𑀓𑀸𑀬𑀧𑀘𑁆𑀘𑀯𑁂𑀓𑁆𑀔𑀡𑀸

𑁧. 𑀦𑀸𑀤𑀺𑀓𑀸𑀮 𑀯𑀺𑀧𑀭𑀺𑀢, 𑀚𑀦 𑀪𑀽𑀢𑀢𑁆𑀣 𑀤𑀲𑁆𑀲𑀺𑀦𑁄;

𑀤𑀸𑀢𑀼𑀫𑁂 𑀓𑀦𑁆𑀢𑀺𑀓𑀲𑁆𑀲𑀸𑀤𑀁, 𑀲𑀢𑁆𑀣𑀼 𑀧𑀸𑀤𑁄 𑀢𑀺𑀫𑀸𑀦𑀺𑀢𑁄.

𑁨. 𑀲𑀻𑀲𑁂 𑀧𑀺𑀮𑀦𑁆𑀤𑀺𑀬𑀸 𑀫𑁄𑀤𑀻, 𑀲𑀫𑁆𑀩𑀼𑀤𑁆𑀥 𑀘𑀭𑀡 𑀫𑁆𑀩𑀼𑀚𑀁;

𑀲𑀸𑀥𑀼 𑀢𑀼𑀝𑁆𑀞𑀺𑀓𑀭𑀁 𑀩𑁆𑀭𑀽𑀫𑀺, 𑀲𑀼𑀓𑀸𑀬 𑀧𑀘𑁆𑀘𑀯𑁂𑀓𑁆𑀔𑀡𑀁.

𑁩. 𑀬𑁄𑀦𑀺𑀲𑁄 𑀫𑀦𑀲𑀻𑀓𑀢𑁆𑀯𑀸, 𑀦𑀸𑀤𑀸 𑀯𑀺𑀭𑀼𑀤𑁆𑀥 𑀫𑀜𑁆𑀜𑀺𑀢𑀁;

𑀲𑀸𑀥𑀯𑁄 𑀢 𑀫𑀼𑀤𑀺𑀓𑁆𑀔𑀦𑁆𑀢𑀼, 𑀫𑀬𑀸𑀧𑀺 𑀫𑀦𑁆𑀤𑀩𑀼𑀤𑁆𑀥𑀺𑀦𑁄.

𑁪. 𑀇𑀘𑁆𑀙𑀺𑀢𑀩𑁆𑀩𑀸𑀦 𑀫𑀸𑀬𑀢𑁆𑀢𑀸, 𑀢𑁂𑀲𑀜𑁆𑀘 𑀘𑀬𑀪𑀸𑀯𑀢𑁄;

𑀢𑀤𑀸𑀓𑀸𑀭𑁂𑀦 𑀯𑀢𑁆𑀢𑀺𑀢𑀸, 𑀓𑀸𑀬𑁄 𑀚𑁂𑀕𑀼𑀘𑁆𑀙 𑀧𑀼𑀜𑁆𑀚𑀓𑁄.

𑁫. 𑀧𑀼𑀦𑀧𑁆𑀧𑀼𑀦𑀁𑀯 𑀑𑀓𑁆𑀓𑀫, 𑀜𑀸𑀡 𑀫𑀦𑁆𑀢𑁄 𑀧𑀯𑁂𑀲𑀺𑀬;

𑀩𑀸𑀳𑀺𑀭𑀁𑀯 𑀅𑀦𑀸𑀮𑀫𑁆𑀩, 𑀇𑀓𑁆𑀔𑀡𑀸 𑀧𑀘𑁆𑀘𑀯𑁂𑀓𑁆𑀔𑀡𑀸.

𑁬. 𑀫𑀁𑀲𑀘𑁆𑀙𑀦𑁆𑀦 𑀝𑁆𑀞𑀺𑀭𑀽𑀧𑁂𑀯, 𑀫𑀦𑁄𑀚 𑀯𑀸𑀬𑀼 𑀘𑀸𑀮𑀺𑀢𑁂;

𑀦𑀸𑀭𑀻 𑀕𑀢𑀸𑀢𑀺 𑀬𑀸𑀘𑀺𑀦𑁆𑀢𑀸, 𑀦𑁂𑀯 𑀲𑀸𑀧𑀘𑁆𑀘𑀯𑁂𑀓𑁆𑀔𑀡𑀸.

𑁭. 𑀲𑀜𑁆𑀜𑀸𑀤𑀺𑀝𑁆𑀞𑀺𑀘 𑀘𑀺𑀢𑁆𑀢𑀜𑁆𑀘, 𑀯𑀺𑀧𑀮𑁆𑀮𑀸𑀲𑀸 𑀇𑀫𑁂𑀢𑀬𑁄;

𑀢 𑀤𑀸𑀓𑀸𑀭𑁂𑀦 𑀯𑀢𑁆𑀢𑀦𑁆𑀢𑀺, 𑀅𑀯𑀺𑀚𑁆𑀚𑁄 𑀢𑁆𑀣𑀭𑀺𑀢𑀸 𑀪𑀼𑀲𑀁.

