀺-𑀅𑀥𑀺𑀲𑀻𑀞𑀸𑀲𑀸𑀦𑀁 𑀧𑀬𑁄𑀕𑁂’𑀥𑀺𑀓𑀭𑀡𑁂 𑀓𑀫𑁆𑀫𑀯𑀘𑀦𑀺𑀘𑁆𑀙𑀸.

𑀯𑀢𑁆𑀢𑀺𑀘𑁆𑀙𑀸𑀢𑁄 |𑀑𑁦.𑁦𑁦𑁩𑁯| 𑀳𑀺 𑀓𑀸𑀭𑀓𑀸𑀦𑀺 𑀳𑁄𑀦𑁆𑀢𑀺; 𑀢𑀁 𑀬𑀣𑀸- 𑀯𑀮𑀸𑀳𑀓𑀸 𑀯𑀺𑀚𑁆𑀚𑁄𑀢𑀢𑁂, 𑀯𑀮𑀸𑀳𑀓𑀲𑁆𑀲 𑀯𑀺𑀚𑁆𑀚𑁄𑀢𑀢𑁂, 𑀯𑀮𑀸𑀳𑀓𑁄 𑀯𑀺𑀚𑁆𑀚𑁄𑀢𑀢𑁂, 𑀯𑀮𑀸𑀳𑀓𑁂 𑀯𑀺𑀚𑁆𑀚𑁄𑀢𑀢𑁂, 𑀯𑀮𑀸𑀳𑀓𑁂𑀦 𑀯𑀺𑀚𑁆𑀚𑁄𑀢𑀢𑁂𑀢𑀺.

𑀏𑀯𑀫𑀪𑀺𑀦𑀯𑀺𑀲𑀲𑁆𑀲 𑀯𑀸, 𑀥𑀫𑁆𑀫𑀫𑀪𑀺𑀦𑀺𑀯𑀺𑀲𑀢𑁂 𑀥𑀫𑁆𑀫𑁂 𑀯𑀸, 𑀢𑀣𑀸 𑀉𑀧𑀦𑁆𑀯𑀚𑁆𑀛𑀸𑀯𑀲𑀲𑁆𑀲𑀸𑀪𑁄𑀚𑀦𑀦𑀯𑀼𑀢𑁆𑀢𑀺𑀘𑀦𑀲𑁆𑀲; 𑀕𑀸𑀫𑀫𑀼𑀧𑀯𑀲𑀢𑀺, 𑀕𑀸𑀫 𑀫𑀦𑀼𑀯𑀲𑀢𑀺, 𑀧𑀩𑁆𑀩𑀢𑀫𑀥𑀺𑀯𑀲𑀢𑀺, 𑀖𑀭𑀫𑀸𑀯𑀲𑀢𑀺; 𑀅𑀪𑁄𑀚𑀦𑀦𑀺𑀯𑀼𑀢𑁆𑀢𑀺𑀯𑀘 𑀦𑀲𑁆𑀲𑀸𑀢𑀺-𑀓𑀺𑀁? 𑀕𑀸𑀫𑁂 𑀉𑀧𑀯𑀲𑀢𑀺-𑀪𑁄𑀚𑀦𑀦𑀺𑀯𑀼𑀢𑁆𑀢𑀺𑀁 𑀓𑀭𑁄𑀢𑀻𑀢𑀺 𑀅𑀢𑁆𑀣𑁄. 𑀢𑀧𑁆𑀧𑀸𑀦𑀸𑀘𑀸𑀭𑁂’𑀧𑀺 |𑀑𑁦.𑁦𑁦𑁪𑁦| 𑀓𑀫𑁆𑀫𑀢𑁆𑀢𑀸𑀯 𑀤𑀼𑀢𑀺𑀬𑀸 𑀲𑀺𑀤𑁆𑀥𑀸, 𑀦𑀤𑀺𑀫𑁆𑀧𑀺𑀯𑀢𑀺, 𑀕𑀸𑀫𑀁 𑀘𑀭𑀢𑀺; 𑀏𑀯𑀁 𑀲𑀘𑁂 𑀫𑀁 𑀦𑀸𑀮𑀧𑀺𑀲𑁆𑀲𑀢𑀻𑀢𑀺-𑀆𑀤𑀺𑀲𑀼𑀧𑀺.

