৭১. মহাকরুণাঞাণনিদ্দেসো

১১৭. কতমং তথাগতস্স মহাকরুণাসমাপত্তিযা ঞাণং? বহুকেহি আকারেহি পস্সন্তানং বুদ্ধানং ভগৰন্তানং সত্তেসু মহাকরুণা ওক্কমতি. আদিত্তো লোকসন্নিৰাসোতি – পস্সন্তানং বুদ্ধানং ভগৰন্তানং সত্তেসু মহাকরুণা ওক্কমতি. উয্যুত্তো লোকসন্নিৰাসোতি – পস্সন্তানং বুদ্ধানং ভগৰন্তানং সত্তেসু মহাকরুণা ওক্কমতি. পযাতো লোকসন্নিৰাসোতি – পস্সন্তানং বুদ্ধানং ভগৰন্তানং সত্তেসু মহাকরুণা ওক্কমতি. কুম্মগ্গপ্পটিপন্নো [কুম্মগ্গং পটিপন্নো (স্যা.)] লোকসন্নিৰাসোতি – পস্সন্তানং বুদ্ধানং ভগৰন্তানং সত্তেসু মহাকরুণা ওক্কমতি. উপনীযতি লোকো অদ্ধুৰোতি – পস্সন্তানং বুদ্ধানং ভগৰন্তানং সত্তেসু মহাকরুণা ওক্কমতি. অতাণো [অত্তাণো (স্যা.)] লোকো অনভিস্সরোতি – পস্সন্তানং বুদ্ধানং ভগৰন্তানং সত্তেসু মহাকরুণা ওক্কমতি. অস্সকো লোকো, সব্বং পহায গমনীযন্তি – পস্সন্তানং বুদ্ধানং ভগৰন্তানং সত্তেসু মহাকরুণা ওক্কমতি. ঊনো লোকো অতীতো তণ্হাদাসোতি – পস্সন্তানং বুদ্ধানং ভগৰন্তানং সত্তেসু মহাকরুণা ওক্কমতি. অতাযনো লোকসন্নিৰাসোতি – পস্সন্তানং…পে… অলেণো লোকসন্নিৰাসোতি – পস্সন্তানং …পে… অসরণো লোকসন্নিৰাসোতি – পস্সন্তানং…পে… অসরণীভূতো লোকসন্নিৰাসোতি – পস্সন্তানং…পে….

উদ্ধতো লোকো অৰূপসন্তোতি – পস্সন্তানং…পে… সসল্লো লোকসন্নিৰাসো, ৰিদ্ধো পুথুসল্লেহি; তস্স নত্থঞ্ঞো কোচি সল্লানং উদ্ধতা, অঞ্ঞত্র মযাতি – পস্সন্তানং…পে… অৰিজ্জন্ধকারাৰরণো লোকসন্নিৰাসো অণ্ডভূতো কিলেসপঞ্জরপক্খিত্তো; তস্স নত্থঞ্ঞো কোচি আলোকং দস্সেতা, অঞ্ঞত্র মযাতি – পস্সন্তানং…পে… অৰিজ্জাগতো লোকসন্নিৰাসো অণ্ডভূতো পরিযোনদ্ধো তন্তাকুলকজাতো [তন্তাকুলজাতো (স্যা.)] কুলাগণ্ডিকজাতো [গুল়াগুণ্ঠিকজাতো (স্যা.), গুলাগুণ্ডিকজাতো (ক. সী. অট্ঠ.) দী. নি. ২.৯৫ পস্সিতব্বা] মুঞ্জপব্বজভূতো অপাযং দুগ্গতিং ৰিনিপাতং সংসারং নাতিৰত্ততীতি – পস্সন্তানং…পে… অৰিজ্জাৰিসদোসসংলিত্তো লোকসন্নিৰাসো কিলেসকললীভূতোতি – পস্সন্তানং…পে… রাগদোসমোহজটাজটিতো লোকসন্নিৰাসো; তস্স নত্থঞ্ঞো কোচি জটং ৰিজটেতা, অঞ্ঞত্র মযাতি – পস্সন্তানং…পে….