𑁮. 𑀆𑀲𑀸 𑀯𑀺𑀧𑀭𑀺𑀢𑁂 𑀬𑁂𑀲𑀁,

𑀯𑀺𑀧𑀮𑁆𑀮𑀸𑀲𑀸𑀢𑀺 𑀢𑁂𑀫𑀢𑀸;

𑀆𑀲𑀸 𑀆𑀲𑀺𑀲𑀦𑀸 𑀯𑀼𑀢𑁆𑀢𑀸,

𑀢𑀡𑁆𑀳𑀸𑀬𑁂𑀯 𑀲𑀪𑀸𑀯𑀢𑁄.

𑁯. 𑀅𑀲𑀼𑀪𑁂𑀯 𑀲𑀼𑀪𑀫𑀺𑀢𑀺, 𑀅𑀦𑀺𑀘𑁆𑀘𑁂𑀏𑀯 𑀦𑀺𑀘𑁆𑀘𑀢𑁄;

𑀤𑀼𑀓𑁆𑀔𑁂𑀬𑁂𑀯 𑀲𑀼𑀔𑀁𑀯𑀸𑀢𑀺, 𑀅𑀦𑀢𑁆𑀢𑀦𑀺𑀯 𑀅𑀢𑁆𑀢𑀢𑁄.

𑁧𑁦. 𑀲𑀜𑁆𑀜𑀸𑀡𑀁 𑀤𑀲𑁆𑀲𑀦𑀁 𑀘𑀺𑀦𑁆𑀢𑀸,

𑀤𑁆𑀯𑀸𑀤𑀲𑀸 𑀓𑀸𑀭𑀢𑁄 𑀢𑀬𑁄;

𑀤𑀺𑀝𑁆𑀞𑀺𑀲𑀸 𑀘𑀸𑀤𑀺 𑀫𑀕𑁆𑀕𑁂𑀦,

𑀲𑁂𑀲𑀸 𑀲𑁂𑀲𑁂𑀳𑀺 𑀯𑀚𑁆𑀛𑀺𑀢𑀸.

𑁧𑁧. 𑀢𑀡𑁆𑀳𑀸 𑀢𑀲𑁆𑀲𑀺 𑀫𑀫𑁂𑀢𑀦𑁆𑀢𑀺, 𑀫𑀸𑀦𑁄 𑀫𑀜𑁆𑀜𑀺 𑀅𑀳𑀦𑁆𑀢𑀺𑀘;

𑀬𑀲𑁆𑀲𑀺 𑀤𑀺𑀝𑁆𑀞𑀺𑀘 𑀅𑀢𑁆𑀢𑀸𑀢𑀺, 𑀧𑀧𑀜𑁆𑀘𑀸 𑀦𑀸𑀫𑀺𑀫𑁂 𑀢𑀬𑁄.

𑁧𑁨. 𑀧𑀧𑀜𑁆𑀘𑀦𑁆𑀢𑀺 𑀲𑀁𑀲𑀸𑀭𑀁, 𑀢𑀲𑁆𑀫𑀸 𑀧𑀧𑀜𑁆𑀘𑀦𑀸𑀫𑀓𑀸;

𑀪𑀯𑀬𑀦𑁆𑀢𑁂 𑀧𑀬𑁄𑀚𑁂𑀦𑁆𑀢𑀸, 𑀫𑁄𑀓𑁆𑀔𑀁 𑀦𑀸𑀤𑀁𑀲𑀼 𑀢𑁂 𑀘𑀺𑀭𑀁.

𑁧𑁩. 𑀪𑀯𑀧𑀗𑁆𑀓𑁂 𑀦𑀺 𑀫𑀼𑀚𑁆𑀚𑀦𑁆𑀢𑀸, 𑀧𑀧𑀜𑁆𑀘𑀸𑀦𑀁 𑀯𑀲𑀸𑀦𑀼𑀕𑀸;

𑀘𑀺𑀭𑀲𑁆𑀲𑀁 𑀤𑀼𑀓𑁆𑀔𑀺𑀢𑀸 𑀳𑁄𑀦𑁆𑀢𑀺, 𑀆𑀭𑀸 𑀦𑀺𑀩𑁆𑀩𑀸𑀦𑀢𑁄 𑀢𑀺𑀯.

𑁧𑁪. 𑀦𑀫𑁂 𑀦𑀸𑀳𑀁 𑀦𑀅𑀢𑁆𑀢𑀸𑀢𑀺, 𑀏𑀢𑁂𑀳𑀺 𑀯𑀺𑀯𑀤𑀁 𑀓𑀭𑁂;

𑀪𑀡𑁆𑀟𑀦𑁆𑀢𑀸 𑀯𑀺𑀯𑀤𑀦𑁆𑀢𑀸 𑀢𑁂, 𑀦𑀺𑀩𑁆𑀩𑀸𑀦𑀢𑁄 𑀅𑀤𑀽𑀭𑀺𑀦𑁄.

𑁧𑁫. 𑀯𑀺𑀧𑀮𑁆𑀮𑀸𑀲𑁂 𑀧𑀧𑀜𑁆𑀘𑁂𑀘, 𑀤𑁆𑀯𑁂𑀧𑀺𑀏𑀢𑁂 𑀧𑀳𑀸𑀢𑀯𑁂;

𑀲𑁄𑀧𑀘𑁆𑀘𑀯𑁂𑀓𑁆𑀔𑀺𑀢𑀩𑁆𑀩𑁂 𑀯𑀁, 𑀓𑀸𑀬𑁄 𑀚𑁂𑀕𑀼𑀘𑁆𑀙𑀧𑀼𑀜𑁆𑀚𑀓𑁄.