𑀯𑀺𑀳𑀺𑀢𑀸𑀯 𑀧𑀝𑀺𑀬𑁄𑀕𑁂 𑀤𑀼𑀢𑀺𑀬𑀸, 𑀧𑀝𑀺𑀪𑀦𑁆𑀢𑀼 𑀢𑀁 𑀘𑀼𑀦𑁆𑀤 𑀩𑁄𑀚𑁆𑀛𑀗𑁆𑀕𑀸𑀢𑀺-𑀢𑀁 𑀧𑀝𑀺 𑀩𑁄𑀚𑁆𑀛𑀗𑁆𑀕𑀸 𑀪𑀸𑀲𑀦𑁆𑀢𑀽𑀢𑀺 𑀅𑀢𑁆𑀣𑁄; 𑀬𑀤𑀸 𑀢𑀼 𑀥𑀸𑀢𑀼𑀦𑀸 𑀬𑀼𑀢𑁆𑀢𑁄 𑀧𑀢𑀺 𑀢𑀤𑀸 𑀢𑁂𑀦𑀸𑀬𑁄𑀕𑀸 𑀲𑀫𑁆𑀩𑀦𑁆𑀥𑁂 𑀙𑀝𑁆𑀞𑀻 𑀘 𑀢𑀲𑁆𑀲 𑀦𑀧𑁆𑀧𑀝𑀺 𑀪𑀸𑀢𑀻𑀢𑀺? 𑀅𑀓𑁆𑀔𑁂 𑀤𑀺𑀩𑁆𑀩𑀢𑀺, 𑀅𑀓𑁆𑀔𑁂𑀳𑀺 𑀤𑀺𑀩𑁆𑀩𑀢𑀺, 𑀅𑀓𑁆𑀔𑁂𑀲𑀼 𑀤𑀺𑀩𑁆𑀩𑀢𑀻𑀢𑀺𑀓𑀫𑁆𑀫𑀓𑀭𑀡𑀸𑀥𑀺𑀓𑀭𑀡𑀯𑀘𑀦𑀺𑀘𑁆𑀙𑀸.

