𑀦𑀫𑁄 𑀢𑀲𑁆𑀲 𑀪𑀕𑀯𑀢𑁄 𑀅𑀭𑀳𑀢𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲

𑀩𑀼𑀤𑁆𑀥𑀕𑀼𑀡𑀕𑀸𑀣𑀸𑀯𑀮𑀻

𑀬𑀣𑁂𑀯 𑀧𑀼𑀧𑁆𑀨𑀭𑀸𑀲𑀺𑀫𑁆𑀳𑀸, 𑀕𑀦𑁆𑀣𑁂𑀬𑁆𑀬 𑀫𑀸𑀮𑀸 𑀲𑁄𑀪𑀦𑀸;

𑀏𑀯𑀁 𑀩𑀼𑀤𑁆𑀥𑀕𑀼𑀡𑀕𑀸𑀣𑀸, 𑀯𑀺𑀭𑀘𑀺𑀁 𑀲𑀳𑀲𑁆𑀲𑀸𑀥𑀺𑀓𑀸.

𑀲𑁄𑀧𑀺 𑀪𑀕𑀯𑀸 𑀅𑀭𑀳𑀁, 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁄 𑀲𑀬𑀫𑁆𑀪𑀽;

𑀯𑀺𑀚𑁆𑀚𑀸𑀘𑀭𑀡𑀲𑀫𑁆𑀧𑀦𑁆𑀦𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁧.

𑀧𑀼𑀭𑀺𑀲𑀤𑀫𑁆𑀫𑀲𑀸𑀭𑀣𑀻, 𑀮𑁄𑀓𑀯𑀺𑀤𑀽 𑀅𑀦𑀼𑀢𑁆𑀢𑀭𑁄;

𑀲𑀢𑁆𑀣𑀸𑀤𑁂𑀯𑀫𑀦𑀼𑀲𑁆𑀲𑀸𑀦𑀁, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁨.

𑀲𑀼𑀕𑀢𑁄 𑀲𑀼𑀕𑀤𑁄 𑀲𑀸𑀫𑀻, 𑀲𑀼𑀔𑀤𑁄 𑀲𑀦𑁆𑀢𑀺𑀧𑀤𑀸𑀬𑀓𑁄;

𑀲𑀩𑁆𑀩𑀮𑁄𑀓𑀸𑀦𑀼𑀓𑀫𑁆𑀧𑀓𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁩.

𑀯𑀭𑁄 𑀯𑀭𑀜𑁆𑀜𑀽 𑀯𑀭𑀤𑁄, 𑀯𑀭𑀼𑀢𑁆𑀢𑀫𑁄 𑀯𑀭𑀸𑀳𑀭𑁄;

𑀯𑀭𑀥𑀫𑁆𑀫𑀁 𑀅𑀤𑁂𑀲𑀬𑀺, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁪.

𑀫𑀳𑀸𑀫𑀗𑁆𑀕𑀮𑀫𑀗𑁆𑀕𑀮𑁆𑀬𑁄, 𑀫𑀗𑁆𑀕𑀮𑁄 𑀫𑀗𑁆𑀕𑀮𑀸𑀮𑀬𑁄;

𑀫𑀗𑁆𑀕𑀮𑀸𑀬𑀢𑀦𑁄 𑀦𑀸𑀣𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁫.

𑀫𑀗𑁆𑀕𑀮𑀺𑀦𑁆𑀤𑁄 𑀫𑀗𑁆𑀕𑀮𑀺𑀓𑁄, 𑀫𑀳𑀸𑀫𑀗𑁆𑀕𑀮𑀦𑀸𑀬𑀓𑁄;

𑀫𑀗𑁆𑀕𑀮𑀥𑀫𑁆𑀫𑀁 𑀤𑁂𑀲𑁂𑀲𑀺, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁬.

𑀫𑀗𑁆𑀕𑀮𑀕𑁆𑀕𑁄 𑀫𑀗𑁆𑀕𑀮𑀜𑁆𑀜𑀽, 𑀫𑀗𑁆𑀕𑀮𑀢𑁆𑀣𑀧𑀤𑀸𑀬𑀓𑁄;

𑀫𑀗𑁆𑀕𑀮𑀧𑀦𑁆𑀣𑀤𑀲𑁆𑀲𑀸𑀯𑀻, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁭.

𑀫𑀗𑁆𑀕𑀮𑀺𑀘𑁆𑀙𑁄 𑀫𑀗𑁆𑀕𑀮𑀺𑀤𑁆𑀥𑁄, 𑀫𑀗𑁆𑀕𑀮𑀫𑀪𑀺𑀯𑀤𑁆𑀥𑀦𑁄;

𑀫𑀗𑁆𑀕𑀮𑁂𑀳𑀺 𑀧𑀭𑀺𑀧𑀼𑀡𑁆𑀡𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁮.

