𑁧. 𑀅𑀓𑁆𑀓𑁄𑀲𑀓𑀲𑀼𑀢𑁆𑀢𑀁

𑁨𑁧𑁧. ‘‘𑀬𑁄 𑀲𑁄, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀅𑀓𑁆𑀓𑁄𑀲𑀓𑀧𑀭𑀺𑀪𑀸𑀲𑀓𑁄 𑀅𑀭𑀺𑀬𑀽𑀧𑀯𑀸𑀤𑀻 𑀲𑀩𑁆𑀭𑀳𑁆𑀫𑀘𑀸𑀭𑀻𑀦𑀁, 𑀢𑀲𑁆𑀲 𑀧𑀜𑁆𑀘 𑀆𑀤𑀻𑀦𑀯𑀸 𑀧𑀸𑀝𑀺𑀓𑀗𑁆𑀔𑀸. 𑀓𑀢𑀫𑁂 𑀧𑀜𑁆𑀘? 𑀧𑀸𑀭𑀸𑀚𑀺𑀓𑁄 𑀯𑀸 𑀳𑁄𑀢𑀺 𑀙𑀺𑀦𑁆𑀦𑀧𑀭𑀺𑀧𑀦𑁆𑀣𑁄 [𑀙𑀺𑀦𑁆𑀦𑀧𑀭𑀺𑀩𑀦𑁆𑀥𑁄 (𑀓.)], 𑀅𑀜𑁆𑀜𑀢𑀭𑀁 𑀯𑀸 𑀲𑀁𑀓𑀺𑀮𑀺𑀝𑁆𑀞𑀁 𑀆𑀧𑀢𑁆𑀢𑀺𑀁 𑀆𑀧𑀚𑁆𑀚𑀢𑀺, 𑀩𑀸𑀴𑁆𑀳𑀁 𑀯𑀸 𑀭𑁄𑀕𑀸𑀢𑀗𑁆𑀓𑀁 𑀨𑀼𑀲𑀢𑀺, 𑀲𑀫𑁆𑀫𑀽𑀴𑁆𑀳𑁄 𑀓𑀸𑀮𑀁 𑀓𑀭𑁄𑀢𑀺, 𑀓𑀸𑀬𑀲𑁆𑀲 𑀪𑁂𑀤𑀸 𑀧𑀭𑀁 𑀫𑀭𑀡𑀸 𑀅𑀧𑀸𑀬𑀁 𑀤𑀼𑀕𑁆𑀕𑀢𑀺𑀁 𑀯𑀺𑀦𑀺𑀧𑀸𑀢𑀁 𑀦𑀺𑀭𑀬𑀁 𑀉𑀧𑀧𑀚𑁆𑀚𑀢𑀺. 𑀬𑁄 𑀲𑁄, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀅𑀓𑁆𑀓𑁄𑀲𑀓𑀧𑀭𑀺𑀪𑀸𑀲𑀓𑁄 𑀅𑀭𑀺𑀬𑀽𑀧𑀯𑀸𑀤𑀻 𑀲𑀩𑁆𑀭𑀳𑁆𑀫𑀘𑀸𑀭𑀻𑀦𑀁, 𑀢𑀲𑁆𑀲 𑀇𑀫𑁂 𑀧𑀜𑁆𑀘 𑀆𑀤𑀻𑀦𑀯𑀸 𑀧𑀸𑀝𑀺𑀓𑀗𑁆𑀔𑀸’’𑀢𑀺. 𑀧𑀞𑀫𑀁.