𑁩. 𑀅𑀢𑁆𑀣𑀯𑀲𑀲𑀼𑀢𑁆𑀢𑀁

𑁪𑁩. ‘‘𑀢𑀬𑁄, 𑀪𑀺𑀓𑁆𑀔𑀯𑁂, 𑀅𑀢𑁆𑀣𑀯𑀲𑁂 𑀲𑀫𑁆𑀧𑀲𑁆𑀲𑀫𑀸𑀦𑁂𑀦 𑀅𑀮𑀫𑁂𑀯 𑀧𑀭𑁂𑀲𑀁 𑀥𑀫𑁆𑀫𑀁 𑀤𑁂𑀲𑁂𑀢𑀼𑀁. 𑀓𑀢𑀫𑁂 𑀢𑀬𑁄? 𑀬𑁄 𑀥𑀫𑁆𑀫𑀁 𑀤𑁂𑀲𑁂𑀢𑀺 𑀲𑁄 𑀅𑀢𑁆𑀣𑀧𑁆𑀧𑀝𑀺𑀲𑀁𑀯𑁂𑀤𑀻 𑀘 𑀳𑁄𑀢𑀺 𑀥𑀫𑁆𑀫𑀧𑁆𑀧𑀝𑀺𑀲𑀁𑀯𑁂𑀤𑀻 𑀘. 𑀬𑁄 𑀥𑀫𑁆𑀫𑀁 𑀲𑀼𑀡𑀸𑀢𑀺 𑀲𑁄 𑀅𑀢𑁆𑀣𑀧𑁆𑀧𑀝𑀺𑀲𑀁𑀯𑁂𑀤𑀻 𑀘 𑀳𑁄𑀢𑀺 𑀥𑀫𑁆𑀫𑀧𑁆𑀧𑀝𑀺𑀲𑀁𑀯𑁂𑀤𑀻 𑀘. 𑀬𑁄 𑀘𑁂𑀯 𑀥𑀫𑁆𑀫𑀁 𑀤𑁂𑀲𑁂𑀢𑀺 𑀬𑁄 𑀘 𑀥𑀫𑁆𑀫𑀁 𑀲𑀼𑀡𑀸𑀢𑀺 𑀉𑀪𑁄 𑀅𑀢𑁆𑀣𑀧𑁆𑀧𑀝𑀺𑀲𑀁𑀯𑁂𑀤𑀺𑀦𑁄 𑀘 𑀳𑁄𑀦𑁆𑀢𑀺 𑀥𑀫𑁆𑀫𑀧𑁆𑀧𑀝𑀺𑀲𑀁𑀯𑁂𑀤𑀺𑀦𑁄 𑀘. 𑀇𑀫𑁂 𑀔𑁄, 𑀪𑀺𑀓𑁆𑀔𑀯𑁂, 𑀢𑀬𑁄 𑀅𑀢𑁆𑀣𑀯𑀲𑁂 𑀲𑀫𑁆𑀧𑀲𑁆𑀲𑀫𑀸𑀦𑁂𑀦 𑀅𑀮𑀫𑁂𑀯 𑀧𑀭𑁂𑀲𑀁 𑀥𑀫𑁆𑀫𑀁 𑀤𑁂𑀲𑁂𑀢𑀼’’𑀦𑁆𑀢𑀺. 𑀢𑀢𑀺𑀬𑀁.