𑀫𑀗𑁆𑀕𑀮𑀸𑀪𑀸 𑀉𑀚𑁆𑀚𑁄𑀢𑁂𑀲𑀺, 𑀫𑀗𑁆𑀕𑀮𑀢𑁆𑀣𑀧𑀪𑀸𑀓𑀭𑁄;

𑀫𑀗𑁆𑀕𑀮𑀸𑀮𑁄𑀓𑀫𑀡𑁆𑀟𑀺𑀢𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁯.

𑀫𑀗𑁆𑀕𑀮𑀢𑁆𑀣𑀫𑀦𑀼𑀧𑁆𑀧𑀢𑁆𑀢𑁄, 𑀫𑀗𑁆𑀕𑀮𑀢𑁆𑀣𑀧𑀭𑀸𑀬𑀡𑁄;

𑀲𑀩𑁆𑀩𑀤𑀸 𑀫𑀗𑁆𑀕𑀮𑀓𑀭𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁧𑁦.

𑀫𑀗𑁆𑀕𑀮𑀫𑀕𑁆𑀕𑀫𑀦𑁆𑀯𑁂𑀲𑀺, 𑀧𑀢𑁆𑀢𑁄 𑀫𑀗𑁆𑀕𑀮𑀫𑀼𑀢𑁆𑀢𑀫𑀁;

𑀫𑀗𑁆𑀕𑀮𑀸𑀬𑀦𑀁 𑀤𑀲𑁆𑀲𑁂𑀢𑀸, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁧𑁧.

𑀫𑀗𑁆𑀕𑀮𑀫𑀳𑀺𑀫𑀸𑀥𑀸𑀭𑀻, 𑀫𑀗𑁆𑀕𑀮𑀓𑀸𑀭𑀻 𑀦𑀸𑀬𑀓𑁄;

𑀲𑀩𑁆𑀩𑀥𑀺 𑀫𑀗𑁆𑀕𑀮𑀤𑀸𑀢𑀸, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁧𑁨.

𑀫𑀗𑁆𑀕𑀮𑀲𑁆𑀲 𑀓𑁄𑀯𑀺𑀤𑁄 𑀘, 𑀅𑀫𑀗𑁆𑀕𑀮𑀲𑁆𑀲 𑀓𑁄𑀯𑀺𑀤𑁄;

𑀧𑀭𑀫𑀁 𑀫𑀗𑁆𑀕𑀮𑀁 𑀮𑀤𑁆𑀥𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁧𑁩.

𑀲𑀩𑁆𑀩𑀫𑀗𑁆𑀕𑀮𑀲𑀫𑁆𑀧𑀦𑁆𑀦𑁄, 𑀫𑀗𑁆𑀕𑀮𑀖𑁄𑀲𑀖𑁄𑀲𑀓𑁄;

𑀫𑀗𑁆𑀕𑀮𑀼𑀢𑁆𑀢𑀫𑀁 𑀤𑁂𑀲𑁂𑀲𑀺, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁧𑁪.

𑀫𑀳𑀸𑀫𑀗𑁆𑀕𑀮𑀢𑁆𑀣𑀁 𑀫𑀕𑁆𑀕𑀻, 𑀮𑀤𑁆𑀥𑁄 𑀥𑀫𑁆𑀫𑀲𑀼𑀫𑀗𑁆𑀕𑀮𑁄;

𑀫𑀗𑁆𑀕𑀮’𑀤𑁆𑀥𑀸𑀦𑀁 𑀜𑀸𑀧𑁂𑀲𑀺, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁧𑁫.

𑀅𑀕𑀸𑀭𑀺𑀓𑀢𑁆𑀣𑀁 𑀜𑀸𑀧𑁂𑀲𑀺, 𑀫𑀳𑀸𑀫𑀗𑁆𑀕𑀮𑀫𑀼𑀢𑁆𑀢𑀫𑀁;

𑀕𑀺𑀳𑀻 𑀲𑀳𑀸𑀬𑀓𑁄 𑀲𑀸𑀫𑀻, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁧𑁬.

𑀫𑀳𑀸𑀫𑀗𑁆𑀕𑀮’𑀮𑀗𑁆𑀓𑀺𑀢𑁄, 𑀫𑀳𑀸𑀫𑀗𑁆𑀕𑀮𑀪𑀽𑀲𑀦𑁄;

𑀫𑀳𑀸𑀫𑀗𑁆𑀕𑀮𑀲𑁂𑀔𑀭𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁧𑁭.

