৮. ততিযওৰাদসুত্তৰণ্ণনা

১৫১. অট্ঠমে তথা হি পনাতি পুব্বে সোৰচস্সতায, এতরহি চ দোৰচস্সতায কারণপট্ঠপনে নিপাতো. তত্রাতি তেসু থেরেসু. কো নামাযং ভিক্খূতি কো নামো অযং ভিক্খু? কিং তিস্সত্থেরো কিং নাগত্থেরোতি? তত্রাতি তস্মিং এৰং সক্কারে কযিরমানে. তথত্তাযাতি তথাভাৰায, আরঞ্ঞিকাদিভাৰাযাতি অত্থো. সব্রহ্মচারিকামোতি ‘‘ইমে মং পরিৰারেত্ৰা চরন্তূ’’তি এৰং কামেতি ইচ্ছতি পত্থেতীতি সব্রহ্মচারিকামো. তথত্তাযাতি লাভসক্কারনিব্বত্তনত্থায. ব্রহ্মচারুপদ্দৰেনাতি যো সব্রহ্মচারীনং চতূসু পচ্চযেসু অধিমত্তচ্ছন্দরাগো উপদ্দৰোতি ৰুচ্চতি, তেন উপদ্দুতা. অভিপত্থনাতি অধিমত্তপত্থনা. ব্রহ্মচারিঅভিপত্থনেনাতি ব্রহ্মচারীনং অধিমত্তপত্থনাসঙ্খাতেন চতুপচ্চযভাৰেন. অট্ঠমং.