𑀓𑀸𑀮𑀤𑁆𑀥𑀸𑀦𑀫𑀘𑁆𑀘𑀦𑁆𑀢𑀲𑀁𑀬𑁄𑀕𑁂-. |𑀑𑁦.𑁦𑁦𑁪𑁧|

𑀓𑁆𑀭𑀺𑀬𑀸𑀕𑀼𑀡𑀤𑀩𑁆𑀩𑁂𑀳𑀺 𑀲𑀸𑀓𑀮𑁆𑀮𑁂𑀦 𑀓𑀸𑀮𑀤𑁆𑀥𑀸𑀦𑀁 𑀲𑀫𑁆𑀩𑀦𑁆𑀥𑁄 𑀅𑀘𑁆𑀘𑀦𑁆𑀢𑀲𑀁𑀬𑁄𑀕𑁂, 𑀢𑀲𑁆𑀫𑀺𑀁 𑀯𑀺𑀜𑁆𑀜𑀸𑀬𑀫𑀸𑀦𑁂 𑀓𑀸𑀮𑀲𑀤𑁆𑀤𑁂𑀳𑀺 𑀅𑀤𑁆𑀥 𑀲𑀤𑁆𑀤𑁂𑀳𑀺 |𑀑𑁦.𑁦𑁦𑁪𑁨| 𑀘 𑀤𑀼𑀢𑀺𑀬𑀸 𑀳𑁄𑀢𑀺; 𑀫𑀸𑀲𑀫𑀥𑀻𑀢𑁂, 𑀫𑀸𑀲𑀁 𑀓𑀮𑁆𑀬𑀸𑀡𑀺. 𑀫𑀸𑀲𑀁 𑀕𑀼𑀴𑀥𑀸𑀦𑀸, 𑀓𑁄𑀲𑀫𑀥𑀻𑀢𑁂, 𑀓𑁄𑀲𑀁 𑀓𑀼𑀝𑀺𑀮𑀸 𑀦𑀤𑀻, 𑀓𑁄𑀲𑀁 𑀧𑀩𑁆𑀩𑀢𑁄; 𑀅𑀘𑁆𑀘𑀦𑁆𑀢𑀲𑀁𑀬𑁂𑀕𑁂𑀢𑀺 𑀓𑀺𑀁? 𑀫𑀸𑀲𑀲𑁆𑀲 𑀤𑁆𑀯𑀻𑀳𑀫𑀥𑀻𑀢𑁂; 𑀓𑁄𑀲𑀲𑁆𑀲𑁂𑀓 𑀤𑁂𑀲𑁂 𑀧𑀩𑁆𑀩𑀢𑁄; 𑀧𑀼𑀩𑁆𑀩𑀦𑁆𑀳𑀲𑀫𑀬𑀁 𑀦𑀺𑀯𑀸𑀲𑁂𑀢𑁆𑀯𑀸, 𑀏𑀓𑀁 𑀲𑀫𑀬𑀁 𑀪𑀕𑀯𑀸, 𑀇𑀫𑀁 𑀭𑀢𑁆𑀢𑀺𑀁 𑀘𑀢𑁆𑀢𑀸𑀭𑁄 𑀫𑀳𑀸𑀭𑀸𑀚𑀸𑀢𑀺; 𑀏𑀯𑀫𑀸𑀤𑀺𑀲𑀼 𑀓𑀸𑀮𑀯𑀸𑀘𑀻𑀳𑀺 𑀅𑀘𑁆𑀘𑀦𑁆𑀢𑀲𑀁𑀬𑁂𑀕𑀢𑁆𑀢𑀸𑀯 𑀤𑀼𑀢𑀺𑀬𑀸 𑀲𑀺𑀤𑁆𑀥𑀸, 𑀯𑀺𑀪𑀢𑁆𑀢𑀺𑀯𑀺𑀧𑀮𑁆𑀮𑀸𑀲𑁂𑀦 𑀯𑀸 𑀩𑀳𑀼𑀮𑀁 𑀯𑀺𑀥𑀸𑀦𑀸-

𑀨𑀮𑀧𑁆𑀧𑀢𑁆𑀢𑀺𑀬𑀁 𑀓𑁆𑀭𑀺𑀬𑀸𑀧𑀭𑀺𑀲𑀫𑀢𑁆𑀢𑁆𑀬𑀧𑀯𑀕𑁆𑀕𑁄 𑀢𑀲𑁆𑀫𑀺𑀁 𑀯𑀺𑀜𑁆𑀜𑀸𑀬 𑀫𑀸𑀦𑁂 𑀓𑀸𑀮𑀤𑁆𑀥𑀸𑀦𑀁 𑀓𑁆𑀭𑀺𑀬𑀸𑀬𑀸𑀘𑁆𑀘𑀦𑁆𑀢𑀲𑀁𑀬𑁄𑀕𑁂 𑀢𑀢𑀺𑀬𑀸𑀪𑀺𑀫𑀢𑀸 𑀲𑀸𑀧𑀺 𑀓𑀭𑀡𑀢𑁆𑀢𑀸𑀯 𑀲𑀺𑀤𑁆𑀥𑀸; 𑀫𑀸𑀲𑁂𑀦𑀸𑀦𑀼𑀯𑀸𑀓𑁄’𑀥𑀻𑀢𑁄, 𑀓𑁄𑀲𑁂𑀦𑀸𑀦𑀼𑀯𑀸 𑀓𑁄’𑀥𑀻𑀢𑁄𑀢𑀺; 𑀅𑀦𑀧𑀯𑀕𑁆𑀕𑁂𑀢𑀼 𑀅𑀲𑀸𑀥𑀓𑀢𑀫𑀢𑁆𑀢𑀸 𑀓𑀭𑀡𑀢𑁆𑀢𑀸𑀪𑀯𑁂 𑀤𑀼𑀢𑀺𑀬𑀸𑀯 𑀫𑀸𑀲𑀫𑀥𑀻𑀢𑁄’𑀦𑀼𑀯𑀸𑀓𑁄, 𑀦 𑀘𑀸𑀦𑁂𑀦 𑀕𑀳𑀺𑀢𑁄𑀢𑀺.

