৭. কম্মকথা

২৩৪. অহোসি কম্মং, অহোসি কম্মৰিপাকো. অহোসি কম্মং, নাহোসি কম্মৰিপাকো. অহোসি কম্মং, অত্থি কম্মৰিপাকো. অহোসি কম্মং, নত্থি কম্মৰিপাকো. অহোসি কম্মং, ভৰিস্সতি কম্মৰিপাকো. অহোসি কম্মং, ন ভৰিস্সতি কম্মৰিপাকো. [অতীতকম্মং]

অত্থি কম্মং, অত্থি কম্মৰিপাকো. অত্থি কম্মং, নত্থি কম্মৰিপাকো. অত্থি কম্মং, ভৰিস্সতি কম্মৰিপাকো. অত্থি কম্মং, ন ভৰিস্সতি কম্মৰিপাকো. [পচ্চুপ্পন্নকম্মং]

ভৰিস্সতি কম্মং, ভৰিস্সতি কম্মৰিপাকো. ভৰিস্সতি কম্মং, ন ভৰিস্সতি কম্মৰিপাকো. [অনাগতকম্মং]

২৩৫. অহোসি কুসলং কম্মং, অহোসি কুসলস্স কম্মস্স ৰিপাকো. অহোসি কুসলং কম্মং, নাহোসি কুসলস্স কম্মস্স ৰিপাকো. অহোসি কুসলং কম্মং, অত্থি কুসলস্স কম্মস্স ৰিপাকো. অহোসি কুসলং কম্মং, নত্থি কুসলস্স কম্মস্স ৰিপাকো. অহোসি কুসলং কম্মং, ভৰিস্সতি কুসলস্স কম্মস্স ৰিপাকো. অহোসি কুসলং কম্মং, ন ভৰিস্সতি কুসলস্স কম্মস্স ৰিপাকো.

অত্থি কুসলং কম্মং, অত্থি কুসলস্স কম্মস্স ৰিপাকো. অত্থি কুসলং কম্মং, নত্থি কুসলস্স কম্মস্স ৰিপাকো. অত্থি কুসলং কম্মং, ভৰিস্সতি কুসলস্স কম্মস্স ৰিপাকো. অত্থি কুসলং কম্মং, ন ভৰিস্সতি কুসলস্স কম্মস্স ৰিপাকো.

ভৰিস্সতি কুসলং কম্মং, ভৰিস্সতি কুসলস্স কম্মস্স ৰিপাকো. ভৰিস্সতি কুসলং কম্মং, ন ভৰিস্সতি কুসলস্স কম্মস্স ৰিপাকো.

অহোসি অকুসলং কম্মং, অহোসি অকুসলস্স কম্মস্স ৰিপাকো. অহোসি অকুসলং কম্মং, নাহোসি অকুসলস্স কম্মস্স ৰিপাকো. অহোসি অকুসলং কম্মং, অত্থি অকুসলস্স কম্মস্স ৰিপাকো. অহোসি অকুসলং কম্মং, নত্থি অকুসলস্স কম্মস্স ৰিপাকো. অহোসি অকুসলং কম্মং, ভৰিস্সতি অকুসলস্স কম্মস্স ৰিপাকো. অহোসি অকুসলং কম্মং, ন ভৰিস্সতি অকুসলস্স কম্মস্স ৰিপাকো.

অত্থি অকুসলং কম্মং, অত্থি অকুসলস্স কম্মস্স ৰিপাকো. অত্থি অকুসলং কম্মং, নত্থি অকুসলস্স কম্মস্স ৰিপাকো. অত্থি অকুসলং কম্মং, ভৰিস্সতি অকুসলস্স কম্মস্স ৰিপাকো. অত্থি অকুসলং কম্মং, ন ভৰিস্সতি অকুসলস্স কম্মস্স ৰিপাকো.

ভৰিস্সতি অকুসলং কম্মং, ভৰিস্সতি অকুসলস্স কম্মস্স ৰিপাকো. ভৰিস্সতি অকুসলং কম্মং, ন ভৰিস্সতি অকুসলস্স কম্মস্স ৰিপাকো.

অহোসি সাৰজ্জং কম্মং…পে… অহোসি অনৰজ্জং কম্মং…পে… অহোসি কণ্হং কম্মং…পে… অহোসি সুক্কং কম্মং…পে… অহোসি সুখুদ্রযং কম্মং…পে… অহোসি দুক্খুদ্রযং কম্মং…পে… অহোসি সুখৰিপাকং কম্মং…পে… অহোসি দুক্খৰিপাকং কম্মং, অহোসি দুক্খৰিপাকস্স কম্মস্স ৰিপাকো. অহোসি দুক্খৰিপাকং কম্মং, নাহোসি দুক্খৰিপাকস্স কম্মস্স ৰিপাকো. অহোসি দুক্খৰিপাকং কম্মং, অত্থি দুক্খৰিপাকস্স কম্মস্স ৰিপাকো. অহোসি দুক্খৰিপাকং কম্মং, নত্থি দুক্খৰিপাকস্স কম্মস্স ৰিপাকো. অহোসি দুক্খৰিপাকং কম্মং, ভৰিস্সতি দুক্খৰিপাকস্স কম্মস্স ৰিপাকো. অহোসি দুক্খৰিপাকং কম্মং, ন ভৰিস্সতি দুক্খৰিপাকস্স কম্মস্স ৰিপাকো.

অত্থি দুক্খৰিপাকং কম্মং, অত্থি দুক্খৰিপাকস্স কম্মস্স ৰিপাকো. অত্থি দুক্খৰিপাকং কম্মং, নত্থি দুক্খৰিপাকস্স কম্মস্স ৰিপাকো. অত্থি দুক্খৰিপাকং কম্মং, ভৰিস্সতি দুক্খৰিপাকস্স কম্মস্স ৰিপাকো. অত্থি দুক্খৰিপাকং কম্মং, ন ভৰিস্সতি দুক্খৰিপাকস্স কম্মস্স ৰিপাকো.

ভৰিস্সতি দুক্খৰিপাকং কম্মং, ভৰিস্সতি দুক্খৰিপাকস্স কম্মস্স ৰিপাকো. ভৰিস্সতি দুক্খৰিপাকং কম্মং, ন ভৰিস্সতি দুক্খৰিপাকস্স কম্মস্স ৰিপাকোতি.

কম্মকথা নিট্ঠিতা.