𑁨. 𑀅𑀓𑀼𑀲𑀮𑀭𑀸𑀲𑀺𑀲𑀼𑀢𑁆𑀢𑀁

𑁫𑁨. ‘‘𑀅𑀓𑀼𑀲𑀮𑀭𑀸𑀲𑀻𑀢𑀺, 𑀪𑀺𑀓𑁆𑀔𑀯𑁂, 𑀯𑀤𑀫𑀸𑀦𑁄 𑀧𑀜𑁆𑀘 𑀦𑀻𑀯𑀭𑀡𑁂 [𑀇𑀫𑁂 𑀧𑀜𑁆𑀘 𑀦𑀻𑀯𑀭𑀡𑁂 (𑀲𑀻.)] 𑀲𑀫𑁆𑀫𑀸 𑀯𑀤𑀫𑀸𑀦𑁄 𑀯𑀤𑁂𑀬𑁆𑀬. 𑀓𑁂𑀯𑀮𑁄 𑀳𑀸𑀬𑀁 [𑀳𑀬𑀁 (𑀲𑀻.), 𑀘𑀸𑀬𑀁 (𑀲𑁆𑀬𑀸. 𑀓𑀁.), 𑀲𑀸𑀬𑀁 (𑀓.)], 𑀪𑀺𑀓𑁆𑀔𑀯𑁂, 𑀅𑀓𑀼𑀲𑀮𑀭𑀸𑀲𑀺 𑀬𑀤𑀺𑀤𑀁 𑀧𑀜𑁆𑀘 𑀦𑀻𑀯𑀭𑀡𑀸. 𑀓𑀢𑀫𑁂 𑀧𑀜𑁆𑀘? 𑀓𑀸𑀫𑀘𑁆𑀙𑀦𑁆𑀤𑀦𑀻𑀯𑀭𑀡𑀁, 𑀩𑁆𑀬𑀸𑀧𑀸𑀤𑀦𑀻𑀯𑀭𑀡𑀁, 𑀣𑀺𑀦𑀫𑀺𑀤𑁆𑀥𑀦𑀻𑀯𑀭𑀡𑀁, 𑀉𑀤𑁆𑀥𑀘𑁆𑀘𑀓𑀼𑀓𑁆𑀓𑀼𑀘𑁆𑀘𑀦𑀻𑀯𑀭𑀡𑀁, 𑀯𑀺𑀘𑀺𑀓𑀺𑀘𑁆𑀙𑀸𑀦𑀻𑀯𑀭𑀡𑀁. 𑀅𑀓𑀼𑀲𑀮𑀭𑀸𑀲𑀻𑀢𑀺, 𑀪𑀺𑀓𑁆𑀔𑀯𑁂, 𑀯𑀤𑀫𑀸𑀦𑁄 𑀇𑀫𑁂 𑀧𑀜𑁆𑀘 𑀦𑀻𑀯𑀭𑀡𑁂 𑀲𑀫𑁆𑀫𑀸 𑀯𑀤𑀫𑀸𑀦𑁄 𑀯𑀤𑁂𑀬𑁆𑀬. 𑀓𑁂𑀯𑀮𑁄 𑀳𑀸𑀬𑀁, 𑀪𑀺𑀓𑁆𑀔𑀯𑁂, 𑀅𑀓𑀼𑀲𑀮𑀭𑀸𑀲𑀺 𑀬𑀤𑀺𑀤𑀁 𑀧𑀜𑁆𑀘 𑀦𑀻𑀯𑀭𑀡𑀸’’𑀢𑀺. 𑀤𑀼𑀢𑀺𑀬𑀁.