সুদ্ধসঙ্খারৰারো

অনুলোমং

কাযসঙ্খারো ৰচীসঙ্খারো, ৰচীসঙ্খারো কাযসঙ্খারো.

কাযসঙ্খারো চিত্তসঙ্খারো, চিত্তসঙ্খারো কাযসঙ্খারো.

ৰচীসঙ্খারো চিত্তসঙ্খারো, চিত্তসঙ্খারো ৰচীসঙ্খারো.

পচ্চনীকং

ন কাযসঙ্খারো ন ৰচীসঙ্খারো, ন ৰচীসঙ্খারো ন কাযসঙ্খারো.

ন কাযসঙ্খারো ন চিত্তসঙ্খারো, ন চিত্তসঙ্খারো ন কাযসঙ্খারো.

ন ৰচীসঙ্খারো ন চিত্তসঙ্খারো, ন চিত্তসঙ্খারো ন ৰচীসঙ্খারো.

সঙ্খারযমকমাতিকা নিট্ঠিতা.

অনুসযযমকং

সত্তানুসযা (যম. ২.অনুসযযমক.১) – কামরাগানুসযো পটিঘানুসযো মানানুসযো দিট্ঠানুসযো ৰিচিকিচ্ছানুসযো ভৰরাগানুসযো অৰিজ্জানুসযো.

অনুসযযমকমাতিকা নিট্ঠিতা.