𑀓𑀸𑀭𑀓𑀫𑀚𑁆𑀛𑁂 𑀬𑁂 𑀓𑀸𑀮𑀤𑁆𑀥𑀸𑀦𑀯𑀸𑀘𑀺𑀦𑁄 𑀢𑀢𑁄 𑀲𑀢𑁆𑀢𑀫𑀻𑀧𑀧𑀜𑁆𑀘𑀫𑀺𑀬𑁄 𑀅𑀪𑀺𑀫𑀢𑀸; 𑀅𑀚𑁆𑀚 𑀪𑀼𑀢𑁆𑀯𑀸 𑀤𑁂𑀯𑀤𑀢𑁆𑀢𑁄 𑀤𑁆𑀯𑀻𑀳𑁂 𑀪𑀼𑀜𑁆𑀚𑀺𑀲𑁆𑀲𑀢𑀺 𑀤𑁆𑀯𑀻𑀳𑀸 𑀪𑀼𑀜𑁆𑀚𑀺𑀲𑁆𑀲𑀢𑀺, 𑀅𑀢𑁆𑀭𑀝𑁆𑀞𑁄’𑀬𑀫𑀺𑀲𑁆𑀲𑀸𑀲𑁄 𑀓𑁄𑀲𑁂 𑀮𑀓𑁆𑀔𑀁 𑀯𑀺𑀚𑁆𑀛𑀢𑀺, 𑀓𑁄𑀲𑀸 𑀮𑀓𑁆𑀔𑀁 𑀯𑀺𑀚𑁆𑀛𑀢𑀻𑀢𑀺-𑀢𑀸𑀧𑀻𑀳 𑀲𑀓𑀲𑀓𑀓𑀸𑀭𑀓𑀯𑀘𑀦𑀺𑀘𑁆𑀙𑀸𑀬𑁂𑀯 𑀲𑀺𑀤𑁆𑀥𑀸.

𑀕𑀢𑀺𑀩𑁄𑀥𑀸𑀳𑀸𑀭𑀲𑀤𑁆𑀤𑀢𑁆𑀣𑀓𑀫𑁆𑀫𑀓𑀳𑀚𑁆𑀚𑀸𑀤𑀻𑀦𑀁 |𑀑𑁦.𑁦𑁦𑁪𑁩| 𑀧𑀬𑁄𑀚𑁆𑀚𑁂-.

