𑁧𑁩. 𑀢𑀢𑀺𑀬𑀫𑁄𑀭𑀦𑀺𑀯𑀸𑀧𑀲𑀼𑀢𑁆𑀢𑀁

𑁧𑁪𑁬. ‘‘𑀢𑀻𑀳𑀺, 𑀪𑀺𑀓𑁆𑀔𑀯𑁂, 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀪𑀺𑀓𑁆𑀔𑀼 𑀅𑀘𑁆𑀘𑀦𑁆𑀢𑀦𑀺𑀝𑁆𑀞𑁄 𑀳𑁄𑀢𑀺 𑀅𑀘𑁆𑀘𑀦𑁆𑀢𑀬𑁄𑀕𑀓𑁆𑀔𑁂𑀫𑀻 𑀅𑀘𑁆𑀘𑀦𑁆𑀢𑀩𑁆𑀭𑀳𑁆𑀫𑀘𑀸𑀭𑀻 𑀅𑀘𑁆𑀘𑀦𑁆𑀢𑀧𑀭𑀺𑀬𑁄𑀲𑀸𑀦𑁄 𑀲𑁂𑀝𑁆𑀞𑁄 𑀤𑁂𑀯𑀫𑀦𑀼𑀲𑁆𑀲𑀸𑀦𑀁. 𑀓𑀢𑀫𑁂𑀳𑀺 𑀢𑀻𑀳𑀺? 𑀲𑀫𑁆𑀫𑀸𑀤𑀺𑀝𑁆𑀞𑀺𑀬𑀸, 𑀲𑀫𑁆𑀫𑀸𑀜𑀸𑀡𑁂𑀦, 𑀲𑀫𑁆𑀫𑀸𑀯𑀺𑀫𑀼𑀢𑁆𑀢𑀺𑀬𑀸 𑁋 𑀇𑀫𑁂𑀳𑀺 𑀔𑁄, 𑀪𑀺𑀓𑁆𑀔𑀯𑁂, 𑀢𑀻𑀳𑀺 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀪𑀺𑀓𑁆𑀔𑀼 𑀅𑀘𑁆𑀘𑀦𑁆𑀢𑀦𑀺𑀝𑁆𑀞𑁄 𑀳𑁄𑀢𑀺 𑀅𑀘𑁆𑀘𑀦𑁆𑀢𑀬𑁄𑀕𑀓𑁆𑀔𑁂𑀫𑀻 𑀅𑀘𑁆𑀘𑀦𑁆𑀢𑀩𑁆𑀭𑀳𑁆𑀫𑀘𑀸𑀭𑀻 𑀅𑀘𑁆𑀘𑀦𑁆𑀢𑀧𑀭𑀺𑀬𑁄𑀲𑀸𑀦𑁄 𑀲𑁂𑀝𑁆𑀞𑁄 𑀤𑁂𑀯𑀫𑀦𑀼𑀲𑁆𑀲𑀸𑀦’’𑀦𑁆𑀢𑀺. 𑀢𑁂𑀭𑀲𑀫𑀁.

𑀬𑁄𑀥𑀸𑀚𑀻𑀯𑀯𑀕𑁆𑀕𑁄 𑀘𑀼𑀤𑁆𑀤𑀲𑀫𑁄.