𑁧𑁦. 𑀘𑁂𑀢𑀲𑁄𑀯𑀺𑀦𑀺𑀩𑀦𑁆𑀥𑀲𑀼𑀢𑁆𑀢𑀁

𑁯𑁨. ‘‘𑀧𑀜𑁆𑀘𑀺𑀫𑁂, 𑀪𑀺𑀓𑁆𑀔𑀯𑁂, 𑀘𑁂𑀢𑀲𑁄𑀯𑀺𑀦𑀺𑀩𑀦𑁆𑀥𑀸. 𑀓𑀢𑀫𑁂 𑀧𑀜𑁆𑀘? 𑀇𑀥, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀓𑀸𑀫𑁂𑀲𑀼 𑀅𑀯𑀻𑀢𑀭𑀸𑀕𑁄 𑀳𑁄𑀢𑀺…𑀧𑁂… 𑀇𑀫𑁂 𑀔𑁄, 𑀪𑀺𑀓𑁆𑀔𑀯𑁂, 𑀧𑀜𑁆𑀘 𑀘𑁂𑀢𑀲𑁄𑀯𑀺𑀦𑀺𑀩𑀦𑁆𑀥𑀸.

‘‘𑀇𑀫𑁂𑀲𑀁 𑀔𑁄, 𑀪𑀺𑀓𑁆𑀔𑀯𑁂, 𑀧𑀜𑁆𑀘𑀦𑁆𑀦𑀁 𑀘𑁂𑀢𑀲𑁄𑀯𑀺𑀦𑀺𑀩𑀦𑁆𑀥𑀸𑀦𑀁 𑀧𑀳𑀸𑀦𑀸𑀬 𑀇𑀫𑁂 𑀘𑀢𑁆𑀢𑀸𑀭𑁄 𑀇𑀤𑁆𑀥𑀺𑀧𑀸𑀤𑀸 𑀪𑀸𑀯𑁂𑀢𑀩𑁆𑀩𑀸. 𑀓𑀢𑀫𑁂 𑀘𑀢𑁆𑀢𑀸𑀭𑁄? 𑀇𑀥, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀙𑀦𑁆𑀤𑀲𑀫𑀸𑀥𑀺𑀧𑀥𑀸𑀦𑀲𑀗𑁆𑀔𑀸𑀭𑀲𑀫𑀦𑁆𑀦𑀸𑀕𑀢𑀁 𑀇𑀤𑁆𑀥𑀺𑀧𑀸𑀤𑀁 𑀪𑀸𑀯𑁂𑀢𑀺, 𑀯𑀻𑀭𑀺𑀬𑀲𑀫𑀸𑀥𑀺… 𑀘𑀺𑀢𑁆𑀢𑀲𑀫𑀸𑀥𑀺… 𑀯𑀻𑀫𑀁𑀲𑀸𑀲𑀫𑀸𑀥𑀺𑀧𑀥𑀸𑀦𑀲𑀗𑁆𑀔𑀸𑀭𑀲𑀫𑀦𑁆𑀦𑀸𑀕𑀢𑀁 𑀇𑀤𑁆𑀥𑀺𑀧𑀸𑀤𑀁 𑀪𑀸𑀯𑁂𑀢𑀺. 𑀇𑀫𑁂𑀲𑀁 𑀔𑁄, 𑀪𑀺𑀓𑁆𑀔𑀯𑁂, 𑀧𑀜𑁆𑀘𑀦𑁆𑀦𑀁 𑀘𑁂𑀢𑀲𑁄𑀯𑀺𑀦𑀺𑀩𑀦𑁆𑀥𑀸𑀦𑀁 𑀧𑀳𑀸𑀦𑀸𑀬 𑀇𑀫𑁂 𑀘𑀢𑁆𑀢𑀸𑀭𑁄 𑀇𑀤𑁆𑀥𑀺𑀧𑀸𑀤𑀸 𑀪𑀸𑀯𑁂𑀢𑀩𑁆𑀩𑀸’’𑀢𑀺. 𑀤𑀲𑀫𑀁.

𑀇𑀤𑁆𑀥𑀺𑀧𑀸𑀤𑀯𑀕𑁆𑀕𑁄 𑀘𑀢𑀼𑀢𑁆𑀣𑁄.