𑀫𑀳𑀸𑀫𑀗𑁆𑀕𑀮𑀁𑀲𑀼𑀫𑀸𑀮𑀻, 𑀫𑀗𑁆𑀕𑀮𑀸𑀪𑁄 𑀲𑀫𑀼𑀚𑁆𑀚𑀮𑁄;

𑀫𑀗𑁆𑀕𑀮𑀁𑀲𑀼𑀁 𑀉𑀚𑁆𑀚𑁄𑀢𑁂𑀲𑀺, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁧𑁮.

𑀫𑀳𑀕𑁆𑀖 𑀫𑀗𑁆𑀕𑀮𑁄𑀤𑀥𑀺, 𑀫𑀳𑀦𑁆𑀢𑀫𑀗𑁆𑀕𑀮𑀡𑁆𑀡𑀯𑁄;

𑀫𑀳𑀸𑀫𑀗𑁆𑀕𑀮𑀲𑀸𑀕𑀭𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁧𑁯.

𑀅𑀫𑀗𑁆𑀕𑀮𑀦𑀺𑀲𑀸𑀳𑀦𑁆𑀢𑀸, 𑀫𑀗𑁆𑀕𑀮𑀪𑀸𑀦𑀼𑀪𑀲𑁆𑀲𑀭𑁄;

𑀫𑀗𑁆𑀕𑀮𑀸𑀮𑁄𑀓𑀯𑀺𑀓𑀺𑀡𑁆𑀡𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁨𑁦.

𑀩𑀸𑀳𑀼𑀲𑀘𑁆𑀘𑁄 𑀩𑀼𑀚𑁆𑀛𑀦𑀓𑁄, 𑀥𑀫𑁆𑀫𑀘𑀓𑁆𑀔𑀼𑀉𑀧𑁆𑀧𑀸𑀤𑀓𑁄;

𑀢𑀺𑀪𑀯𑀫𑀗𑁆𑀕𑀮𑀗𑁆𑀓𑀸𑀭𑀻, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁨𑁧.

𑀫𑀳𑀸𑀯𑀢𑁆𑀢𑀸 𑀧𑀯𑀢𑁆𑀢𑀸 𑀘, 𑀅𑀢𑁆𑀣𑀲𑁆𑀲 𑀦𑀺𑀦𑁆𑀦𑁂𑀢𑀸 𑀧𑀪𑀽;

𑀅𑀫𑀢𑀲𑁆𑀲 𑀤𑀸𑀢𑀸 𑀯𑀺𑀜𑁆𑀜𑀽, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁨𑁨.

𑀤𑀺𑀯𑀸 𑀢𑀧𑀢𑀺 𑀆𑀤𑀺𑀘𑁆𑀘𑁄, 𑀭𑀢𑁆𑀢𑀺𑀁 𑀤𑀺𑀧𑁆𑀧𑀢𑀺 𑀘𑀦𑁆𑀤𑀺𑀫𑀸;

𑀭𑀢𑁆𑀢𑀺𑀁𑀤𑀺𑀯𑀁 𑀢𑀧𑀺 𑀦𑀸𑀣𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁨𑁩.

𑀲𑀦𑁆𑀦𑀤𑁆𑀥𑁄 𑀔𑀢𑁆𑀢𑀺𑀬𑁄 𑀢𑀧𑀢𑀺, 𑀛𑀸𑀬𑀻 𑀢𑀧𑀢𑀺 𑀩𑁆𑀭𑀸𑀳𑁆𑀫𑀡𑁄;

𑀦𑀺𑀭𑀦𑁆𑀢𑀭𑀁 𑀢𑀧𑀺 𑀦𑀸𑀣𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁨𑁪.

𑀤𑀼𑀓𑁆𑀔𑀤𑁄𑀫𑀦𑀲𑁆𑀲𑀦𑀸𑀲𑀻, 𑀲𑁄𑀓𑀧𑀭𑀺𑀤𑁂𑀯𑀓𑁆𑀔𑀬𑁄;

𑀚𑀸𑀢𑀺𑀫𑀘𑁆𑀘𑀼𑀚𑀭𑀸𑀢𑀺𑀕𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁨𑁫.

𑀬𑀣𑀸𑀯𑀸𑀤𑀻 𑀢𑀣𑀸𑀓𑀸𑀭𑀻, 𑀢𑀣𑀯𑀸𑀤𑀻 𑀢𑀣𑀸𑀕𑀢𑁄;

𑀬𑀣𑀸𑀓𑀸𑀭𑀻 𑀢𑀣𑀸𑀯𑀸𑀤𑀻, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁨𑁬.

