𑁩. 𑀢𑀢𑀺𑀬𑀯𑀺𑀦𑀬𑀥𑀭𑀲𑀼𑀢𑁆𑀢𑀁

𑁭𑁭. ‘‘𑀲𑀢𑁆𑀢𑀳𑀺, 𑀪𑀺𑀓𑁆𑀔𑀯𑁂, 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀪𑀺𑀓𑁆𑀔𑀼 𑀯𑀺𑀦𑀬𑀥𑀭𑁄 𑀳𑁄𑀢𑀺. 𑀓𑀢𑀫𑁂𑀳𑀺 𑀲𑀢𑁆𑀢𑀳𑀺? 𑀆𑀧𑀢𑁆𑀢𑀺𑀁 𑀚𑀸𑀦𑀸𑀢𑀺, 𑀅𑀦𑀸𑀧𑀢𑁆𑀢𑀺𑀁 𑀚𑀸𑀦𑀸𑀢𑀺, 𑀮𑀳𑀼𑀓𑀁 𑀆𑀧𑀢𑁆𑀢𑀺𑀁 𑀚𑀸𑀦𑀸𑀢𑀺, 𑀕𑀭𑀼𑀓𑀁 𑀆𑀧𑀢𑁆𑀢𑀺𑀁 𑀚𑀸𑀦𑀸𑀢𑀺, 𑀯𑀺𑀦𑀬𑁂 𑀔𑁄 𑀧𑀦 𑀞𑀺𑀢𑁄 𑀳𑁄𑀢𑀺 𑀅𑀲𑀁𑀳𑀻𑀭𑁄, 𑀘𑀢𑀼𑀦𑁆𑀦𑀁 𑀛𑀸𑀦𑀸𑀦𑀁 𑀆𑀪𑀺𑀘𑁂𑀢𑀲𑀺𑀓𑀸𑀦𑀁 𑀤𑀺𑀝𑁆𑀞𑀥𑀫𑁆𑀫𑀲𑀼𑀔𑀯𑀺𑀳𑀸𑀭𑀸𑀦𑀁 𑀦𑀺𑀓𑀸𑀫𑀮𑀸𑀪𑀻 𑀳𑁄𑀢𑀺 𑀅𑀓𑀺𑀘𑁆𑀙𑀮𑀸𑀪𑀻 𑀅𑀓𑀲𑀺𑀭𑀮𑀸𑀪𑀻, 𑀆𑀲𑀯𑀸𑀦𑀁 𑀔𑀬𑀸 𑀅𑀦𑀸𑀲𑀯𑀁 𑀘𑁂𑀢𑁄𑀯𑀺𑀫𑀼𑀢𑁆𑀢𑀺𑀁 𑀧𑀜𑁆𑀜𑀸𑀯𑀺𑀫𑀼𑀢𑁆𑀢𑀺𑀁 𑀤𑀺𑀝𑁆𑀞𑁂𑀯 𑀥𑀫𑁆𑀫𑁂 𑀲𑀬𑀁 𑀅𑀪𑀺𑀜𑁆𑀜𑀸 𑀲𑀘𑁆𑀙𑀺𑀓𑀢𑁆𑀯𑀸 𑀉𑀧𑀲𑀫𑁆𑀧𑀚𑁆𑀚 𑀯𑀺𑀳𑀭𑀢𑀺. 𑀇𑀫𑁂𑀳𑀺 𑀔𑁄, 𑀪𑀺𑀓𑁆𑀔𑀯𑁂, 𑀲𑀢𑁆𑀢𑀳𑀺 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀪𑀺𑀓𑁆𑀔𑀼 𑀯𑀺𑀦𑀬𑀥𑀭𑁄 𑀳𑁄𑀢𑀻’’𑀢𑀺. 𑀢𑀢𑀺𑀬𑀁.