𑁧𑁬. 𑀓𑁂𑀲𑀸 𑀮𑁄𑀫𑀸 𑀦𑀔𑀸𑀤𑀦𑁆𑀢𑀸,

𑀢𑀡𑁆𑀳𑀸𑀬𑀸𑀧𑀺𑀘 𑀕𑁄𑀘𑀭𑀸;

𑀢𑀲𑁆𑀫𑀸 𑀢𑁂 𑀤𑀝𑁆𑀞𑀼𑀓𑀸𑀫𑁂𑀦,

𑀢𑀡𑁆𑀳𑀸 𑀦𑀺𑀯𑀸𑀭𑀺𑀢𑀸 𑀲𑀤𑀸.

𑁧𑁭. 𑀮𑀕𑁆𑀕𑀺𑀓𑀸 𑀙𑀯𑀺𑀬𑀁𑀬𑁂𑀯, 𑀢𑀡𑁆𑀳𑀸 𑀩𑀸𑀳𑀺𑀭𑀕𑁄𑀘𑀭𑀸;

𑀢𑀲𑁆𑀫𑀸 𑀏𑀢𑁆𑀣 𑀢𑀘𑁄𑀯𑀸𑀳, 𑀲𑀫𑁆𑀩𑀼𑀤𑁆𑀥𑁄 𑀦 𑀩𑀳𑀺𑀘𑁆𑀙𑀯𑀺𑀁.

𑁧𑁮. 𑀏𑀲𑀸 𑀢𑀘𑀧𑀭𑀺𑀬𑀦𑁆𑀢, 𑀧𑀤𑁂𑀦𑀸𑀧𑀺 𑀦𑀺𑀯𑀸𑀭𑀺𑀢𑀸;

𑀅𑀢𑁄 𑀙𑀯𑀺 𑀫𑀦𑀸𑀮𑀫𑁆𑀩, 𑀢𑀘𑀲𑀻𑀯 𑀫𑀦𑁂𑀓𑀭𑁂.

𑁧𑁯. 𑀚𑀺𑀕𑀼𑀘𑁆𑀙𑀺𑀢𑀸𑀦𑀺 𑀙𑀸𑀤𑁂𑀢𑀺, 𑀅𑀝𑁆𑀞𑀺 𑀫𑀁𑀲 𑀢𑀘𑀸𑀤𑀺𑀦𑀺;

𑀜𑀸𑀡𑁂𑀦 𑀙𑀺𑀦𑁆𑀤𑀺 𑀢𑀩𑁆𑀩𑀸𑀘, 𑀢𑀲𑁆𑀫𑀸 𑀙𑀯𑀻𑀢𑀺 𑀯𑀼𑀘𑁆𑀘𑀢𑀺.

𑁨𑁦. 𑀙𑀯𑀺𑀁 𑀙𑁂𑀢𑁆𑀯𑀸 𑀢𑀘𑀁 𑀧𑀲𑁆𑀲𑁂,

𑀢𑀁 𑀙𑁂𑀢𑁆𑀯𑀸 𑀫𑀁𑀲𑀓𑀸𑀤𑀬𑁄;

𑀕𑀩𑁆𑀪𑁂𑀯𑀢𑁆𑀣𑀽𑀦𑀺 𑀤𑀻𑀧𑁂𑀦,

𑀬𑀣𑀸 𑀧𑀜𑁆𑀜𑀸𑀧𑀤𑀻𑀧𑀺𑀓𑁄.

𑁨𑁧. 𑀚𑁂𑀕𑀼𑀘𑁆𑀙𑁄 𑀙𑀯𑀺𑀬𑀸 𑀓𑀸𑀬𑁄,

𑀅𑀲𑀼𑀪𑁄𑀯 𑀲𑀼𑀪𑀸𑀬𑀢𑁂;

𑀦𑀺𑀘𑁆𑀙𑀯𑀸 𑀢𑀘𑀫𑀢𑁆𑀢𑁂𑀦,

𑀓𑀣𑀁 𑀲𑀼𑀪𑀸𑀬𑀢𑁂 𑀅𑀬𑀁.

𑁨𑁨. 𑀦𑁆𑀳𑀸𑀭𑀼𑀩𑀦𑁆𑀥𑁄 𑀝𑁆𑀞𑀺𑀲𑀗𑁆𑀖𑀸𑀢𑁄, 𑀫𑀁𑀲𑀮𑁄𑀳𑀺 𑀢 𑀮𑀺𑀫𑁆𑀧𑀺𑀢𑁄;

𑀙𑀯𑀺𑀬𑀸𑀯 𑀯𑀺𑀫𑁄𑀳𑁂𑀢𑀺, 𑀢𑀘𑀘𑁆𑀙𑀦𑁆𑀦𑁄 𑀇𑀫𑀁 𑀧𑀚𑀁.