𑀪𑀕𑁆𑀕𑀭𑀸𑀕𑁄 𑀪𑀕𑁆𑀕𑀤𑁄𑀲𑁄, 𑀪𑀕𑁆𑀕𑀫𑁄𑀳𑁄 𑀲𑁄 𑀪𑀕𑀯𑀸;

𑀪𑀕𑁆𑀕𑀫𑀸𑀦𑁄 𑀪𑀕𑁆𑀕𑀫𑀸𑀬𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁨𑁭.

𑀪𑀕𑁆𑀕𑀓𑀸𑀫𑁄 𑀪𑀕𑁆𑀕𑀓𑁄𑀥𑁄, 𑀪𑀕𑁆𑀕𑀓𑁄𑀧𑁄 𑀪𑀕𑁆𑀕𑀓𑀼𑀳𑁄;

𑀪𑀕𑁆𑀕𑀓𑀲𑀸𑀯𑁄 𑀪𑀕𑁆𑀕𑀺𑀦𑁆𑀥𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁨𑁮.

𑀪𑀕𑁆𑀕𑀚𑀸𑀢𑀺 𑀪𑀕𑁆𑀕𑀫𑀘𑁆𑀘𑀽, 𑀪𑀕𑁆𑀕𑀮𑁄𑀓𑁄 𑀪𑀕𑁆𑀕𑀪𑀯𑁄;

𑀪𑀕𑁆𑀕𑀲𑀁𑀲𑀸𑀭𑁄 𑀪𑀕𑁆𑀕𑁄𑀖𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁨𑁯.

𑀪𑁄𑀕𑀪𑀕𑁆𑀕𑁄 𑀲𑁄𑀓𑀪𑀕𑁆𑀕𑁄, 𑀭𑁄𑀕𑀪𑀕𑁆𑀕𑁄 𑀪𑀕𑁆𑀕𑀭𑀚𑁄;

𑀲𑀽𑀮𑀪𑀕𑁆𑀕𑁄 𑀲𑀮𑁆𑀮𑀪𑀕𑁆𑀕𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁩𑁦.

𑀆𑀲𑀸𑀪𑀕𑁆𑀕𑁄 𑀇𑀲𑁆𑀲𑀸𑀪𑀕𑁆𑀕𑁄, 𑀏𑀚𑀸𑀪𑀕𑁆𑀕𑁄 𑀪𑀕𑁆𑀕𑀚𑀝𑀸;

𑀙𑀦𑁆𑀤𑀪𑀕𑁆𑀕𑁄 𑀩𑀦𑁆𑀥𑀪𑀕𑁆𑀕𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁩𑁧.

𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄, 𑀯𑀻𑀢𑀫𑁄𑀳𑁄 𑀯𑀻𑀢𑀸𑀲𑀯𑁄;

𑀯𑀻𑀢𑀓𑀸𑀫𑁄 𑀯𑀻𑀢𑀓𑁄𑀥𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁩𑁨.

𑀯𑀻𑀢𑀧𑀸𑀧𑁄 𑀯𑀻𑀢𑀧𑀼𑀜𑁆𑀜𑁄, 𑀯𑀻𑀢𑀪𑀸𑀭𑁄 𑀯𑀻𑀢𑀫𑀮𑁄;

𑀯𑀻𑀢𑀯𑀺𑀓𑀸𑀭𑁄 𑀯𑀻𑀢𑀺𑀦𑁆𑀥𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁩𑁩.

𑀯𑀦𑁆𑀢𑀭𑀸𑀕𑁄 𑀯𑀦𑁆𑀢𑀤𑁄𑀲𑁄, 𑀯𑀦𑁆𑀢𑀫𑁄𑀳𑁄 𑀯𑀦𑁆𑀢𑀫𑀮𑁄;

𑀯𑀦𑁆𑀢𑀓𑀲𑀸𑀯𑁄 𑀯𑀦𑁆𑀢𑀻𑀖𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁩𑁪.

𑀯𑀦𑁆𑀢𑀭𑀸𑀕𑁄 𑀯𑀦𑁆𑀢𑀤𑁄𑀲𑁄, 𑀯𑀦𑁆𑀢𑀫𑁄𑀳𑁄 𑀯𑀦𑁆𑀢𑀫𑀮𑁄;

𑀯𑀦𑁆𑀢𑀓𑀲𑀸𑀯𑁄 𑀯𑀦𑁆𑀢𑀻𑀖𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁩𑁫.

𑀲𑀕𑁆𑀕𑀼𑀭𑀼 𑀢𑀺𑀮𑁄𑀓𑀕𑀼𑀭𑀼, 𑀲𑀩𑁆𑀩𑀲𑀢𑁆𑀢𑀸𑀦𑀫𑀕𑁆𑀕𑀕𑀼𑀭𑀽;

𑀦𑁂𑀢𑀸𑀭𑁂𑀲𑀼 𑀫𑀳𑀸𑀦𑁂𑀢𑀸, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁩𑁬.