𑀕𑀫𑀦𑀢𑁆𑀣𑀸𑀦𑀁 𑀩𑁄𑀥𑀢𑁆𑀣𑀸𑀦𑀁 𑀆𑀳𑀸𑀭𑀢𑁆𑀣𑀸𑀦𑀁 𑀲𑀤𑁆𑀤𑀢𑁆𑀣𑀸𑀦𑀫𑀓𑀫𑁆𑀫𑀓𑀸𑀦𑀁 𑀪𑀚𑁆𑀚𑀸𑀤𑀻𑀦𑀜𑁆𑀘 𑀧𑀬𑁄𑀚𑁆𑀚𑁂 𑀓𑀢𑁆𑀢𑀭𑀺 𑀤𑀼𑀢𑀺𑀬𑀸 𑀳𑁄𑀢𑀺, 𑀲𑀸𑀫𑀢𑁆𑀣𑀺𑀬𑀸 𑀘 𑀧𑀬𑁄𑀚𑀓𑀯𑁆𑀬𑀸𑀧𑀸𑀭𑁂𑀦 𑀓𑀫𑁆𑀫𑀢𑀸𑀯𑀲𑁆𑀲 𑀳𑁄𑀢𑀻𑀢𑀺 𑀧𑀢𑀻𑀬𑀢𑁂; 𑀕𑀫 𑀬𑀢𑀺 𑀫𑀸𑀡𑀯𑀓𑀁 𑀕𑀸𑀫𑀁, 𑀬𑀸𑀧𑀬𑀢𑀺 𑀫𑀸𑀡𑀯𑀓𑀁 𑀕𑀸𑀫𑀁, 𑀩𑁄𑀥𑀬𑀢𑀺 𑀫𑀸𑀡𑀯𑀓𑀁 𑀥𑀫𑁆𑀫𑀁, 𑀯𑁂𑀤𑀬𑀢𑀺 𑀫𑀸𑀡𑀯𑀓𑀁 𑀥𑀫𑁆𑀫𑀁, 𑀪𑁄𑀚𑀬𑀢𑀺 𑀫𑀸𑀡𑀯𑀓𑀫𑁄𑀤𑀦𑀁, 𑀆𑀲𑀬𑀢𑀺 𑀫𑀸𑀡𑀯𑀓𑀫𑁄𑀤𑀦𑀁, 𑀅𑀚𑁆𑀛𑀸𑀧𑀬𑀢𑀺 𑀫𑀸𑀡𑀯𑀓𑀁 𑀯𑁂𑀤𑀁 𑀧𑀸𑀞𑀬𑀢𑀺 |𑀑𑁦.𑁦𑁦𑁪𑁪| 𑀫𑀸𑀡𑀯𑀓𑀁 𑀯𑁂𑀤𑀁, 𑀆𑀲𑀬𑀢𑀺 𑀤𑁂𑀯𑀤𑀢𑁆𑀢𑀁, 𑀲𑀸𑀬𑀬𑀢𑀺 𑀤𑁂𑀯 𑀤𑀢𑁆𑀢𑀁, 𑀅𑀜𑁆𑀜𑀁 𑀪𑀚𑁆𑀚𑀸𑀧𑁂𑀢𑀺, 𑀅𑀜𑁆𑀜𑀁 𑀓𑁄𑀝𑁆𑀝𑀸𑀧𑁂𑀢𑀺, 𑀅𑀜𑀜𑁆𑀜𑀁 𑀲𑀦𑁆𑀣𑀭𑀸𑀧𑁂𑀢𑀺. 𑀏𑀢𑁂𑀲𑀫𑁂𑀯𑀸𑀢𑀺 𑀓𑀺𑀁?𑀧𑀸𑀘𑀬𑀢𑀺 𑀑𑀤𑀦𑀁 𑀤𑁂𑀯𑀤𑀢𑁆𑀢𑁂𑀦 𑀬𑀜𑀜𑁆𑀜𑀤𑀢𑁆𑀢𑁄; 𑀧𑀬𑁂 𑀧𑁆𑀧𑁄𑀢𑀺 𑀓𑀺𑀁?𑀕𑀘𑁆𑀙𑀢𑀺 𑀤𑁂𑀯𑀤𑀢𑁆𑀢𑁄, 𑀬𑀤𑀸 𑀘𑀭𑀳𑀺𑀕𑀫𑀬𑀢𑀺 𑀤𑁂𑀯𑀤𑀢𑁆𑀢𑀁 𑀬𑀜𑁆𑀜 𑀤𑀢𑁆𑀢𑁄, 𑀢𑀫𑀧𑀭𑁄 𑀧𑀬𑁄𑀚𑀬𑀢𑀺 𑀢𑀤𑀸 𑀕𑀫𑀬𑀢𑀺 𑀤𑁂𑀯𑀤𑀢𑁆𑀢𑀁 𑀬𑀜𑁆𑀜𑀤𑀢𑁆𑀢𑁂𑀦𑁂𑀢𑀺 - 𑀪𑀯𑀺𑀢𑀩𑁆𑀩𑀁 𑀕𑀫𑀬𑀢𑀺𑀲𑁆𑀲𑀸𑀕𑀫𑀦𑀢𑁆𑀣𑀢𑁆𑀢𑀸.

