𑁧𑁧. 𑀅𑀪𑀩𑁆𑀩𑀲𑀼𑀢𑁆𑀢𑀁

𑁬𑁨. ‘‘𑀦𑀯, 𑀪𑀺𑀓𑁆𑀔𑀯𑁂, 𑀥𑀫𑁆𑀫𑁂 𑀅𑀧𑁆𑀧𑀳𑀸𑀬 𑀅𑀪𑀩𑁆𑀩𑁄 𑀅𑀭𑀳𑀢𑁆𑀢𑀁 𑀲𑀘𑁆𑀙𑀺𑀓𑀸𑀢𑀼𑀁. 𑀓𑀢𑀫𑁂 𑀦𑀯? 𑀭𑀸𑀕𑀁, 𑀤𑁄𑀲𑀁, 𑀫𑁄𑀳𑀁, 𑀓𑁄𑀥𑀁, 𑀉𑀧𑀦𑀸𑀳𑀁, 𑀫𑀓𑁆𑀔𑀁, 𑀧𑀴𑀸𑀲𑀁, 𑀇𑀲𑁆𑀲𑀁, 𑀫𑀘𑁆𑀙𑀭𑀺𑀬𑀁 𑁋 𑀇𑀫𑁂 𑀔𑁄, 𑀪𑀺𑀓𑁆𑀔𑀯𑁂, 𑀦𑀯 𑀥𑀫𑁆𑀫𑁂 𑀅𑀧𑁆𑀧𑀳𑀸𑀬 𑀅𑀪𑀩𑁆𑀩𑁄 𑀅𑀭𑀳𑀢𑁆𑀢𑀁 𑀲𑀘𑁆𑀙𑀺𑀓𑀸𑀢𑀼𑀁.

‘‘𑀦𑀯, 𑀪𑀺𑀓𑁆𑀔𑀯𑁂, 𑀥𑀫𑁆𑀫𑁂 𑀧𑀳𑀸𑀬 𑀪𑀩𑁆𑀩𑁄 𑀅𑀭𑀳𑀢𑁆𑀢𑀁 𑀲𑀘𑁆𑀙𑀺𑀓𑀸𑀢𑀼𑀁. 𑀓𑀢𑀫𑁂 𑀦𑀯? 𑀭𑀸𑀕𑀁, 𑀤𑁄𑀲𑀁, 𑀫𑁄𑀳𑀁, 𑀓𑁄𑀥𑀁, 𑀉𑀧𑀦𑀸𑀳𑀁, 𑀫𑀓𑁆𑀔𑀁, 𑀧𑀴𑀸𑀲𑀁, 𑀇𑀲𑁆𑀲𑀁, 𑀫𑀘𑁆𑀙𑀭𑀺𑀬𑀁 𑁋 𑀇𑀫𑁂 𑀔𑁄, 𑀪𑀺𑀓𑁆𑀔𑀯𑁂, 𑀦𑀯 𑀥𑀫𑁆𑀫𑁂 𑀧𑀳𑀸𑀬 𑀪𑀩𑁆𑀩𑁄 𑀅𑀭𑀳𑀢𑁆𑀢𑀁 𑀲𑀘𑁆𑀙𑀺𑀓𑀸𑀢𑀼’’𑀦𑁆𑀢𑀺. 𑀏𑀓𑀸𑀤𑀲𑀫𑀁.

𑀔𑁂𑀫𑀯𑀕𑁆𑀕𑁄 𑀧𑀞𑀫𑁄.