𑁨𑁩. 𑀯𑀡𑁆𑀡 𑀲𑀡𑁆𑀞𑀸𑀦 𑀢𑁄𑀘𑁂𑀯,

𑀕𑀦𑁆𑀥𑁄 𑀓𑀸𑀲𑀸 𑀲𑀬𑁂𑀳𑀺𑀘;

𑀚𑁂𑀕𑀼𑀘𑁆𑀙𑀸 𑀧𑀝𑀺𑀓𑀼𑀮𑁆𑀬𑀸𑀘,

𑀓𑁂𑀲𑀸𑀦𑀸𑀫 𑀦 𑀫𑁂𑀧𑀺𑀬𑀸.

𑁨𑁪. 𑀏𑀓𑁂𑀓𑀁 𑀫𑀦𑀲𑀻𑀓𑀢𑁆𑀯𑀸, 𑀦𑀬𑁂 𑀦𑀺𑀘𑁆𑀘𑁂𑀯 𑀫𑀸𑀤𑀺𑀦𑀸;

𑀪𑀸𑀯𑁂𑀢𑀩𑁆𑀩𑀸 𑀲𑀫𑀸𑀭𑀫𑁆𑀪, 𑀬𑀣𑀸𑀧𑀜𑁆𑀜𑀸𑀬𑀢𑁂 𑀢𑀣𑀸.

𑁨𑁫. 𑀧𑀽𑀭𑀺𑀢𑀁 𑀫𑀢𑁆𑀣𑀮𑀼𑀗𑁆𑀕𑀲𑁆𑀲, 𑀲𑀻𑀲𑀝𑁆𑀞𑀺𑀧𑀺 𑀚𑀺𑀕𑀼𑀘𑁆𑀙𑀺𑀢𑀁;

𑀫𑀼𑀔 𑀦𑀸𑀲𑀓𑁆𑀔𑀺 𑀓𑀡𑁆𑀡𑀸𑀤𑀺, 𑀙𑀺𑀤𑁆𑀤𑀸 𑀯𑀙𑀺𑀤𑁆𑀤 𑀤𑀼𑀤𑁆𑀤𑀲𑀁.

𑁨𑁬. 𑀧𑀽𑀢𑀺 𑀯𑀸𑀬𑀼 𑀯𑀺𑀘𑀭𑀺𑀢, 𑀓𑀼𑀘𑁆𑀙𑀺𑀝𑁆𑀞𑀦𑁆𑀢𑀸𑀦𑀺 𑀮𑁄𑀳𑀺𑀢𑀁;

𑀧𑀺𑀢𑁆𑀢𑀁 𑀲𑁂𑀫𑁆𑀳𑀜𑁆𑀘 𑀧𑀧𑁆𑀨𑀸𑀲𑀁, 𑀳𑀤𑀬𑀁 𑀬𑀓𑀦𑀫𑁆𑀧𑀺 𑀥𑀻.

𑁨𑁭. 𑀅𑀦𑁆𑀦 𑀧𑀸𑀦𑀁 𑀫𑀦𑀼𑀜𑁆𑀜𑀫𑁆𑀧𑀺, 𑀔𑁂𑀴 𑀢𑀺𑀦𑁆𑀢 𑀫𑀥𑁄𑀧𑀭𑀺;

𑀤𑀦𑁆𑀢𑁂𑀳𑀺 𑀧𑀺𑀲𑀺𑀢𑀁 𑀲𑁆𑀯𑀸𑀦, 𑀯𑀫𑀣𑀽𑀯 𑀚𑀺𑀕𑀼𑀘𑁆𑀙𑀺𑀢𑀁.

𑁨𑁮. 𑀬𑀸𑀯𑀢𑀸𑀬𑀼 𑀅𑀥𑁄𑀢𑁂𑀯𑀸, 𑀫𑀸𑀲𑀬𑁂 𑀕𑀺𑀮𑀺𑀢𑀁 𑀞𑀺𑀢𑀁;

𑀓𑀺𑀫𑀺𑀓𑀽𑀮 𑀲𑀫𑀸𑀓𑀺𑀡𑁆𑀡𑁂, 𑀢𑀳𑀺𑀫𑁂𑀯𑀸 𑀲𑀺𑀢𑀸𑀲𑀺𑀢𑀁.

𑁨𑁯. 𑀏𑀢𑀁 𑀉𑀤𑀭𑀺𑀬𑀁 𑀦𑀸𑀫, 𑀢𑀫𑁆𑀳𑀸 𑀧𑀓𑁆𑀓𑀸𑀲𑀬𑀁 𑀕𑀢𑀁;

𑀤𑀺𑀦𑀘𑁆𑀘𑀬𑁂 𑀓𑀭𑀻𑀲𑀦𑁆𑀢𑀁, 𑀲𑀸 𑀲𑀬𑀁 𑀢𑀁𑀤𑁆𑀯𑀬𑀫𑁆𑀧𑀺 𑀥𑀻.

𑁩𑁦. 𑀧𑀓𑀸𑀲𑁂𑀢𑁆𑀯𑀸 𑀧𑀯𑁂𑀲𑁂𑀢𑀺, 𑀅𑀦𑁆𑀦𑀧𑀸𑀦𑀁 𑀫𑀳𑀸𑀭𑀳𑀁;

𑀧𑀝𑀺𑀘𑁆𑀙𑀦𑁆𑀦𑁄 𑀦𑀺𑀳𑀭𑀢𑀺, 𑀢𑀫𑁂𑀯 𑀦𑁆𑀢𑁄 𑀞𑀺𑀢𑀁 𑀚𑀦𑁄.