তণ্হাসঙ্ঘাটপটিমুক্কো লোকসন্নিৰাসোতি – পস্সন্তানং…পে… তণ্হাজালেন ওত্থটো [ওত্থতো (ক.)] লোকসন্নিৰাসোতি – পস্সন্তানং…পে… তণ্হাসোতেন ৰুয্হতি লোকসন্নিৰাসোতি – পস্সন্তানং…পে… তণ্হাসঞ্ঞোজনেন সঞ্ঞুত্তো লোকসন্নিৰাসোতি – পস্সন্তানং…পে… তণ্হানুসযেন অনুসটো লোকসন্নিৰাসোতি – পস্সন্তানং…পে… তণ্হাসন্তাপেন সন্তপ্পতি লোকসন্নিৰাসোতি – পস্সন্তানং…পে… তণ্হাপরিল়াহেন পরিডয্হতি লোকসন্নিৰাসোতি – পস্সন্তানং…পে….

দিট্ঠিসঙ্ঘাটপটিমুক্কো লোকসন্নিৰাসোতি – পস্সন্তানং…পে… দিট্ঠিজালেন ওত্থটো লোকসন্নিৰাসোতি – পস্সন্তানং…পে… দিট্ঠিসোতেন ৰুয্হতি লোকসন্নিৰাসোতি – পস্সন্তানং…পে… দিট্ঠিসঞ্ঞোজনেন সঞ্ঞুত্তো লোকসন্নিৰাসোতি – পস্সন্তানং…পে… দিট্ঠানুসযেন অনুসটো লোকসন্নিৰাসোতি – পস্সন্তানং…পে… দিট্ঠিসন্তাপেন সন্তপ্পতি লোকসন্নিৰাসোতি – পস্সন্তানং…পে… দিট্ঠিপরিল়াহেন পরিডয্হতি লোকসন্নিৰাসোতি – পস্সন্তানং…পে….

জাতিযা অনুগতো লোকসন্নিৰাসোতি – পস্সন্তানং…পে… জরায অনুসটো লোকসন্নিৰাসোতি – পস্সন্তানং…পে… ব্যাধিনা অভিভূতো লোকসন্নিৰাসোতি – পস্সন্তানং …পে… মরণেন অব্ভাহতো লোকসন্নিৰাসোতি – পস্সন্তানং…পে… দুক্খে পতিট্ঠিতো লোকসন্নিৰাসোতি – পস্সন্তানং…পে….

তণ্হায উড্ডিতো লোকসন্নিৰাসোতি – পস্সন্তানং…পে… জরাপাকারপরিক্খিত্তো লোকসন্নিৰাসোতি – পস্সন্তানং…পে… মচ্চুপাসেন পরিক্খিত্তো লোকসন্নিৰাসোতি – পস্সন্তানং…পে… মহাবন্ধনবন্ধো লোকসন্নিৰাসো – রাগবন্ধনেন দোসবন্ধনেন মোহবন্ধনেন মানবন্ধনেন দিট্ঠিবন্ধনেন কিলেসবন্ধনেন দুচ্চরিতবন্ধনেন; তস্স নত্থঞ্ঞো কোচি বন্ধনং মোচেতা, অঞ্ঞত্র মযাতি – পস্সন্তানং…পে… মহাসম্বাধপ্পটিপন্নো লোকসন্নিৰাসো; তস্স নত্থঞ্ঞো কোচি ওকাসং দস্সেতা, অঞ্ঞত্র মযাতি – পস্সন্তানং… মহাপলিবোধেন পলিবুদ্ধো লোকসন্নিৰাসো; তস্স নত্থঞ্ঞো কোচি পলিবোধং ছেতা, অঞ্ঞত্র মযাতি – পস্সন্তানং…পে… মহাপপাতে পতিতো লোকসন্নিৰাসো; তস্স নত্থঞ্ঞো কোচি পপাতা উদ্ধতা, অঞ্ঞত্র মযাতি – পস্সন্তানং…পে… মহাকন্তারপ্পটিপন্নো লোকসন্নিৰাসো; তস্স নত্থঞ্ঞো কোচি কন্তারং তারেতা, অঞ্ঞত্র মযাতি – পস্সন্তানং…পে… মহাসংসারপ্পটিপন্নো লোকসন্নিৰাসো; তস্স নত্থঞ্ঞো কোচি সংসারা মোচেতা, অঞ্ঞত্র মযাতি – পস্সন্তানং…পে… মহাৰিদুগ্গে সম্পরিৰত্ততি লোকসন্নিৰাসো; তস্স নত্থঞ্ঞো কোচি ৰিদুগ্গা উদ্ধতা, অঞ্ঞত্র মযাতি – পস্সন্তানং…পে… মহাপলিপে [মহাপল্লেপে (স্যা.)] পলিপন্নো লোকসন্নিৰাসো; তস্স নত্থঞ্ঞো কোচি পলিপা উদ্ধতা, অঞ্ঞত্র মযাতি – পস্সন্তানং…পে….

