𑁪. 𑀅𑀢𑀧𑀦𑀻𑀬𑀲𑀼𑀢𑁆𑀢𑀁

𑁪. ‘‘𑀤𑁆𑀯𑁂𑀫𑁂, 𑀪𑀺𑀓𑁆𑀔𑀯𑁂, 𑀥𑀫𑁆𑀫𑀸 𑀅𑀢𑀧𑀦𑀻𑀬𑀸. 𑀓𑀢𑀫𑁂 𑀤𑁆𑀯𑁂? 𑀇𑀥, 𑀪𑀺𑀓𑁆𑀔𑀯𑁂, 𑀏𑀓𑀘𑁆𑀘𑀲𑁆𑀲 𑀓𑀸𑀬𑀲𑀼𑀘𑀭𑀺𑀢𑀁 𑀓𑀢𑀁 𑀳𑁄𑀢𑀺, 𑀅𑀓𑀢𑀁 𑀳𑁄𑀢𑀺 𑀓𑀸𑀬𑀤𑀼𑀘𑁆𑀘𑀭𑀺𑀢𑀁; 𑀯𑀘𑀻𑀲𑀼𑀘𑀭𑀺𑀢𑀁 𑀓𑀢𑀁 𑀳𑁄𑀢𑀺, 𑀅𑀓𑀢𑀁 𑀳𑁄𑀢𑀺 𑀯𑀘𑀻𑀤𑀼𑀘𑁆𑀘𑀭𑀺𑀢𑀁; 𑀫𑀦𑁄𑀲𑀼𑀘𑀭𑀺𑀢𑀁 𑀓𑀢𑀁 𑀳𑁄𑀢𑀺, 𑀅𑀓𑀢𑀁 𑀳𑁄𑀢𑀺 𑀫𑀦𑁄𑀤𑀼𑀘𑁆𑀘𑀭𑀺𑀢𑀁. 𑀲𑁄 ‘𑀓𑀸𑀬𑀲𑀼𑀘𑀭𑀺𑀢𑀁 𑀫𑁂 𑀓𑀢’𑀦𑁆𑀢𑀺 𑀦 𑀢𑀧𑁆𑀧𑀢𑀺, ‘𑀅𑀓𑀢𑀁 𑀫𑁂 𑀓𑀸𑀬𑀤𑀼𑀘𑁆𑀘𑀭𑀺𑀢’𑀦𑁆𑀢𑀺 𑀦 𑀢𑀧𑁆𑀧𑀢𑀺; ‘𑀯𑀘𑀻𑀲𑀼𑀘𑀭𑀺𑀢𑀁 𑀫𑁂 𑀓𑀢’𑀦𑁆𑀢𑀺 𑀦 𑀢𑀧𑁆𑀧𑀢𑀺, ‘𑀅𑀓𑀢𑀁 𑀫𑁂 𑀯𑀘𑀻𑀤𑀼𑀘𑁆𑀘𑀭𑀺𑀢’𑀦𑁆𑀢𑀺 𑀦 𑀢𑀧𑁆𑀧𑀢𑀺; ‘𑀫𑀦𑁄𑀲𑀼𑀘𑀭𑀺𑀢𑀁 𑀫𑁂 𑀓𑀢’𑀦𑁆𑀢𑀺 𑀦 𑀢𑀧𑁆𑀧𑀢𑀺, ‘𑀅𑀓𑀢𑀁 𑀫𑁂 𑀫𑀦𑁄𑀤𑀼𑀘𑁆𑀘𑀭𑀺𑀢’𑀦𑁆𑀢𑀺 𑀦 𑀢𑀧𑁆𑀧𑀢𑀺. 𑀇𑀫𑁂 𑀔𑁄, 𑀪𑀺𑀓𑁆𑀔𑀯𑁂, 𑀤𑁆𑀯𑁂 𑀥𑀫𑁆𑀫𑀸 𑀅𑀢𑀧𑀦𑀻𑀬𑀸’’𑀢𑀺. 𑀘𑀢𑀼𑀢𑁆𑀣𑀁.