𑁩𑁧. 𑀧𑀯𑁂𑀲𑁂 𑀢𑀁 𑀧𑀭𑀺𑀯𑀢𑁄,

𑀦𑀺𑀳𑀭𑁂𑀓𑁄 𑀭𑀳𑁄 𑀮𑀺𑀦𑁄;

𑀫𑀦𑀼𑀜𑁆𑀜𑀁𑀯 𑀧𑀯𑀻𑀲𑀦𑁆𑀢𑁂,

𑀦𑀺𑀓𑁆𑀔𑀫𑀦𑁆𑀢𑁂 𑀚𑀺𑀕𑀼𑀘𑁆𑀙𑀺𑀢𑀁.

𑁩𑁨. 𑀚𑁂𑀕𑀼𑀘𑁆𑀙 𑀧𑀝𑀺𑀓𑀼𑀮𑁆𑀬𑀸𑀦𑀺, 𑀫𑀁𑀲𑀦𑁆𑀳𑀸𑀭𑀼 𑀢𑀘𑀝𑁆𑀞𑀺𑀦𑀺;

𑀦𑀧𑀺𑀬𑀸𑀦𑀺 𑀦 𑀢𑀼𑀝𑁆𑀞𑀸𑀦𑀺, 𑀦𑁂𑀯𑀇𑀢𑁆𑀣𑀻 𑀦𑀧𑀽𑀧𑀺𑀲𑁄.

𑁩𑁩. 𑀳𑀢𑁆𑀣 𑀧𑀸𑀤 𑀫𑀼𑀔𑀸𑀤𑀻𑀦𑀺,

𑀦𑀢𑁆𑀣𑀜𑁆𑀜𑀸𑀦𑀺 𑀚𑀺𑀕𑀼𑀘𑁆𑀙𑀺𑀢𑀸;

𑀢𑀢𑁆𑀣𑀸 𑀓𑀼𑀫𑀸𑀭𑀺𑀓𑀸 𑀓𑀜𑁆𑀜𑀸,

𑀫𑁄𑀳𑁂𑀦 𑀅𑀢𑁆𑀣𑀺𑀲𑀜𑁆𑀜𑀺𑀢𑀸.

𑁩𑁪. 𑀧𑀘𑁆𑀘𑁂𑀓𑀁 𑀯𑀺𑀦𑀺𑀪𑀼𑀢𑁆𑀢𑁂𑀲, 𑀓𑁂𑀲 𑀮𑁄𑀫 𑀦𑀔𑀸𑀤𑀺𑀲𑀼;

𑀦𑀢𑁆𑀣𑀺𑀓𑀜𑁆𑀜𑀸 𑀓𑀼𑀫𑀸𑀭𑀻𑀯𑀸, 𑀲𑀫𑁆𑀧𑀺𑀡𑁆𑀟𑀺𑀢𑁂𑀲𑀼 𑀲𑀸 𑀓𑀼𑀢𑁄.

𑁩𑁫. 𑀆𑀓𑀸𑀲𑁄𑀬𑁂𑀯 𑀓𑀸𑀬𑀸𑀗𑁆𑀔𑁆𑀬𑁄,

𑀢𑀘𑀸𑀤𑀺 𑀧𑀭𑀺𑀯𑀸𑀭𑀺𑀢𑁄;

𑀢𑀣𑀸𑀲𑀻𑀲𑀁 𑀫𑀼𑀔𑀁𑀳𑀢𑁆𑀣𑁄,

𑀧𑀸𑀤𑁄𑀭𑀼 𑀓𑀝𑀺𑀆𑀤𑀬𑁄.

𑁩𑁬. 𑀣𑀫𑁆𑀪𑀸𑀤𑀻𑀲𑁆𑀯𑀺𑀯 𑀕𑁂𑀳𑁄𑀢𑀺,

𑀧𑀺𑀡𑁆𑀟𑀺𑀢𑁂 𑀲𑁆𑀯𑁂𑀲𑀼 𑀲𑀫𑁆𑀫𑀼𑀢𑀺;

𑀓𑀸𑀬𑁄𑀢𑀺 𑀇𑀢𑁆𑀣𑀺𑀧𑁄𑀲𑁄𑀢𑀺,

𑀲𑀁𑀫𑀼𑀴𑁆𑀳𑁄 𑀢𑀸𑀬𑀭𑀚𑁆𑀚𑀢𑀺.

𑁩𑁭. 𑀲𑀦𑁆𑀢𑀁 𑀘𑀺𑀦𑁆𑀢𑁂𑀬𑁆𑀬 𑀦𑀸𑀲𑀦𑁆𑀢𑀁, 𑀲𑀦𑁆𑀢𑀁 𑀘𑀺𑀦𑁆𑀢𑀬𑀢𑁄 𑀲𑀼𑀔𑀁;

𑀅𑀲𑀦𑁆𑀢𑀁 𑀅𑀦𑀼𑀘𑀺𑀦𑁆𑀢𑁂𑀦𑁆𑀢𑁄, 𑀦𑀸𑀦𑀸𑀤𑀼𑀓𑁆𑀔𑁂𑀳𑀺 𑀢𑀧𑁆𑀧𑀢𑀺.