𑀫𑀳𑀸𑀕𑀼𑀭𑀼 𑀦𑀭𑀕𑀼𑀭𑀼, 𑀤𑁂𑀯𑀕𑀼𑀭𑀼 𑀕𑀼𑀭𑀼𑀢𑁆𑀢𑀫𑁄!

𑀚𑁂𑀝𑁆𑀞𑀕𑀼𑀭𑀼 𑀲𑁂𑀝𑁆𑀞𑀕𑀼𑀭𑀼, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁩𑁭.

𑀯𑀺𑀲𑁆𑀲𑀕𑀼𑀭𑀼 𑀮𑁄𑀓𑀕𑀼𑀭𑀼, 𑀥𑀫𑁆𑀫𑀕𑀼𑀭𑀼 𑀕𑀼𑀭𑀽𑀢𑁆𑀢𑀫𑁄;

𑀦𑀢𑁆𑀣𑀺 𑀏𑀢𑀸𑀤𑀺𑀲𑁄 𑀕𑀼𑀭𑀼, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁩𑁮.

𑀫𑀳𑀸𑀲𑀢𑁆𑀣𑀸 𑀫𑀳𑀸𑀲𑁄𑀢𑁆𑀣𑀺, 𑀫𑀳𑀸𑀫𑀺𑀢𑁆𑀢𑁄 𑀫𑀳𑀸𑀲𑀔𑀸;

𑀫𑀳𑀸𑀓𑀮𑁆𑀬𑀸𑀡𑀫𑀺𑀢𑁆𑀢𑁄 𑀬𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁩𑁯.

𑀫𑀳𑀸𑀧𑀜𑁆𑀜𑁄 𑀫𑀳𑀸𑀯𑀺𑀜𑁆𑀜𑀽, 𑀫𑀳𑀸𑀯𑀺𑀤𑁆𑀯𑀸 𑀫𑀳𑀸𑀯𑀺𑀤𑀽;

𑀫𑀳𑀸𑀫𑁂𑀥𑀸𑀯𑀻 𑀲𑀼𑀫𑁂𑀥𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁪𑁦.

𑀫𑀳𑀸𑀲𑀼𑀤𑁆𑀥𑁄 𑀫𑀳𑀸𑀪𑀤𑁆𑀤𑁄, 𑀫𑀳𑀸𑀤𑀬𑁄 𑀫𑀳𑀸𑀲𑀬𑁄;

𑀫𑀳𑀸𑀤𑀺𑀩𑁆𑀩𑁄 𑀫𑀳𑀸𑀪𑀩𑁆𑀩𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁪𑁧.

𑀫𑀳𑀸𑀯𑀻𑀭𑁄 𑀫𑀳𑀸𑀥𑀻𑀭𑁄, 𑀫𑀳𑀸𑀲𑀽𑀭𑁄 𑀫𑀳𑀩𑁆𑀩𑀮𑁄;

𑀫𑀳𑀸𑀫𑀸𑀭𑀘𑀫𑀽 𑀫𑀤𑁆𑀤𑀺, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁪𑁨.

𑀫𑀳𑀸𑀚𑁂𑀝𑁆𑀞𑁄 𑀫𑀳𑀸𑀲𑁂𑀝𑁆𑀞𑁄, 𑀫𑀳𑀕𑁆𑀕𑁄 𑀫𑀳𑀸𑀦𑀸𑀬𑀓𑁄;

𑀫𑀳𑀸𑀙𑁂𑀓𑁄 𑀫𑀳𑀸𑀤𑀓𑁆𑀔𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁪𑁩.

𑀫𑀳𑀸𑀩𑁆𑀬𑀢𑁆𑀢𑁄 𑀫𑀳𑀸𑀜𑀸𑀢𑁄, 𑀫𑀳𑀸𑀔𑁆𑀬𑀸𑀢𑁄 𑀫𑀳𑀸𑀬𑀲𑀻;

𑀫𑀳𑀺𑀤𑁆𑀥𑁄 𑀫𑀳𑀸𑀯𑀺𑀔𑁆𑀬𑀸𑀢𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁪𑁪.

𑀫𑀳𑀸𑀢𑀼𑀝𑁆𑀞𑁄 𑀫𑀳𑀸𑀳𑀝𑁆𑀞𑁄, 𑀫𑀳𑀸𑀚𑀯𑁄 𑀫𑀳𑀸𑀚𑀬𑁄;

𑀫𑀳𑀸𑀲𑀦𑁆𑀢𑀼𑀝𑁆𑀞𑁄 𑀯𑀺𑀲𑀺𑀝𑁆𑀞𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁪𑁫.

