৩. চীৰরপরিৰত্তনসিক্খাপদৰণ্ণনা

ততিযে হন্দাতি গণ্হ. অচ্ছিন্দেয্যাতি সযং অচ্ছিন্দন্তিযা বন্ধিত্ৰা ঠপিতেসু বহূসুপি একাপত্তি, ইতরেসু ৰত্থুগণনায আপত্তিযো. অচ্ছিন্দাপনে পন একায আণত্তিযা বহূসু অচ্ছিন্নেসুপি একাৰাপত্তি.

সাৰত্থিযং থুল্লনন্দং আরব্ভ চীৰরং পরিৰত্তেত্ৰা অচ্ছিন্দনৰত্থুস্মিং পঞ্ঞত্তং, সাণত্তিকং, তিকপাচিত্তিযং, অঞ্ঞস্মিং পরিক্খারে তিকদুক্কটং, অনুপসম্পন্নায চীৰরেপি তিকদুক্কটমেৰ. যা পন তায ৰা দিয্যমানং, তস্সা ৰা ৰিস্সাসং গণ্হাতি, তস্সা, উম্মত্তিকাদীনঞ্চ অনাপত্তি. উপসম্পন্নতা, পরিৰত্তিতচীৰরস্স ৰিকপ্পনুপগতা, সকসঞ্ঞায অচ্ছিন্দনং ৰা অচ্ছিন্দাপনং ৰাতি ইমানেত্থ তীণি অঙ্গানি. সমুট্ঠানাদীনি অদিন্নাদানসদিসানি, ইদং পন দুক্খৰেদনন্তি.

চীৰরপরিৰত্তনসিক্খাপদৰণ্ণনা নিট্ঠিতা.