𑀳𑀭𑀸𑀤𑀻𑀦𑀁 |𑀑𑁦.𑁦𑁦𑁪𑁫| 𑀯𑀸-.

𑀳𑀭𑀸𑀤𑀻𑀦𑀁 𑀧𑀬𑁄𑀚𑁆𑀚𑁂 𑀓𑀢𑁆𑀢𑀭𑀺 𑀤𑀼𑀢𑀺𑀬𑀸 𑀳𑁄𑀢𑀺 𑀯𑀸; 𑀳𑀸𑀭𑁂𑀢𑀺 𑀳𑀸𑀭𑀁 𑀤𑁂𑀯𑀤𑀢𑁆𑀢𑀁 𑀤𑁂𑀯𑀤𑀢𑁆𑀢𑁂𑀦𑁂𑀢𑀺 𑀯𑀸, 𑀅𑀚𑁆𑀛𑁄𑀳𑀸𑀭𑁂𑀢𑀺 𑀲𑀢𑁆𑀢𑀼𑀁 𑀤𑁂𑀯𑀤𑀢𑁆𑀢𑀁 𑀤𑁂𑀯𑀤𑀢𑁆𑀢𑁂𑀦𑁂𑀢𑀺 𑀯𑀸, 𑀓𑀸𑀭𑁂𑀢𑀺 𑀤𑁂𑀯𑀤𑀢𑁆𑀢𑀁 𑀤𑁂𑀯𑀤𑀢𑁆𑀢𑁂𑀦𑁂𑀢𑀺 𑀯𑀸, 𑀤𑀲𑁆𑀲𑀬𑀢𑁂 𑀚𑀦𑀁 𑀭𑀸𑀚𑀸 𑀚𑀦𑁂𑀦𑁂𑀢𑀺 𑀯𑀸, 𑀅𑀪𑀺𑀯𑀸𑀤𑀬𑀢𑁂 𑀕𑀼𑀭𑀼𑀁 𑀤𑁂𑀯𑀤𑀢𑁆𑀢𑀁 𑀤𑁂𑀯𑀤𑀢𑁆𑀢𑁂𑀦𑁂𑀢𑀺 𑀯𑀸.

𑀦 |𑀑𑁦.𑁦𑁦𑁪𑁬| 𑀔𑀸𑀤𑀸𑀤𑀻𑀦𑀁-.

𑀔𑀸𑀤𑀸𑀤𑀻𑀦𑀁 𑀧𑀬𑁄𑀚𑁆𑀚𑁂 𑀓𑀢𑁆𑀢𑀭𑀺 𑀤𑀼𑀢𑀺𑀬𑀸 𑀦 𑀳𑁄𑀢𑀺; 𑀔𑀸𑀤𑀬𑀢𑀺 𑀤𑁂𑀯𑀤𑀢𑁆𑀢𑁂𑀦, 𑀆𑀤𑀬𑀢𑀺 𑀤𑁂𑀯𑀤𑀢𑁆𑀢𑁂𑀦, 𑀅𑀯𑁆𑀳𑀸𑀧𑀬𑀢𑀺 𑀤𑁂𑀯𑀤𑀢𑁆𑀢𑁂𑀦, 𑀲𑀤𑁆𑀤𑀸𑀬𑀢𑀺 𑀤𑁂𑀯𑀤𑀢𑁆𑀢𑁂𑀦, 𑀓𑀦𑁆𑀤𑀬𑀢𑀺 𑀤𑁂𑀯𑀤𑀢𑁆𑀢𑁂𑀦, 𑀦𑀸𑀬𑀬𑀢𑀺 𑀤𑁂𑀯𑀤𑀢𑁆𑀢𑁂𑀦.

