৪. পচ্চুপ্পন্নাতীতৰারো

(ক) অনুলোমং

৪৫৯. (ক) যো চক্খুন্দ্রিযং পরিজানাতি সো দোমনস্সিন্দ্রিযং পজহিত্থাতি? আমন্তা.

(খ) যো ৰা পন দোমনস্সিন্দ্রিযং পজহিত্থ সো চক্খুন্দ্রিযং পরিজানাতীতি?

দ্ৰে পুগ্গলা দোমনস্সিন্দ্রিযং পজহিত্থ, নো চ চক্খুন্দ্রিযং পরিজানন্তি. অগ্গমগ্গসমঙ্গী দোমনস্সিন্দ্রিযঞ্চ পজহিত্থ চক্খুন্দ্রিযঞ্চ পরিজানন্তি.

(ক) যো চক্খুন্দ্রিযং পরিজানাতি সো অনঞ্ঞাতঞ্ঞস্সামীতিন্দ্রিযং ভাৰিত্থাতি? আমন্তা.

(খ) যো ৰা পন অনঞ্ঞাতঞ্ঞস্সামীতিন্দ্রিযং ভাৰিত্থ সো চক্খুন্দ্রিযং পরিজানাতীতি?

ছ পুগ্গলা অনঞ্ঞাতঞ্ঞস্সামীতিন্দ্রিযং ভাৰিত্থ, নো চ চক্খুন্দ্রিযং পরিজানন্তি. অগ্গমগ্গসমঙ্গী অনঞ্ঞাতঞ্ঞস্সামীতিন্দ্রিযঞ্চ ভাৰিত্থ চক্খুন্দ্রিযঞ্চ পরিজানাতি.

(ক) যো চক্খুন্দ্রিযং পরিজানাতি সো অঞ্ঞিন্দ্রিযং ভাৰিত্থাতি? নো.

(খ) যো ৰা পন অঞ্ঞিন্দ্রিযং ভাৰিত্থ সো চক্খুন্দ্রিযং পরিজানাতীতি? নো.

(ক) যো চক্খুন্দ্রিযং পরিজানাতি সো অঞ্ঞাতাৰিন্দ্রিযং সচ্ছিকরিত্থাতি? নো.

(খ) যো ৰা পন অঞ্ঞাতাৰিন্দ্রিযং সচ্ছিকরিত্থ সো চক্খুন্দ্রিযং পরিজানাতীতি? নো. (চক্খুন্দ্রিযমূলকং)

৪৬০. (ক) যো দোমনস্সিন্দ্রিযং পজহতি সো অনঞ্ঞাতঞ্ঞস্সামীতিন্দ্রিযং ভাৰিত্থাতি? আমন্তা.

(খ) যো ৰা পন অনঞ্ঞাতঞ্ঞস্সামীতিন্দ্রিযং ভাৰিত্থ সো দোমনস্সিন্দ্রিযং পজহতীতি?

ছ পুগ্গলা অনঞ্ঞাতঞ্ঞস্সামীতিন্দ্রিযং ভাৰিত্থ, নো চ দোমনস্সিন্দ্রিযং পজহন্তি. অনাগামিমগ্গসমঙ্গী অনঞ্ঞাতঞ্ঞস্সামীতিন্দ্রিযঞ্চ ভাৰিত্থ দোমনস্সিন্দ্রিযঞ্চ পজহতি.

(ক) যো দোমনস্সিন্দ্রিযং পজহতি সো অঞ্ঞিন্দ্রিযং ভাৰিত্থাতি? নো.

(খ) যো ৰা পন অঞ্ঞিন্দ্রিযং ভাৰিত্থ সো দোমনস্সিন্দ্রিযং পজহতীতি? নো.

(ক) যো দোমনস্সিন্দ্রিযং পজহতি সো অঞ্ঞাতাৰিন্দ্রিযং সচ্ছিকরিত্থাতি? নো.

(খ) যো ৰা পন অঞ্ঞাতাৰিন্দ্রিযং সচ্ছিকরিত্থ সো দোমনস্সিন্দ্রিযং পজহতীতি? নো. (দোমনস্সিন্দ্রিযমূলকং)

৪৬১. (ক) যো অনঞ্ঞাতঞ্ঞস্সামীতিন্দ্রিযং ভাৰেতি সো অঞ্ঞিন্দ্রিযং ভাৰিত্থাতি? নো.