অব্ভাহতো লোকসন্নিৰাসোতি – পস্সন্তানং…পে… আদিত্তো লোকসন্নিৰাসো – রাগগ্গিনা দোসগ্গিনা মোহগ্গিনা জাতিযা জরায মরণেন সোকেহি পরিদেৰেহি দুক্খেহি দোমনস্সেহি উপাযাসেহি; তস্স নত্থঞ্ঞো কোচি নিব্বাপেতা, অঞ্ঞত্র মযাতি – পস্সন্তানং…পে… উন্নীতকো লোকসন্নিৰাসো হঞ্ঞতি নিচ্চমতাণো পত্তদণ্ডো তক্করোতি – পস্সন্তানং…পে… ৰজ্জবন্ধনবদ্ধো লোকসন্নিৰাসো আঘাতনপচ্চুপট্ঠিতো; তস্স নত্থঞ্ঞো কোচি বন্ধনং মোচেতা, অঞ্ঞত্র মযাতি – পস্সন্তানং…পে… অনাথো লোকসন্নিৰাসো পরমকারুঞ্ঞপ্পত্তো; তস্স নত্থঞ্ঞো কোচি তাযেতা, অঞ্ঞত্র মযাতি – পস্সন্তানং…পে… দুক্খাভিতুন্নো [দুক্খাভিতুণ্ণো (ক.)] লোকসন্নিৰাসো চিররত্তং পীল়িতোতি – পস্সন্তানং…পে… গধিতো লোকসন্নিৰাসো নিচ্চং পিপাসিতোতি – পস্সন্তানং…পে….

অন্ধো লোকসন্নিৰাসো অচক্খুকোতি – পস্সন্তানং…পে… হতনেত্তো লোকসন্নিৰাসো অপরিণাযকোতি – পস্সন্তানং…পে… ৰিপথপক্খন্দো [ৰিপথং পক্খন্তো (স্যা.)] লোকসন্নিৰাসো অঞ্জসাপরদ্ধো; তস্স নত্থঞ্ঞো কোচি অরিযপথং আনেতা, অঞ্ঞত্র মযাতি – পস্সন্তানং…পে… মহোঘপক্খন্দো লোকসন্নিৰাসো; তস্স নত্থঞ্ঞো কোচি ওঘা উদ্ধতা, অঞ্ঞত্র মযাতি – পস্সন্তানং…পে….