𑀫𑀳𑀸𑀦𑀸𑀣𑁄 𑀫𑀳𑀸𑀲𑀸𑀫𑀻, 𑀫𑀳𑀸𑀧𑀪𑀽 𑀫𑀳𑀸𑀯𑀺𑀪𑀽;

𑀫𑀳𑀺𑀲𑁆𑀲𑀭𑁄 𑀩𑁄𑀥𑀺𑀲𑁆𑀲𑀭𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁪𑁬.

𑀫𑀳𑀸𑀯𑀡𑁆𑀡𑁄 𑀫𑀳𑀸𑀓𑀦𑁆𑀢𑁄, 𑀫𑀦𑁄𑀧𑀺𑀬𑁄 𑀫𑀦𑀸𑀧𑀺𑀓𑁄;

𑀫𑀳𑀸𑀲𑁄𑀪𑀦𑁄 𑀫𑀦𑀼𑀜𑁆𑀜𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁪𑁭.

𑀫𑀳𑀸𑀛𑀸𑀬𑀻 𑀫𑀳𑀸𑀜𑀸𑀡𑀻, 𑀫𑀳𑀸𑀥𑀻𑀫𑀸 𑀫𑀳𑀸𑀲𑀼𑀥𑀻;

𑀫𑀳𑀸𑀯𑀺𑀪𑀸𑀯𑀻 𑀫𑁂𑀥𑀸𑀯𑀻, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁪𑁮.

𑀫𑀳𑀸𑀔𑀦𑁆𑀢𑀻 𑀘 𑀢𑀺𑀢𑀺𑀓𑁆𑀔𑁄, 𑀫𑀳𑀸𑀦𑀺𑀓𑁆𑀓𑀗𑁆𑀔𑁄 𑀥𑀫𑁆𑀫𑀕𑀽;

𑀫𑀳𑀸𑀲𑀁𑀬𑀢𑁄 𑀲𑀁𑀯𑀼𑀢𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁪𑁯.

𑀫𑀳𑀸𑀣𑁄𑀫𑀺𑀢𑁄 𑀧𑀽𑀚𑀺𑀢𑁄, 𑀫𑀳𑀸𑀫𑀸𑀦𑀺𑀢𑁄 𑀯𑀦𑁆𑀤𑀺𑀢𑁄;

𑀫𑀳𑀸𑀪𑀺𑀯𑀸𑀤𑀺𑀢𑁄 𑀪𑀺𑀬𑁆𑀬𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁫𑁦.

𑀫𑀳𑀢𑀢𑁆𑀣𑁄 𑀫𑀳𑀢𑁆𑀣𑀺𑀓𑁄, 𑀫𑀳𑀦𑁆𑀢𑀢𑁆𑀣𑁄 𑀫𑀳𑀢𑁆𑀢𑀭𑁄;

𑀫𑀳𑀦𑁆𑀢𑁄 𑀫𑀳𑀢𑁆𑀢𑀧𑁆𑀧𑀢𑁆𑀢𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁫𑁧.

𑀫𑀳𑀸𑀮𑀸𑀪𑀻 𑀫𑀳𑀸𑀓𑀸𑀭𑀻, 𑀫𑀳𑀸𑀤𑀸𑀬𑀻 𑀫𑀳𑀸𑀥𑀦𑀻;

𑀫𑀳𑀸𑀯𑀺𑀚𑁆𑀚𑁄 𑀫𑀳𑀸𑀧𑀼𑀚𑁆𑀚𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁫𑁨.

𑀫𑀳𑀸𑀩𑀼𑀤𑁆𑀥𑀺 𑀫𑀳𑀸𑀩𑀼𑀥𑀸, 𑀫𑀳𑀸𑀧𑀩𑁄𑀥𑀺𑀧𑀼𑀗𑁆𑀕𑀯𑁄;

𑀫𑀳𑀸𑀪𑀯𑀡𑁆𑀡𑀯𑀁 𑀢𑀺𑀡𑁆𑀡𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁫𑁩.

𑀫𑀳𑀸𑀦𑀸𑀕𑁄 𑀫𑀳𑀸𑀪𑀸𑀕𑁄, 𑀫𑀳𑀸𑀩𑀸𑀳𑁄 𑀫𑀳𑀺𑀤𑁆𑀥𑀺𑀓𑁄;

𑀫𑀳𑀸𑀬𑁄𑀥𑁄 𑀫𑀳𑀕𑁆𑀕𑀢𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁫𑁪.

