৩. দ্ৰযকারীসুত্তং

৩৯৪. সাৰত্থিনিদানং. অঞ্ঞতরো ভিক্খু যেন ভগৰা তেনুপসঙ্কমি; উপসঙ্কমিত্ৰা ভগৰন্তং অভিৰাদেত্ৰা একমন্তং নিসীদি. একমন্তং নিসিন্নো খো সো ভিক্খু ভগৰন্তং এতদৰোচ – ‘‘কো নু খো, ভন্তে, হেতু, কো পচ্চযো, যেন মিধেকচ্চো কাযস্স ভেদা পরং মরণা অণ্ডজানং সুপণ্ণানং সহব্যতং উপপজ্জতী’’তি? ‘‘ইধ, ভিক্খু, একচ্চো কাযেন দ্ৰযকারী হোতি, ৰাচায দ্ৰযকারী, মনসা দ্ৰযকারী. তস্স সুতং হোতি – ‘অণ্ডজা সুপণ্ণা দীঘাযুকা ৰণ্ণৰন্তো সুখবহুলা’তি. তস্স এৰং হোতি – ‘অহো ৰতাহং কাযস্স ভেদা পরং মরণা অণ্ডজানং সুপণ্ণানং সহব্যতং উপপজ্জেয্য’ন্তি. সো কাযস্স ভেদা পরং মরণা অণ্ডজানং সুপণ্ণানং সহব্যতং উপপজ্জতি. অযং খো, ভিক্খু, হেতু, অযং পচ্চযো, যেন মিধেকচ্চো কাযস্স ভেদা পরং মরণা অণ্ডজানং সুপণ্ণানং সহব্যতং উপপজ্জতী’’তি. ততিযং.