১১৮. দ্ৰীহি দিট্ঠিগতেহি পরিযুট্ঠিতো লোকসন্নিৰাসোতি – পস্সন্তানং…পে… তীহি দুচ্চরিতেহি ৰিপ্পটিপন্নো লোকসন্নিৰাসোতি – পস্সন্তানং…পে… চতূহি যোগেহি যুত্তো লোকসন্নিৰাসো চতুযোগযোজিতোতি – পস্সন্তানং…পে… চতূহি গন্থেহি [গণ্ঠেহি (স্যা.)] গন্থিতো লোকসন্নিৰাসোতি – পস্সন্তানং…পে… চতূহি উপাদানেহি উপাদিযতি লোকসন্নিৰাসোতি – পস্সন্তানং…পে… পঞ্চগতিসমারুল়্হো লোকসন্নিৰাসোতি – পস্সন্তানং…পে… পঞ্চহি কামগুণেহি রজ্জতি লোকসন্নিৰাসোতি – পস্সন্তানং…পে… পঞ্চহি নীৰরণেহি ওত্থটো লোকসন্নিৰাসোতি – পস্সন্তানং…পে… ছহি ৰিৰাদমূলেহি ৰিৰদতি লোকসন্নিৰাসোতি – পস্সন্তানং…পে… ছহি তণ্হাকাযেহি রজ্জতি লোকসন্নিৰাসোতি – পস্সন্তানং…পে… ছহি দিট্ঠিগতেহি পরিযুট্ঠিতো লোকসন্নিৰাসোতি – পস্সন্তানং …পে… সত্তহি অনুসযেহি অনুসটো লোকসন্নিৰাসোতি – পস্সন্তানং…পে… সত্তহি সঞ্ঞোজনেহি সঞ্ঞুত্তো লোকসন্নিৰাসোতি – পস্সন্তানং…পে… সত্তহি মানেহি উন্নতো [উণ্ণতো (স্যা. ক.)] লোকসন্নিৰাসোতি – পস্সন্তানং…পে… অট্ঠহি লোকধম্মেহি সম্পরিৰত্ততি লোকসন্নিৰাসোতি – পস্সন্তানং…পে… অট্ঠহি মিচ্ছত্তেহি নিয্যাতো লোকসন্নিৰাসোতি – পস্সন্তানং…পে… অট্ঠহি পুরিসদোসেহি দুস্সতি লোকসন্নিৰাসোতি – পস্সন্তানং…পে… নৰহি আঘাতৰত্থূহি আঘাতিতো লোকসন্নিৰাসোতি – পস্সন্তানং …পে… নৰৰিধমানেহি উন্নতো লোকসন্নিৰাসোতি – পস্সন্তানং…পে… নৰহি তণ্হামূলকেহি ধম্মেহি রজ্জতি লোকসন্নিৰাসোতি – পস্সন্তানং…পে… দসহি কিলেসৰত্থূহি কিলিস্সতি লোকসন্নিৰাসোতি – পস্সন্তানং…পে… দসহি আঘাতৰত্থূহি আঘাতিতো লোকসন্নিৰাসোতি – পস্সন্তানং…পে… দসহি অকুসলকম্মপথেহি সমন্নাগতো লোকসন্নিৰাসোতি – পস্সন্তানং…পে… দসহি সঞ্ঞোজনেহি সঞ্ঞুত্তো লোকসন্নিৰাসোতি – পস্সন্তানং…পে… দসহি মিচ্ছত্তেহি নিয্যাতো লোকসন্নিৰাসোতি – পস্সন্তানং…পে… দসৰত্থুকায মিচ্ছাদিট্ঠিযা সমন্নাগতো লোকসন্নিৰাসোতি – পস্সন্তানং…পে… দসৰত্থুকায অন্তগ্গাহিকায দিট্ঠিযা সমন্নাগতো লোকসন্নিৰাসোতি – পস্সন্তানং…পে… অট্ঠসততণ্হাপপঞ্চসতেহি পপঞ্চিতো লোকসন্নিৰাসোতি – পস্সন্তানং বুদ্ধানং ভগৰন্তানং সত্তেসু মহাকরুণা ওক্কমতি. দ্ৰাসট্ঠিযা দিট্ঠিগতেহি পরিযুট্ঠিতো লোকসন্নিৰাসোতি – পস্সন্তানং বুদ্ধানং ভগৰন্তানং সত্তেসু মহাকরুণা ওক্কমতি.

অহঞ্চম্হি তিণ্ণো, লোকো চ অতিণ্ণো অহং চম্হি মুত্তো, লোকো চ অমুত্তো; অহঞ্চম্হি দন্তো, লোকো চ অদন্তো; অহং চম্হি সন্তো, লোকো চ অসন্তো; অহং চম্হি অস্সত্থো, লোকো চ অনস্সত্থো; অহং চম্হি পরিনিব্বুতো, লোকো চ অপরিনিব্বুতো; পহোমি খ্ৰাহং তিণ্ণো তারেতুং, মুত্তো মোচেতুং, দন্তো দমেতুং, সন্তো সমেতুং, অস্সত্থো অস্সাসেতুং, পরিনিব্বুতো পরে চ পরিনিব্বাপেতুন্তি – পস্সন্তানং বুদ্ধানং ভগৰন্তানং সত্তেসু মহাকরুণা ওক্কমতি. ইদং তথাগতস্স মহাকরুণাসমাপত্তিযা ঞাণং.

মহাকরুণাঞাণনিদ্দেসো একসত্ততিমো.