𑁩𑁮. 𑀚𑀯𑀢𑁆𑀬𑀸 𑀯𑀺𑀚𑁆𑀚𑀫𑀸𑀦𑁂𑀯, 𑀦𑀸𑀯𑀺𑀚𑁆𑀚𑀸 𑀯𑀺𑀚𑁆𑀚𑀫𑀸𑀦𑀓𑁂;

𑀢𑀲𑁆𑀫𑀸𑀢𑀁𑀦𑀸𑀫𑀓𑁄 𑀫𑁄𑀳𑁄, 𑀢𑀡𑁆𑀳𑀸𑀧𑀺𑀘 𑀢𑀤𑀦𑁆𑀯𑀺𑀢𑀸.

𑁩𑁯. 𑀧𑀼𑀁𑀓𑀸𑀬𑁄𑀯𑀸𑀣𑀻𑀓𑀸𑀬𑁄𑀯𑀸, 𑀫𑀮𑀸𑀲𑀼𑀘𑀺𑀚𑀺𑀕𑀼𑀘𑁆𑀙𑀺𑀢𑁄;

𑀢𑀲𑁆𑀲𑀫𑀁 𑀦𑀢𑁆𑀣𑀺𑀕𑀸𑀭𑀬𑁆𑀳𑀁, 𑀬𑁆𑀯𑀸𑀫𑀮𑀫𑁆𑀧𑀺 𑀫𑀮𑀁𑀓𑀭𑁂.

𑁪𑁦. 𑀦𑀢𑁆𑀣𑀺 𑀓𑀸𑀬𑀲𑀫𑁄𑀯𑁂𑀭𑀻,

𑀫𑀳𑀸𑀦𑀢𑁆𑀣𑀓𑀭𑁄 𑀘𑀻𑀭𑀁;

𑀦𑀢𑁆𑀣𑀺 𑀓𑀸𑀬𑀲𑀫𑁄 𑀯𑀜𑁆𑀘𑁄,

𑀅𑀲𑀼𑀪𑁄𑀯 𑀲𑀼𑀪𑀸𑀬𑀢𑁂.

𑁪𑁧. 𑀣𑀻𑀧𑀼𑀁 𑀲𑀧𑀭𑀓𑀸𑀬𑁄𑀢𑀺, 𑀧𑀲𑁆𑀲𑀢𑀺𑀧𑀺 𑀦𑀧𑀲𑁆𑀲𑀢𑀺;

𑀚𑁂𑀕𑀼𑀘𑁆𑀙 𑀧𑀝𑀺𑀓𑀼𑀮𑁆𑀬𑁄𑀢𑀺, 𑀲𑀫𑁆𑀫𑀸 𑀧𑀲𑁆𑀲𑀢𑀺 𑀧𑀲𑁆𑀲𑀢𑀺.

𑁪𑁨. 𑀲𑀼𑀪𑁄𑀲𑀼𑀪𑁄𑀢𑀺 𑀫𑀜𑁆𑀜𑀦𑁆𑀢𑀸,

𑀥𑀻𑀢𑀺 𑀥𑀻𑀢𑀺 𑀚𑀺𑀦𑁂𑀭𑀺𑀢𑁂;

𑀮𑁄𑀓𑀸𑀮𑁄𑀓𑀸 𑀦𑀥𑀻𑀬𑁂𑀲𑀁,

𑀪𑀯𑀸 𑀪𑀯𑀸 𑀯𑀘𑀸𑀭𑀺𑀦𑁄.

𑁪𑁩. 𑀪𑀺𑀬𑁆𑀬𑁄𑀪𑀺𑀬𑁆𑀬𑁄𑀯 𑀭𑀸𑀕𑀕𑁆𑀕𑀺,

𑀲𑀼𑀪𑁄𑀲𑀼𑀪𑁄𑀢𑀺𑀧𑀲𑁆𑀲𑀢𑁄;

𑀫𑀦𑁆𑀤𑁄𑀫𑀦𑁆𑀤𑁄𑀯 𑀲𑁄𑀅𑀕𑁆𑀕𑀺,

𑀥𑀻𑀯𑀥𑀻𑀯𑀯𑀺𑀧𑀲𑁆𑀲𑀢𑁄.

𑁪𑁪. 𑀩𑀳𑀼𑀲𑁆𑀲𑀼𑀢𑁄𑀧𑀺 𑀩𑀸𑀮𑁄𑀯, 𑀅𑀲𑀼𑀪𑁂 𑀲𑀼𑀪𑀫𑀜𑁆𑀜𑀓𑁄;

𑀅𑀲𑀼𑀪𑁄𑀢𑀺 𑀯𑀺𑀧𑀲𑁆𑀲𑀦𑁆𑀢𑁄, 𑀅𑀧𑁆𑀧𑀲𑁆𑀲𑀼𑀢𑁄𑀧𑀺𑀧𑀡𑁆𑀟𑀺𑀢𑁄.

𑁪𑁫. 𑀬𑁄𑀘 𑀲𑀺𑀧𑁆𑀧𑀸𑀦𑀺 𑀚𑀸𑀦𑁂𑀬𑁆𑀬, 𑀲𑀢𑀸𑀦𑀺 𑀲𑀳𑀲𑁆𑀲𑀸𑀦𑀺𑀧𑀺;

𑀓𑀸𑀬𑁂𑀓𑀚𑀸𑀦𑀦𑀁 𑀲𑁂𑀬𑁆𑀬𑁄, 𑀬𑀜𑁆𑀘𑁂 𑀅𑀜𑁆𑀜 𑀯𑀺𑀚𑀸𑀦𑀁𑀦𑀁.

