𑁪. 𑀅𑀲𑁆𑀲𑀤𑁆𑀥𑀲𑀼𑀢𑁆𑀢𑀁

𑁮𑁪. ‘‘𑀧𑀜𑁆𑀘𑀳𑀺, 𑀪𑀺𑀓𑁆𑀔𑀯𑁂, 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀣𑁂𑀭𑁄 𑀪𑀺𑀓𑁆𑀔𑀼 𑀲𑀩𑁆𑀭𑀳𑁆𑀫𑀘𑀸𑀭𑀻𑀦𑀁 𑀅𑀧𑁆𑀧𑀺𑀬𑁄 𑀘 𑀳𑁄𑀢𑀺, 𑀅𑀫𑀦𑀸𑀧𑁄 𑀘 𑀅𑀕𑀭𑀼 𑀘 𑀅𑀪𑀸𑀯𑀦𑀻𑀬𑁄 𑀘. 𑀓𑀢𑀫𑁂𑀳𑀺 𑀧𑀜𑁆𑀘𑀳𑀺? 𑀅𑀲𑁆𑀲𑀤𑁆𑀥𑁄 𑀳𑁄𑀢𑀺, 𑀅𑀳𑀺𑀭𑀺𑀓𑁄 𑀳𑁄𑀢𑀺, 𑀅𑀦𑁄𑀢𑁆𑀢𑀧𑁆𑀧𑀻 𑀳𑁄𑀢𑀺, 𑀓𑀼𑀲𑀻𑀢𑁄 𑀳𑁄𑀢𑀺, 𑀤𑀼𑀧𑁆𑀧𑀜𑁆𑀜𑁄 𑀳𑁄𑀢𑀺 𑁋 𑀇𑀫𑁂𑀳𑀺 𑀔𑁄, 𑀪𑀺𑀓𑁆𑀔𑀯𑁂, 𑀧𑀜𑁆𑀘𑀳𑀺 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀣𑁂𑀭𑁄 𑀪𑀺𑀓𑁆𑀔𑀼 𑀲𑀩𑁆𑀭𑀳𑁆𑀫𑀘𑀸𑀭𑀻𑀦𑀁 𑀅𑀧𑁆𑀧𑀺𑀬𑁄 𑀘 𑀳𑁄𑀢𑀺 𑀅𑀫𑀦𑀸𑀧𑁄 𑀘 𑀅𑀕𑀭𑀼 𑀘 𑀅𑀪𑀸𑀯𑀦𑀻𑀬𑁄 𑀘.

‘‘𑀧𑀜𑁆𑀘𑀳𑀺, 𑀪𑀺𑀓𑁆𑀔𑀯𑁂, 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀣𑁂𑀭𑁄 𑀪𑀺𑀓𑁆𑀔𑀼 𑀲𑀩𑁆𑀭𑀳𑁆𑀫𑀘𑀸𑀭𑀻𑀦𑀁 𑀧𑀺𑀬𑁄 𑀘 𑀳𑁄𑀢𑀺 𑀫𑀦𑀸𑀧𑁄 𑀘 𑀕𑀭𑀼 𑀘 𑀪𑀸𑀯𑀦𑀻𑀬𑁄 𑀘. 𑀓𑀢𑀫𑁂𑀳𑀺 𑀧𑀜𑁆𑀘𑀳𑀺? 𑀲𑀤𑁆𑀥𑁄 𑀳𑁄𑀢𑀺, 𑀳𑀺𑀭𑀻𑀫𑀸 𑀳𑁄𑀢𑀺, 𑀑𑀢𑁆𑀢𑀧𑁆𑀧𑀻 𑀳𑁄𑀢𑀺, 𑀆𑀭𑀤𑁆𑀥𑀯𑀻𑀭𑀺𑀬𑁄 𑀳𑁄𑀢𑀺, 𑀧𑀜𑁆𑀜𑀯𑀸 𑀳𑁄𑀢𑀺 𑁋 𑀇𑀫𑁂𑀳𑀺 𑀔𑁄, 𑀪𑀺𑀓𑁆𑀔𑀯𑁂, 𑀧𑀜𑁆𑀘𑀳𑀺 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀣𑁂𑀭𑁄 𑀪𑀺𑀓𑁆𑀔𑀼 𑀲𑀩𑁆𑀭𑀳𑁆𑀫𑀘𑀸𑀭𑀻𑀦𑀁 𑀧𑀺𑀬𑁄 𑀘 𑀳𑁄𑀢𑀺 𑀫𑀦𑀸𑀧𑁄 𑀘 𑀕𑀭𑀼 𑀘 𑀪𑀸𑀯𑀦𑀻𑀬𑁄 𑀘𑀸’’𑀢𑀺. 𑀘𑀢𑀼𑀢𑁆𑀣𑀁.