𑀯𑀳𑀺𑀲𑁆𑀲𑀸𑀦𑀺𑀬𑀦𑁆𑀢𑀼𑀓𑁂-.()

𑀯𑀸𑀳𑀬𑀢𑀺 𑀪𑀸𑀭𑀁 𑀤𑁂𑀯𑀤𑀢𑁆𑀢𑁂𑀦; 𑀅𑀦𑀺𑀬𑀦𑁆𑀢𑀼𑀓𑁂𑀢𑀺-𑀓𑀺𑀁?𑀯𑀸𑀳𑀬𑀢𑀺 𑀕𑀸𑀭𑀁 𑀩𑀮𑀺𑀯𑀤𑁆𑀤𑁂.

𑀪𑀓𑁆𑀔𑀺𑀲𑁆𑀲𑀸𑀳𑀺𑀁𑀲𑀸𑀬𑀁-.()

𑀪𑀓𑁆𑀔𑀬𑀢𑀺 𑀫𑁄𑀤𑀓𑁂 𑀤𑁂𑀯𑀤𑀢𑁆𑀢𑁂𑀦; 𑀅𑀳𑀺𑀁𑀲𑀸𑀬𑀦𑁆𑀢𑀺 𑀓𑀺𑀁? 𑀪𑀓𑁆𑀔𑀬𑀢𑀺 𑀩𑀮𑀺𑀯𑀤𑁆𑀤𑁂 𑀲𑀲𑁆𑀲𑀁.

𑀥𑁆𑀬𑀸𑀤𑀻𑀳𑀺 |𑀑𑁦.𑁦𑁦𑁪𑁭| 𑀬𑀼𑀢𑁆𑀢𑀸-.

𑀥𑀺𑀆𑀤𑀻𑀳𑀺 𑀬𑀼𑀢𑁆𑀢𑀢𑁄 𑀤𑀼𑀢𑀺𑀬𑀸 𑀳𑁄𑀢𑀺? 𑀥𑀺𑀭𑀢𑁆𑀣𑀼𑀫𑀁 𑀧𑀽𑀢𑀺𑀓𑀸𑀬𑀁, 𑀅𑀦𑁆𑀢𑀭𑀸 𑀘 𑀭𑀸𑀚𑀕𑀳𑀁, 𑀅𑀦𑁆𑀢𑀭𑀸 𑀘 𑀦𑀸𑀴𑀦𑁆𑀤𑀁, 𑀲𑀫𑀸𑀥𑀸𑀦𑀫𑀦𑁆𑀢𑀭𑁂𑀦, 𑀫𑀼𑀘𑀮𑀺𑀦𑁆𑀤𑀫𑀪𑀺𑀢𑁄 𑀲𑀭𑀫𑀺𑀘𑁆𑀘𑀸𑀤𑀺-𑀙𑀝𑁆𑀞𑀺𑀬𑀸𑀧𑀯𑀸𑀤𑁄 𑀬𑀁.

𑀮𑀓𑁆𑀔𑀡𑀺𑀢𑁆𑀣𑀫𑁆𑀪𑀼𑀢𑀯𑀻𑀘𑁆𑀙𑀸𑀲𑁆𑀯𑀪𑀺𑀦𑀸-.

𑀮𑀓𑁆𑀔𑀡𑀸𑀤𑀺𑀲𑁆𑀯𑀢𑁆𑀣𑁂𑀲𑁆𑀯𑀳𑀺𑀦𑀸 𑀬𑀼𑀢𑁆𑀢𑀫𑁆𑀳𑀸 𑀤𑀼𑀢𑀺𑀬𑀸 𑀳𑁄𑀢𑀺; 𑀭𑀼𑀓𑁆𑀔 𑀫𑀪𑀺𑀯𑀺𑀚𑁆𑀚𑁂𑀢𑀢𑁂 𑀯𑀺𑀚𑁆𑀚𑀼, 𑀲𑀸𑀥𑀼 𑀤𑁂𑀯𑀤𑀢𑁆𑀢𑁄 𑀫𑀸𑀢𑀭𑀫𑀪𑀺, 𑀭𑀼𑀓𑁆𑀔𑀁 𑀭𑀼𑀓𑁆𑀔𑀫𑀪𑀺𑀢𑀺𑀝𑁆𑀞𑀢𑀺.