𑁪𑁬. 𑀓𑀸𑀬𑀫𑁂𑀓𑀫𑁆𑀧𑀺 𑀦𑀜𑁆𑀜𑀸𑀫𑀺, 𑀩𑀼𑀤𑁆𑀥𑀸𑀮𑀤𑁆𑀥𑀦𑀬𑁄 𑀅𑀧𑀺;

𑀲𑀼𑀢𑀸𑀘 𑀧𑀡𑁆𑀟𑀺𑀢𑀸𑀢𑁆𑀬𑀫𑁆𑀳𑀸, 𑀬𑀼𑀢𑁆𑀢𑁄𑀬𑁂𑀯𑀸 𑀢𑀺𑀮𑀚𑁆𑀚𑀺𑀢𑀼𑀁.

𑁪𑁭. 𑀲𑀼𑀪𑀢𑁄𑀬𑁂𑀯 𑀫𑀜𑁆𑀜𑀸𑀫𑀺, 𑀏𑀯𑀁 𑀚𑀺𑀕𑀼𑀘𑁆𑀙𑀺𑀢𑀫𑁆𑀧𑀺𑀦𑀁;

𑀫𑀜𑁆𑀘 𑀜𑁂 𑀧𑀡𑁆𑀟𑀺𑀢𑁄 𑀢𑁆𑀬𑀸𑀳𑀼, 𑀅𑀮𑀫𑁂𑀯𑀸𑀢𑀺𑀮𑀚𑁆𑀚𑀺𑀢𑀼𑀁.

𑁪𑁮. 𑀓𑀸𑀬𑁂 𑀅𑀲𑀼𑀪𑀲𑀜𑁆𑀜𑀁𑀬𑁄, 𑀦𑀮𑀪𑀸𑀫𑀺 𑀓𑀤𑀸𑀘𑀺𑀧𑀺;

𑀲𑀼𑀮𑀤𑁆𑀥 𑀲𑀼𑀕𑀢𑁄 𑀯𑀸𑀤𑁄, 𑀲𑁆𑀯𑀸𑀭𑀳𑁄𑀯𑀸𑀢𑀺𑀮𑀚𑁆𑀚𑀺𑀢𑀼𑀁.

𑁪𑁯. 𑀓𑀸𑀬𑁂𑀦 𑀲𑀁𑀲𑀭𑀦𑁆𑀢𑁄𑀧𑀺, 𑀢𑀤𑀸𑀓𑀸𑀭𑀁 𑀬𑀣𑀸𑀢𑀣𑀁;

𑀪𑀯𑁂𑀪𑀯𑁂 𑀅𑀚𑀸𑀦𑀦𑁆𑀢𑁄, 𑀫𑀫𑀸𑀬𑀺𑀢𑁆𑀯𑀸𑀯 𑀢𑀁 𑀘𑀚𑀺𑀁.

𑁫𑁦. 𑀓𑀸𑀬𑁂𑀦 𑀲𑀁𑀲𑀭𑀦𑁆𑀢𑁄𑀧𑀺, 𑀦𑀜𑁆𑀜𑀸 𑀓𑀸𑀬 𑀚𑀺𑀕𑀼𑀘𑁆𑀘𑀢𑀁;

𑀦𑀺𑀘𑁆𑀘𑀼𑀧𑀸𑀤𑀸 𑀫𑀫𑀸𑀬𑀦𑁆𑀢𑁄, 𑀧𑀺𑀬𑀸𑀬𑀺𑀢𑁆𑀯𑀸𑀯 𑀢𑀁 𑀘𑀚𑀺𑀁.

𑁫𑁧. 𑀓𑀼𑀪𑀸𑀭𑀁 𑀲𑀸𑀭𑀲𑀜𑁆𑀜𑀸𑀬, 𑀧𑀺𑀬𑀸𑀬𑀺𑀢𑁆𑀯𑀸𑀯 𑀳𑀺𑀁𑀲𑀓𑀁;

𑀅𑀦𑀦𑁆𑀢𑀤𑀼𑀓𑁆𑀔 𑀫𑀸𑀧𑀸𑀤𑀺𑀁, 𑀯𑀺𑀧𑀮𑁆𑀮𑀸𑀲𑁄 𑀪𑀯𑁂𑀪𑀯𑁂.

𑁫𑁨. 𑀫𑀳𑀸𑀚𑀸𑀦𑀻𑀬 𑀧𑀢𑁆𑀢𑁄𑀢𑀺, 𑀲𑀁𑀯𑁂𑀚𑁂𑀢𑁆𑀯𑀸 𑀲𑀓𑀁𑀫𑀦𑀁;

𑀤𑀺𑀭𑁄𑀓𑀢 𑀚𑀺𑀦𑁄𑀯𑀸𑀤𑁄, 𑀅𑀦𑀺𑀯𑀢𑁆𑀢𑀺𑀢 𑀯𑀻𑀭𑀺𑀬𑁄.