(খ) যো ৰা পন অঞ্ঞিন্দ্রিযং ভাৰিত্থ সো অনঞ্ঞাতঞ্ঞস্সামীতিন্দ্রিযং ভাৰেতীতি? নো.

(ক) যো অনঞ্ঞাতঞ্ঞস্সামীতিন্দ্রিযং ভাৰেতি সো অঞ্ঞাতাৰিন্দ্রিযং সচ্ছিকরিত্থাতি? নো.

(খ) যো ৰা পন অঞ্ঞাতাৰিন্দ্রিযং সচ্ছিকরিত্থ সো অনঞ্ঞাতঞ্ঞস্সামীতিন্দ্রিযং ভাৰেতীতি? নো. (অনঞ্ঞাতঞ্ঞস্সামীতিন্দ্রিযমূলকং)

৪৬২. (ক) যো অঞ্ঞিন্দ্রিযং ভাৰেতি সো অঞ্ঞাতাৰিন্দ্রিযং সচ্ছিকরিত্থাতি? নো.

(খ) যো ৰা পন অঞ্ঞাতাৰিন্দ্রিযং সচ্ছিকরিত্থ সো অঞ্ঞিন্দ্রিযং ভাৰেতীতি? নো. (অঞ্ঞিন্দ্রিযমূলকং)

(খ) পচ্চনীকং

৪৬৩. (ক) যো চক্খুন্দ্রিযং ন পরিজানাতি সো দোমনস্সিন্দ্রিযং নপ্পজহিত্থাতি?

দ্ৰে পুগ্গলা চক্খুন্দ্রিযং ন পরিজানন্তি, নো চ দোমনস্সিন্দ্রিযং নপ্পজহিত্থ. ছ পুগ্গলা চক্খুন্দ্রিযঞ্চ ন পরিজানন্তি দোমনস্সিন্দ্রিযঞ্চ নপ্পজহিত্থ.

(খ) যো ৰা পন দোমনস্সিন্দ্রিযং নপ্পজহিত্থ সো চক্খুন্দ্রিযং ন পরিজানাতীতি? আমন্তা.

(ক) যো চক্খুন্দ্রিযং ন পরিজানাতি সো অনঞ্ঞাতঞ্ঞস্সামীতিন্দ্রিযং ন ভাৰিত্থাতি?

ছ পুগ্গলা চক্খুন্দ্রিযং ন পরিজানন্তি, নো চ অনঞ্ঞাতঞ্ঞস্সামীতিন্দ্রিযং ন ভাৰিত্থ. দ্ৰে পুগ্গলা চক্খুন্দ্রিযঞ্চ ন পরিজানন্তি অনঞ্ঞাতঞ্ঞস্সামীতিন্দ্রিযঞ্চ ন ভাৰিত্থ.

(খ) যো ৰা পন অনঞ্ঞাতঞ্ঞস্সামীতিন্দ্রিযং ন ভাৰিত্থ সো চক্খুন্দ্রিযং ন পরিজানাতীতি? আমন্তা.

(ক) যো চক্খুন্দ্রিযং ন পরিজানাতি সো অঞ্ঞিন্দ্রিযং ন ভাৰিত্থাতি?

অরহা চক্খুন্দ্রিযং ন পরিজানাতি, নো চ অঞ্ঞিন্দ্রিযং ন ভাৰিত্থ. সত্ত পুগ্গলা চক্খুন্দ্রিযঞ্চ ন পরিজানন্তি অঞ্ঞিন্দ্রিযঞ্চ ন ভাৰিত্থ.

(খ) যো ৰা পন অঞ্ঞিন্দ্রিযং ন ভাৰিত্থ সো চক্খুন্দ্রিযং ন পরিজানাতীতি?

অগ্গমগ্গসমঙ্গী অঞ্ঞিন্দ্রিযং ন ভাৰিত্থ, নো চ চক্খুন্দ্রিযং ন পরিজানাতি. সত্ত পুগ্গলা অঞ্ঞিন্দ্রিযঞ্চ ন ভাৰিত্থ চক্খুন্দ্রিযঞ্চ ন পরিজানন্তি.

(ক) যো চক্খুন্দ্রিযং ন পরিজানাতি সো অঞ্ঞাতাৰিন্দ্রিযং ন সচ্ছিকরিত্থাতি?

অরহা চক্খুন্দ্রিযং ন পরিজানাতি, নো চ অঞ্ঞাতাৰিন্দ্রিযং ন সচ্ছিকরিত্থ. অট্ঠ পুগ্গলা চক্খুন্দ্রিযঞ্চ ন পরিজানন্তি অঞ্ঞাতাৰিন্দ্রিযঞ্চ ন সচ্ছিকরিত্থ.

