𑁭. 𑀤𑀼𑀢𑀺𑀬𑀲𑀜𑁆𑀜𑀸𑀲𑀼𑀢𑁆𑀢𑀁

𑁫𑁭. ‘‘𑀤𑀲𑀬𑀺𑀫𑀸, 𑀪𑀺𑀓𑁆𑀔𑀯𑁂, 𑀲𑀜𑁆𑀜𑀸 𑀪𑀸𑀯𑀺𑀢𑀸 𑀩𑀳𑀼𑀮𑀻𑀓𑀢𑀸 𑀫𑀳𑀧𑁆𑀨𑀮𑀸 𑀳𑁄𑀦𑁆𑀢𑀺 𑀫𑀳𑀸𑀦𑀺𑀲𑀁𑀲𑀸 𑀅𑀫𑀢𑁄𑀕𑀥𑀸 𑀅𑀫𑀢𑀧𑀭𑀺𑀬𑁄𑀲𑀸𑀦𑀸. 𑀓𑀢𑀫𑀸 𑀤𑀲? 𑀅𑀦𑀺𑀘𑁆𑀘𑀲𑀜𑁆𑀜𑀸, 𑀅𑀦𑀢𑁆𑀢𑀲𑀜𑁆𑀜𑀸, 𑀫𑀭𑀡𑀲𑀜𑁆𑀜𑀸, 𑀆𑀳𑀸𑀭𑁂 𑀧𑀝𑀺𑀓𑀽𑀮𑀲𑀜𑁆𑀜𑀸, 𑀲𑀩𑁆𑀩𑀮𑁄𑀓𑁂 𑀅𑀦𑀪𑀺𑀭𑀢𑀲𑀜𑁆𑀜𑀸, 𑀅𑀝𑁆𑀞𑀺𑀓𑀲𑀜𑁆𑀜𑀸, 𑀧𑀼𑀴𑀯𑀓𑀲𑀜𑁆𑀜𑀸 [𑀧𑀼𑀮𑀯𑀓𑀲𑀜𑁆𑀜𑀸 (𑀲𑀻. 𑀧𑀻.), 𑀧𑀼𑀴𑀼𑀯𑀓𑀲𑀜𑁆𑀜𑀸 (𑀓.), 𑀅. 𑀦𑀺. 𑁧.𑁪𑁬𑁩-𑁪𑁭𑁨], 𑀯𑀺𑀦𑀻𑀮𑀓𑀲𑀜𑁆𑀜𑀸, 𑀯𑀺𑀘𑁆𑀙𑀺𑀤𑁆𑀤𑀓𑀲𑀜𑁆𑀜𑀸, 𑀉𑀤𑁆𑀥𑀼𑀫𑀸𑀢𑀓𑀲𑀜𑁆𑀜𑀸 𑁋 𑀇𑀫𑀸 𑀔𑁄, 𑀪𑀺𑀓𑁆𑀔𑀯𑁂, 𑀤𑀲 𑀲𑀜𑁆𑀜𑀸 𑀪𑀸𑀯𑀺𑀢𑀸 𑀩𑀳𑀼𑀮𑀻𑀓𑀢𑀸 𑀫𑀳𑀧𑁆𑀨𑀮𑀸 𑀳𑁄𑀦𑁆𑀢𑀺 𑀫𑀳𑀸𑀦𑀺𑀲𑀁𑀲𑀸 𑀅𑀫𑀢𑁄𑀕𑀥𑀸 𑀅𑀫𑀢𑀧𑀭𑀺𑀬𑁄𑀲𑀸𑀦𑀸’’𑀢𑀺. 𑀲𑀢𑁆𑀢𑀫𑀁.