১২. পাপসমাচারপঠমসিক্খাপদৰণ্ণনা

দ্ৰাদসমে সংসট্ঠাতি পব্বজিতানং অননুলোমেন গিহীনং কোট্টনপচনসাসনহরণাদিনা কাযিকৰাচসিকেন মিস্সীভূতা. পাপো কাযিকৰাচসিকো আচারো এতাসন্তি পাপাচারা. পাপো কিত্তিসদ্দো এতাসন্তি পাপসদ্দা. পাপো আজীৰসঙ্খাতো সিলোকো এতাসন্তি পাপসিলোকা. ভিক্খুনিসঙ্ঘস্স ৰিহেসিকাতি অঞ্ঞমঞ্ঞিস্সা কম্মে করিযমানে পটিক্কোসনেন ৰিহেসিকা. ৰজ্জপ্পটিচ্ছাদিকাতি খুদ্দানুখুদ্দকস্স ৰজ্জস্স পটিচ্ছাদিকা.

সাৰত্থিযং সম্বহুলা ভিক্খুনিযো আরব্ভ সংসট্ঠৰিহারৰত্থুস্মিং পঞ্ঞত্তং, সেসমেত্থাপি দসমে ৰুত্তনযেনেৰ ৰেদিতব্বং, সমনুভাসনকম্মকালে পন দ্ৰেতিস্সো একতো সমনুভাসিতব্বাতি.

পাপসমাচারপঠমসিক্খাপদৰণ্ণনা নিট্ঠিতা.