(খ) যো ৰা পন অঞ্ঞাতাৰিন্দ্রিযং ন সচ্ছিকরিত্থ সো চক্খুন্দ্রিযং ন পরিজানাতীতি?

অগ্গমগ্গসমঙ্গী অঞ্ঞাতাৰিন্দ্রিযং ন সচ্ছিকরিত্থ, নো চ চক্খুন্দ্রিযং ন পরিজানাতি. অট্ঠ পুগ্গলা অঞ্ঞাতাৰিন্দ্রিযঞ্চ ন সচ্ছিকরিত্থ চক্খুন্দ্রিযঞ্চ ন পরিজানন্তি. (চক্খুন্দ্রিযমূলকং)

৪৬৪. (ক) যো দোমনস্সিন্দ্রিযং নপ্পজহতি সো অনঞ্ঞাতঞ্ঞস্সামীতিন্দ্রিযং ন ভাৰিত্থাতি?

ছ পুগ্গলা দোমনস্সিন্দ্রিযং নপ্পজহন্তি, নো চ অনঞ্ঞাতঞ্ঞস্সামীতিন্দ্রিযং ন ভাৰিত্থ. দ্ৰে পুগ্গলা দোমনস্সিন্দ্রিযঞ্চ নপ্পজহন্তি অনঞ্ঞাতঞ্ঞস্সামীতিন্দ্রিযঞ্চ ন ভাৰিত্থ.

(খ) যো ৰা পন অনঞ্ঞাতঞ্ঞস্সামীতিন্দ্রিযং ন ভাৰিত্থ সো দোমনস্সিন্দ্রিযং নপ্পজহতীতি? আমন্তা.

(ক) যো দোমনস্সিন্দ্রিযং নপ্পজহতি সো অঞ্ঞিন্দ্রিযং ন ভাৰিত্থাতি?

অরহা দোমনস্সিন্দ্রিযং নপ্পজহতি, নো চ অঞ্ঞিন্দ্রিযং ন ভাৰিত্থ. সত্ত পুগ্গলা দোমনস্সিন্দ্রিযঞ্চ নপ্পজহন্তি অঞ্ঞিন্দ্রিযঞ্চ ন ভাৰিত্থ.

(খ) যো ৰা পন অঞ্ঞিন্দ্রিযং ন ভাৰিত্থ সো দোমনস্সিন্দ্রিযং নপ্পজহতীতি?

অনাগামিমগ্গসমঙ্গী অঞ্ঞিন্দ্রিযং ন ভাৰিত্থ, নো চ দোমনস্সিন্দ্রিযং নপ্পজহতি. সত্ত পুগ্গলা অঞ্ঞিন্দ্রিযঞ্চ ন ভাৰিত্থ দোমনস্সিন্দ্রিযঞ্চ নপ্পজহন্তি.

(ক) যো দোমনস্সিন্দ্রিযং নপ্পজহতি সো অঞ্ঞাতাৰিন্দ্রিযং ন সচ্ছিকরিত্থাতি?

অরহা দোমনস্সিন্দ্রিযং নপ্পজহতি, নো চ অঞ্ঞাতাৰিন্দ্রিযং ন সচ্ছিকরিত্থ. অট্ঠ পুগ্গলা দোমনস্সিন্দ্রিযঞ্চ নপ্পজহন্তি অঞ্ঞাতাৰিন্দ্রিযঞ্চ ন সচ্ছিকরিত্থ.

(খ) যো ৰা পন অঞ্ঞাতাৰিন্দ্রিযং ন সচ্ছিকরিত্থ সো দোমনস্সিন্দ্রিযং নপ্পজহতীতি?

অনাগামিমগ্গসমঙ্গী অঞ্ঞাতাৰিন্দ্রিযং ন সচ্ছিকরিত্থ, নো চ দোমনস্সিন্দ্রিযং নপ্পজহতি. অট্ঠ পুগ্গলা অঞ্ঞাতাৰিন্দ্রিযঞ্চ ন সচ্ছিকরিত্থ দোমনস্সিন্দ্রিযঞ্চ নপ্পজহন্তি. (দোমনস্সিন্দ্রিযমূলকং)

৪৬৫. (ক) যো অনঞ্ঞাতঞ্ঞস্সামীতিন্দ্রিযং ন ভাৰেতি সো অঞ্ঞিন্দ্রিযং ন ভাৰিত্থাতি?