𑀫𑀳𑀸𑀤𑀦𑁆𑀢𑁄 𑀫𑀳𑀸𑀲𑀦𑁆𑀢𑁄, 𑀫𑀳𑀸𑀕𑀡𑀻 𑀫𑀳𑀸𑀕𑀼𑀡𑀻;

𑀫𑀳𑀸𑀲𑀦𑁆𑀢𑀺𑀧𑀤𑀸𑀬𑀓𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁫𑁫.

𑀫𑀳𑀸𑀲𑀻𑀮𑁄 𑀫𑀳𑀸𑀘𑀺𑀢𑁆𑀢𑁄, 𑀫𑀳𑀸𑀩𑀼𑀥𑁄 𑀫𑀳𑁂𑀲𑀺𑀦𑁄;

𑀫𑀳𑀸𑀫𑁄𑀳𑁄𑀤𑀥𑀺𑀁 𑀢𑀺𑀡𑁆𑀡𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁫𑁬.

𑀫𑀳𑀸𑀢𑀧𑀲𑁆𑀲𑀻 𑀥𑀫𑁆𑀫𑁂𑀲𑀻, 𑀫𑀳𑀸𑀬𑀲𑀲𑁆𑀲𑀻 𑀦𑀸𑀬𑀓𑁄;

𑀫𑀳𑀸𑀧𑀢𑀸𑀧𑀻 𑀢𑁂𑀚𑀲𑁆𑀲𑀻, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁫𑁭.

𑀫𑀳𑀸𑀆𑀪𑁄 𑀫𑀳𑀸𑀧𑀪𑁄, 𑀫𑁄𑀳𑀦𑁆𑀥𑀓𑀸𑀭𑀪𑀺𑀦𑁆𑀤𑀓𑁄;

𑀜𑀸𑀡𑀧𑀤𑀻𑀧𑀁 𑀤𑀻𑀧𑁂𑀲𑀺, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁫𑁮.

𑀫𑀳𑀸𑀧𑀲𑁆𑀲𑀤𑁆𑀥𑀺𑀤𑀸𑀬𑀓𑁄, 𑀫𑀼𑀦𑀺𑀭𑀸𑀚𑀸 𑀫𑀼𑀦𑀺𑀲𑁆𑀲𑀭𑁄;

𑀲𑀦𑁆𑀢𑀺𑀤𑀤𑁄 𑀲𑀼𑀔𑀤𑀤𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁫𑁯.

𑀫𑀳𑀸𑀦𑀻𑀯𑀭𑀡𑀸’𑀢𑀻𑀢𑁄, 𑀫𑀳𑀸𑀫𑁄𑀳𑀲𑀫𑀽𑀳𑀢𑁄;

𑀫𑀳𑁄𑀖𑀢𑀺𑀡𑁆𑀡𑁄 𑀫𑁄𑀓𑁆𑀔𑀓𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁬𑁦.

𑀫𑀳𑀸𑀪𑀯𑁄𑀧𑀥𑀺𑀘𑀢𑁆𑀢𑁄, 𑀮𑁄𑀪𑀤𑁄𑀲𑀯𑀺𑀦𑀸𑀲𑀓𑁄;

𑀫𑀳𑀸𑀭𑀺𑀧𑀼𑀁 𑀦𑀺𑀫𑀤𑁆𑀤𑁂𑀲𑀺, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁬𑁧.

𑀫𑀳𑀸’𑀪𑀺𑀜𑁆𑀜𑀸𑀩𑀮𑀧𑁆𑀧𑀢𑁆𑀢𑁄, 𑀫𑀳𑀸𑀫𑀜𑁆𑀜𑀺𑀢𑀦𑀸𑀲𑀓𑁄;

𑀫𑀳𑀸𑀲𑀤𑁆𑀥𑀫𑀁 𑀦𑀺𑀤𑁆𑀤𑀺𑀲𑀺, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁬𑁨.

𑀅𑀳𑁄𑀭𑀢𑁆𑀢𑀺𑀁 𑀲𑀤𑀸𑀲𑀼𑀤𑁆𑀥𑁄, 𑀫𑀳𑀸𑀮𑁄𑀓𑀕𑁆𑀕𑀦𑀸𑀬𑀓𑁄;

𑀲𑀫𑀢𑁆𑀢𑀯𑀺𑀲𑁆𑀲𑀯𑀺𑀲𑁆𑀲𑀼𑀢𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁬𑁩.

𑀫𑀳𑀸𑀅𑀯𑀺𑀚𑁆𑀚𑀸𑀉𑀘𑁆𑀙𑀺𑀦𑁆𑀦𑁄, 𑀫𑀳𑀸𑀆𑀲𑀢𑁆𑀢𑀺𑀭𑀺𑀜𑁆𑀘𑀓𑁄;

𑀫𑀳𑀸𑀚𑀝𑀸 𑀯𑀺𑀚𑀝𑁂𑀲𑀺, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁬𑁪.