𑁫𑁩. 𑀅𑀤𑀺𑀝𑁆𑀞𑀧𑀼𑀩𑁆𑀩 𑀫𑁂𑀢𑀲𑁆𑀲, 𑀢𑀣𑀸𑀓𑀸𑀭𑀁𑀯 𑀧𑀲𑁆𑀲𑀢𑀼;

𑀓𑀺𑀘𑁆𑀘 𑀫𑀜𑁆𑀜 𑀫𑀼𑀧𑁂𑀓𑁆𑀔𑀸𑀬, 𑀲𑀁𑀲𑀸𑀭 𑀪𑀬 𑀪𑀻𑀭𑀼𑀓𑁄.

𑁫𑁪. 𑀬𑀜𑁆𑀳𑀺𑀓𑀺𑀘𑁆𑀘𑀁 𑀅𑀧𑀯𑀺𑀝𑁆𑀞𑀁, 𑀅𑀓𑀺𑀘𑁆𑀘𑀁 𑀧𑀦 𑀓𑀬𑀺𑀭𑀸;

𑀉𑀦𑁆𑀦𑀴𑀸𑀦𑀁 𑀧𑀫𑀢𑁆𑀢𑀸𑀦𑀁, 𑀢𑁂𑀲𑀁 𑀯𑀟𑁆𑀠𑀦𑁆𑀢𑀺 𑀆𑀲𑀯𑀸.

𑁫𑁫. 𑀬𑁂𑀲𑀜𑁆𑀘 𑀲𑀼𑀲𑀫𑀸𑀭𑀤𑁆𑀥𑀸, 𑀦𑀺𑀘𑁆𑀘𑀁 𑀓𑀸𑀬𑀕𑀢𑀸 𑀲𑀢𑀺;

𑀅𑀓𑀺𑀘𑁆𑀘𑀁 𑀢𑁂 𑀦𑀲𑁂𑀯𑀦𑁆𑀢𑀺, 𑀓𑀺𑀘𑁆𑀘𑁂 𑀲𑀸𑀢𑀢 𑀓𑀸𑀭𑀺𑀦𑁄;

𑀲𑀢𑀸𑀦𑀁 𑀲𑀫𑁆𑀧𑀚𑀸𑀦𑀸𑀦𑀁, 𑀅𑀢𑁆𑀣𑀁 𑀕𑀘𑁆𑀙𑀦𑁆𑀢𑀺 𑀆𑀲𑀯𑀸𑀢𑀺.

𑁫𑁬. 𑀣𑁄𑀫𑁂𑀦𑁆𑀢𑀸 𑀲𑁄𑀡𑁆𑀡𑀁 𑀓𑀸𑀬𑁄𑀭,

𑀫𑀼𑀔𑀓𑁆𑀔𑀺 𑀢𑁆𑀬𑀸𑀤𑀺𑀦𑀸 𑀇𑀫𑀁;

𑀭𑀢𑁆𑀢𑁂 𑀫𑀼𑀝𑁆𑀞𑁂 𑀓𑀭𑁄𑀦𑁆𑀢𑁂𑀢𑁂,

𑀅𑀜𑁆𑀜𑁂𑀚𑀦𑁂 𑀲𑀬𑀁𑀯𑀺𑀬.

𑁫𑁭. 𑀓𑀸𑀬𑀲𑁄𑀪𑁆𑀬 𑀧𑀓𑀸𑀲𑁂𑀢𑀸,

𑀯𑀸𑀘𑀸 𑀯𑁂 𑀫𑀸𑀭𑀤𑁂𑀲𑀦𑀸;

𑀢𑀤𑀲𑁄𑀪𑁆𑀬 𑀧𑀓𑀸𑀲𑁂𑀢𑀸,

𑀯𑀸𑀘𑀸 𑀲𑀫𑁆𑀫𑀼𑀤𑁆𑀥 𑀤𑁂𑀲𑀦𑀸.

𑁫𑁮. 𑀅𑀲𑀼𑀪𑁄𑀢𑀺 𑀚𑀺𑀦𑀼𑀤𑁆𑀤𑀺𑀝𑁆𑀞𑀁, 𑀓𑀸𑀬𑀁 𑀲𑀼𑀪𑁄𑀢𑀺 𑀕𑀸𑀳𑀺𑀦𑁄;

𑀲𑀁𑀫𑀼𑀴𑁆𑀳𑀸𑀢𑁂 𑀦 𑀫𑀼𑀘𑁆𑀘𑀦𑁆𑀢𑀺, 𑀪𑀯𑀸 𑀩𑀼𑀤𑁆𑀥 𑀯𑀺𑀭𑁄𑀥𑀺𑀦𑁄.

𑁫𑁯. 𑀅𑀲𑀼𑀪𑁄𑀢𑀺 𑀚𑀺𑀦𑀼𑀤𑁆𑀤𑀺𑀝𑁆𑀞𑀁, 𑀓𑀸𑀬𑀁 𑀢𑀣𑁂𑀯 𑀕𑀸𑀳𑀺𑀦𑁄;

𑀧𑀡𑁆𑀟𑀺𑀢𑀸 𑀢𑁂𑀯 𑀫𑀼𑀘𑁆𑀘𑀦𑁆𑀢𑀺, 𑀪𑀯𑀸 𑀩𑀼𑀤𑁆𑀥𑀫𑀢𑀸𑀦𑀼𑀕𑀸.