অরহা অনঞ্ঞাতঞ্ঞস্সামীতিন্দ্রিযং ন ভাৰেতি, নো চ অঞ্ঞিন্দ্রিযং ন ভাৰিত্থ. সত্ত পুগ্গলা অনঞ্ঞাতঞ্ঞস্সামীতিন্দ্রিযঞ্চ ন ভাৰেন্তি অঞ্ঞিন্দ্রিযঞ্চ ন ভাৰিত্থ.

(খ) যো ৰা পন অঞ্ঞিন্দ্রিযং ন ভাৰিত্থ সো অনঞ্ঞাতঞ্ঞস্সামীতিন্দ্রিযং ন ভাৰেতীতি?

অট্ঠমকো অঞ্ঞিন্দ্রিযং ন ভাৰিত্থ, নো চ অনঞ্ঞাতঞ্ঞস্সামীতিন্দ্রিযং ন ভাৰেতি. সত্ত পুগ্গলা অঞ্ঞিন্দ্রিযঞ্চ ন ভাৰিত্থ অনঞ্ঞাতঞ্ঞস্সামীতিন্দ্রিযঞ্চ ন ভাৰেন্তি.

(ক) যো অনঞ্ঞাতঞ্ঞস্সামীতিন্দ্রিযং ন ভাৰেতি সো অঞ্ঞাতাৰিন্দ্রিযং ন সচ্ছিকরিত্থাতি?

অরহা অনঞ্ঞাতঞ্ঞস্সামীতিন্দ্রিযং ন ভাৰেতি, নো চ অঞ্ঞাতাৰিন্দ্রিযং ন সচ্ছিকরিত্থ. অট্ঠ [সত্ত (সী. স্যা. ক.)] পুগ্গলা অনঞ্ঞাতঞ্ঞস্সামীতিন্দ্রিযঞ্চ ন ভাৰেন্তি অঞ্ঞাতাৰিন্দ্রিযঞ্চ ন সচ্ছিকরিত্থ.

(খ) যো ৰা পন অঞ্ঞাতাৰিন্দ্রিযং ন সচ্ছিকরিত্থ সো অনঞ্ঞাতঞ্ঞস্সামীতিন্দ্রিযং ন ভাৰেতীতি?

অট্ঠমকো অঞ্ঞাতাৰিন্দ্রিযং ন সচ্ছিকরিত্থ, নো চ অনঞ্ঞাতঞ্ঞস্সামীতিন্দ্রিযং ন ভাৰেতি. অট্ঠ পুগ্গলা অঞ্ঞাতাৰিন্দ্রিযঞ্চ ন সচ্ছিকরিত্থ অনঞ্ঞাতঞ্ঞস্সামীতিন্দ্রিযঞ্চ ন ভাৰেন্তি. (অনঞ্ঞাতঞ্ঞস্সামীতিন্দ্রিযমূলকং)

৪৬৬. (ক) যো অঞ্ঞিন্দ্রিযং ন ভাৰেতি সো অঞ্ঞাতাৰিন্দ্রিযং ন সচ্ছিকরিত্থাতি?

অরহা অঞ্ঞিন্দ্রিযং ন ভাৰেতি, নো চ অঞ্ঞাতাৰিন্দ্রিযং ন সচ্ছিকরিত্থ. ছ [পঞ্চ (সী. স্যা. ক.)] পুগ্গলা অঞ্ঞিন্দ্রিযঞ্চ ন ভাৰেন্তি অঞ্ঞাতাৰিন্দ্রিযঞ্চ ন সচ্ছিকরিত্থ.

(খ) যো ৰা পন অঞ্ঞাতাৰিন্দ্রিযং ন সচ্ছিকরিত্থ সো অঞ্ঞিন্দ্রিযং ন ভাৰেতীতি?

তযো মগ্গসমঙ্গিনো অঞ্ঞাতাৰিন্দ্রিযং ন সচ্ছিকরিত্থ, নো চ অঞ্ঞিন্দ্রিযং ন ভাৰেন্তি. ছ [পঞ্চ (সী. স্যা. ক.)] পুগ্গলা অঞ্ঞাতাৰিন্দ্রিযঞ্চ ন সচ্ছিকরিত্থ অঞ্ঞিন্দ্রিযঞ্চ ন ভাৰেন্তি. (অঞ্ঞিন্দ্রিযমূলকং)