𑀫𑀳𑀸𑀲𑀽𑀮𑀯𑀺𑀯𑀢𑁆𑀢𑀓𑁄, 𑀫𑀳𑀸𑀲𑀮𑁆𑀮𑀯𑀺𑀦𑁄𑀤𑀦𑁄;

𑀫𑀳𑀸𑀲𑀯𑀁 𑀩𑁆𑀬𑀦𑁆𑀢𑀺𑀓𑀭𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁬𑁫.

𑀫𑀳𑀸𑀧𑀭𑀓𑁆𑀓𑀫𑀻 𑀲𑀽𑀭𑁄, 𑀲𑀩𑁆𑀩𑀣𑀸 𑀅𑀧𑀭𑀸𑀚𑀬𑁄;

𑀅𑀘𑁆𑀘𑀦𑁆𑀢𑀅𑀪𑀬𑁄 𑀯𑀻𑀭𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁬𑁬.

𑀫𑀳𑀸𑀢𑀡𑁆𑀳𑀸𑀯𑀻𑀢𑀺𑀯𑀢𑁆𑀢𑁄, 𑀫𑀳𑀸𑀲𑁄𑀓𑀧𑀦𑀽𑀤𑀦𑁄;

𑀫𑀳𑀸𑀤𑀼𑀓𑁆𑀔𑀫𑀢𑀺𑀓𑁆𑀓𑀦𑁆𑀢𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁬𑁭.

𑀫𑀳𑀸𑀫𑀸𑀦𑀫𑀢𑀺𑀓𑁆𑀓𑀫𑁄, 𑀫𑀸𑀭𑀲𑁂𑀦𑀦𑀺𑀫𑁆𑀫𑀤𑁆𑀤𑀦𑁄;

𑀓𑀫𑁆𑀫𑀓𑁆𑀮𑁂𑀲𑀁 𑀦𑀺𑀚𑁆𑀚𑀭𑁂𑀲𑀺, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁬𑁮.

𑀫𑀳𑀸𑀪𑀯𑁄𑀤𑀥𑀺𑀢𑁆𑀢𑀺𑀡𑁆𑀡𑁄, 𑀧𑀸𑀧𑀡𑁆𑀡𑀯𑀧𑀸𑀭𑀗𑁆𑀕𑀢𑁄;

𑀫𑀳𑀸𑀲𑀁𑀲𑀭𑀡𑀸𑀢𑀺𑀕𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁬𑁯.

𑀫𑀳𑀸𑀲𑀁𑀬𑁄𑀚𑀦𑀸𑀢𑀻𑀢𑁄, 𑀫𑀳𑀸𑀯𑀝𑁆𑀝𑀯𑀺𑀦𑀸𑀲𑀓𑁄;

𑀫𑀳𑀸𑀲𑀁𑀲𑀸𑀭𑁄𑀖𑀢𑀺𑀡𑁆𑀡𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁭𑁦.

𑀫𑀳𑀸𑀭𑀸𑀕𑀯𑀺𑀭𑀜𑁆𑀚𑀓𑁄, 𑀫𑀳𑀸𑀤𑁄𑀲𑀦𑀺𑀫𑁆𑀫𑀤𑁆𑀤𑀓𑁄;

𑀫𑀳𑀸𑀲𑁄𑀢𑀁 𑀯𑀺𑀲𑁄𑀲𑁂𑀲𑀺, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁭𑁧.

𑀫𑀳𑀸𑀫𑁂𑀢𑁆𑀢𑀸𑀯𑀺𑀳𑀸𑀭𑀻 𑀬𑁄, 𑀫𑀳𑀸𑀧𑀼𑀜𑁆𑀜𑁄 𑀫𑀳𑀸𑀭𑀳𑁄;

𑀫𑀳𑀸𑀓𑀭𑀼𑀡𑀸𑀲𑀸𑀕𑀭𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁭𑁨.

𑀫𑀳𑀸𑀪𑀯𑀲𑀺𑀦𑁆𑀥𑀼𑀮𑀗𑁆𑀖𑀻, 𑀪𑀯𑀫𑀼𑀢𑁆𑀢𑁄 𑀪𑀯𑀦𑁆𑀢𑀕𑀽;

𑀲𑁄𑀓𑀲𑀽𑀮𑀲𑀫𑀼𑀘𑁆𑀙𑀺𑀦𑁆𑀦𑁄, 𑀩𑀼𑀤𑁆𑀥𑀁 𑀢𑀁 𑀧𑀡𑀫𑀸𑀫𑁆𑀬𑀳𑀁.𑁭𑁩.